ਬਿਨਾਂ ਪਛਾਣ ਦੇ ਲਾਸ਼ ਦਾ ਅੰਤਿਮ ਸੰਸਕਾਰ ਕਿਉਂ? ਯੁਵਰਾਜ ਮਨਚੰਦਾ ਮਾਮਲੇ ’ਚ ਗੁਰੁਗ੍ਰਾਮ ਪੁਲਿਸ ’ਤੇ ਭੜਕਿਆ ਕੋਰਟ; ਰਿਪੋਰਟ ਤਲਬ

ਯੁਵਰਾਜ ਦੇ ਪਰਿਵਾਰ ਵੱਲੋਂ ਅਦਾਲਤ ’ਚ ਪੇਸ਼ ਹੋਏ ਸੀਨੀਅਰ ਵਕੀਲ ਅਮਿਤ ਪ੍ਰਸਾਦ, ਵਕੀਲ ਰਜਤ ਜੈਨ ਤੇ ਨਿਹਾਰਿਕਾ ਕੁਸ਼ਵਾਹਾ ਨੇ ਪੁਲਿਸ ਦੀ ਕਾਰਵਾਈ ’ਤੇ ਕਈ ਸਵਾਲ ਖੜ੍ਹੇ ਕੀਤੇ। ਉਨ੍ਹਾਂ ਨੇ ਦਲੀਲ ਦਿੱਤੀ ਕਿ ਪਰਿਵਾਰ ਵੱਲੋਂ ਪੁਲਿਸ ਨਾਲ ਸੰਪਰਕ ਕਰਨ ’ਤੇ ਕਥਿਤ ਤੌਰ ’ਤੇ ਉਨ੍ਹਾਂ ਨੂੰ ਯੁਵਰਾਜ ਨਾਲ ਮਿਲਦੇ-ਜੁਲਦੇ ਵਿਅਕਤੀ ਦੀਆਂ ਤਸਵੀਰਾਂ ਭੇਜੀਆਂ ਗਈਆਂ ਸਨ। ਪਰਿਵਾਰ ਵੱਲੋਂ ਇਹ ਵੀ ਸਵਾਲ ਉਠਾਇਆ ਗਿਆ ਕਿ ਲਾਸ਼ ਦੀ ਪਛਾਣ ਦੀ ਪੂਰੀ ਪ੍ਰਕਿਰਿਆ ਕਿਉਂ ਨਹੀਂ ਅਪਣਾਈ ਗਈ। ਇਸ ਮਾਮਲੇ ’ਚ ਲਾਜਪਤ ਨਗਰ ਥਾਣੇ ’ਚ FIR ਵੀ ਦਰਜ ਸੀ। ਇਹ ਦੋਸ਼ ਲਗਾਇਆ ਗਿਆ ਕਿ FIR ਦਰਜ ਹੋਣ ਦੇ ਬਾਵਜੂਦ ਲਾਸ਼ ਦੀ ਪਛਾਣ ਤੇ ਰਿਕਾਰਡ ਮਿਲਾਨ ਦੀ ਪ੍ਰਕਿਰਿਆ ’ਚ ਗੰਭੀਰ ਲਾਪਰਵਾਹੀ ਹੋਈ। ਵਕੀਲ ਵੱਲੋਂ ਇਹ ਵੀ ਦੋਸ਼ ਲਗਾਇਆ ਗਿਆ ਕਿ ZIPNET ’ਤੇ ਲਾਸ਼ ਨਾਲ ਸਬੰਧਤ ਵੇਰਵੇ ਤੇ ਤਸਵੀਰਾਂ 10 ਸਤੰਬਰ ਨੂੰ ਲਾਸ਼ ਮਿਲਣ ਦੀ ਬਜਾਏ 16 ਸਤੰਬਰ ਨੂੰ ਅਪਲੋਡ ਕੀਤੀਆਂ ਗਈਆਂ, ਜਦਕਿ ਉਸ ਸਮੇਂ ਤੱਕ 14 ਸਤੰਬਰ ਨੂੰ ਲਾਸ਼ ਦਾ ਅੰਤਿਮ ਸੰਸਕਾਰ ਹੋ ਚੁੱਕਾ ਸੀ।