- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਅੱਸੂ ਦੇ ਨਰਾਤੇ 2026 : ਆਖ਼ਰ ਕਲਸ਼ ਸਥਾਪਨਾ ਦੇ ਨਾਲ ਘਰਾਂ 'ਚ ਕਿਉਂ ਬੀਜੀ ਜਾਂਦੀ ਹੈ ਖੇਤਰੀ? ਜਾਣੋ ਧਰਮ ਗ੍ਰੰਥਾਂ 'ਚ ਦੱਸਿਆ ਗਿਆ ਇਸ ਦਾ ਵੱਡਾ ਕਾਰਨ
ਵੈਦਿਕ ਪੰਚਾਂਗ ਅਨੁਸਾਰ, ਅੱਸੂ ਦੇ ਨਰਾਤਿਆਂ ਦੀ ਸ਼ੁਰੂਆਤ ਅੱਜ ਯਾਨੀ 11 ਅਕਤੂਬਰ ਤੋਂ ਹੋ ਗਈ ਹੈ। ਇਸ ਤਿਉਹਾਰ ਨੂੰ ਮਾਂ ਦੁਰਗਾ ਦਾ ਆਸ਼ੀਰਵਾਦ ਪ੍ਰਾਪਤ ਕਰਨ ਲਈ ਸ਼ੁਭ ਮੰਨਿਆ ਜਾਂਦਾ ਹੈ। ਅੱਸੂ ਦੇ ਨਰਾਤਿਆਂ ਦੇ ਪਹਿਲੇ ਦਿਨ ਘਟ ਸਥਾਪਨਾ ਕਰਨ ਦੀ ਪਰੰਪਰਾ ਹੈ। ਇਸ ਦੌਰਾਨ ਘਟ ਸਥਾਪਨਾ ਦੇ ਨਾਲ ਜੌਂ ਵੀ ਬੀਜੇ ਜਾਂਦੇ ਹਨ। ਜੌਂ ਵਾਲੇ ਭਾਂਡੇ ਨੂੰ ਮੰਦਰ 'ਚ ਰੱਖਿਆ ਜਾਂਦਾ ਹੈ ਅਤੇ ਕੰਨਿਆ ਪੂਜਨ ਤੋਂ ਬਾਅਦ ਜੌਂ ਨੂੰ ਮਿੱਟੀ ਸਮੇਤ ਪਵਿੱਤਰ ਨਦੀ 'ਚ ਵਿਸਰਜਿਤ ਕਰ ਦਿੱਤਾ ਜਾਂਦਾ ਹੈ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਅੱਸੂ ਦੇ ਨਰਾਤਿਆਂ 'ਚ ਜੌਂ ਕਿਉਂ ਬੀਜੇ ਜਾਂਦੇ ਹਨ ? ਜੇਕਰ ਨਹੀਂ, ਤਾਂ ਆਓ ਇਸ ਲੇਖ 'ਚ ਇਸ ਦੇ ਪਿੱਛੇ ਦਾ ਕਾਰਨ ਵਿ
Posted By Sunita
Publish Date: Sun, 11 Oct 2026 01:03 PM (IST)
Updated Date: Sun, 11 Oct 2026 01:04 PM (IST)
ਧਰਮ ਡੈਸਕ, ਨਵੀਂ ਦਿੱਲੀ - ਵੈਦਿਕ ਪੰਚਾਂਗ ਅਨੁਸਾਰ, ਅੱਸੂ ਦੇ ਨਰਾਤਿਆਂ ਦੀ ਸ਼ੁਰੂਆਤ ਅੱਜ ਯਾਨੀ 11 ਅਕਤੂਬਰ ਤੋਂ ਹੋ ਗਈ ਹੈ। ਇਸ ਤਿਉਹਾਰ ਨੂੰ ਮਾਂ ਦੁਰਗਾ ਦਾ ਆਸ਼ੀਰਵਾਦ ਪ੍ਰਾਪਤ ਕਰਨ ਲਈ ਸ਼ੁਭ ਮੰਨਿਆ ਜਾਂਦਾ ਹੈ। ਅੱਸੂ ਦੇ ਨਰਾਤਿਆਂ ਦੇ ਪਹਿਲੇ ਦਿਨ ਘਟ ਸਥਾਪਨਾ ਕਰਨ ਦੀ ਪਰੰਪਰਾ ਹੈ। ਇਸ ਦੌਰਾਨ ਘਟ ਸਥਾਪਨਾ ਦੇ ਨਾਲ ਜੌਂ ਵੀ ਬੀਜੇ ਜਾਂਦੇ ਹਨ। ਜੌਂ ਵਾਲੇ ਭਾਂਡੇ ਨੂੰ ਮੰਦਰ 'ਚ ਰੱਖਿਆ ਜਾਂਦਾ ਹੈ ਅਤੇ ਕੰਨਿਆ ਪੂਜਨ ਤੋਂ ਬਾਅਦ ਜੌਂ ਨੂੰ ਮਿੱਟੀ ਸਮੇਤ ਪਵਿੱਤਰ ਨਦੀ 'ਚ ਵਿਸਰਜਿਤ ਕਰ ਦਿੱਤਾ ਜਾਂਦਾ ਹੈ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਅੱਸੂ ਦੇ ਨਰਾਤਿਆਂ 'ਚ ਜੌਂ ਕਿਉਂ ਬੀਜੇ ਜਾਂਦੇ ਹਨ ? ਜੇਕਰ ਨਹੀਂ, ਤਾਂ ਆਓ ਇਸ ਲੇਖ 'ਚ ਇਸ ਦੇ ਪਿੱਛੇ ਦਾ ਕਾਰਨ ਵਿਸਥਾਰ ਨਾਲ ਜਾਣਦੇ ਹਾਂ।
ਅੱਸੂ ਦੇ ਨਰਾਤਿਆਂ 'ਚ ਜੌਂ ਕਿਉਂ ਬੀਜੇ ਜਾਂਦੇ ਹਨ?
ਅੱਸੂ ਦੇ ਨਰਾਤਿਆਂ ਦੇ ਪਹਿਲੇ ਦਿਨ ਜੌਂ ਬੀਜਣਾ ਬਹੁਤ ਹੀ ਸ਼ੁਭ ਮੰਨਿਆ ਜਾਂਦਾ ਹੈ। ਧਾਰਮਿਕ ਮਾਨਤਾਵਾਂ ਅਨੁਸਾਰ, ਜੌਂ ਬੀਜਣ ਨਾਲ ਘਰ 'ਚ ਹਮੇਸ਼ਾ ਸੁੱਖ-ਸ਼ਾਂਤੀ ਬਣੀ ਰਹਿੰਦੀ ਹੈ। ਇਸ ਦੇ ਨਾਲ ਹੀ ਪਰਿਵਾਰ ਦੇ ਮੈਂਬਰਾਂ ’ਤੇ ਮਾਂ ਦੁਰਗਾ ਦੀ ਕਿਰਪਾ ਵੀ ਬਣੀ ਰਹਿੰਦੀ ਹੈ।
ਧਾਰਮਿਕ ਮਾਨਤਾਵਾਂ ਮੁਤਾਬਕ, ਜੌਂ ਨੂੰ ਸਭ ਤੋਂ ਪਹਿਲਾ ਅਨਾਜ ਮੰਨਿਆ ਜਾਂਦਾ ਹੈ। ਤੁਹਾਡੀ ਜਾਣਕਾਰੀ ਲਈ ਦੱਸ ਦੇਈਏ ਕਿ ਜੌਂ ਨੂੰ ਬ੍ਰਹਮਾ ਜੀ ਦਾ ਸਰੂਪ ਵੀ ਕਿਹਾ ਜਾਂਦਾ ਹੈ। ਮਾਨਤਾ ਹੈ ਕਿ ਜਦੋਂ ਬ੍ਰਹਮਾ ਜੀ ਨੇ ਬ੍ਰਹਿਮੰਡ ਦੀ ਰਚਨਾ ਕੀਤੀ ਸੀ, ਤਾਂ ਸਭ ਤੋਂ ਪਹਿਲਾਂ ਬਨਸਪਤੀ ਅਤੇ ਅਨਾਜ ਦੇ ਰੂਪ 'ਚ ਜੌਂ ਹੀ ਪੈਦਾ ਹੋਏ ਸਨ।
ਇਸ ਨੂੰ ਸ੍ਰਿਸ਼ਟੀ ਦੀ ਸ਼ੁਰੂਆਤ ਅਤੇ ਸੰਪੂਰਨਤਾ ਦਾ ਪ੍ਰਤੀਕ ਮੰਨਿਆ ਜਾਂਦਾ ਹੈ। ਇਸੇ ਕਾਰਨ ਅੱਸੂ ਦੇ ਨਰਾਤਿਆਂ ਦੇ ਪਹਿਲੇ ਦਿਨ ਜੌਂ ਬੀਜਣ ਦਾ ਵਿਸ਼ੇਸ਼ ਮਹੱਤਵ ਹੈ। ਜੌਂ ਬੀਜਣ ਤੋਂ ਬਿਨਾਂ ਘਟ ਸਥਾਪਨਾ ਨੂੰ ਅਧੂਰਾ ਮੰਨਿਆ ਜਾਂਦਾ ਹੈ।
ਜੌਂ ਬੀਜਣ ਦੀ ਸਹੀ ਵਿਧੀ
1. ਅੱਸੂ ਦੇ ਨਰਾਤਿਆਂ ਤੋਂ ਇੱਕ ਰਾਤ ਪਹਿਲਾਂ ਜੌਂ ਨੂੰ ਪਾਣੀ 'ਚ ਭਿਉਂ ਕੇ ਰੱਖ ਦਿਓ।
2. ਅਗਲੇ ਦਿਨ ਸਵੇਰੇ ਇਸ਼ਨਾਨ ਕਰਨ ਤੋਂ ਬਾਅਦ ਘਟ ਸਥਾਪਨਾ ਲਈ ਮਿੱਟੀ ਦਾ ਇੱਕ ਸਾਫ਼ ਭਾਂਡਾ ਲਓ ਅਤੇ ਉਸ 'ਚ ਸ਼ੁੱਧ ਮਿੱਟੀ ਪਾਓ।
3. ਭਾਂਡੇ 'ਚ ਮਿੱਟੀ ਦੀ ਇੱਕ ਪਰਤ ਵਿਛਾ ਕੇ ਭਿੱਜੇ ਹੋਏ ਜੌਂ ਦੇ ਬੀਜਾਂ ਨੂੰ ਬਰਾਬਰ ਫੈਲਾ ਦਿਓ।
4. ਇਸ ਤੋਂ ਬਾਅਦ ਬੀਜਾਂ ਨੂੰ ਮਿੱਟੀ ਦੀ ਬਹੁਤ ਪਤਲੀ ਪਰਤ ਨਾਲ ਢੱਕ ਦਿਓ।
5. ਹੁਣ ਇਸ ਉੱਪਰ ਹਲਕਾ ਜਿਹਾ ਪਾਣੀ ਛਿੜਕੋ।
6. ਇਸ ਭਾਂਡੇ ਨੂੰ ਮਾਤਾ ਰਾਣੀ ਦੀ ਚੌਕੀ ਜਾਂ ਕਲਸ਼ ਦੇ ਨੇੜੇ ਸਥਾਪਿਤ ਕਰੋ।
7. ਹਰ ਰੋਜ਼ ਇਸ 'ਚ ਥੋੜ੍ਹਾ-ਥੋੜ੍ਹਾ ਪਾਣੀ ਛਿੜਕਦੇ ਰਹੋ।
8. ਮਾਂ ਦੁਰਗਾ ਦੀ ਪੂਜਾ ਦੇ ਨਾਲ-ਨਾਲ ਜੌਂ ਦੀ ਵੀ ਪੂਜਾ ਕਰਨ ਦੀ ਪਰੰਪਰਾ ਹੈ।
ਅਸ਼ਟਮੀ ਜਾਂ ਨੌਮੀ ਵਾਲੇ ਦਿਨ ਕੰਨਿਆ ਪੂਜਨ ਤੋਂ ਬਾਅਦ ਜੌਂ ਨੂੰ ਪੂਜਾ ਦੀਆਂ ਹੋਰ ਸਮੱਗਰੀਆਂ ਦੇ ਨਾਲ ਪਵਿੱਤਰ ਨਦੀ 'ਚ ਵਿਸਰਜਿਤ ਕਰ ਦਿੱਤਾ ਜਾਂਦਾ ਹੈ।
Disclaimer : ਇਸ ਲੇਖ 'ਚ ਦੱਸੇ ਗਏ ਉਪਾਅ, ਲਾਭ, ਸਲਾਹ ਅਤੇ ਵਿਚਾਰ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਦੈਨਿਕ ਜਾਗਰਣ ਇਸ ਲੇਖ 'ਚ ਦਿੱਤੀਆਂ ਗੱਲਾਂ ਦੀ ਪੁਸ਼ਟੀ ਨਹੀਂ ਕਰਦਾ। ਇਸ 'ਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਸਰੋਤਾਂ, ਜੋਤਸ਼ੀਆਂ, ਪੰਚਾਂਗਾਂ, ਪ੍ਰਵਚਨਾਂ, ਮਾਨਤਾਵਾਂ, ਧਾਰਮਿਕ ਗ੍ਰੰਥਾਂ ਅਤੇ ਲੋਕ-ਕਥਾਵਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਇਸ ਲੇਖ ਨੂੰ ਅੰਤਿਮ ਸੱਚ ਜਾਂ ਪੱਕਾ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਦੈਨਿਕ ਜਾਗਰਣ ਅੰਧਵਿਸ਼ਵਾਸ ਦੇ ਵਿਰੁੱਧ ਹੈ।