- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਕਿਸਮਤ ਦੇ ਖੁੱਲ੍ਹਣਗੇ ਬੰਦ ਦੁਆਰ: ਭਗਵਾਨ ਗਣੇਸ਼ ਦੇ 5 ਚਮਤਕਾਰੀ ਮੰਤਰ, ਹਰ ਮੁਸ਼ਕਿਲ ਤੋਂ ਮਿਲੇਗੀ ਮੁਕਤੀ
ਹਿੰਦੂ ਧਰਮ 'ਚ ਭਗਵਾਨ ਗਣੇਸ਼ ਬਹੁਤ ਪਿਆਰੇ ਦੇਵਤਿਆਂ 'ਚ ਸ਼ਾਮਲ ਹਨ, ਜਿਨ੍ਹਾਂ ਨੂੰ ਸਾਰੇ ਦੇਵੀ-ਦੇਵਤਿਆਂ 'ਚ ਸਭ ਤੋਂ ਪਹਿਲਾਂ ਪੂਜਣਯੋਗ ਮੰਨਿਆ ਜਾਂਦਾ ਹੈ। ਹਾਥੀ ਦੇ ਸਿਰ ਕਾਰਨ ਉਨ੍ਹਾਂ ਦੀ ਪਛਾਣ ਆਸਾਨੀ ਨਾਲ ਹੋ ਜਾਂਦੀ ਹੈ ਅਤੇ ਉਨ੍ਹਾਂ ਦੀਆਂ ਮੂਰਤੀਆਂ ਤੇ ਕਲਾਕ੍ਰਿਤੀਆਂ ਕਈ ਹਿੰਦੂ ਘਰਾਂ 'ਚ ਵੀ ਦੇਖਣ ਨੂੰ ਮਿਲਦੀਆਂ ਹਨ। ਚਾਹੇ ਬੱਚੇ ਦਾ ਸਕੂਲ 'ਚ ਪਹਿਲਾ ਦਿਨ ਹੋਵੇ ਜਾਂ ਕਿਸੇ ਨਵੇਂ ਕਾਰੋਬਾਰ ਦੀ ਸ਼ੁਰੂਆਤ ਕਰਨੀ ਹੋਵੇ, ਸਭ ਤੋਂ ਪਹਿਲਾਂ ਭਗਵਾਨ ਗਣੇਸ਼ ਦਾ ਆਸ਼ੀਰਵਾਦ ਲੈਣਾ ਸ਼ੁਭ ਮੰਨਿਆ ਜਾਂਦਾ ਹੈ।
Posted By Sunita
Publish Date: Thu, 10 Sep 2026 11:00 AM (IST)
Updated Date: Thu, 10 Sep 2026 11:01 AM (IST)
ਧਰਮ ਡੈਸਕ, ਨਵੀਂ ਦਿੱਲੀ - ਹਿੰਦੂ ਧਰਮ 'ਚ ਭਗਵਾਨ ਗਣੇਸ਼ ਬਹੁਤ ਪਿਆਰੇ ਦੇਵਤਿਆਂ 'ਚ ਸ਼ਾਮਲ ਹਨ, ਜਿਨ੍ਹਾਂ ਨੂੰ ਸਾਰੇ ਦੇਵੀ-ਦੇਵਤਿਆਂ 'ਚ ਸਭ ਤੋਂ ਪਹਿਲਾਂ ਪੂਜਣਯੋਗ ਮੰਨਿਆ ਜਾਂਦਾ ਹੈ। ਹਾਥੀ ਦੇ ਸਿਰ ਕਾਰਨ ਉਨ੍ਹਾਂ ਦੀ ਪਛਾਣ ਆਸਾਨੀ ਨਾਲ ਹੋ ਜਾਂਦੀ ਹੈ ਅਤੇ ਉਨ੍ਹਾਂ ਦੀਆਂ ਮੂਰਤੀਆਂ ਤੇ ਕਲਾਕ੍ਰਿਤੀਆਂ ਕਈ ਹਿੰਦੂ ਘਰਾਂ 'ਚ ਵੀ ਦੇਖਣ ਨੂੰ ਮਿਲਦੀਆਂ ਹਨ। ਚਾਹੇ ਬੱਚੇ ਦਾ ਸਕੂਲ 'ਚ ਪਹਿਲਾ ਦਿਨ ਹੋਵੇ ਜਾਂ ਕਿਸੇ ਨਵੇਂ ਕਾਰੋਬਾਰ ਦੀ ਸ਼ੁਰੂਆਤ ਕਰਨੀ ਹੋਵੇ, ਸਭ ਤੋਂ ਪਹਿਲਾਂ ਭਗਵਾਨ ਗਣੇਸ਼ ਦਾ ਆਸ਼ੀਰਵਾਦ ਲੈਣਾ ਸ਼ੁਭ ਮੰਨਿਆ ਜਾਂਦਾ ਹੈ।
ਭਗਵਾਨ ਗਣੇਸ਼ ਦਾ ਆਸ਼ੀਰਵਾਦ ਉਦੋਂ ਹੋਰ ਪ੍ਰਭਾਵਸ਼ਾਲੀ ਮੰਨਿਆ ਜਾਂਦਾ ਹੈ, ਜਦੋਂ ਉਨ੍ਹਾਂ ਨਾਲ ਜੁੜੇ ਮੰਤਰਾਂ ਦਾ ਵੀ ਉਚਾਰਣ ਕੀਤਾ ਜਾਵੇ। ਮੰਤਰਾਂ ਦਾ ਜਾਪ ਜਲਦਬਾਜ਼ੀ 'ਚ ਨਹੀਂ, ਸਗੋਂ ਸੱਚੇ ਦਿਲ ਨਾਲ ਕਰਨ ’ਤੇ ਦੇਵਤਾ ਦੀ ਸ਼ਕਤੀ ਤੁਹਾਡੇ ਹਿੱਤ 'ਚ ਕੰਮ ਕਰਦੀ ਹੈ, ਅਜਿਹਾ ਧਾਰਮਿਕ ਮਾਨਤਾ 'ਚ ਕਿਹਾ ਜਾਂਦਾ ਹੈ।
ਅਸੀਂ ਤੁਹਾਨੂੰ ਭਗਵਾਨ ਗਣੇਸ਼ ਦੇ ਕੁਝ ਖਾਸ ਮੰਤਰਾਂ ਬਾਰੇ ਦੱਸਣ ਜਾ ਰਹੇ ਹਾਂ, ਜਿਨ੍ਹਾਂ ਨੂੰ ਧਾਰਮਿਕ ਨਜ਼ਰੀਏ ਤੋਂ ਬਹੁਤ ਸ਼ਕਤੀਸ਼ਾਲੀ ਮੰਨਿਆ ਜਾਂਦਾ ਹੈ। ਭਗਵਾਨ ਗਣੇਸ਼ ਦੀ ਲੋਕਪ੍ਰਿਯਤਾ ਕਾਰਨ ਕਈ ਲੋਕ ਨਿਯਮਿਤ ਤੌਰ ’ਤੇ ਇਨ੍ਹਾਂ ਮੰਤਰਾਂ ਦਾ ਜਾਪ ਕਰਦੇ ਹਨ। ਆਓ ਜਾਣਦੇ ਹਾਂ ਇਨ੍ਹਾਂ ਮੰਤਰਾਂ ਬਾਰੇ।
ਭਗਵਾਨ ਗਣੇਸ਼ ਦੇ 5 ਬਹੁਤ ਸ਼ਕਤੀਸ਼ਾਲੀ ਮੰਤਰ
1. ऊं गं गणपतये नम:
ਅਰਥ- ਮੈਂ ਭਗਵਾਨ ਗਣੇਸ਼ ਨੂੰ ਨਮਸਕਾਰ ਕਰਦਾ/ਕਰਦੀ ਹਾਂ, ਜੋ ਹਰ ਤਰ੍ਹਾਂ ਦੀਆਂ ਰੁਕਾਵਟਾਂ ਨੂੰ ਦੂਰ ਕਰਨ ਵਾਲੇ ਹਨ। ਇਸ ਮੰਤਰ ਦਾ ਜਾਪ ਉਸ ਸਮੇਂ ਕਰਨਾ ਚਾਹੀਦਾ ਹੈ, ਜਦੋਂ ਤੁਸੀਂ ਕਿਸੇ ਨਵੀਂ ਯਾਤਰਾ ਜਾਂ ਨਵੇਂ ਕੰਮ ਦੀ ਸ਼ੁਰੂਆਤ ਕਰਨ ਜਾ ਰਹੇ ਹੋ।
2. ऊं कपिलाय नम:
ਅਰਥ- ਮੈਂ ਭਗਵਾਨ ਗਣੇਸ਼ ਦੇ ਕਪਿਲ ਸਰੂਪ ਨੂੰ ਨਮਸਕਾਰ ਕਰਦਾ/ਕਰਦੀ ਹਾਂ। ਸਿਹਤ ਅਤੇ ਕਲਿਆਣ ਦੀ ਪ੍ਰਾਰਥਨਾ ਕਰਨ ਅਤੇ ਮਨ ਨੂੰ ਸ਼ਾਂਤ ਕਰਨ ਲਈ ਇਸ ਮੰਤਰ ਦਾ ਜਾਪ ਕਰਨ ਦੀ ਮਾਨਤਾ ਹੈ।
3. ऊं गणेश महालक्ष्म्यै नम:
ਅਰਥ- ਮੈਂ ਭਗਵਾਨ ਗਣੇਸ਼ ਅਤੇ ਮਾਤਾ ਮਹਾਲਕਸ਼ਮੀ ਨੂੰ ਨਮਸਕਾਰ ਕਰਦਾ/ਕਰਦੀ ਹਾਂ। ਉਨ੍ਹਾਂ ਦੀ ਕਿਰਪਾ ਨਾਲ ਜੀਵਨ 'ਚ ਸ਼ੁਭਤਾ, ਖੁਸ਼ਹਾਲੀ ਅਤੇ ਸੌਭਾਗ ਬਣਿਆ ਰਹੇ। ਧਨ-ਦੌਲਤ ਅਤੇ ਸਮ੍ਰਿੱਧੀ ਦੀ ਪ੍ਰਾਰਥਨਾ ਦੇ ਨਾਲ ਕਾਰੋਬਾਰ ਅਤੇ ਨਵੇਂ ਕੰਮ 'ਚ ਸਫਲਤਾ ਹਾਸਲ ਕਰਨ ਲਈ ਇਸ ਮੰਤਰ ਦਾ ਜਾਪ ਸ਼ੁਭ ਮੰਨਿਆ ਜਾਂਦਾ ਹੈ।
4. ऊं गणेशाय नम:
ਅਰਥ- ਮੈਂ ਭਗਵਾਨ ਗਣੇਸ਼ ਨੂੰ ਨਮਸਕਾਰ ਕਰਦਾ/ਕਰਦੀ ਹਾਂ, ਜੋ ਬੁੱਧੀ, ਵਿਵੇਕ ਅਤੇ ਗਿਆਨ ਪ੍ਰਦਾਨ ਕਰਨ ਵਾਲੇ ਹਨ। ਪੜ੍ਹਾਈ ਸ਼ੁਰੂ ਕਰਨ ਤੋਂ ਪਹਿਲਾਂ ਅਤੇ ਪ੍ਰੀਖਿਆ ਦੇਣ ਤੋਂ ਪਹਿਲਾਂ ਇਸ ਮੰਤਰ ਦਾ ਜਾਪ ਕਰਨਾ ਸ਼ੁਭ ਮੰਨਿਆ ਜਾਂਦਾ ਹੈ।
5. ऊं वक्रतुंडाय नम:
ਅਰਥ- ਵਕ੍ਰਤੁੰਡ ਭਗਵਾਨ ਗਣੇਸ਼ ਨੂੰ ਮੇਰਾ ਨਮਸਕਾਰ, ਜੋ ਜੀਵਨ ਦੀਆਂ ਰੁਕਾਵਟਾਂ ਨੂੰ ਦੂਰ ਕਰਨ ਵਾਲੇ ਹਨ। ਇਸ ਮੰਤਰ ਦਾ ਜਾਪ ਕਰਨ ਨਾਲ ਮੁਸ਼ਕਲ ਹਾਲਾਤਾਂ 'ਚ ਸ਼ਕਤੀ ਮਿਲਣ ਦੀ ਮਾਨਤਾ ਹੈ। ਇਸ ਤੋਂ ਇਲਾਵਾ ਕੰਮ 'ਚ ਆਉਣ ਵਾਲੀਆਂ ਰੁਕਾਵਟਾਂ ਵੀ ਦੂਰ ਹੁੰਦੀਆਂ ਹਨ, ਅਜਿਹਾ ਵਿਸ਼ਵਾਸ ਕੀਤਾ ਜਾਂਦਾ ਹੈ।
Disclaimer : ਇਸ ਲੇਖ 'ਚ ਦੱਸੇ ਗਏ ਉਪਾਅ, ਲਾਭ, ਸਲਾਹ ਅਤੇ ਕਥਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਦੈਨਿਕ ਜਾਗਰਣ ਇਸ ਲੇਖ 'ਚ ਦਿੱਤੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ 'ਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਸਰੋਤਾਂ, ਜੋਤਸ਼ੀਆਂ, ਪੰਚਾਂਗਾਂ, ਪ੍ਰਵਚਨਾਂ, ਮਾਨਤਾਵਾਂ, ਧਾਰਮਿਕ ਗ੍ਰੰਥਾਂ ਅਤੇ ਦੰਤਕਥਾਵਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਅਪੀਲ ਹੈ ਕਿ ਉਹ ਇਸ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ।