- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਘਰ 'ਚ ਸ਼ੇਰ ਤੇ ਬਾਹਰ ਭਿੱਜੀ ਬਿੱਲੀ ਬਣ ਕੇ ਰਹਿੰਦੇ ਹਨ ਇਹਨਾਂ ਮੁਲਾਂਕਾਂ ਦੇ ਬੱਚੇ, ਕੀ ਹੈ ਅੰਕ ਜੋਤਿਸ਼ ਦਾ ਰਹੱਸ ?
ਅੰਕ ਜੋਤਿਸ਼ 'ਚ ਜਨਮ ਤਾਰੀਖ਼ ਦੇ ਆਧਾਰ 'ਤੇ ਵਿਅਕਤੀ ਦੇ ਸੁਭਾਅ ਨਾਲ ਜੁੜੀਆਂ ਕਈ ਗੱਲਾਂ ਦੱਸੀਆਂ ਜਾਂਦੀਆਂ ਹਨ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਹਰ ਮੁਲਾਂਕ ਦੇ ਲੋਕ ਇੱਕ-ਦੂਜੇ ਤੋਂ ਵੱਖਰੇ ਹੁੰਦੇ ਹਨ। ਇਸੇ ਵਜ੍ਹਾ ਕਰਕੇ ਸਭ ਦੇ ਵਿਵਹਾਰ 'ਚ ਵੀ ਫ਼ਰਕ ਦਿਖਦਾ ਹੈ। ਤੁਸੀਂ ਕਈ ਵਾਰ ਮਾਤਾ-ਪਿਤਾ ਨੂੰ ਅਜਿਹਾ ਕਹਿੰਦੇ ਹੋਏ ਸੁਣਿਆ ਹੋਵੇਗਾ ਕਿ ਉਹਨਾਂ ਦਾ ਬੱਚਾ ਘਰ 'ਚ ਬਹੁਤ ਬੋਲਦਾ ਹੈ ਅਤੇ ਬਾਹਰ ਬਿਲਕੁਲ ਸ਼ਾਂਤ ਰਹਿੰਦਾ ਹੈ। ਅਸਲ 'ਚ, ਇਸ ਲਈ ਮੁਲਾਂਕ ਅਤੇ ਉਹਨਾਂ ਦੇ ਸਵਾਮੀ ਗ੍ਰਹਿ ਜ਼ਿੰਮੇਵਾਰ ਹੁੰਦੇ ਹਨ।
Posted By Sunita
Publish Date: Thu, 24 Sep 2026 01:19 PM (IST)
Updated Date: Thu, 24 Sep 2026 01:21 PM (IST)
ਧਰਮ ਡੈਸਕ, ਨਵੀਂ ਦਿੱਲੀ - ਅੰਕ ਜੋਤਿਸ਼ 'ਚ ਜਨਮ ਤਾਰੀਖ਼ ਦੇ ਆਧਾਰ 'ਤੇ ਵਿਅਕਤੀ ਦੇ ਸੁਭਾਅ ਨਾਲ ਜੁੜੀਆਂ ਕਈ ਗੱਲਾਂ ਦੱਸੀਆਂ ਜਾਂਦੀਆਂ ਹਨ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਹਰ ਮੁਲਾਂਕ ਦੇ ਲੋਕ ਇੱਕ-ਦੂਜੇ ਤੋਂ ਵੱਖਰੇ ਹੁੰਦੇ ਹਨ। ਇਸੇ ਵਜ੍ਹਾ ਕਰਕੇ ਸਭ ਦੇ ਵਿਵਹਾਰ 'ਚ ਵੀ ਫ਼ਰਕ ਦਿਖਦਾ ਹੈ। ਤੁਸੀਂ ਕਈ ਵਾਰ ਮਾਤਾ-ਪਿਤਾ ਨੂੰ ਅਜਿਹਾ ਕਹਿੰਦੇ ਹੋਏ ਸੁਣਿਆ ਹੋਵੇਗਾ ਕਿ ਉਹਨਾਂ ਦਾ ਬੱਚਾ ਘਰ 'ਚ ਬਹੁਤ ਬੋਲਦਾ ਹੈ ਅਤੇ ਬਾਹਰ ਬਿਲਕੁਲ ਸ਼ਾਂਤ ਰਹਿੰਦਾ ਹੈ। ਅਸਲ 'ਚ, ਇਸ ਲਈ ਮੁਲਾਂਕ ਅਤੇ ਉਹਨਾਂ ਦੇ ਸਵਾਮੀ ਗ੍ਰਹਿ ਜ਼ਿੰਮੇਵਾਰ ਹੁੰਦੇ ਹਨ।
ਕੁਝ ਮੁਲਾਂਕਾਂ ਵਾਲੇ ਬੱਚੇ ਘਰ ਦੇ ਮਾਹੌਲ 'ਚ ਕਾਫ਼ੀ ਖੁੱਲ੍ਹ ਕੇ ਆਪਣੀ ਗੱਲ ਰੱਖਦੇ ਹਨ ਅਤੇ ਪਰਿਵਾਰ ਦੇ ਸਾਹਮਣੇ ਬਿਨਾਂ ਝਿਜਕ ਸਵਾਲ ਕਰਦੇ ਹਨ। ਉਹ ਆਪਣੀ ਪਸੰਦ-ਨਾਪਸੰਦ ਵੀ ਖੁੱਲ੍ਹ ਕੇ ਦੱਸਦੇ ਹਨ, ਪਰ ਬਾਹਰ ਨਿਕਲਦੇ ਹੀ ਉਹਨਾਂ ਦਾ ਇਹ ਵਿਵਹਾਰ ਬਦਲ ਜਾਂਦਾ ਹੈ। ਆਓ ਤੁਹਾਨੂੰ ਦੱਸਦੇ ਹਾਂ ਅਜਿਹੇ ਮੁਲਾਂਕਾਂ ਬਾਰੇ ਜਿਹਨਾਂ ਦੇ ਬੱਚਿਆਂ 'ਚ ਇਹ ਆਦਤ ਹੋ ਸਕਦੀ ਹੈ।
ਮੁਲਾਂਕ 4 ਵਾਲੇ ਬੱਚੇ
ਮੁਲਾਂਕ 4 ਦੇ ਬੱਚੇ ਹਮੇਸ਼ਾ ਤੋਂ ਹੀ ਘਰ 'ਚ ਨਿਡਰ ਹੁੰਦੇ ਹਨ, ਪਰ ਜਿਵੇਂ ਹੀ ਇਹ ਬਾਹਰ ਨਿਕਲਦੇ ਹਨ ਬਹੁਤ ਜ਼ਿਆਦਾ ਸ਼ਰਮੀਲਾ ਵਿਵਹਾਰ ਕਰਦੇ ਹਨ। ਇਸ ਮੁਲਾਂਕ ਦੇ ਬੱਚਿਆਂ ਦਾ ਸਵਾਮੀ ਗ੍ਰਹਿ ਰਾਹੂ ਨੂੰ ਮੰਨਿਆ ਜਾਂਦਾ ਹੈ। ਜੇਕਰ ਬੱਚੇ ਦਾ ਜਨਮ ਕਿਸੇ ਵੀ ਮਹੀਨੇ ਦੀ 4, 13, 22 ਅਤੇ 31 ਤਾਰੀਖ਼ ਨੂੰ ਹੋਇਆ ਹੈ, ਤਾਂ ਬੱਚੇ ਦਾ ਮੁਲਾਂਕ 4 ਮੰਨਿਆ ਜਾਂਦਾ ਹੈ।
ਇਸ ਮੁਲਾਂਕ ਦੇ ਬੱਚੇ ਦਿਮਾਗ਼ ਤੋਂ ਬਹੁਤ ਤੇਜ਼ ਹੁੰਦੇ ਹਨ, ਪਰ ਕਈ ਵਾਰ ਉਹ ਆਪਣੀਆਂ ਸਕਿੱਲਾਂ ਨੂੰ ਗ਼ਲਤ ਥਾਂ ਲਗਾਉਂਦੇ ਹਨ ਅਤੇ ਸਹੀ ਦਿਸ਼ਾ-ਨਿਰਦੇਸ਼ ਨਾ ਮਿਲਣ 'ਤੇ ਇਹ ਆਪਣੇ ਟੀਚੇ ਤੋਂ ਭਟਕਣ ਵੀ ਲੱਗਦੇ ਹਨ। ਇਹਨਾਂ ਮੁਲਾਂਕਾਂ ਦੇ ਬੱਚਿਆਂ ਨੂੰ ਜ਼ਿਆਦਾ ਰੋਕ-ਟੋਕ ਪਸੰਦ ਨਹੀਂ ਆਉਂਦੀ, ਜਿਸ ਦੀ ਵਜ੍ਹਾ ਕਰਕੇ ਇਹ ਕਈ ਵਾਰ ਮਾਤਾ-ਪਿਤਾ ਨਾਲ ਹੀ ਉੱਚੀ ਆਵਾਜ਼ 'ਚ ਗੱਲ ਕਰਨ ਲੱਗਦੇ ਹਨ। ਉੱਥੇ ਹੀ ਘਰੋਂ ਬਾਹਰ ਨਿਕਲਦੇ ਹੀ ਇਹਨਾਂ ਦਾ ਵਿਵਹਾਰ ਬਿਲਕੁਲ ਬਦਲ ਜਾਂਦਾ ਹੈ ਅਤੇ ਇਹ ਬਹੁਤ ਸ਼ਾਲੀਨ ਦਿਖਦੇ ਹਨ।
ਮੁਲਾਂਕ 6 ਵਾਲੇ ਬੱਚੇ
ਆਮ ਤੌਰ 'ਤੇ ਮੁਲਾਂਕ 6 ਵਾਲੇ ਬੱਚਿਆਂ ਨੂੰ ਮਿਲਣਸਾਰ ਮੰਨਿਆ ਜਾਂਦਾ ਹੈ ਅਤੇ ਇਹ ਪਰਿਵਾਰ ਨਾਲ ਬਹੁਤ ਜ਼ਿਆਦਾ ਲਗਾਅ ਰੱਖਦੇ ਹਨ। ਕਈ ਵਾਰ ਇਹ ਪਰਿਵਾਰ ਦੇ ਲੋਕਾਂ ਨਾਲ ਇੰਨੇ ਘੁਲ-ਮਿਲ ਜਾਂਦੇ ਹਨ ਕਿ ਉਹ ਘਰ 'ਚ ਬਹੁਤ ਜ਼ਿਆਦਾ ਬਾਤੂਨੀ ਹੋ ਜਾਂਦੇ ਹਨ। ਇਹ ਬੱਚੇ ਆਪਣੇ ਘਰ 'ਚ ਹਮੇਸ਼ਾ ਬੇਬਾਕ ਅਤੇ ਆਤਮਵਿਸ਼ਵਾਸੀ ਵਿਵਹਾਰ ਕਰਦੇ ਹਨ। ਇਹ ਬੱਚੇ ਘਰੋਂ ਬਾਹਰ ਨਿਕਲਦੇ ਹੀ ਬਹੁਤ ਸ਼ਾਂਤ ਹੋ ਜਾਂਦੇ ਹਨ ਅਤੇ ਉਹਨਾਂ ਦਾ ਵਿਵਹਾਰ ਹੀ ਬਦਲ ਜਾਂਦਾ ਹੈ। ਹਾਲਾਂਕਿ ਇਹ ਬੱਚੇ ਘਰੋਂ ਬਾਹਰ ਜਿਵੇਂ ਹੀ ਕਿਸੇ ਨਾਲ ਘੁਲ-ਮਿਲ ਜਾਂਦੇ ਹਨ ਉਹਨਾਂ ਦੇ ਸੁਭਾਅ 'ਚ ਬਦਲਾਅ ਹੋ ਜਾਂਦਾ ਹੈ।
ਮੁਲਾਂਕ 7 ਵਾਲੇ ਬੱਚੇ
ਮੁਲਾਂਕ 7 ਵਾਲੇ ਬੱਚੇ ਅਕਸਰ ਬਾਹਰ ਬਹੁਤ ਸ਼ਾਂਤ ਨਜ਼ਰ ਆਉਂਦੇ ਹਨ, ਪਰ ਘਰ ਦੇ ਅੰਦਰ ਇਹ ਬਹੁਤ ਜ਼ਿਆਦਾ ਚੰਚਲ ਦਿਖਦੇ ਹਨ। ਘਰ 'ਚ ਖੁੱਲ੍ਹ ਕੇ ਆਪਣੀ ਗੱਲ ਰੱਖਣ ਵਾਲੇ ਇਹ ਬੱਚੇ ਬਾਹਰ ਬਹੁਤ ਜ਼ਿਆਦਾ ਨਾ ਤਾਂ ਬੋਲਦੇ ਹਨ ਅਤੇ ਨਾ ਹੀ ਜ਼ਿਆਦਾ ਕਿਸੇ ਨਾਲ ਘੁਲਦੇ-ਮਿਲਦੇ ਹਨ।
ਜਿਹਨਾਂ ਬੱਚਿਆਂ ਦਾ ਜਨਮ ਕਿਸੇ ਵੀ ਮਹੀਨੇ ਦੀ 7, 16 ਜਾਂ 25 ਤਾਰੀਖ਼ ਨੂੰ ਹੋਇਆ ਹੈ ਉਹਨਾਂ ਦਾ ਮੁਲਾਂਕ 7 ਮੰਨਿਆ ਜਾਂਦਾ ਹੈ ਅਤੇ ਕੇਤੂ ਤੋਂ ਪ੍ਰਭਾਵਿਤ ਹੋਣ ਕਾਰਨ ਇਸ ਅੰਕ ਦੀਆਂ ਵੱਖਰੀਆਂ ਵਿਸ਼ੇਸ਼ਤਾਵਾਂ ਹੁੰਦੀਆਂ ਹਨ।
ਜੇਕਰ ਤੁਹਾਡੇ ਬੱਚੇ ਦਾ ਮੁਲਾਂਕ ਵੀ ਇਹਨਾਂ 'ਚੋਂ ਹੈ ਤਾਂ ਇਹ ਉਸ ਦੇ ਸੁਭਾਅ ਨਾਲ ਜੁੜੀਆਂ ਗੱਲਾਂ ਵੀ ਹੋ ਸਕਦੀਆਂ ਹਨ। ਹਾਲਾਂਕਿ, ਹਰ ਬੱਚੇ ਦਾ ਸੁਭਾਅ ਦੂਜੇ ਤੋਂ ਵੱਖਰਾ ਹੀ ਹੁੰਦਾ ਹੈ ਇਸ ਲਈ ਇਹ ਜ਼ਰੂਰੀ ਨਹੀਂ ਹੈ ਕਿ ਇਹਨਾਂ ਜਨਮ ਤਾਰੀਖ਼ਾਂ ਦੇ ਸਾਰੇ ਬੱਚਿਆਂ ਦਾ ਅਜਿਹਾ ਹੀ ਵਿਵਹਾਰ ਹੋਵੇ।
Disclaimer : ਇਸ ਲੇਖ 'ਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਕਥਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ, ਦੈਨਿਕ ਜਾਗਰਣ ਇੱਥੇ ਇਸ ਲੇਖ ਫੀਚਰ 'ਚ ਲਿਖੀਆਂ ਗਈਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ ਹੈ। ਇਸ ਲੇਖ 'ਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ/ਦੰਤਕਥਾਵਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੀ ਸਮਝ ਦੀ ਵਰਤੋਂ ਕਰਨ। ਦੈਨਿਕ ਜਾਗਰਣ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।