ਰਾਹੁ ਕਰਨਗੇ ਮਕਰ ਰਾਸ਼ੀ ’ਚ ਪ੍ਰਵੇਸ਼, ਅੱਜ ਹੀ ਛੱਡ ਦਿਓ ਇਹ ਆਦਤਾਂ, ਨਹੀਂ ਤਾਂ ਹੋ ਸਕਦਾ ਹੈ ਭਾਰੀ ਨੁਕਸਾਨ

ਧਰਮ ਡੈਸਕ, ਨਵੀਂ ਦਿੱਲੀ : ਸਾਰੇ ਗ੍ਰਹਿ ਸਮੇਂ-ਸਮੇਂ ’ਤੇ ਆਪਣੀ ਚਾਲ ’ਚ ਬਦਲਾਅ ਕਰਦੇ ਰਹਿੰਦੇ ਹਨ। ਜਦੋਂ ਕੋਈ ਗ੍ਰਹਿ ਰਾਸ਼ੀ ਪਰਿਵਰਤਨ ਕਰਦਾ ਹੈ ਤਾਂ ਇਸ ਦਾ ਪ੍ਰਭਾਵ ਸਾਰੀਆਂ ਰਾਸ਼ੀਆਂ ’ਤੇ ਪੈਂਦਾ ਹੈ। ਇਹ ਪ੍ਰਭਾਵ ਰਾਸ਼ੀਆਂ ਲਈ ਸ਼ੁਭ ਤੇ ਅਸ਼ੁਭ ਦੋਵੇਂ ਹੋ ਸਕਦਾ ਹੈ। ਗ੍ਰਹਿ ਗੋਚਰ ਦੇ ਅਸ਼ੁਭ ਪ੍ਰਭਾਵ ਨੂੰ ਦੂਰ ਕਰਨ ਲਈ ਜੋਤਿਸ਼ ਸ਼ਾਸਤਰ ’ਚ ਕਈ ਵਿਸ਼ੇਸ਼ ਉਪਾਅ ਵੀ ਦੱਸੇ ਗਏ ਹਨ। ਹੁਣ ਸਾਲ ਦੇ ਆਖਰੀ ਮਹੀਨੇ ’ਚ ਰਾਹੁ ਦਾ ਰਾਸ਼ੀ ਪਰਿਵਰਤਨ ਹੋਣ ਜਾ ਰਿਹਾ ਹੈ। ਜੋਤਿਸ਼ੀ ਗਣਨਾ ਦੇ ਮੁਤਾਬਕ, 5 ਦਸੰਬਰ ਨੂੰ ਰਾਹੁ ਕੁੰਭ ਰਾਸ਼ੀ ਤੋਂ ਨਿਕਲ ਕੇ ਮਕਰ ਰਾਸ਼ੀ ’ਚ ਪ੍ਰਵੇਸ਼ ਕਰਨਗੇ। ਮੰਨਿਆ ਜਾ ਰਿਹਾ ਹੈ ਕਿ ਰਾਹੁ ਦੇ ਇਸ ਗੋਚਰ ਦੇ ਪ੍ਰਭਾਵ ਨਾਲ ਰਾਸ਼ੀਆਂ ਦੀ ਖੂਬ ਤਰੱਕੀ ਹੋ ਸਕਦੀ ਹੈ ਤੇ ਕਾਰੋਬਾਰ ’ਚ ਲਾਭ ਮਿਲ ਸਕਦਾ ਹੈ। ਪਰ ਇਸ ਗੋਚਰ ਦੌਰਾਨ ਕੁਝ ਗਲਤੀਆਂ ਕਰਨ ਤੋਂ ਬਚਣਾ ਚਾਹੀਦਾ ਹੈ।

ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਗੋਚਰ ਦੀ ਮਿਆਦ ਦੌਰਾਨ ਵਰਜਿਤ ਕੰਮ ਕਰਨ ਨਾਲ ਵਿਅਕਤੀ ਨੂੰ ਜੀਵਨ ’ਚ ਆਰਥਿਕ ਨੁਕਸਾਨ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ ਤੇ ਕੁੰਡਲੀ ’ਚ ਰਾਹੁ ਦੀ ਸਥਿਤੀ ਕਮਜ਼ੋਰ ਹੋ ਸਕਦੀ ਹੈ।

ਭੁੱਲ ਕੇ ਵੀ ਨਾ ਕਰੋ ਇਹ ਕੰਮ

ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਘਰ ਦੀ ਛੱਤ ਜਾਂ ਕਿਸੇ ਹੋਰ ਥਾਂ ’ਤੇ ਜੰਗ ਲੱਗਿਆ ਲੋਹੇ ਦਾ ਸਮਾਨ ਜਾਂ ਖਰਾਬ ਇਲੈਕਟ੍ਰਾਨਿਕ ਸਮਾਨ ਭੁੱਲ ਕੇ ਵੀ ਨਹੀਂ ਰੱਖਣਾ ਚਾਹੀਦਾ। ਇਸ ਗਲਤੀ ਨਾਲ ਕੁੰਡਲੀ ’ਚ ਰਾਹੁ ਦੀ ਸਥਿਤੀ ਕਮਜ਼ੋਰ ਹੋ ਸਕਦੀ ਹੈ, ਜਿਸ ਦਾ ਬੁਰਾ ਪ੍ਰਭਾਵ ਤੁਹਾਡੇ ਜੀਵਨ ’ਤੇ ਪੈ ਸਕਦਾ ਹੈ।

ਇਸ ਤੋਂ ਇਲਾਵਾ, ਕਿਸੇ ਨਾਲ ਗੱਲਬਾਤ ਕਰਦੇ ਸਮੇਂ ਝੂਠ ਨਹੀਂ ਬੋਲਣਾ ਚਾਹੀਦਾ। ਨਾਲ ਹੀ ਕਿਸੇ ਨਾਲ ਧੋਖਾਧੜੀ ਵੀ ਨਹੀਂ ਕਰਨੀ ਚਾਹੀਦੀ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਇਹ ਕੰਮ ਕਰਨ ਨਾਲ ਵਿਅਕਤੀ ਨੂੰ ਜੀਵਨ ’ਚ ਅਸ਼ੁਭ ਨਤੀਜੇ ਮਿਲ ਸਕਦੇ ਹਨ ਤੇ ਕੰਮਾਂ ’ਚ ਅਸਫਲਤਾ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।

ਬਾਥਰੂਮ ਦੀ ਸਫਾਈ ਦਾ ਖਾਸ ਧਿਆਨ ਰੱਖੋ। ਮੰਨਿਆ ਜਾਂਦਾ ਹੈ ਕਿ ਬਾਥਰੂਮ ਨੂੰ ਗੰਦਾ ਰੱਖਣ ਨਾਲ ਨਕਾਰਾਤਮਕ ਊਰਜਾ ਵਧਦੀ ਹੈ, ਜਿਸ ਕਾਰਨ ਘਰ ’ਚ ਸੁੱਖ-ਸ਼ਾਂਤੀ ਨਹੀਂ ਰਹਿੰਦੀ।

ਆਪਣੇ ਤੋਂ ਵੱਡਿਆਂ ਦਾ ਅਪਮਾਨ ਨਹੀਂ ਕਰਨਾ ਚਾਹੀਦਾ। ਜਿਵੇਂ—ਮਾਤਾ-ਪਿਤਾ, ਗੁਰੂ ਤੇ ਬਜ਼ੁਰਗ ਆਦਿ। ਮੰਨਿਆ ਜਾਂਦਾ ਹੈ ਕਿ ਜੀਵਨ ’ਚ ਕਿਸੇ ਦਾ ਅਪਮਾਨ ਕਰਨ ਨਾਲ ਵਿਅਕਤੀ ਦੀ ਕੁੰਡਲੀ ’ਚ ਰਾਹੁ ਕਮਜ਼ੋਰ ਹੁੰਦਾ ਹੈ ਤੇ ਨਕਾਰਾਤਮਕ ਪ੍ਰਭਾਵ ਵਧਦਾ ਹੈ।

ਜੇਕਰ ਤੁਸੀਂ ਰਾਹੁ ਦੇ ਨਕਾਰਾਤਮਕ ਪ੍ਰਭਾਵ ਤੋਂ ਬਚਣਾ ਚਾਹੁੰਦੇ ਹੋ, ਤਾਂ ਅੰਨ ਦਾ ਅਪਮਾਨ ਕਰਨ ਜਾਂ ਭੋਜਨ ਦੀ ਬਰਬਾਦੀ ਕਰਨ ਤੋਂ ਭੁੱਲ ਕੇ ਵੀ ਬਚੋ। ਇਸ ਗਲਤੀ ਨਾਲ ਰਾਹੁ ਦਾ ਬੁਰਾ ਪ੍ਰਭਾਵ ਪੈਣ ਦੀ ਮਾਨਤਾ ਹੈ।