- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਕਿਸਮਤ ਤੇ ਦਿਮਾਗ ਦੇ ਸਭ ਤੋਂ ਤੇਜ਼, ਇਨ੍ਹਾਂ ਖ਼ਾਸ ਤਾਰੀਖਾਂ 'ਚ ਜਨਮੇ ਲੋਕਾਂ ਨੂੰ ਬੁੱਧੂ ਬਣਾਉਣਾ ਹੈ ਅਸੰਭਵ; ਝੂਠ ਤੇ ਧੋਖੇ ਨੂੰ ਵੀ ਤੁਰੰਤ ਲੈਂਦੇ ਹਨ ਭਾਂਪ
ਅੰਕ ਸ਼ਾਸਤਰ ਮੁਤਾਬਕ ਹਰ ਮੁਲਾਂਕ ਦੀ ਆਪਣੀ ਇੱਕ ਖਾਸ ਅਤੇ ਵੱਖਰੀ ਵਿਸ਼ੇਸ਼ਤਾ ਹੁੰਦੀ ਹੈ। ਕੁਝ ਮੁਲਾਂਕ ਵਾਲੇ ਲੋਕ ਦਿਮਾਗੀ ਤੌਰ ’ਤੇ ਕਾਫ਼ੀ ਤੇਜ਼-ਤਰਾਰ ਹੋ ਸਕਦੇ ਹਨ, ਜਦਕਿ ਕੁਝ ਮੁਲਾਂਕ ਵਾਲੇ ਲੋਕ ਆਪਣੀ ਖੂਬਸੂਰਤੀ ਲਈ ਜਾਣੇ ਜਾਂਦੇ ਹਨ ਪਰ ਅੱਜ ਅਸੀਂ ਤੁਹਾਨੂੰ ਜਿਸ ਮੁਲਾਂਕ ਬਾਰੇ ਦੱਸਣ ਜਾ ਰਹੇ ਹਾਂ, ਉਸ ਬਾਰੇ ਕਿਹਾ ਜਾਂਦਾ ਹੈ ਕਿ ਇਸ ਮੁਲਾਂਕ ਵਾਲੇ ਲੋਕਾਂ 'ਚ ਭਵਿੱਖ ਨਾਲ ਜੁੜੇ ਸੰਕੇਤਾਂ ਨੂੰ ਸਮਝਣ ਦੀ ਸਮਰੱਥਾ ਹੁੰਦੀ ਹੈ। ਜਦੋਂ ਵੀ ਕੁਝ ਬੁਰਾ ਹੋਣ ਵਾਲਾ ਹੁੰਦਾ ਹੈ ਤਾਂ ਇਹ ਲੋਕ ਪਹਿਲਾਂ ਹੀ ਸਾਵਧਾਨ ਹੋ ਜਾਂਦੇ ਹਨ। ਇਸੇ ਕਾਰਨ ਇਸ ਮੁਲਾਂਕ ਵਾਲੇ ਲੋਕਾਂ ਦਾ ਸਿਕਸਥ ਸੈਂਸ ਹੋਰ ਲੋਕਾਂ ਦੇ ਮੁਕਾਬਲੇ ਕਾਫ਼ੀ ਤੇਜ਼ ਮ
Posted By Sunita
Publish Date: Sat, 12 Sep 2026 04:15 PM (IST)
Updated Date: Sat, 12 Sep 2026 04:17 PM (IST)
ਧਰਮ ਡੈਸਕ, ਨਵੀਂ ਦਿੱਲੀ - ਅੰਕ ਸ਼ਾਸਤਰ ਮੁਤਾਬਕ ਹਰ ਮੁਲਾਂਕ ਦੀ ਆਪਣੀ ਇੱਕ ਖਾਸ ਅਤੇ ਵੱਖਰੀ ਵਿਸ਼ੇਸ਼ਤਾ ਹੁੰਦੀ ਹੈ। ਕੁਝ ਮੁਲਾਂਕ ਵਾਲੇ ਲੋਕ ਦਿਮਾਗੀ ਤੌਰ ’ਤੇ ਕਾਫ਼ੀ ਤੇਜ਼-ਤਰਾਰ ਹੋ ਸਕਦੇ ਹਨ, ਜਦਕਿ ਕੁਝ ਮੁਲਾਂਕ ਵਾਲੇ ਲੋਕ ਆਪਣੀ ਖੂਬਸੂਰਤੀ ਲਈ ਜਾਣੇ ਜਾਂਦੇ ਹਨ ਪਰ ਅੱਜ ਅਸੀਂ ਤੁਹਾਨੂੰ ਜਿਸ ਮੁਲਾਂਕ ਬਾਰੇ ਦੱਸਣ ਜਾ ਰਹੇ ਹਾਂ, ਉਸ ਬਾਰੇ ਕਿਹਾ ਜਾਂਦਾ ਹੈ ਕਿ ਇਸ ਮੁਲਾਂਕ ਵਾਲੇ ਲੋਕਾਂ 'ਚ ਭਵਿੱਖ ਨਾਲ ਜੁੜੇ ਸੰਕੇਤਾਂ ਨੂੰ ਸਮਝਣ ਦੀ ਸਮਰੱਥਾ ਹੁੰਦੀ ਹੈ। ਜਦੋਂ ਵੀ ਕੁਝ ਬੁਰਾ ਹੋਣ ਵਾਲਾ ਹੁੰਦਾ ਹੈ ਤਾਂ ਇਹ ਲੋਕ ਪਹਿਲਾਂ ਹੀ ਸਾਵਧਾਨ ਹੋ ਜਾਂਦੇ ਹਨ। ਇਸੇ ਕਾਰਨ ਇਸ ਮੁਲਾਂਕ ਵਾਲੇ ਲੋਕਾਂ ਦਾ ਸਿਕਸਥ ਸੈਂਸ ਹੋਰ ਲੋਕਾਂ ਦੇ ਮੁਕਾਬਲੇ ਕਾਫ਼ੀ ਤੇਜ਼ ਮੰਨਿਆ ਜਾਂਦਾ ਹੈ।
ਇਸ ਮੁਲਾਂਕ ਵਾਲਿਆਂ ਦੀ ਛੇਵੀਂ ਇੰਦਰੀ ਕਾਫ਼ੀ ਸਰਗਰਮ
ਅੰਕ ਸ਼ਾਸਤਰ 'ਚ ਮੁਲਾਂਕ 7 ਵਾਲਿਆਂ ਦੀ ਛੇਵੀਂ ਇੰਦਰੀ ਸਭ ਤੋਂ ਤੇਜ਼ ਮੰਨੀ ਜਾਂਦੀ ਹੈ। ਜਿਨ੍ਹਾਂ ਲੋਕਾਂ ਦਾ ਜਨਮ ਕਿਸੇ ਵੀ ਮਹੀਨੇ ਦੀ 7, 16 ਜਾਂ 25 ਤਾਰੀਖ ਨੂੰ ਹੋਇਆ ਹੈ, ਉਨ੍ਹਾਂ ਦਾ ਮੁਲਾਂਕ 7 ਹੁੰਦਾ ਹੈ। ਇਸ ਅੰਕ ਨਾਲ ਸਬੰਧਤ ਲੋਕਾਂ 'ਚ ਇੱਕ ਖਾਸ ਸ਼ਕਤੀ ਹੋਣ ਦੀ ਗੱਲ ਕਹੀ ਜਾਂਦੀ ਹੈ, ਜਿਸ ਕਾਰਨ ਇਹ ਭਵਿੱਖ 'ਚ ਵਾਪਰਨ ਵਾਲੀਆਂ ਘਟਨਾਵਾਂ ਦਾ ਪਹਿਲਾਂ ਹੀ ਅੰਦਾਜ਼ਾ ਲਗਾ ਲੈਂਦੇ ਹਨ। ਆਪਣੀ ਇਸ ਖੂਬੀ ਕਾਰਨ ਇਹ ਲੋਕ ਜੋਤਿਸ਼ ਦੀ ਦੁਨੀਆ 'ਚ ਵੀ ਕਾਫ਼ੀ ਸਫਲਤਾ ਹਾਸਲ ਕਰ ਸਕਦੇ ਹਨ। ਇਨ੍ਹਾਂ ਲੋਕਾਂ ਬਾਰੇ ਕਿਹਾ ਜਾਂਦਾ ਹੈ ਕਿ ਇਹ ਭਵਿੱਖ 'ਚ ਹੋਣ ਵਾਲੀਆਂ ਅਸ਼ੁਭ ਘਟਨਾਵਾਂ ਨੂੰ ਪਹਿਲਾਂ ਹੀ ਭਾਂਪ ਲੈਂਦੇ ਹਨ।
ਕੇਤੂ ਤੋਂ ਮਿਲਦੀ ਹੈ ਦਿਵਿਆ ਦ੍ਰਿਸ਼ਟੀ
ਮੁਲਾਂਕ 7 ਦਾ ਸਵਾਮੀ ਕੇਤੂ ਨੂੰ ਮੰਨਿਆ ਜਾਂਦਾ ਹੈ। ਜੋਤਿਸ਼ 'ਚ ਕੇਤੂ ਨੂੰ ਅਧਿਆਤਮ ਅਤੇ ਅੰਤਰਗਿਆਨ ਦਾ ਕਾਰਕ ਮੰਨਿਆ ਜਾਂਦਾ ਹੈ। ਇਹੀ ਕਾਰਨ ਹੈ ਕਿ ਮੁਲਾਂਕ 7 ਵਾਲੇ ਲੋਕਾਂ 'ਚ ਜਨਮ ਤੋਂ ਹੀ ਕੁਝ ਖਾਸ ਸ਼ਕਤੀਆਂ ਹੋਣ ਦੀ ਗੱਲ ਕਹੀ ਜਾਂਦੀ ਹੈ, ਜੋ ਉਨ੍ਹਾਂ ਨੂੰ ਬਾਕੀ ਅੰਕਾਂ ਵਾਲੇ ਲੋਕਾਂ ਤੋਂ ਵੱਖਰਾ ਬਣਾਉਂਦੀਆਂ ਹਨ।
ਕੇਤੂ ਦੇ ਪ੍ਰਭਾਵ ਕਾਰਨ ਇਨ੍ਹਾਂ ਦਾ ਸੁਭਾਅ ਕਾਫ਼ੀ ਆਧਿਆਤਮਿਕ ਅਤੇ ਦੂਰਦਰਸ਼ੀ ਮੰਨਿਆ ਜਾਂਦਾ ਹੈ। ਇਸ ਅੰਕ ਵਾਲੇ ਲੋਕਾਂ ਦੀ ਇੰਟਿਊਸ਼ਨ ਇੰਨੀ ਚੰਗੀ ਹੋਣ ਦੀ ਗੱਲ ਕਹੀ ਜਾਂਦੀ ਹੈ ਕਿ ਇਨ੍ਹਾਂ ਨਾਲ ਜਾਂ ਇਨ੍ਹਾਂ ਨਾਲ ਜੁੜੇ ਲੋਕਾਂ ਦੇ ਭਵਿੱਖ 'ਚ ਕਿਸੇ ਤਰ੍ਹਾਂ ਦੀ ਘਟਨਾ ਵਾਪਰਨ ਵਾਲੀ ਹੋਵੇ ਤਾਂ ਇਨ੍ਹਾਂ ਨੂੰ ਉਸਦਾ ਪਹਿਲਾਂ ਹੀ ਅਹਿਸਾਸ ਹੋ ਜਾਂਦਾ ਹੈ। ਕਈ ਵਾਰ ਇਨ੍ਹਾਂ ਨੂੰ ਸੁਪਨਿਆਂ ਜਾਂ ਅਚਾਨਕ ਆਉਣ ਵਾਲੇ ਵਿਚਾਰਾਂ ਰਾਹੀਂ ਵੀ ਭਵਿੱਖ 'ਚ ਹੋਣ ਵਾਲੀਆਂ ਘਟਨਾਵਾਂ ਦੇ ਸੰਕੇਤ ਮਿਲਣ ਦੀ ਗੱਲ ਕਹੀ ਜਾਂਦੀ ਹੈ।
ਦਿਮਾਗ ਪੜ੍ਹਨ 'ਚ ਵੀ ਮਾਹਿਰ ਹੁੰਦੇ ਹਨ ਮੁਲਾਂਕ 7 ਵਾਲੇ
ਮੁਲਾਂਕ 7 ਨਾਲ ਜੁੜੇ ਲੋਕਾਂ ਦੀ ਇੱਕ ਖਾਸੀਅਤ ਇਹ ਵੀ ਦੱਸੀ ਜਾਂਦੀ ਹੈ ਕਿ ਉਹ ਕਿਸੇ ਦਾ ਝੂਠ ਅਤੇ ਧੋਖਾ ਆਸਾਨੀ ਨਾਲ ਪਛਾਣ ਲੈਂਦੇ ਹਨ। ਇਹ ਲੋਕ ਦਿਮਾਗ ਅਤੇ ਮਨ ਦੋਵਾਂ ਨੂੰ ਪੜ੍ਹਨ 'ਚ ਮਾਹਿਰ ਮੰਨੇ ਜਾਂਦੇ ਹਨ। ਸਾਹਮਣੇ ਵਾਲੇ ਦੇ ਦਿਮਾਗ 'ਚ ਕੀ ਚੱਲ ਰਿਹਾ ਹੈ, ਇਸ ਦਾ ਇਨ੍ਹਾਂ ਨੂੰ ਕਾਫ਼ੀ ਹੱਦ ਤੱਕ ਅੰਦਾਜ਼ਾ ਹੋ ਜਾਂਦਾ ਹੈ। ਇਸ ਕਾਰਨ ਮੁਲਾਂਕ 7 ਵਾਲੇ ਲੋਕਾਂ ਨੂੰ ਬੇਵਕੂਫ਼ ਬਣਾਉਣਾ ਆਸਾਨ ਨਹੀਂ ਮੰਨਿਆ ਜਾਂਦਾ।
Disclaimer:ਇਸ ਲੇਖ 'ਚ ਦੱਸੇ ਗਏ ਉਪਾਅ, ਲਾਭ, ਸਲਾਹ ਅਤੇ ਕਥਨ ਕੇਵਲ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ, ਦੈਨਿਕ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇਸ ਲੇਖ 'ਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ 'ਚ ਦਿੱਤੀ ਜਾਣਕਾਰੀ ਵੱਖ-ਵੱਖ ਸਰੋਤਾਂ, ਜੋਤਿਸ਼ੀਆਂ, ਪੰਚਾਂਗ, ਪ੍ਰਵਚਨਾਂ, ਮਾਨਤਾਵਾਂ, ਧਾਰਮਿਕ ਗ੍ਰੰਥਾਂ ਅਤੇ ਲੋਕ ਕਥਾਵਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਇਸ ਲੇਖ ਨੂੰ ਅੰਤਿਮ ਸੱਚ ਜਾਂ ਪੱਕੇ ਦਾਅਵੇ ਵਜੋਂ ਨਾ ਲੈਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਦੈਨਿਕ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।