- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
Numerology Secrets : ਇਹਨਾਂ ਮੁਲਾਂਕ ਵਾਲੇ ਬੌਸ ਤੇ ਐਂਪਲਾਈ ਦੀ ਕਦੇ ਨਹੀਂ ਬਣਦੀ, ਦਫ਼ਤਰ 'ਚ ਹਮੇਸ਼ਾ ਰਹਿੰਦਾ ਹੈ ਈਗੋ ਕਲੈਸ਼
ਨੌਕਰੀਪੇਸ਼ਾ ਲੋਕਾਂ ਲਈ ਬਹੁਤ ਜ਼ਰੂਰੀ ਹੈ ਕਿ ਦਫ਼ਤਰ 'ਚ ਉਹਨਾਂ ਦੀ ਆਪਣੇ ਬੌਸ ਨਾਲ ਚੰਗੀ ਬੌਂਡਿੰਗ ਹੋਵੇ। ਇਸ ਨਾਲ ਕੰਮ ਕਰਨਾ ਵੀ ਆਸਾਨ ਹੋ ਜਾਂਦਾ ਹੈ ਅਤੇ ਜਦੋਂ ਤਰੱਕੀ ਦੀ ਗੱਲ ਆਉਂਦੀ ਹੈ, ਤਦ ਵੀ ਫ਼ਾਇਦਾ ਹੁੰਦਾ ਹੈ। ਪਰ ਹਰ ਕਿਸੇ ਨੂੰ ਅਜਿਹਾ ਬੌਸ ਨਹੀਂ ਮਿਲਦਾ। ਖ਼ਾਸ ਤੌਰ 'ਤੇ ਅੰਕ-ਵਿਗਿਆਨ ਮੁਤਾਬਕ ਕੁਝ ਮੁਲਾਂਕ ਵਾਲੇ ਬੌਸ ਅਤੇ ਐਂਪਲਾਈ 'ਚ ਤਾਂ ਕਦੇ ਬਣ ਹੀ ਨਹੀਂ ਸਕਦੀ। ਛੋਟੀਆਂ-ਵੱਡੀਆਂ ਗੱਲਾਂ 'ਚ ਇਹਨਾਂ ਵਿਚਕਾਰ ਤਣਾਅ ਪੈਦਾ ਹੋ ਜਾਂਦਾ ਹੈ।
Posted By Sunita
Publish Date: Thu, 24 Sep 2026 11:36 AM (IST)
Updated Date: Thu, 24 Sep 2026 11:39 AM (IST)
ਧਰਮ ਡੈਸਕ, ਨਵੀਂ ਦਿੱਲੀ - ਨੌਕਰੀਪੇਸ਼ਾ ਲੋਕਾਂ ਲਈ ਬਹੁਤ ਜ਼ਰੂਰੀ ਹੈ ਕਿ ਦਫ਼ਤਰ 'ਚ ਉਹਨਾਂ ਦੀ ਆਪਣੇ ਬੌਸ ਨਾਲ ਚੰਗੀ ਬੌਂਡਿੰਗ ਹੋਵੇ। ਇਸ ਨਾਲ ਕੰਮ ਕਰਨਾ ਵੀ ਆਸਾਨ ਹੋ ਜਾਂਦਾ ਹੈ ਅਤੇ ਜਦੋਂ ਤਰੱਕੀ ਦੀ ਗੱਲ ਆਉਂਦੀ ਹੈ, ਤਦ ਵੀ ਫ਼ਾਇਦਾ ਹੁੰਦਾ ਹੈ। ਪਰ ਹਰ ਕਿਸੇ ਨੂੰ ਅਜਿਹਾ ਬੌਸ ਨਹੀਂ ਮਿਲਦਾ। ਖ਼ਾਸ ਤੌਰ 'ਤੇ ਅੰਕ-ਵਿਗਿਆਨ ਮੁਤਾਬਕ ਕੁਝ ਮੁਲਾਂਕ ਵਾਲੇ ਬੌਸ ਅਤੇ ਐਂਪਲਾਈ 'ਚ ਤਾਂ ਕਦੇ ਬਣ ਹੀ ਨਹੀਂ ਸਕਦੀ। ਛੋਟੀਆਂ-ਵੱਡੀਆਂ ਗੱਲਾਂ 'ਚ ਇਹਨਾਂ ਵਿਚਕਾਰ ਤਣਾਅ ਪੈਦਾ ਹੋ ਜਾਂਦਾ ਹੈ।
ਇਹਨਾਂ ਵਿਚਕਾਰ ਵਿਚਾਰਾਂ ਦਾ ਮਤਭੇਦ ਇੰਨਾ ਜ਼ਿਆਦਾ ਹੁੰਦਾ ਹੈ ਕਿ ਦਫ਼ਤਰ 'ਚ ਠੀਕ ਢੰਗ ਨਾਲ ਕੰਮ ਕਰਨਾ ਵੀ ਮੁਸ਼ਕਲ ਹੋ ਜਾਂਦਾ ਹੈ। ਤਾਂ ਆਓ ਜਾਣਦੇ ਹਾਂ, ਅਜਿਹੇ ਹੀ ਬੌਸ ਅਤੇ ਐਂਪਲਾਈ ਦੀ ਮੁਲਾਂਕ ਜੋੜੀ, ਜੋ ਕਦੇ ਇਕੱਠੇ ਕੰਮ ਨਹੀਂ ਕਰ ਸਕਦੇ।
ਮੁਲਾਂਕ 1 ਅਤੇ ਮੁਲਾਂਕ 8
ਮੁਲਾਂਕ 1 ਉਹਨਾਂ ਲੋਕਾਂ ਦਾ ਹੁੰਦਾ ਹੈ ਜਿਹਨਾਂ ਦਾ ਜਨਮ ਕਿਸੇ ਵੀ ਮਹੀਨੇ ਦੀ 1, 10, 19 ਜਾਂ 28 ਤਾਰੀਖ਼ ਨੂੰ ਹੋਇਆ ਹੋਵੇ। ਉੱਥੇ ਹੀ 8, 17 ਜਾਂ 26 ਤਾਰੀਖ਼ ਨੂੰ ਜਨਮੇ ਲੋਕਾਂ ਦਾ ਮੁਲਾਂਕ 8 ਮੰਨਿਆ ਜਾਂਦਾ ਹੈ।
ਅੰਕ-ਵਿਗਿਆਨ 'ਚ ਮੁਲਾਂਕ 1 ਦਾ ਸਬੰਧ ਸੂਰਜ ਅਤੇ ਮੁਲਾਂਕ 8 ਦਾ ਸਬੰਧ ਸ਼ਨੀ ਨਾਲ ਦੱਸਿਆ ਗਿਆ ਹੈ। ਇਹਨਾਂ ਦੋਵੇਂ ਗ੍ਰਹਿਆਂ ਨੂੰ ਜੋਤਿਸ਼ ਆਧਾਰ 'ਤੇ ਇੱਕ-ਦੂਜੇ ਦਾ ਵਿਰੋਧੀ ਮੰਨਿਆ ਜਾਂਦਾ ਹੈ। ਇਸੇ ਵਜ੍ਹਾ ਕਰਕੇ ਕਿਹਾ ਜਾਂਦਾ ਹੈ ਕਿ ਦੋਵੇਂ ਮੁਲਾਂਕ ਵਾਲੇ ਲੋਕਾਂ ਵਿਚਕਾਰ ਅਧਿਕਾਰ ਅਤੇ ਕੰਮ ਕਰਨ ਦੇ ਤਰੀਕੇ ਨੂੰ ਲੈ ਕੇ ਮਤਭੇਦ ਹੋ ਸਕਦੇ ਹਨ।
ਮੁਲਾਂਕ 1 ਅਤੇ ਮੁਲਾਂਕ 9
9, 18 ਅਤੇ 27 ਤਾਰੀਖ਼ ਨੂੰ ਜਨਮੇ ਲੋਕਾਂ ਦਾ ਮੁਲਾਂਕ 9 ਹੁੰਦਾ ਹੈ। ਅੰਕ-ਵਿਗਿਆਨ 'ਚ ਅੰਕ 9 ਨੂੰ ਮੰਗਲ ਨਾਲ ਜੋੜਿਆ ਜਾਂਦਾ ਹੈ। ਦੋਵੇਂ ਹੀ ਗ੍ਰਹਿ ਊਰਜਾਵਾਨ ਹੁੰਦੇ ਹਨ, ਜਿਸਦਾ ਅਸਰ ਇਹਨਾਂ ਨਾਲ ਸਬੰਧਤ ਮੁਲਾਂਕ ਵਾਲਿਆਂ 'ਤੇ ਵੀ ਪੈਂਦਾ ਹੈ। ਮੰਨਿਆ ਜਾਂਦਾ ਹੈ ਕਿ ਜਦੋਂ ਦੋਹਾਂ 'ਚੋਂ ਇੱਕ ਵਿਅਕਤੀ ਬੌਸ ਅਤੇ ਦੂਜਾ ਕਰਮਚਾਰੀ ਹੋਵੇ, ਤਾਂ ਲੀਡਰਸ਼ਿਪ ਅਤੇ ਸੁਤੰਤਰ ਢੰਗ ਨਾਲ ਕੰਮ ਕਰਨ ਨੂੰ ਲੈ ਕੇ ਟਕਰਾਅ ਹੋ ਸਕਦਾ ਹੈ।
ਮੁਲਾਂਕ 2 ਅਤੇ ਮੁਲਾਂਕ 5
2, 11, 20 ਅਤੇ 29 ਤਾਰੀਖ਼ ਨੂੰ ਜਨਮੇ ਲੋਕਾਂ ਦਾ ਮੁਲਾਂਕ 2 ਹੁੰਦਾ ਹੈ, ਜਦਕਿ 5, 14 ਅਤੇ 23 ਤਾਰੀਖ਼ ਨੂੰ ਜਨਮੇ ਲੋਕਾਂ ਦਾ ਮੁਲਾਂਕ 5 ਮੰਨਿਆ ਜਾਂਦਾ ਹੈ।
ਅੰਕ-ਵਿਗਿਆਨ 'ਚ ਮੁਲਾਂਕ 2 ਨੂੰ ਚੰਦਰਮਾ ਅਤੇ ਮੁਲਾਂਕ 5 ਨੂੰ ਬੁੱਧ ਨਾਲ ਸਬੰਧਤ ਦੱਸਿਆ ਗਿਆ ਹੈ। 2 ਮੁਲਾਂਕ ਨੂੰ ਭਾਵਨਾਤਮਕ ਅਤੇ ਸੰਵੇਦਨਸ਼ੀਲ ਸੁਭਾਅ ਨਾਲ ਜੋੜਿਆ ਜਾਂਦਾ ਹੈ, ਜਦਕਿ 5 ਨੂੰ ਤੇਜ਼ ਬੁੱਧੀ ਅਤੇ ਵਿਹਾਰਕ ਨਜ਼ਰੀਏ ਵਾਲਾ ਮੰਨਿਆ ਜਾਂਦਾ ਹੈ। ਇਸ ਲਈ ਕੰਮ ਨੂੰ ਲੈ ਕੇ ਦੋਹਾਂ ਦੀਆਂ ਪਹਿਲਤਾਵਾਂ ਵੱਖ ਹੋ ਸਕਦੀਆਂ ਹਨ। ਅਜਿਹੇ 'ਚ ਦੋਹਾਂ ਨੂੰ ਇਕੱਠੇ ਕੰਮ ਕਰਨ 'ਚ ਦਿੱਕਤ ਆਉਂਦੀ ਹੈ।
ਮੁਲਾਂਕ 3 ਅਤੇ ਮੁਲਾਂਕ 6
3, 12, 21 ਅਤੇ 30 ਤਾਰੀਖ਼ ਨੂੰ ਜਨਮੇ ਲੋਕਾਂ ਦਾ ਮੁਲਾਂਕ 3 ਅਤੇ 6, 15 ਅਤੇ 24 ਤਾਰੀਖ਼ ਨੂੰ ਜਨਮੇ ਲੋਕਾਂ ਦਾ ਮੁਲਾਂਕ 6 ਹੁੰਦਾ ਹੈ।
ਅੰਕ-ਵਿਗਿਆਨ ਦੀ ਮਾਨਤਾ 'ਚ 3 ਦਾ ਸਬੰਧ ਗੁਰੂ ਅਤੇ 6 ਦਾ ਸਬੰਧ ਸ਼ੁੱਕਰ ਨਾਲ ਦੱਸਿਆ ਗਿਆ ਹੈ। ਦੋਹਾਂ ਦੀ ਕਾਰਜਸ਼ੈਲੀ ਅਤੇ ਸੋਚ 'ਚ ਬਹੁਤ ਜ਼ਿਆਦਾ ਫ਼ਰਕ ਹੁੰਦਾ ਹੈ। ਅਜਿਹੇ 'ਚ ਬੌਸ ਅਤੇ ਕਰਮਚਾਰੀ ਦੇ ਰੂਪ 'ਚ ਦੋਹਾਂ ਵਿਚਕਾਰ ਫ਼ੈਸਲਿਆਂ ਅਤੇ ਕੰਮ ਕਰਨ ਦੇ ਤਰੀਕਿਆਂ ਨੂੰ ਲੈ ਕੇ ਮਤਭੇਦ ਹੋ ਸਕਦੇ ਹਨ।
ਮੁਲਾਂਕ 4 ਅਤੇ ਮੁਲਾਂਕ 8
4, 13, 22 ਅਤੇ 31 ਤਾਰੀਖ਼ ਨੂੰ ਜਨਮੇ ਲੋਕਾਂ ਦਾ ਮੁਲਾਂਕ 4 ਹੁੰਦਾ ਹੈ। ਅੰਕ-ਵਿਗਿਆਨ 'ਚ ਮੁਲਾਂਕ 4 ਨੂੰ ਰਾਹੂ ਨਾਲ ਜੋੜਿਆ ਜਾਂਦਾ ਹੈ। ਦੋਹਾਂ ਮੁਲਾਂਕਾਂ ਦੇ ਸੁਭਾਅ 'ਚ ਅਨੁਸ਼ਾਸਨ ਅਤੇ ਸੰਘਰਸ਼ ਹੁੰਦਾ ਹੈ। ਮੰਨਿਆ ਜਾਂਦਾ ਹੈ ਕਿ ਜਦੋਂ ਇਹ ਦੋਵੇਂ ਬੌਸ ਅਤੇ ਕਰਮਚਾਰੀ ਦੇ ਰੂਪ 'ਚ ਇਕੱਠੇ ਕੰਮ ਕਰਦੇ ਹਨ, ਤਾਂ ਅਧਿਕਾਰ, ਨਿਯਮ ਅਤੇ ਕੰਮ ਕਰਨ ਦੇ ਤਰੀਕੇ ਨੂੰ ਲੈ ਕੇ ਮਤਭੇਦ ਹੋ ਸਕਦੇ ਹਨ।
Disclaimer: ਇਸ ਲੇਖ 'ਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਕਥਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ, ਦੈਨਿਕ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ 'ਚ ਲਿਖੀਆਂ ਗਈਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ ਹੈ। ਇਸ ਲੇਖ 'ਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ/ਦੰਤਕਥਾਵਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੀ ਸਮਝ ਦੀ ਵਰਤੋਂ ਕਰਨ। ਦੈਨਿਕ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।