- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਅਕਤੂਬਰ 'ਚ ਦੋ ਵਾਰ ਵਰ੍ਹੇਗੀ ਮਹਾਦੇਵ ਦੀ ਕਿਰਪਾ! 8 ਨੂੰ ਗੁਰੂ ਪ੍ਰਦੋਸ਼ ਤੇ 23 ਨੂੰ ਸ਼ੁੱਕਰ ਪ੍ਰਦੋਸ਼, ਜਾਣੋ ਪੂਜਾ ਦਾ ਸ਼ੁਭ ਮੁਹੂਰਤ
ਅਕਤੂਬਰ 2026 ’ਚ ਦੋ ਪ੍ਰਦੋਸ਼ ਵਰਤ ਰੱਖੇ ਜਾਣਗੇ। ਪਹਿਲਾ 8 ਅਕਤੂਬਰ ਨੂੰ ਗੁਰੂ ਪ੍ਰਦੋਸ਼ ਤੇ ਦੂਜਾ 23 ਅਕਤੂਬਰ ਨੂੰ ਸ਼ੁੱਕਰ ਪ੍ਰਦੋਸ਼ ਹੋਵੇਗਾ। ਇਨ੍ਹਾਂ ਵਰਤਾਂ ਦੌਰਾਨ ਭਗਵਾਨ ਸ਼ਿਵ ਦੀ ਪੂਜਾ ਦਾ ਵਿਸ਼ੇਸ਼ ਮਹੱਤਵ ਹੈ। ਮੰਨਿਆ ਜਾਂਦਾ ਹੈ ਕਿ ਇਹ ਵਰਤ ਸੁੱਖ-ਸਮ੍ਰਿੱਧੀ ਤੇ ਮਨੋਕਾਮਨਾ ਪੂਰੀ ਕਰਨ ਲਈ ਕੀਤਾ ਜਾਂਦਾ ਹੈ।
Posted By Paramjit Kaur
Publish Date: Wed, 30 Sep 2026 12:07 PM (IST)
Updated Date: Wed, 30 Sep 2026 12:12 PM (IST)
ਧਰਮ ਡੈਸਕ, ਨਵੀਂ ਦਿੱਲੀ : ਹਿੰਦੂ ਧਰਮ ’ਚ ਤ੍ਰਿਯੋਦਸ਼ੀ ਤਿਥੀ ਦਾ ਕਾਫ਼ੀ ਮਹੱਤਵ ਹੈ। ਹਰ ਮਹੀਨੇ ਕ੍ਰਿਸ਼ਨ ਤੇ ਸ਼ੁਕਲ ਪੱਖ ਦੀ ਤ੍ਰਿਯੋਦਸ਼ੀ ਤਿਥੀ ਨੂੰ ਪ੍ਰਦੋਸ਼ ਵਰਤ (October 2026 Pradosh Vrat) ਰੱਖਿਆ ਜਾਂਦਾ ਹੈ। ਮੁੱਖ ਤੌਰ ’ਤੇ ਇਹ ਦਿਨ ਭਗਵਾਨ ਸ਼ਿਵ ਦੀ ਭਗਤੀ ਤੇ ਪੂਜਾ ਲਈ ਸਮਰਪਿਤ ਹੁੰਦਾ ਹੈ। ਪ੍ਰਦੋਸ਼ ਵਰਤ ਨੂੰ ਲੈ ਕੇ ਧਾਰਮਿਕ ਮਾਨਤਾ ਹੈ ਕਿ ਇਸ ਦਿਨ ਵਰਤ ਰੱਖਣ ਨਾਲ ਘਰ ’ਚ ਸੁੱਖ-ਸ਼ਾਂਤੀ ਬਣੀ ਰਹਿੰਦੀ ਹੈ ਤੇ ਜੀਵਨ ’ਚ ਚੱਲ ਰਹੀਆਂ ਸਮੱਸਿਆਵਾਂ ਤੋਂ ਵੀ ਛੁਟਕਾਰਾ ਮਿਲਦਾ ਹੈ। ਹਿੰਦੂ ਪੰਚਾਂਗ ਮੁਤਾਬਕ ਅਸ਼ਵਿਨ ਮਹੀਨਾ ਸ਼ੁਰੂ ਹੋ ਚੁੱਕਾ ਹੈ ਤੇ ਸ਼ਿਵ ਭਗਤ ਪ੍ਰਦੋਸ਼ ਵਰਤ ਦੀ ਉਡੀਕ ਕਰ ਰਹੇ ਹਨ। ਆਓ ਜਾਣਦੇ ਹਾਂ ਇਸ ਸਾਲ ਅਕਤੂਬਰ ਮਹੀਨੇ ’ਚ ਪ੍ਰਦੋਸ਼ ਵਰਤ ਕਦੋਂ ਰੱਖਿਆ ਜਾਵੇਗਾ?
ਅਕਤੂਬਰ ਦਾ ਪਹਿਲਾ ਪ੍ਰਦੋਸ਼ ਵਰਤ ਕਦੋਂ ਰੱਖਿਆ ਜਾਵੇਗਾ?
ਹਿੰਦੂ ਪੰਚਾਂਗ ਮੁਤਾਬਕ ਅਸ਼ਵਿਨ ਮਹੀਨੇ ਦੇ ਕ੍ਰਿਸ਼ਨ ਪੱਖ ਦੀ ਤ੍ਰਿਯੋਦਸ਼ੀ ਤਿਥੀ 7 ਅਕਤੂਬਰ ਨੂੰ ਰਾਤ 11 ਵੱਜ ਕੇ 16 ਮਿੰਟ ’ਤੇ ਸ਼ੁਰੂ ਹੋਵੇਗੀ। ਉੱਥੇ ਹੀ 8 ਅਕਤੂਬਰ ਨੂੰ ਰਾਤ 11 ਵੱਜ ਕੇ 16 ਮਿੰਟ ’ਤੇ ਇਸ ਤਿਥੀ ਦਾ ਸਮਾਪਨ ਹੋਵੇਗਾ। ਅਜਿਹੇ ’ਚ ਉਦਯਾ ਤਿਥੀ ਨੂੰ ਧਿਆਨ ’ਚ ਰੱਖਦੇ ਹੋਏ ਅਕਤੂਬਰ ਮਹੀਨੇ ਦਾ ਪਹਿਲਾ ਪ੍ਰਦੋਸ਼ ਵਰਤ 8 ਅਕਤੂਬਰ 2026 ਨੂੰ ਰੱਖਿਆ ਜਾਵੇਗਾ। ![naidunia_image]()
ਹਿੰਦੂ ਮਾਨਤਾਵਾਂ ਮੁਤਾਬਕ ਜਦੋਂ ਪ੍ਰਦੋਸ਼ ਦਾ ਦਿਨ ਵੀਰਵਾਰ ਨੂੰ ਪੈਂਦਾ ਹੈ ਤਾਂ ਇਸ ਨੂੰ ਗੁਰੂ ਪ੍ਰਦੋਸ਼ ਕਿਹਾ ਜਾਂਦਾ ਹੈ। ਗੁਰੂ ਪ੍ਰਦੋਸ਼ ਨੂੰ ਬ੍ਰਹਸਪਤੀ ਪ੍ਰਦੋਸ਼ ਵਰਤ ਦੇ ਨਾਮ ਨਾਲ ਵੀ ਜਾਣਿਆ ਜਾਂਦਾ ਹੈ। ਗੁਰੂ ਪ੍ਰਦੋਸ਼ ਵਰਤ ਨੂੰ ਆਧਿਆਤਮਿਕ ਉੱਨਤੀ ਤੇ ਗਿਆਨ ਦੀ ਪ੍ਰਾਪਤੀ ਲਈ ਬੇਹੱਦ ਖ਼ਾਸ ਮੰਨਿਆ ਜਾਂਦਾ ਹੈ। ਵੀਰਵਾਰ ਦਾ ਦਿਨ ਭਗਵਾਨ ਸ਼ਿਵ ਨੂੰ ਤਾਂ ਪਿਆਰਾ ਹੈ ਹੀ, ਪਰ ਦੇਵਗੁਰੂ ਬ੍ਰਿਹਸਪਤੀ ਨਾਲ ਜੁੜਿਆ ਹੋਣ ਕਾਰਨ ਇਸ ਦਿਨ ਵਰਤ ਰੱਖਣ ਨਾਲ ਗਿਆਨ, ਸਿੱਖਿਆ, ਧਨ, ਧਰਮ ਤੇ ਸੁੱਖ-ਸਮ੍ਰਿੱਧੀ ਦੀ ਪ੍ਰਾਪਤੀ ਹੋਣ ਦੀ ਮਾਨਤਾ ਹੈ।
ਪੂਜਾ ਦਾ ਸ਼ੁਭ ਮੁਹੂਰਤ ਕੀ ਰਹੇਗਾ?
8 ਅਕਤੂਬਰ 2026, ਵੀਰਵਾਰ ਨੂੰ ਪ੍ਰਦੋਸ਼ ਵਰਤ ਲਈ ਸ਼ੁਭ ਮੁਹੂਰਤ ਸ਼ਾਮ 5 ਵੱਜ ਕੇ 59 ਮਿੰਟ ਤੋਂ ਰਾਤ 8 ਵੱਜ ਕੇ 27 ਮਿੰਟ ਤੱਕ ਰਹੇਗਾ। ਭਗਵਾਨ ਸ਼ਿਵ ਦੇ ਭਗਤ ਇਸ ਖ਼ਾਸ ਸਮੇਂ ਦੌਰਾਨ ਉਨ੍ਹਾਂ ਦੀ ਪੂਜਾ-ਅਰਚਨਾ ਕਰ ਸਕਦੇ ਹਨ।
ਅਕਤੂਬਰ 2026 ਦਾ ਦੂਜਾ ਪ੍ਰਦੋਸ਼ ਵਰਤ ਕਦੋਂ ਰੱਖਿਆ ਜਾਵੇਗਾ?
ਹਿੰਦੂ ਪੰਚਾਂਗ ਮੁਤਾਬਕ ਅਸ਼ਵਿਨ ਮਹੀਨੇ ਦੇ ਸ਼ੁਕਲ ਪੱਖ ਦੀ ਤ੍ਰਿਯੋਦਸ਼ੀ ਤਿਥੀ 23 ਅਕਤੂਬਰ 2026 ਨੂੰ ਦੁਪਹਿਰ 2 ਵੱਜ ਕੇ 35 ਮਿੰਟ ’ਤੇ ਸ਼ੁਰੂ ਹੋਵੇਗੀ। ਉੱਥੇ ਹੀ 24 ਅਕਤੂਬਰ 2026 ਨੂੰ ਦੁਪਹਿਰ 1 ਵੱਜ ਕੇ 36 ਮਿੰਟ ’ਤੇ ਤ੍ਰਿਯੋਦਸ਼ੀ ਤਿਥੀ ਦਾ ਸਮਾਪਨ ਹੋਵੇਗਾ। ਉਦਯਾ ਤਿਥੀ ਦੇ ਹਿਸਾਬ ਨਾਲ 23 ਅਕਤੂਬਰ 2026, ਸ਼ੁੱਕਰਵਾਰ ਨੂੰ ਸ਼ੁਕਲ ਪੱਖ ਦਾ ਪ੍ਰਦੋਸ਼ ਵਰਤ ਰੱਖਿਆ ਜਾਵੇਗਾ।
ਪੂਜਾ ਦਾ ਸ਼ੁਭ ਮੁਹੂਰਤ ਕੀ ਰਹੇਗਾ?
23 ਅਕਤੂਬਰ 2026, ਸ਼ੁੱਕਰ ਪ੍ਰਦੋਸ਼ ਵਰਤ (October 2026 Pradosh Vrat) ਲਈ ਸ਼ੁਭ ਮੁਹੂਰਤ ਸ਼ਾਮ 5 ਵੱਜ ਕੇ 44 ਮਿੰਟ ਤੋਂ ਰਾਤ 8 ਵੱਜ ਕੇ 16 ਮਿੰਟ ਤੱਕ ਰਹੇਗਾ। ਸ਼ੁੱਕਰ ਪ੍ਰਦੋਸ਼ ਵਰਤ ਦੇ ਮੌਕੇ 'ਤੇ ਭਗਵਾਨ ਸ਼ਿਵ ਦੇ ਭਗਤਾਂ ਨੂੰ ਉਨ੍ਹਾਂ ਦੀ ਪੂਜਾ-ਅਰਚਨਾ ਲਈ 2 ਘੰਟੇ 33 ਮਿੰਟ ਦਾ ਸਮਾਂ ਮਿਲੇਗਾ।
ਜਦੋਂ ਪ੍ਰਦੋਸ਼ ਵਰਤ ਦਾ ਦਿਨ ਸ਼ੁੱਕਰਵਾਰ ਨੂੰ ਪੈਂਦਾ ਹੈ ਤਾਂ ਇਸ ਨੂੰ ਸ਼ੁੱਕਰ ਪ੍ਰਦੋਸ਼ ਵਰਤ ਕਿਹਾ ਜਾਂਦਾ ਹੈ। ਸ਼ੁੱਕਰ ਪ੍ਰਦੋਸ਼ ਵਰਤ ਸੁੰਦਰਤਾ, ਭੋਗ, ਵਿਆਹੁਤਾ ਸੁੱਖ ਤੇ ਧਨ-ਸੰਪਤੀ ਦੀ ਪ੍ਰਾਪਤੀ ਲਈ ਕੀਤਾ ਜਾਂਦਾ ਹੈ। ਇਹ ਵਰਤ ਖ਼ਾਸ ਤੌਰ 'ਤੇ ਮਹਿਲਾਵਾਂ ਲਈ ਕਲਿਆਣਕਾਰੀ ਮੰਨਿਆ ਜਾਂਦਾ ਹੈ। ਮਾਨਤਾ ਹੈ ਕਿ ਇਸ ਵਰਤ ਨਾਲ ਵਿਆਹੁਤਾ ਜੀਵਨ ਸੁਖਮਈ ਹੁੰਦਾ ਹੈ ਤੇ ਮਾਂ ਲਕਸ਼ਮੀ ਦੀ ਕਿਰਪਾ ਵੀ ਪ੍ਰਾਪਤ ਹੁੰਦੀ ਹੈ।