- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਹੱਥਾਂ ’ਚ ਅੰਗੂਠੀਆਂ ਦੀ ਗਿਣਤੀ ਤੈਅ ਕਰਦੀ ਹੈ ਤੁਹਾਡੀ ਕਿਸਮਤ, ਜਾਣੋ ਕਿੰਨੀਆਂ ਪਹਿਨਣ ਦਾ ਕੀ ਹੁੰਦਾ ਹੈ ਫਲ?
ਅੰਕ ਸ਼ਾਸਤਰ ਦੇ ਅਨੁਸਾਰ, ਹੱਥਾਂ ’ਚ ਪਹਿਨੀਆਂ ਗਈਆਂ ਅੰਗੂਠੀਆਂ ਦੀ ਗਿਣਤੀ ਤੇ ਉਨ੍ਹਾਂ ’ਚ ਲੱਗੇ ਰਤਨ ਗ੍ਰਹਿਆਂ ਦੀ ਊਰਜਾ ਨੂੰ ਪ੍ਰਭਾਵਿਤ ਕਰਦੇ ਹਨ। ਸਹੀ ਗਿਣਤੀ ਤੇ ਰਤਨਾਂ ਦੀ ਚੋਣ ਕਿਸਮਤ ਨੂੰ ਮਜ਼ਬੂਤ ਕਰ ਸਕਦੀ ਹੈ, ਜਦਕਿ ਗਲਤ ਚੋਣ ਨਾਲ ਗ੍ਰਹਿਆਂ ਵਿਚਕਾਰ ਟਕਰਾਅ ਹੋ ਸਕਦਾ ਹੈ।
Posted By Paramjit Kaur
Publish Date: Sat, 26 Sep 2026 10:47 AM (IST)
Updated Date: Sat, 26 Sep 2026 10:51 AM (IST)
ਧਰਮ ਡੈਸਕ, ਨਵੀਂ ਦਿੱਲੀ : ਅੰਕ ਸ਼ਾਸਤਰ ’ਚ ਅੰਗੂਠੀ ਨੂੰ ਸਿਰਫ਼ ਗਹਿਣਾ ਨਹੀਂ ਮੰਨਿਆ ਜਾਂਦਾ, ਸਗੋਂ ਇਸ ਦਾ ਸਬੰਧ ਗ੍ਰਹਿਆਂ ਦੀ ਊਰਜਾ ਨਾਲ ਵੀ ਦੱਸਿਆ ਜਾਂਦਾ ਹੈ। ਮਾਨਤਾ ਹੈ ਕਿ ਉਂਗਲੀ ਦੇ ਅਨੁਸਾਰ ਸਹੀ ਰਤਨ ਤੇ ਧਾਤ ਦੀ ਅੰਗੂਠੀ ਧਾਰਨ ਕਰਨ ਨਾਲ ਸਬੰਧਤ ਗ੍ਰਹਿ ਦੀ ਊਰਜਾ ਨੂੰ ਮਜ਼ਬੂਤ ਕੀਤਾ ਜਾ ਸਕਦਾ ਹੈ। ਉੱਥੇ ਹੀ ਬਿਨਾਂ ਸੋਚੇ-ਸਮਝੇ ਇੱਕੋ ਸਮੇਂ ਕਈ ਅੰਗੂਠੀਆਂ ਪਹਿਨਣ ਨਾਲ ਗ੍ਰਹਿਆਂ ਦੀ ਊਰਜਾ ਅਸੰਤੁਲਿਤ ਵੀ ਹੋ ਸਕਦੀ ਹੈ। ਅਜਿਹੇ ’ਚ ਕੀ ਹੱਥ ’ਚ ਅੰਗੂਠੀਆਂ ਦੀ ਗਿਣਤੀ ਵੀ ਤੁਹਾਡੀ ਕਿਸਮਤ ਨੂੰ ਪ੍ਰਭਾਵਿਤ ਕਰ ਸਕਦੀ ਹੈ? ਆਓ ਜਾਣਦੇ ਹਾਂ ਕਿੰਨੀਆਂ ਅੰਗੂਠੀਆਂ ਪਹਿਨਣ ਦਾ ਕੀ ਫਲ ਹੁੰਦਾ ਹੈ।
1 ਅੰਗੂਠੀ ਪਹਿਨਣ ਦਾ ਫਲ
ਅੰਕ ਸ਼ਾਸਤਰ ਦੇ ਅਨੁਸਾਰ, ਹੱਥ ’ਚ ਇੱਕ ਅੰਗੂਠੀ ਪਹਿਨਣਾ ਸਭ ਤੋਂ ਸੌਖਾ ਤੇ ਸ਼ੁਭ ਮੰਨਿਆ ਜਾਂਦਾ ਹੈ। ਜਦੋਂ ਵਿਅਕਤੀ ਸਿਰਫ਼ ਇੱਕ ਅੰਗੂਠੀ ਧਾਰਨ ਕਰਦਾ ਹੈ ਤਾਂ ਉਸ ਦਾ ਧਿਆਨ ਇੱਕ ਹੀ ਗ੍ਰਹਿ ਦੀ ਊਰਜਾ ’ਤੇ ਕੇਂਦਰਿਤ ਰਹਿੰਦਾ ਹੈ। ਮੰਨਿਆ ਜਾਂਦਾ ਹੈ ਕਿ ਇਸ ਨਾਲ ਮਾਨਸਿਕ ਸ਼ਾਂਤੀ, ਫ਼ੈਸਲਾ ਲੈਣ ਦੀ ਸਮਰੱਥਾ ਤੇ ਕੰਮ ’ਚ ਸਥਿਰਤਾ ਆਉਂਦੀ ਹੈ। ਹਾਲਾਂਕਿ, ਇਸ ਦਾ ਪ੍ਰਭਾਵ ਅੰਗੂਠੀ ’ਚ ਲੱਗੇ ਰਤਨ ਤੇ ਉਸ ਨੂੰ ਪਹਿਨਣ ਵਾਲੀ ਉਂਗਲੀ ’ਤੇ ਵੀ ਨਿਰਭਰ ਮੰਨਿਆ ਜਾਂਦਾ ਹੈ।
2 ਅੰਗੂਠੀਆਂ ਪਹਿਨਣ ਦਾ ਫਲ
ਦੋ ਅੰਗੂਠੀਆਂ ਪਹਿਨਣਾ ਵੀ ਜੋਤਿਸ਼ ’ਚ ਆਮ ਤੌਰ ’ਤੇ ਸਹੀ ਮੰਨਿਆ ਗਿਆ ਹੈ। ਖ਼ਾਸ ਤੌਰ ’ਤੇ ਪੁਰਸ਼ਾਂ ਲਈ ਦੋ ਅੰਗੂਠੀਆਂ ਪਹਿਨਣਾ ਚੰਗਾ ਮੰਨਿਆ ਜਾਂਦਾ ਹੈ। ਜੇਕਰ ਦੋਵਾਂ ਅੰਗੂਠੀਆਂ ’ਚ ਅਜਿਹੇ ਰਤਨ ਹੋਣ, ਜਿਨ੍ਹਾਂ ਦੇ ਗ੍ਰਹਿ ਆਪਸ ’ਚ ਮਿੱਤਰ ਮੰਨੇ ਜਾਂਦੇ ਹਨ, ਤਾਂ ਇਸ ਨੂੰ ਸ਼ੁਭ ਮੰਨਿਆ ਜਾਂਦਾ ਹੈ। ਉਦਾਹਰਨ ਵਜੋਂ ਸੂਰਜ ਤੇ ਗੁਰੂ ਨਾਲ ਸਬੰਧਤ ਰਤਨਾਂ ਨੂੰ ਅਨੁਕੂਲ ਮੰਨਿਆ ਜਾਂਦਾ ਹੈ। ਇਸ ਨਾਲ ਧਨ, ਮਾਣ-ਸਨਮਾਨ ਤੇ ਸਫਲਤਾ ਨਾਲ ਜੁੜੇ ਸਕਾਰਾਤਮਕ ਨਤੀਜੇ ਮਿਲਣ ਦੀ ਮਾਨਤਾ ਹੈ।
3 ਅੰਗੂਠੀਆਂ ਪਹਿਨਣ ਦਾ ਫਲ
ਔਰਤਾਂ ਲਈ ਤਿੰਨ ਅੰਗੂਠੀਆਂ ਪਹਿਨਣਾ ਚੰਗਾ ਮੰਨਿਆ ਜਾਂਦਾ ਹੈ, ਜਦਕਿ ਪੁਰਸ਼ਾਂ ਨੂੰ ਦੋ ਤੋਂ ਵੱਧ ਅੰਗੂਠੀਆਂ ਪਹਿਨਣ ਤੋਂ ਬਚਣਾ ਚਾਹੀਦਾ ਹੈ। ਜੇਕਰ ਤਿੰਨ ਅੰਗੂਠੀਆਂ ਪਹਿਨਣੀਆਂ ਹੋਣ ਤਾਂ ਇਨ੍ਹਾਂ ਨੂੰ ਦੋਵਾਂ ਹੱਥਾਂ ’ਚ ਵੰਡ ਕੇ ਪਹਿਨਣਾ ਚਾਹੀਦਾ ਹੈ। ਉਦਾਹਰਨ ਲਈ, ਇੱਕ ਹੱਥ ’ਚ ਦੋ ਤੇ ਦੂਜੇ ਹੱਥ ’ਚ ਇੱਕ ਅੰਗੂਠੀ ਪਹਿਨੀ ਜਾ ਸਕਦੀ ਹੈ।
4 ਜਾਂ 5 ਅੰਗੂਠੀਆਂ ਪਹਿਨਣ ਦਾ ਫਲ
ਫੈਸ਼ਨ ਜਾਂ ਸ਼ੌਕ ਕਾਰਨ ਕਈ ਲੋਕ ਇੱਕੋ ਸਮੇਂ ਚਾਰ ਜਾਂ ਪੰਜ ਅੰਗੂਠੀਆਂ ਪਹਿਨਦੇ ਹਨ। ਰਤਨ ਸ਼ਾਸਤਰ ਦੇ ਅਨੁਸਾਰ, ਜੇਕਰ ਇਨ੍ਹਾਂ ਸਾਰੀਆਂ ਅੰਗੂਠੀਆਂ ’ਚ ਵੱਖ-ਵੱਖ ਗ੍ਰਹਿਆਂ ਨਾਲ ਸਬੰਧਤ ਰਤਨ ਲੱਗੇ ਹੋਣ ਤਾਂ ਇਨ੍ਹਾਂ ਦੇ ਪ੍ਰਭਾਵਾਂ ਵਿਚਕਾਰ ਟਕਰਾਅ ਹੋ ਸਕਦਾ ਹੈ। ਉਦਾਹਰਨ ਲਈ, ਨੀਲਮ ਤੇ ਮਾਣਕ ਵਰਗੇ ਰਤਨ ਸ਼ਨੀ ਤੇ ਸੂਰਜ ਨਾਲ ਸਬੰਧਤ ਮੰਨੇ ਜਾਂਦੇ ਹਨ। ਇਨ੍ਹਾਂ ਨੂੰ ਇੱਕੋ ਸਮੇਂ ਧਾਰਨ ਕਰਨ ਤੋਂ ਪਹਿਲਾਂ ਜੋਤਿਸ਼ੀ ਸਲਾਹ ਜ਼ਰੂਰ ਲੈਣੀ ਚਾਹੀਦੀ ਹੈ।