- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
Goga Navami 2026: ਭਾਦੋਂ ਕ੍ਰਿਸ਼ਨ ਪੱਖ ਦੀ ਨੌਮੀ 'ਤੇ ਇੰਝ ਕਰੋ ਗੁੱਗਾ ਜੀ ਦੀ ਪੂਜਾ, ਪਰਿਵਾਰ 'ਚ ਬਣੀ ਰਹੇਗੀ ਸੁੱਖ-ਸ਼ਾਂਤੀ
ਭਾਦੋਂ ਮਹੀਨੇ ਦੀ ਸ਼ੁਰੂਆਤ ਦੇ ਨਾਲ ਹੀ ਰਾਜਸਥਾਨ ਦੇ ਪਿੰਡਾਂ 'ਚ ਇੱਕ ਖਾਸ ਮਾਹੌਲ ਬਣ ਜਾਂਦਾ ਹੈ। ਖੇਤ ਹਰੇ-ਭਰੇ ਹੋ ਜਾਂਦੇ ਹਨ, ਖੂਹ ਪਾਣੀ ਨਾਲ ਭਰ ਜਾਂਦੇ ਹਨ ਅਤੇ ਇਸ ਦੇ ਨਾਲ ਹੀ ਪੀੜ੍ਹੀਆਂ ਤੋਂ ਪੇਂਡੂ ਜੀਵਨ ਨੂੰ ਪ੍ਰਭਾਵਿਤ ਕਰਨ ਵਾਲੀ ਇੱਕ ਪੁਰਾਣੀ ਚਿੰਤਾ ਵੀ ਵਾਪਸ ਆ ਜਾਂਦੀ ਹੈ-ਸੱਪਾਂ ਦਾ ਖ਼ਤਰਾ। ਇਸੇ ਸਮੇਂ ਜਦੋਂ ਮੀਂਹ ਰਾਹਤ ਦੇ ਨਾਲ ਖਤਰਾ ਵੀ ਲੈ ਕੇ ਆਉਂਦਾ ਹੈ, ਰਾਜਸਥਾਨ, ਹਰਿਆਣਾ, ਪੰਜਾਬ ਅਤੇ ਉੱਤਰ ਪ੍ਰਦੇਸ਼ ਦੇ ਕੁਝ ਹਿੱਸਿਆਂ 'ਚ ਲੋਕਾਂ ਦਾ ਧਿਆਨ ਗੁੱਗਾਜੀ ਵੱਲ ਜਾਂਦਾ ਹੈ।
Posted By Sunita
Publish Date: Sat, 05 Sep 2026 11:08 AM (IST)
Updated Date: Sat, 05 Sep 2026 11:10 AM (IST)
ਧਰਮ ਡੈਸਕ, ਨਵੀਂ ਦਿੱਲੀ - ਭਾਦੋਂ ਮਹੀਨੇ ਦੀ ਸ਼ੁਰੂਆਤ ਦੇ ਨਾਲ ਹੀ ਰਾਜਸਥਾਨ ਦੇ ਪਿੰਡਾਂ 'ਚ ਇੱਕ ਖਾਸ ਮਾਹੌਲ ਬਣ ਜਾਂਦਾ ਹੈ। ਖੇਤ ਹਰੇ-ਭਰੇ ਹੋ ਜਾਂਦੇ ਹਨ, ਖੂਹ ਪਾਣੀ ਨਾਲ ਭਰ ਜਾਂਦੇ ਹਨ ਅਤੇ ਇਸ ਦੇ ਨਾਲ ਹੀ ਪੀੜ੍ਹੀਆਂ ਤੋਂ ਪੇਂਡੂ ਜੀਵਨ ਨੂੰ ਪ੍ਰਭਾਵਿਤ ਕਰਨ ਵਾਲੀ ਇੱਕ ਪੁਰਾਣੀ ਚਿੰਤਾ ਵੀ ਵਾਪਸ ਆ ਜਾਂਦੀ ਹੈ-ਸੱਪਾਂ ਦਾ ਖ਼ਤਰਾ। ਇਸੇ ਸਮੇਂ ਜਦੋਂ ਮੀਂਹ ਰਾਹਤ ਦੇ ਨਾਲ ਖਤਰਾ ਵੀ ਲੈ ਕੇ ਆਉਂਦਾ ਹੈ, ਰਾਜਸਥਾਨ, ਹਰਿਆਣਾ, ਪੰਜਾਬ ਅਤੇ ਉੱਤਰ ਪ੍ਰਦੇਸ਼ ਦੇ ਕੁਝ ਹਿੱਸਿਆਂ 'ਚ ਲੋਕਾਂ ਦਾ ਧਿਆਨ ਗੁੱਗਾਜੀ ਵੱਲ ਜਾਂਦਾ ਹੈ।
ਕਈ ਲੋਕ ਗੁੱਗਾਜੀ ਨੂੰ ਜ਼ਹਿਰਵੀਰ ਗੁੱਗਾਜੀ ਜਾਂ ਜ਼ਹਿਰ ਵੀਰ ਦੇ ਨਾਮ ਨਾਲ ਜਾਣਦੇ ਹਨ। ਉਨ੍ਹਾਂ ਨੂੰ ਅਸਾਧਾਰਣ ਬਹਾਦਰੀ ਵਾਲੇ ਯੋਧਾ-ਸੰਤ ਵਜੋਂ ਯਾਦ ਕੀਤਾ ਜਾਂਦਾ ਹੈ ਅਤੇ ਲੋਕ ਕਥਾਵਾਂ 'ਚ ਉਨ੍ਹਾਂ ਨੂੰ ਸੱਪ ਦੇ ਡੰਗ ਅਤੇ ਜ਼ਹਿਰ ਤੋਂ ਰੱਖਿਆ ਕਰਨ ਵਾਲਾ ਮੰਨਿਆ ਜਾਂਦਾ ਹੈ। ਗੁੱਗਾ ਨਵਮੀ 2026 ਮਾਨਸੂਨ ਦੇ ਅੰਤਲੇ ਦੌਰ 'ਚ ਆ ਰਹੀ ਹੈ ਅਤੇ ਇਸ ਪਰੰਪਰਾ ਨੂੰ ਮੰਨਣ ਵਾਲਿਆਂ ਲਈ ਇਹ ਸਿਰਫ਼ ਇੱਕ ਤਾਰੀਖ ਨਹੀਂ, ਸਗੋਂ ਸਦੀਆਂ ਪੁਰਾਣੀਆਂ ਰੀਤਾਂ ਅਤੇ ਵਿਸ਼ਵਾਸਾਂ ਦਾ ਹਿੱਸਾ ਹੈ।
ਗੁੱਗਾ ਨਵਮੀ 2026 ਦੀ ਤਾਰੀਖ
ਗੁੱਗਾ ਨਵਮੀ 2026: ਸ਼ਨੀਵਾਰ, 5 ਸਤੰਬਰ 2026
ਨਵਮੀ ਤਿਥੀ ਦੀ ਸ਼ੁਰੂਆਤ: 5 ਸਤੰਬਰ 2026 ਨੂੰ ਰਾਤ 12:13 ਵਜੇ
ਨਵਮੀ ਤਿਥੀ ਸਮਾਪਤ: 5 ਸਤੰਬਰ 2026 ਨੂੰ ਰਾਤ 9:53 ਵਜੇ ਤੱਕ
ਗੁੱਗਾ ਨਵਮੀ ਭਾਦੋਂ ਮਹੀਨੇ ਦੇ ਕ੍ਰਿਸ਼ਨ ਪੱਖ ਦੀ ਨਵਮੀ ਤਿਥੀ ਨੂੰ ਮਨਾਈ ਜਾਂਦੀ ਹੈ। ਭਗਤ ਇਸ ਦਿਨ ਗੁੱਗਾਜੀ ਦੀ ਪੂਜਾ ਕਰਦੇ ਹਨ ਅਤੇ ਘਰ 'ਚ ਬਣਾਏ ਪੂਜਾ ਸਥਾਨ ’ਤੇ ਅਰਦਾਸ ਕਰਦੇ ਹਨ। ਇਸ ਦੇ ਨਾਲ ਹੀ ਗੁੱਗਾਜੀ ਦਾ ਆਸ਼ੀਰਵਾਦ ਅਤੇ ਆਉਣ ਵਾਲੇ ਸਾਲ ਲਈ ਸੁਰੱਖਿਆ ਪ੍ਰਾਪਤ ਕਰਨ ਵਾਸਤੇ ਗੁੱਗਾ ਥਾਨ (ਗੁੱਗਾਜੀ ਨਾਲ ਜੁੜਿਆ ਮੰਦਰ) ਵੀ ਜਾਂਦੇ ਹਨ।
ਗੁੱਗਾਜੀ ਕੌਣ ਹਨ?
ਗੁੱਗਾਜੀ ਦਾ ਜਨਮ ਚੌਹਾਨ ਰਾਜਪੂਤ ਪਰਿਵਾਰ 'ਚ ਹੋਇਆ ਸੀ। ਉਹ ਇੱਕ ਅਜਿਹੇ ਯੋਧੇ ਵਜੋਂ ਵੱਡੇ ਹੋਏ, ਜਿਨ੍ਹਾਂ ਦੀ ਵੀਰਤਾ ਨੂੰ ਘੁੰਮੰਤੂ ਗਾਇਕਾਂ ਨੇ ਪੀੜ੍ਹੀ ਦਰ ਪੀੜ੍ਹੀ ਲੋਕ ਕਥਾਵਾਂ ਰਾਹੀਂ ਜ਼ਿੰਦਾ ਰੱਖਿਆ।
ਗੁੱਗਾਜੀ ਦਾ ਸੱਪਾਂ ਨਾਲ ਗਹਿਰਾ ਸਬੰਧ ਦੱਸਿਆ ਜਾਂਦਾ ਹੈ। ਪਰੰਪਰਾ ਅਨੁਸਾਰ ਉਨ੍ਹਾਂ ਕੋਲ ਸੱਪਾਂ ਨਾਲ ਗੱਲ ਕਰਨ ਅਤੇ ਉਨ੍ਹਾਂ ਨੂੰ ਹੁਕਮ ਦੇਣ ਦੀ ਸ਼ਕਤੀ ਸੀ।
ਇਹ ਸਬੰਧ ਉਨ੍ਹਾਂ ਦੀ ਪਹਿਚਾਣ ਦਾ ਇੰਨਾ ਮਹੱਤਵਪੂਰਨ ਹਿੱਸਾ ਬਣ ਗਿਆ ਕਿ ਸਮੇਂ ਦੇ ਨਾਲ ਉਨ੍ਹਾਂ ਦੀ ਪੂਜਾ ਮੁੱਖ ਤੌਰ ’ਤੇ ਸੱਪ ਦੇ ਡੰਗ ਤੋਂ ਰੱਖਿਆ ਕਰਨ ਵਾਲੇ ਦੇਵਤਾ ਵਜੋਂ ਕੀਤੀ ਜਾਣ ਲੱਗੀ। ਉਨ੍ਹਾਂ ਨੂੰ ਜ਼ਾਹਿਰ ਪੀਰ ਵੀ ਕਿਹਾ ਜਾਂਦਾ ਹੈ, ਜਿਸ ਦਾ ਅਰਥ ‘ਪ੍ਰਗਟ ਸੰਤ’ ਮੰਨਿਆ ਜਾਂਦਾ ਹੈ।
ਗੁੱਗਾ ਨਵਮੀ ਦੀ ਪੂਜਾ ਵਿਧੀ
ਗੁੱਗਾ ਨਵਮੀ ਦੇ ਮੌਕੇ ’ਤੇ ਜ਼ਿਆਦਾਤਰ ਘਰਾਂ 'ਚ ਸਭ ਤੋਂ ਪਹਿਲਾਂ ਸਫ਼ਾਈ ਕੀਤੀ ਜਾਂਦੀ ਹੈ ਅਤੇ ਪੂਜਾ ਲਈ ਸਧਾਰਨ ਸਥਾਨ ਤਿਆਰ ਕੀਤਾ ਜਾਂਦਾ ਹੈ। ਇਸ ਤੋਂ ਬਾਅਦ ਕਈ ਲੋਕ ਗੁੱਗਾ ਥਾਨ ਜਾਂ ਗੁੱਗਾਜੀ ਨਾਲ ਜੁੜੇ ਸਥਾਨਕ ਮੰਦਰਾਂ 'ਚ ਜਾਂਦੇ ਹਨ।
ਉੱਥੇ ਦੁੱਧ, ਖੀਰ, ਚੂਰਮਾ, ਫਲ, ਫੁੱਲ ਅਤੇ ਅਗਰਬੱਤੀ ਆਦਿ ਚੜ੍ਹਾਈ ਜਾਂਦੀ ਹੈ। ਲੋਕ ਗੁੱਗਾਜੀ ਅੱਗੇ ਪ੍ਰਾਰਥਨਾ ਕਰਦੇ ਹਨ ਅਤੇ ਕਈ ਥਾਵਾਂ ’ਤੇ ਉਨ੍ਹਾਂ ਨਾਲ ਜੁੜੇ ਨਾਗ ਦੇਵਤਾ ਦੀ ਵੀ ਪੂਜਾ ਕੀਤੀ ਜਾਂਦੀ ਹੈ।
ਗੁੱਗਾਜੀ ਦਾ ਪਵਿੱਤਰ ਸਥਾਨ
ਭਾਰਤ 'ਚ ਗੁੱਗਾ ਨਵਮੀ ਦੀ ਭਾਵਨਾ ਨੂੰ ਦਰਸਾਉਣ ਵਾਲੀ ਇੱਕ ਪ੍ਰਮੁੱਖ ਥਾਂ ਰਾਜਸਥਾਨ ਦੀ ਗੁੱਗਾਮੇੜੀ ਹੈ। ਲੋਕ ਕਥਾ ਅਨੁਸਾਰ ਇੱਥੇ ਹੀ ਗੁੱਗਾਜੀ ਨੇ ਸਮਾਧੀ ਲਈ ਸੀ ਅਤੇ ਉਸ ਤੋਂ ਬਾਅਦ ਇਹ ਸਥਾਨ ਉਨ੍ਹਾਂ ਨਾਲ ਜੁੜਿਆ ਪ੍ਰਮੁੱਖ ਤੀਰਥ ਸਥਾਨ ਬਣ ਗਿਆ।
ਬੇਦਾਅਵਾ: ਇਸ ਲੇਖ 'ਚ ਦਿੱਤੇ ਉਪਾਅ, ਲਾਭ, ਸਲਾਹ ਅਤੇ ਕਥਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਵੱਖ-ਵੱਖ ਮਾਧਿਅਮਾਂ, ਜੋਤਸ਼ੀਆਂ, ਪੰਚਾਂਗਾਂ, ਪ੍ਰਵਚਨਾਂ, ਮਾਨਤਾਵਾਂ, ਧਾਰਮਿਕ ਗ੍ਰੰਥਾਂ ਅਤੇ ਲੋਕ ਕਥਾਵਾਂ ਤੋਂ ਇਕੱਠੀ ਕੀਤੀ ਜਾਣਕਾਰੀ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਿਆ ਜਾਵੇ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕੀਤੀ ਜਾਵੇ। দৈনিক ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਵਿਰੁੱਧ ਹਨ।