- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਕੀ ਤੁਸੀਂ ਵੀ ਥਾਲੀ 'ਚ ਛੱਡਦੇ ਹੋ ਜੂਠਾ ਦਹੀਂ? ਕਿਤੇ ਤੁਹਾਨੂੰ ਨਾ ਕੰਗਾਲ ਬਣਾ ਦੇਵੇ ਇਹ ਗਲਤੀ, ਪੜ੍ਹੋ ਇਹ ਖ਼ਾਸ ਰਿਪੋਰਟ
ਦਹੀਂ ਨਾ ਸਿਰਫ਼ ਸਾਡੀ ਖੁਰਾਕ ਦਾ ਮਹੱਤਵਪੂਰਨ ਹਿੱਸਾ ਹੈ, ਸਗੋਂ ਧਰਮ ਨਾਲ ਜੁੜੀਆਂ ਕਈ ਰਸਮਾਂ 'ਚ ਵੀ ਇਸ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਦਹੀਂ ਨੂੰ ਸ਼ੁਭਤਾ ਨਾਲ ਵੀ ਜੋੜ ਕੇ ਦੇਖਿਆ ਜਾਂਦਾ ਹੈ। ਦੇਵੀ-ਦੇਵਤਿਆਂ ਨੂੰ ਦਹੀਂ ਦਾ ਭੋਗ ਲਗਾਇਆ ਜਾਂਦਾ ਹੈ। ਪੂਜਾ 'ਚ ਵਰਤੇ ਜਾਣ ਵਾਲੇ ਪੰਚਾਮ੍ਰਿਤ 'ਚ ਵੀ ਦਹੀਂ ਇੱਕ ਮਹੱਤਵਪੂਰਨ ਸਮੱਗਰੀ ਵਜੋਂ ਸ਼ਾਮਲ ਹੁੰਦਾ ਹੈ। ਦਹੀਂ ਨਾਲ ਜੁੜੇ ਕਈ ਸ਼ੁਭ ਅਤੇ ਅਸ਼ੁਭ ਸੰਕੇਤ ਵੀ ਹਨ, ਜੋ ਜੀਵਨ 'ਚ ਚੰਗੇ ਅਤੇ ਮਾੜੇ ਸੰਕੇਤਾਂ ਨਾਲ ਜੋੜੇ ਜਾਂਦੇ ਹਨ। ਇਸ ਤੋਂ ਇਲਾਵਾ ਇੱਕ ਅਪਸ਼ਗੁਨ ਰਾਮਾਇਣ ਕਾਲ ਦੇ ਰਾਵਣ ਨਾਲ ਵੀ ਜੁੜਿਆ ਹੋਇਆ ਦੱਸਿਆ ਜਾਂਦਾ ਹੈ। ਆਓ ਜਾਣਦੇ ਹਾਂ ਦਹੀਂ ਨਾਲ ਜੁੜੇ ਸ਼ੁਭ ਅਤੇ ਅਸ਼
Posted By Sunita
Publish Date: Wed, 09 Sep 2026 01:42 PM (IST)
Updated Date: Wed, 09 Sep 2026 01:44 PM (IST)
ਧਰਮ ਡੈਸਕ, ਨਵੀਂ ਦਿੱਲੀ - ਦਹੀਂ ਨਾ ਸਿਰਫ਼ ਸਾਡੀ ਖੁਰਾਕ ਦਾ ਮਹੱਤਵਪੂਰਨ ਹਿੱਸਾ ਹੈ, ਸਗੋਂ ਧਰਮ ਨਾਲ ਜੁੜੀਆਂ ਕਈ ਰਸਮਾਂ 'ਚ ਵੀ ਇਸ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਦਹੀਂ ਨੂੰ ਸ਼ੁਭਤਾ ਨਾਲ ਵੀ ਜੋੜ ਕੇ ਦੇਖਿਆ ਜਾਂਦਾ ਹੈ। ਦੇਵੀ-ਦੇਵਤਿਆਂ ਨੂੰ ਦਹੀਂ ਦਾ ਭੋਗ ਲਗਾਇਆ ਜਾਂਦਾ ਹੈ। ਪੂਜਾ 'ਚ ਵਰਤੇ ਜਾਣ ਵਾਲੇ ਪੰਚਾਮ੍ਰਿਤ 'ਚ ਵੀ ਦਹੀਂ ਇੱਕ ਮਹੱਤਵਪੂਰਨ ਸਮੱਗਰੀ ਵਜੋਂ ਸ਼ਾਮਲ ਹੁੰਦਾ ਹੈ। ਦਹੀਂ ਨਾਲ ਜੁੜੇ ਕਈ ਸ਼ੁਭ ਅਤੇ ਅਸ਼ੁਭ ਸੰਕੇਤ ਵੀ ਹਨ, ਜੋ ਜੀਵਨ 'ਚ ਚੰਗੇ ਅਤੇ ਮਾੜੇ ਸੰਕੇਤਾਂ ਨਾਲ ਜੋੜੇ ਜਾਂਦੇ ਹਨ। ਇਸ ਤੋਂ ਇਲਾਵਾ ਇੱਕ ਅਪਸ਼ਗੁਨ ਰਾਮਾਇਣ ਕਾਲ ਦੇ ਰਾਵਣ ਨਾਲ ਵੀ ਜੁੜਿਆ ਹੋਇਆ ਦੱਸਿਆ ਜਾਂਦਾ ਹੈ। ਆਓ ਜਾਣਦੇ ਹਾਂ ਦਹੀਂ ਨਾਲ ਜੁੜੇ ਸ਼ੁਭ ਅਤੇ ਅਸ਼ੁਭ ਸੰਕੇਤਾਂ ਬਾਰੇ।
ਰਾਤ ਨੂੰ ਦਹੀਂ ਖਾਣਾ ਮਨ੍ਹਾ
ਸ਼ਾਸਤਰਾਂ 'ਚ ਦਹੀਂ ਦੇ ਸੇਵਨ ਸਬੰਧੀ ਵੀ ਗੱਲ ਕੀਤੀ ਗਈ ਹੈ। ਸਕੰਦ ਪੁਰਾਣ ਦੇ ਕਾਸ਼ੀ ਖੰਡ ਅਨੁਸਾਰ— “रात्रौ न दधि भोक्तव्यम्”
ਅਰਥਾਤ ਰਾਤ ਦੇ ਸਮੇਂ ਦਹੀਂ ਦਾ ਸੇਵਨ ਨਹੀਂ ਕਰਨਾ ਚਾਹੀਦਾ।
ਦਹੀਂ ਨਾਲ ਜੁੜੇ ਸ਼ੁਭ ਸੰਕੇਤ
ਹਿੰਦੂ ਧਰਮ 'ਚ ਕਿਸੇ ਵੀ ਸ਼ੁਭ ਕੰਮ ਦੀ ਸ਼ੁਰੂਆਤ ਕਰਨ ਤੋਂ ਪਹਿਲਾਂ ਦਹੀਂ ਅਤੇ ਚੀਨੀ ਖੁਆਉਣ ਦੀ ਪਰੰਪਰਾ ਰਹੀ ਹੈ। ਮੰਨਿਆ ਜਾਂਦਾ ਹੈ ਕਿ ਦਹੀਂ-ਚੀਨੀ ਖੁਆਉਣ ਨਾਲ ਕੰਮ 'ਚ ਸਫਲਤਾ ਮਿਲਣ ਦੇ ਨਾਲ ਮਨ ਨੂੰ ਸ਼ਾਂਤੀ ਵੀ ਮਿਲਦੀ ਹੈ। ਇਸ ਤੋਂ ਇਲਾਵਾ ਦਹੀਂ ਦਾ ਸੇਵਨ ਗ੍ਰਹਿਆਂ ਦੀ ਪ੍ਰਤੀਕੂਲਤਾ ਨੂੰ ਘਟਾਉਣ 'ਚ ਵੀ ਮਦਦਗਾਰ ਮੰਨਿਆ ਜਾਂਦਾ ਹੈ।
ਗ੍ਰਹਿ ਸ਼ਾਸਤਰ ਦੇ ਅਨੁਸਾਰ, ਜਿਸ ਵਿਅਕਤੀ ਦੀ ਕੁੰਡਲੀ 'ਚ ਚੰਦਰਮਾ ਕਮਜ਼ੋਰ ਸਥਿਤੀ 'ਚ ਹੋਵੇ, ਉਸ ਲਈ ਦਹੀਂ ਦਾ ਸੇਵਨ ਲਾਭਦਾਇਕ ਸਾਬਤ ਹੋ ਸਕਦਾ ਹੈ। ਇਸੇ ਤਰ੍ਹਾਂ ਰਾਹੂ ਦੀ ਸ਼ਾਂਤੀ ਲਈ ਕਾਲੇ ਤਿਲ ਅਤੇ ਦਹੀਂ ਦਾ ਦਾਨ ਕਰਨਾ ਵੀ ਪ੍ਰਭਾਵਸ਼ਾਲੀ ਉਪਾਅ ਮੰਨਿਆ ਜਾਂਦਾ ਹੈ।
ਦਹੀਂ ਨਾਲ ਜੁੜੇ ਅਸ਼ੁਭ ਸੰਕੇਤ
ਮੰਨਿਆ ਜਾਂਦਾ ਹੈ ਕਿ ਦਹੀਂ ਦਾ ਡਿੱਗਣਾ ਅਸ਼ੁਭ ਸੰਕੇਤ ਹੁੰਦਾ ਹੈ। ਮਾਨਤਾ ਹੈ ਕਿ ਦਹੀਂ ਡਿੱਗਣ ਨਾਲ ਘਰ ਦੀ ਖੁਸ਼ਹਾਲੀ ਘਟਦੀ ਹੈ। ਦਹੀਂ ਦਾ ਸਬੰਧ ਚੰਦਰਮਾ ਨਾਲ ਜੋੜਿਆ ਜਾਂਦਾ ਹੈ। ਕਿਸੇ ਕੰਮ ਲਈ ਘਰ ਤੋਂ ਬਾਹਰ ਨਿਕਲਦੇ ਸਮੇਂ ਦਹੀਂ ਦਾ ਡਿੱਗਣਾ ਬਹੁਤ ਅਸ਼ੁਭ ਮੰਨਿਆ ਜਾਂਦਾ ਹੈ।
ਇਸ ਤੋਂ ਇਲਾਵਾ ਵਾਰ-ਵਾਰ ਦਹੀਂ ਡਿੱਗਣਾ ਇਸ ਗੱਲ ਦਾ ਪ੍ਰਤੀਕ ਮੰਨਿਆ ਜਾਂਦਾ ਹੈ ਕਿ ਘਰ ’ਤੇ ਕੋਈ ਵੱਡੀ ਸਮੱਸਿਆ ਆਉਣ ਵਾਲੀ ਹੈ। ਅਜਿਹੇ 'ਚ ਜੇਕਰ ਗਲਤੀ ਨਾਲ ਵੀ ਦਹੀਂ ਡਿੱਗ ਜਾਵੇ ਤਾਂ ਸਭ ਤੋਂ ਪਹਿਲਾਂ ਚੰਦਰ ਦੇਵ ਤੋਂ ਮੁਆਫ਼ੀ ਮੰਗਣੀ ਚਾਹੀਦੀ ਹੈ। ਇਸ ਦੇ ਨਾਲ ਇਹ ਵੀ ਧਿਆਨ ਰੱਖਣਾ ਚਾਹੀਦਾ ਹੈ ਕਿ ਦਹੀਂ ’ਤੇ ਕਦੇ ਵੀ ਪੈਰ ਨਾ ਰੱਖਿਆ ਜਾਵੇ।
ਥਾਲੀ 'ਚ ਜੂਠਾ ਦਹੀਂ ਕਿਉਂ ਨਹੀਂ ਛੱਡਣਾ ਚਾਹੀਦਾ?
ਥਾਲੀ 'ਚ ਜੂਠਾ ਦਹੀਂ ਛੱਡਣਾ ਵੀ ਅਸ਼ੁਭ ਮੰਨਿਆ ਜਾਂਦਾ ਹੈ। ਲੋਕਾਂ 'ਚ ਇਸ ਨੂੰ ਲੈ ਕੇ ਮਾਨਤਾ ਹੈ ਕਿ ਅਜਿਹਾ ਕਰਨ ਨਾਲ ਵਿਅਕਤੀ ਦੀ ਉਮਰ ਘੱਟ ਹੁੰਦੀ ਹੈ। ਇਸ ਘਟਨਾ ਦਾ ਸਬੰਧ ਰਾਮਾਇਣ ਕਾਲ ਨਾਲ ਜੋੜਿਆ ਜਾਂਦਾ ਹੈ।
ਮਾਨਤਾ ਅਨੁਸਾਰ, ਜਦੋਂ ਹਨੂਮਾਨ ਜੀ ਮਾਤਾ ਸੀਤਾ ਦੀ ਖੋਜ 'ਚ ਲੰਕਾ ਪਹੁੰਚਦੇ ਹਨ ਅਤੇ ਉਨ੍ਹਾਂ ਨੂੰ ਲੱਭਦੇ-ਲੱਭਦੇ ਰਾਵਣ ਦੇ ਮਹਲ 'ਚ ਜਾਂਦੇ ਹਨ ਤਾਂ ਹਨੂਮਾਨ ਜੀ ਉਸ ਦੇ ਭੋਜਨਾਲੇ 'ਚ ਵੀ ਜਾਂਦੇ ਹਨ। ਉੱਥੇ ਉਨ੍ਹਾਂ ਨੂੰ ਰਾਵਣ ਦੀ ਜੂਠੀ ਥਾਲੀ ਨਜ਼ਰ ਆਉਂਦੀ ਹੈ।
ਹਨੂਮਾਨ ਜੀ ਉਸ ਨੂੰ ਦੇਖਦੇ ਹੀ ਸਮਝ ਜਾਂਦੇ ਹਨ ਕਿ ਰਾਵਣ ਦਾ ਅੰਤ ਨੇੜੇ ਹੈ। ਵਾਲਮੀਕਿ ਰਾਮਾਇਣ 'ਚ ਦੱਸਿਆ ਗਿਆ ਹੈ ਕਿ ਰਾਵਣ ਨੇ ਥਾਲੀ 'ਚ ਦਹੀਂ ਜੂਠਾ ਛੱਡਿਆ ਸੀ ਅਤੇ ਮਾਨਤਾ ਅਨੁਸਾਰ ਥਾਲੀ 'ਚ ਜੂਠਾ ਦਹੀਂ ਛੱਡਣ ਨਾਲ ਉਮਰ ਘੱਟ ਹੁੰਦੀ ਹੈ।
Disclaimer: ਇਸ ਲੇਖ 'ਚ ਦੱਸੇ ਗਏ ਉਪਾਅ, ਲਾਭ, ਸਲਾਹ ਅਤੇ ਕਥਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਦੈਨਿਕ ਜਾਗਰਣ ਇਸ ਲੇਖ 'ਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ 'ਚ ਦਿੱਤੀ ਜਾਣਕਾਰੀ ਵੱਖ-ਵੱਖ ਸਰੋਤਾਂ, ਜੋਤਿਸ਼ੀਆਂ, ਪੰਚਾਂਗਾਂ, ਪ੍ਰਵਚਨਾਂ, ਮਾਨਤਾਵਾਂ, ਧਰਮ ਗ੍ਰੰਥਾਂ ਅਤੇ ਦੰਤਕਥਾਵਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਇਸ ਲੇਖ ਨੂੰ ਅੰਤਿਮ ਸੱਚ ਜਾਂ ਪੱਕਾ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ।