- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਕੀ ਬੱਚੇ ਭਰਦੇ ਹਨ ਮਾਪਿਆਂ ਦੇ ਗੁਨਾਹਾਂ ਦਾ ਹਰਜਾਨਾ? ਗਰੁੜ ਪੁਰਾਣ ਅਨੁਸਾਰ ਜਾਣੋ ਕਰਮਾਂ ਦਾ ਸਿਧਾਂਤ ਤੇ ਇਸ ਦਾ ਅਸਰ
ਗਰੁੜ ਪੁਰਾਣ ਹਿੰਦੂ ਧਰਮ ਦੇ ਸਭ ਤੋਂ ਮਹੱਤਵਪੂਰਨ ਗ੍ਰੰਥਾਂ 'ਚੋਂ ਇੱਕ ਹੈ, ਜੋ ਕਰਮ, ਜੀਵਨ, ਮੌਤ ਅਤੇ ਮੌਤ ਤੋਂ ਬਾਅਦ ਦੀਆਂ ਅਵਸਥਾਵਾਂ ਨੂੰ ਡੂੰਘਾਈ ਨਾਲ ਸਮਝਾਉਣ ਦੀ ਕੋਸ਼ਿਸ਼ ਕਰਦਾ ਹੈ। ਗਰੁੜ ਪੁਰਾਣ ਦੇ ਅਨੁਸਾਰ, ਵਿਅਕਤੀ ਆਪਣੇ ਜੀਵਨ 'ਚ ਜਿਹੋ ਜਿਹੇ ਕਰਮ ਕਰਦਾ ਹੈ, ਉਸਨੂੰ ਉਸੇ ਤਰ੍ਹਾਂ ਦਾ ਫਲ ਮਿਲਦਾ ਹੈ। ਅਰਥਾਤ ਕਰਮ ਦਾ ਸਿੱਧਾ ਪ੍ਰਭਾਵ ਉਸੇ ਵਿਅਕਤੀ ’ਤੇ ਪੈਂਦਾ ਹੈ, ਜਿਸ ਨੇ ਉਹ ਕਰਮ ਕੀਤਾ ਹੈ ਪਰ ਕੁਝ ਖਾਸ ਹਾਲਾਤਾਂ 'ਚ ਵਿਅਕਤੀ ਦੇ ਕਰਮਾਂ ਦਾ ਪ੍ਰਭਾਵ ਉਸ ਨਾਲ ਜੁੜੇ ਲੋਕਾਂ ਦੇ ਜੀਵਨ 'ਚ ਵੀ ਦਿਖਾਈ ਦੇ ਸਕਦਾ ਹੈ। ਅਸੀਂ ਕਦੇ ਨਾ ਕਦੇ ਇਹ ਗੱਲ ਜ਼ਰੂਰ ਸੁਣੀ ਹੋਵੇਗੀ ਕਿ ਮਾਤਾ-ਪਿਤਾ ਦੇ ਕਰਮਾਂ ਦਾ ਅਸਰ ਬੱਚਿਆਂ ’
Posted By Sunita
Publish Date: Tue, 08 Sep 2026 03:18 PM (IST)
Updated Date: Tue, 08 Sep 2026 03:19 PM (IST)
ਧਰਮ ਡੈਸਕ, ਨਵੀਂ ਦਿੱਲੀ - ਗਰੁੜ ਪੁਰਾਣ ਹਿੰਦੂ ਧਰਮ ਦੇ ਸਭ ਤੋਂ ਮਹੱਤਵਪੂਰਨ ਗ੍ਰੰਥਾਂ 'ਚੋਂ ਇੱਕ ਹੈ, ਜੋ ਕਰਮ, ਜੀਵਨ, ਮੌਤ ਅਤੇ ਮੌਤ ਤੋਂ ਬਾਅਦ ਦੀਆਂ ਅਵਸਥਾਵਾਂ ਨੂੰ ਡੂੰਘਾਈ ਨਾਲ ਸਮਝਾਉਣ ਦੀ ਕੋਸ਼ਿਸ਼ ਕਰਦਾ ਹੈ। ਗਰੁੜ ਪੁਰਾਣ ਦੇ ਅਨੁਸਾਰ, ਵਿਅਕਤੀ ਆਪਣੇ ਜੀਵਨ 'ਚ ਜਿਹੋ ਜਿਹੇ ਕਰਮ ਕਰਦਾ ਹੈ, ਉਸਨੂੰ ਉਸੇ ਤਰ੍ਹਾਂ ਦਾ ਫਲ ਮਿਲਦਾ ਹੈ। ਅਰਥਾਤ ਕਰਮ ਦਾ ਸਿੱਧਾ ਪ੍ਰਭਾਵ ਉਸੇ ਵਿਅਕਤੀ ’ਤੇ ਪੈਂਦਾ ਹੈ, ਜਿਸ ਨੇ ਉਹ ਕਰਮ ਕੀਤਾ ਹੈ ਪਰ ਕੁਝ ਖਾਸ ਹਾਲਾਤਾਂ 'ਚ ਵਿਅਕਤੀ ਦੇ ਕਰਮਾਂ ਦਾ ਪ੍ਰਭਾਵ ਉਸ ਨਾਲ ਜੁੜੇ ਲੋਕਾਂ ਦੇ ਜੀਵਨ 'ਚ ਵੀ ਦਿਖਾਈ ਦੇ ਸਕਦਾ ਹੈ। ਅਸੀਂ ਕਦੇ ਨਾ ਕਦੇ ਇਹ ਗੱਲ ਜ਼ਰੂਰ ਸੁਣੀ ਹੋਵੇਗੀ ਕਿ ਮਾਤਾ-ਪਿਤਾ ਦੇ ਕਰਮਾਂ ਦਾ ਅਸਰ ਬੱਚਿਆਂ ’ਤੇ ਵੀ ਪੈ ਸਕਦਾ ਹੈ। ਆਓ, ਗਰੁੜ ਪੁਰਾਣ ਦੇ ਹਵਾਲੇ ਨਾਲ ਸਮਝਦੇ ਹਾਂ ਕਿ ਇਸ ਪਿੱਛੇ ਕੀ ਸੱਚਾਈ ਦੱਸੀ ਗਈ ਹੈ।
ਕੋਈ ਵੀ ਕਰਮ ਨਿਸ਼ਫਲ ਨਹੀਂ ਹੁੰਦਾ
ਵਿਅਕਤੀ ਵੱਲੋਂ ਕੀਤਾ ਗਿਆ ਕੋਈ ਵੀ ਕਰਮ ਨਿਸ਼ਫਲ ਨਹੀਂ ਹੁੰਦਾ। ਜੇਕਰ ਉਸਦਾ ਫਲ ਕਰਮ ਕਰਨ ਵਾਲੇ ਵਿਅਕਤੀ ਨੂੰ ਨਹੀਂ ਮਿਲਦਾ ਤਾਂ ਪੁੱਤਰ, ਪੋਤਾ ਜਾਂ ਅੱਗੇ ਆਉਣ ਵਾਲੀਆਂ ਪੀੜ੍ਹੀਆਂ ਤੱਕ ਉਸਦਾ ਪ੍ਰਭਾਵ ਪਹੁੰਚ ਸਕਦਾ ਹੈ। ਪਰ ਇਸਦਾ ਇਹ ਮਤਲਬ ਬਿਲਕੁਲ ਨਹੀਂ ਹੈ ਕਿ ਬੱਚੇ ਨੂੰ ਉਹੀ ਕਰਮਫਲ ਮਿਲੇਗਾ, ਜੋ ਉਸਦੇ ਮਾਤਾ-ਪਿਤਾ ਨੂੰ ਮਿਲਿਆ ਸੀ।
ਬੱਚਿਆਂ ’ਤੇ ਮਾਤਾ-ਪਿਤਾ ਦੇ ਕਰਮਾਂ ਦਾ ਅਸਰ ਕਿਵੇਂ ਪੈਂਦਾ ਹੈ?
ਗਰੁੜ ਪੁਰਾਣ ਮੁਤਾਬਕ, ਜੇਕਰ ਮਾਤਾ-ਪਿਤਾ ਨੇ ਕਿਸੇ ਨਾਲ ਧੋਖਾ ਕੀਤਾ ਹੈ ਤਾਂ ਉਨ੍ਹਾਂ ਦੇ ਬੱਚਿਆਂ ਨੂੰ ਵੀ ਸਮਾਜ 'ਚ ਭਰੋਸੇ ਦੀ ਕਮੀ ਵਰਗੀਆਂ ਸਥਿਤੀਆਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਅਰਥਾਤ ਮਾਤਾ-ਪਿਤਾ ਦੇ ਕਰਮਾਂ ਦਾ ਅਸਰ ਬੱਚਿਆਂ ’ਤੇ ਸਮਾਜਿਕ, ਮਾਨਸਿਕ ਜਾਂ ਜੀਵਨ ਦੀਆਂ ਵੱਖ-ਵੱਖ ਸਥਿਤੀਆਂ ਦੇ ਰੂਪ 'ਚ ਪੈ ਸਕਦਾ ਹੈ।
ਕੀ ਧਰਮ-ਕਰਮ ਨਾਲ ਜੁੜੇ ਕੰਮਾਂ ਦਾ ਫਲ ਦੂਜਿਆਂ ਨੂੰ ਵੀ ਮਿਲਦਾ ਹੈ?
ਗਰੁੜ ਪੁਰਾਣ ਦੇ ਅਨੁਸਾਰ, ਸ਼ਰਾਧ, ਯੱਗ, ਦਾਨ, ਪ੍ਰਾਰਥਨਾ ਅਤੇ ਸੰਕਲਪ ਵਰਗੇ ਧਾਰਮਿਕ ਕਰਮਾਂ ਦਾ ਫਲ, ਅਰਥਾਤ ਪੁੰਨ, ਦੂਜਿਆਂ ਨੂੰ ਵੀ ਮਿਲ ਸਕਦਾ ਹੈ। ਖਾਸ ਤੌਰ ’ਤੇ ਉਸ ਸਮੇਂ ਜਦੋਂ ਇਹ ਕੰਮ ਦੂਜਿਆਂ ਦੀ ਭਲਾਈ ਲਈ ਕੀਤਾ ਗਿਆ ਹੋਵੇ ਅਤੇ ਉਨ੍ਹਾਂ ਨੂੰ ਸਮਰਪਿਤ ਕੀਤਾ ਗਿਆ ਹੋਵੇ।
ਇਸੇ ਤਰ੍ਹਾਂ ਮਾਤਾ-ਪਿਤਾ ਦੇ ਚੰਗੇ ਜਾਂ ਮਾੜੇ ਕੰਮਾਂ ਦਾ ਅਸਰ ਉਨ੍ਹਾਂ ਦੀਆਂ ਸੰਤਾਨਾਂ ਅਤੇ ਪਰਿਵਾਰ ’ਤੇ ਪੈ ਸਕਦਾ ਹੈ। ਹਰ ਵਿਅਕਤੀ ਆਪਣੇ ਕਰਮਾਂ ਲਈ ਖੁਦ ਜ਼ਿੰਮੇਵਾਰ ਹੈ। ਇਸ ਲਈ ਚੰਗੇ ਕਰਮ ਸਿਰਫ਼ ਆਪਣੇ ਲਈ ਹੀ ਨਹੀਂ, ਸਗੋਂ ਪਰਿਵਾਰ ਅਤੇ ਉਸਦੇ ਮੈਂਬਰਾਂ ’ਤੇ ਵੀ ਸਕਾਰਾਤਮਕ ਪ੍ਰਭਾਵ ਪੈਦਾ ਕਰ ਸਕਦੇ ਹਨ।
Disclaimer: ਇਸ ਲੇਖ 'ਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਕਥਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ, ਦੈਨਿਕ ਜਾਗਰਣ ਇਸ ਲੇਖ 'ਚ ਦਿੱਤੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ 'ਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਸਰੋਤਾਂ/ਜੋਤਸ਼ੀਆਂ/ਪੰਚਾਂਗਾਂ/ਪ੍ਰਵਚਨਾਂ/ਮਾਨਤਾਵਾਂ/ਧਾਰਮਿਕ ਗ੍ਰੰਥਾਂ/ਦੰਤਕਥਾਵਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਇਸ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ।