ਸਿਰਹਾਣੇ ਥੱਲੇ ਚਾਕੂ ਰੱਖਣ ਨਾਲ ਕੀ ਸੱਚਮੁੱਚ ਦੂਰ ਭੱਜ ਜਾਂਦੇ ਹਨ ਬੁਰੇ ਸੁਪਨੇ ? ਜਾਣੋ ਇਸ ਪੁਰਾਣੀ ਮੰਨਤਾ ਦਾ ਸਚ!

ਧਰਮ ਡੈਸਕ, ਨਵੀਂ ਦਿੱਲੀ : ਕੀ ਤੁਸੀਂ ਕਦੇ ਕਿਸੇ ਨੂੰ ਇਹ ਕਹਿੰਦੇ ਸੁਣਿਆ ਹੈ ਕਿ, 'ਸਿਰਹਾਣੇ ਥੱਲੇ ਛੁਰੀ ਜਾਂ ਕੋਈ ਤਿੱਖੀ ਚੀਜ਼ ਰੱਖੋ, ਇਸ ਨਾਲ ਬੁਰੇ ਸੁਪਨੇ ਨਹੀਂ ਆਉਂਦੇ?' ਇਹ ਸੁਣਨ ਵਿੱਚ ਥੋੜ੍ਹਾ ਅਜੀਬ ਲੱਗ ਸਕਦਾ ਹੈ, ਪਰ ਇਹ ਧਾਰਨਾ ਕਾਫੀ ਪੁਰਾਣੀ ਹੈ ਜੋ ਸਦੀਆਂ ਤੋਂ ਪੀੜ੍ਹੀ ਦਰ ਪੀੜ੍ਹੀ ਚੱਲ ਰਹੀ ਹੈ।

ਕੁਝ ਭਾਰਤੀ ਘਰਾਂ ਵਿੱਚ ਦਾਦਾ-ਦਾਦੀ ਬੱਚਿਆਂ ਦੇ ਸਿਰਹਾਣੇ ਹੇਠਾਂ ਛੁਰੀ ਜਾਂ ਕੈਂਚੀ ਰੱਖਣ ਦੀ ਸਿਫਾਰਸ਼ ਕਰਦੇ ਹਨ, ਖ਼ਾਸ ਕਰ ਕੇ ਜਦੋਂ ਬੱਚੇ ਨੂੰ ਰਾਤ ਨੂੰ ਸੌਂਦੇ ਸਮੇਂ ਬੁਰੇ ਸੁਪਨੇ ਆਉਂਦੇ ਹੋਣ ਜਾਂ ਰਾਤ ਵਿੱਚ ਉਹ ਡਰ ਦੇ ਮਾਰੇ ਜਾਗ ਜਾਂਦਾ ਹੋਵੇ।

ਸਭ ਤੋਂ ਮਜ਼ੇਦਾਰ ਗੱਲ ਇਹ ਹੈ ਕਿ, ਭਾਰਤ ਹੀ ਸਿਰਫ ਇੱਕ ਅਜਿਹਾ ਦੇਸ਼ ਨਹੀਂ ਹੈ ਜਿੱਥੇ ਲੋਕ ਇਹ ਮੰਨਦੇ ਹਨ, ਬਲਕਿ ਦੁਨੀਆ ਦੇ ਵੱਖ-ਵੱਖ ਹਿੱਸਿਆਂ ਵਿੱਚ ਵੀ ਅਜਿਹੀਆਂ ਹੀ ਪਰੰਪਰਾਵਾਂ ਕਾਫੀ ਪ੍ਰਚਲਿਤ ਹਨ। ਆਓ ਜਾਣੀਏ ਇਸ ਦੇ ਪਿਛੇ ਦੀ ਧਾਰਨਾ ਦੀ ਸੱਚਾਈ।

ਸਿਰਹਾਣੇ ਹੇਠਾਂ ਛੁਰੀ ਰੱਖਣ ਦਾ ਕੀ ਮਤਲਬ ਹੈ?

ਇਹ ਵਿਸ਼ਵਾਸ ਖਾਸ ਤੌਰ 'ਤੇ ਸੁਰੱਖਿਆ ਨਾਲ ਜੁੜਿਆ ਹੋਇਆ ਹੈ। ਪਰੰਪਰਾਗਤ ਲੋਕਕਥਾਵਾਂ ਦੇ ਮੁਤਾਬਕ, ਤਿੱਖੀਆਂ ਵਸਤੂਆਂ ਨੂੰ ਨਕਾਰਾਤਮਕ ਊਰਜਾ, ਬੁਰੇ ਭੂਤਾਂ ਜਾਂ ਡਰਾਉਣੇ ਪ੍ਰਭਾਵਾਂ ਤੋਂ ਦੂਰ ਰੱਖਣ ਵਾਲਾ ਮੰਨਿਆ ਜਾਂਦਾ ਸੀ। ਸਿਰਹਾਣੇ ਹੇਠਾਂ ਛੁਰੀ ਜਾਂ ਕੈਂਚੀ ਰੱਖਣ ਨਾਲ ਸੁੱਤੇ ਹੋਏ ਵਿਅਕਤੀ ਦੇ ਆਸਪਾਸ ਇੱਕ ਸੁਰੱਖਿਆ ਵਾਲਾ ਕਵਚ ਬਣ ਜਾਂਦਾ ਸੀ।

ਕੁਝ ਪਰਿਵਾਰਾਂ ਵਿੱਚ ਇਹ ਪਰੰਪਰਾਂ ਖਾਸ ਕਰਕੇ ਉਹਨਾਂ ਬੱਚਿਆਂ ਨਾਲ ਜੁੜੀ ਮੰਨੀ ਜਾਂਦੀ ਹੈ, ਜਿਨ੍ਹਾਂ ਨੂੰ ਅਕਸਰ ਬੁਰੇ ਸੁਪਨੇ ਆਉਂਦੇ ਹਨ। ਉਹਨਾਂ ਦਾ ਮੰਨਣਾ ਹੈ ਕਿ ਤਿੱਖੀਆਂ ਵਸਤੂ ਸੁੱਤੇ ਹੋਏ ਬੱਚੇ ਨੂੰ ਹਾਨੀਕਾਰਕ ਊਰਜਾ ਤੋਂ ਬਚਾਉਂਦੀ ਹੈ। ਹਾਲਾਂਕਿ ਇਸਦਾ ਕੋਈ ਵਿਗਿਆਨਕ ਸਬੂਤ ਨਹੀਂ ਹੈ, ਪਰ ਅੱਜ ਵੀ ਇਹ ਪਰਿਵਾਰਕ ਰਿਵਾਇਤਾਂ ਦਾ ਇੱਕ ਅਹਿਮ ਹਿੱਸਾ ਹੈ।

ਲੋਹੇ ਨੂੰ ਰੱਖਿਆ ਕਰਨ ਵਾਲੀ ਤਾਕਤ ਕਿਉਂ ਮਨਿਆ ਜਾਂਦਾ ਹੈ?

ਕਈ ਲੋਕਕਥਾਵਾਂ ਵਿੱਚ ਲੋਹੇ ਨੂੰ ਸੈਂਕੜੇ ਸਾਲਾਂ ਤੋਂ ਸੁਰੱਖਿਆ ਦੇ ਤੌਰ 'ਤੇ ਦੇਖਿਆ ਜਾਂਦਾ ਰਿਹਾ ਹੈ। ਕਈ ਰਵਾਇਤੀ ਸੱਭਿਆਚਾਰਾਂ ’ਚ ਲੋਹੇ ਨੂੰ ਇੱਕ ਮਜ਼ਬੂਤ ਤੇ ਤਾਕਤਵਰ ਪਦਾਰਥ ਮੰਨਿਆ ਜਾਂਦਾ ਸੀ, ਜੋ ਬੇਕਾਰ ਆਤਮਾਵਾਂ ਜਾਂ ਬੁਰੀਆਂ ਤਾਕਤਾਂ ਨੂੰ ਦੂਰ ਰੱਖਣ ’ਚ ਮਦਦ ਕਰ ਸਕਦਾ ਸੀ। ਸ਼ਾਇਦ ਇਸੇ ਲਈ ਚਾਕੂ, ਕੈਂਚੀ, ਚਾਬੀਆਂ, ਕਿੱਲਾਂ ਜਾਂ ਹੋਰ ਧਾਤੂ ਦੀਆਂ ਚੀਜ਼ਾਂ ਸੁਰੱਖਿਆ ਰਿਵਾਜ਼ਾਂ ਦਾ ਹਿੱਸਾ ਬਣ ਗਈਆਂ। ਸਮੇਂ ਦੇ ਨਾਲ ਇਹ ਮੰਨਤਾਵਾਂ ਪ੍ਰੰਪਰਾਵਾਂ ਵਿੱਚ ਬਦਲ ਗਈਆਂ ਅਤੇ ਮਾਪਿਆਂ ਤੋਂ ਬੱਚਿਆਂ ਤੱਕ ਪਹੁੰਚਦੀਆਂ ਰਹੀਆਂ।

ਹਾਲਾਂਕਿ ਇਸ ਤਰ੍ਹਾਂ ਦੀਆਂ ਪ੍ਰੰਪਰਾਵਾਂ ਦਾ ਪਾਲਣ ਕਰਦਿਆਂ ਖਾਸ ਸਾਵਧਾਨੀ ਰੱਖਣ ਦੀ ਲੋੜ ਹੁੰਦੀ ਹੈ। ਸਿਰਹਾਣੇ ਹੇਠਾਂ ਅਸਲੀ ਚਾਕੂ ਜਾਂ ਖੁੱਲੀ ਕੈਂਚੀ ਰੱਖ ਕੇ ਸੌਣ ਨਾਲ ਅਚਾਨਕ ਜ਼ਖਮ ਲੱਗ ਸਕਦੇ ਹਨ। ਸੌਂਦਿਆਂ ਸਮੇਂ ਪਾਸੇ ਬਦਲਣ ਨਾਲ ਤੁਸੀਂ ਨੁਕੀਲੀ ਚੀਜ਼ ਦੇ ਸੰਪਰਕ ਵਿੱਚ ਆ ਸਕਦੇ ਹੋ।

ਡਿਸਕਲੇਮਰ : ਇਸ ਲੇਖ ਵਿੱਚ ਦਿੱਤੇ ਗਏ ਉਪਾਇ/ਫਾਇਦੇ/ਸਲਾਹਾਂ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ, ਦੈਨਿਕ ਜਾਗਰਣ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਦਿੱਤੀ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਿਸ਼ੀਆਂ/ਪੰਚਾਂਗ/ਉਪਦੇਸ਼ਾਂ/ਮਾਨਤਾਵਾਂ/ਧਰਮਗ੍ਰੰਥਾਂ/ਕਿਸ਼ਾਣੀ ਕਹਾਣੀਆਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਤੋਂ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮਾਨੋ ਅਤੇ ਆਪਣੇ ਵਿਚਾਰ ਦਾ ਵਰਤੋਂ ਕਰੋ। ਪੰਜਾਬੀ ਜਾਗਰਣ/ਦੈਨਿਕ ਜਾਗਰਣ ਅੰਧਵਿਸ਼ਵਾਸ ਦੇ ਖ਼ਿਲਾਫ ਹੈ।