ਹਵਨ ਕਰਦੇ ਸਮੇਂ ਕਿਤੇ ਤੁਸੀਂ ਵੀ ਤਾਂ ਨਹੀਂ ਕਰ ਰਹੇ ਇਹ ਵੱਡੀ ਗਲਤੀ? ਬਣ ਸਕਦੀ ਹੈ ਕੰਗਾਲੀ ਦਾ ਕਾਰਨ

ਧਰਮ ਡੈਸਕ, ਨਵੀਂ ਦਿੱਲੀ : ਹਿੰਦੂ ਧਰਮ ’ਚ ਵਾਸਤੂ ਸ਼ਾਸਤਰ ਦਾ ਵਿਸ਼ੇਸ਼ ਮਹੱਤਵ ਮੰਨਿਆ ਜਾਂਦਾ ਹੈ। ਇਸ ’ਚ ਪੂਜਾ-ਪਾਠ ਨਾਲ ਜੁੜੇ ਕਈ ਨਿਯਮਾਂ ਬਾਰੇ ਦੱਸਿਆ ਗਿਆ ਹੈ। ਹਵਨ ਨੂੰ ਵਿਧੀ-ਵਿਧਾਨ ਨਾਲ ਕਰਨ ਨਾਲ ਸ਼ੁਭ ਨਤੀਜੇ ਪ੍ਰਾਪਤ ਹੋਣ ਤੇ ਘਰ ਦੀ ਨਕਾਰਾਤਮਕ ਊਰਜਾ ਦੂਰ ਹੋਣ ਦੀ ਮਾਨਤਾ ਹੈ, ਜਿਸ ਨਾਲ ਸਕਾਰਾਤਮਕ ਊਰਜਾ ਦਾ ਆਗਮਨ ਹੁੰਦਾ ਹੈ। ਹਾਲਾਂਕਿ, ਮਾਨਤਾਵਾਂ ਅਨੁਸਾਰ ਇਸ ਦਾ ਸ਼ੁਭ ਫਲ ਤਾਂ ਹੀ ਮਿਲਦਾ ਹੈ ਜਦੋਂ ਹਵਨ ਦੌਰਾਨ ਨਿਯਮਾਂ ਦਾ ਧਿਆਨ ਰੱਖਿਆ ਜਾਵੇ। ਵਾਸਤੂ ਸ਼ਾਸਤਰ ਅਨੁਸਾਰ, ਸਹੀ ਦਿਸ਼ਾ ’ਚ ਯੱਗ ਕਰਨ ਨਾਲ ਜੀਵਨ ’ਚ ਸੁੱਖ-ਸ਼ਾਂਤੀ ਬਣੀ ਰਹਿੰਦੀ ਹੈ। ਆਓ ਜਾਣਦੇ ਹਾਂ ਕਿ ਹਵਨ ਦੌਰਾਨ ਯਜਮਾਨ ਦਾ ਮੁਖ ਕਿਸ ਦਿਸ਼ਾ ਵੱਲ ਹੋਣਾ ਚਾਹੀਦਾ ਹੈ ਤੇ ਇਸ ਯੱਗ ਨਾਲ ਜੁੜੇ ਕਿਹੜੇ ਨਿਯਮ ਮੰਨੇ ਜਾਂਦੇ ਹਨ।

ਹਵਨ ਦੌਰਾਨ ਕਿਸ ਦਿਸ਼ਾ ਵੱਲ ਹੋਵੇ ਮੂੰਹ?

ਵਾਸਤੂ ਸ਼ਾਸਤਰ ਅਨੁਸਾਰ, ਹਵਨ ਦੌਰਾਨ ਯਜਮਾਨ ਦਾ ਮੂੰਹ ਪੂਰਬ ਜਾਂ ਉੱਤਰ ਦਿਸ਼ਾ ਵੱਲ ਹੋਣਾ ਚਾਹੀਦਾ ਹੈ। ਇਨ੍ਹਾਂ ਦੋਵੇਂ ਦਿਸ਼ਾਵਾਂ ਨੂੰ ਪੂਜਾ-ਅਰਚਨਾ ਲਈ ਸ਼ੁਭ ਮੰਨਿਆ ਜਾਂਦਾ ਹੈ। ਇਸ ਦਿਸ਼ਾ ਵੱਲ ਮੂੰਹ ਕਰਕੇ ਯੱਗ ਕਰਨ ਨਾਲ ਸਫਲਤਾ ਮਿਲਣ ਦੀ ਮਾਨਤਾ ਹੈ। ਪੂਰਬ ਦਿਸ਼ਾ ਵੱਲ ਮੂੰਹ ਕਰਕੇ ਪੂਜਾ ਕਰਨ ਨਾਲ ਆਧਿਆਤਮਿਕ ਉੱਨਤੀ, ਗਿਆਨ, ਐਸ਼ਵਰਿਆ ਤੇ ਮਾਨਸਿਕ ਸ਼ਾਂਤੀ ਪ੍ਰਾਪਤ ਹੋਣ ਦੀ ਮਾਨਤਾ ਹੈ। ਉੱਥੇ ਹੀ ਉੱਤਰ ਦਿਸ਼ਾ ਨੂੰ ਧਨ ਦੇ ਦੇਵਤਾ ਕੁਬੇਰ ਨਾਲ ਜੋੜਿਆ ਜਾਂਦਾ ਹੈ। ਮੰਨਿਆ ਜਾਂਦਾ ਹੈ ਕਿ ਇਸ ਦਿਸ਼ਾ ਵੱਲ ਮੂੰਹ ਕਰਕੇ ਹਵਨ ’ਚ ਆਹੁਤੀ ਦੇਣ ਨਾਲ ਧਨ ਤੇ ਸੁੱਖ-ਸੰਪੱਤੀ ’ਚ ਵਾਧਾ ਹੁੰਦਾ ਹੈ ਤੇ ਆਰਥਿਕ ਤੰਗੀ ਦੀ ਸਮੱਸਿਆ ਦੂਰ ਹੋ ਸਕਦੀ ਹੈ।

ਕਿਹੜੀ ਦਿਸ਼ਾ ਅਸ਼ੁਭ ਮੰਨੀ ਜਾਂਦੀ ਹੈ?

ਵਾਸਤੂ ਸ਼ਾਸਤਰ ’ਚ ਮੰਨਤਾ ਹੈ ਕਿ ਹਵਨ ਦੌਰਾਨ ਮੂੰਹ ਦੱਖਣ ਜਾਂ ਪੱਛਮ ਦਿਸ਼ਾ ਵੱਲ ਨਹੀਂ ਹੋਣਾ ਚਾਹੀਦਾ। ਮੰਨਿਆ ਜਾਂਦਾ ਹੈ ਕਿ ਇਨ੍ਹਾਂ ਦਿਸ਼ਾਵਾਂ ਵੱਲ ਮੂੰਹ ਕਰਕੇ ਪੂਜਾ ਕਰਨ ਨਾਲ ਸਾਧਨਾ ਜਾਂ ਪੂਜਾ ਦਾ ਸਕਾਰਾਤਮਕ ਫਲ ਪ੍ਰਾਪਤ ਨਹੀਂ ਹੁੰਦਾ ਤੇ ਘਰ ’ਚ ਨਕਾਰਾਤਮਕ ਊਰਜਾ ਦਾ ਸੰਚਾਰ ਹੋ ਸਕਦਾ ਹੈ। ਇਸ ਲਈ ਹਵਨ ਕਰਨ ਤੋਂ ਪਹਿਲਾਂ ਇਸ ਨਾਲ ਜੁੜੇ ਨਿਯਮਾਂ ਦੀ ਜਾਣਕਾਰੀ ਲੈਣੀ ਚਾਹੀਦੀ ਹੈ।

ਹਵਨ ਕੁੰਡ ਦੀ ਜਗ੍ਹਾ

ਹਵਨ ਦੌਰਾਨ ਮੂੰਹ ਦੀ ਦਿਸ਼ਾ ਤੋਂ ਇਲਾਵਾ ਹਵਨ ਕੁੰਡ ਦੀ ਜਗ੍ਹਾ ਦਾ ਵੀ ਧਿਆਨ ਰੱਖਣਾ ਚਾਹੀਦਾ ਹੈ। ਵਾਸਤੂ ਸ਼ਾਸਤਰ ਅਨੁਸਾਰ ਹਵਨ ਕੁੰਡ ਨੂੰ ਦੱਖਣ-ਪੂਰਬ ਦਿਸ਼ਾ ’ਚ ਰੱਖਣਾ ਸ਼ੁਭ ਮੰਨਿਆ ਜਾਂਦਾ ਹੈ। ਇਸ ਦਿਸ਼ਾ ਨੂੰ ਅਗਨੀ ਦੇਵ ਨਾਲ ਜੋੜਿਆ ਜਾਂਦਾ ਹੈ।

ਇਨ੍ਹਾਂ ਗੱਲਾਂ ਦਾ ਰੱਖੋ ਧਿਆਨ

• ਹਵਨ ’ਚ ਆਹੁਤੀ ਦਿੰਦੇ ਸਮੇਂ ‘ਸਵਾਹਾ’ ਮੰਤਰ ਦਾ ਜਾਪ ਕਰਨਾ ਚਾਹੀਦਾ ਹੈ।
• ਇਸ ਦੌਰਾਨ ਕਿਸੇ ਦੇ ਬਾਰੇ ਗਲਤ ਵਿਚਾਰ ਮਨ ’ਚ ਨਹੀਂ ਲਿਆਉਣੇ ਚਾਹੀਦੇ।
• ਕਾਲੇ ਰੰਗ ਦੇ ਕੱਪੜੇ ਪਹਿਨਣ ਤੋਂ ਬਚਣਾ ਚਾਹੀਦਾ ਹੈ।
• ਮਾਨਤਾਵਾਂ ਅਨੁਸਾਰ ਹਵਨ ਸੂਰਜ ਡੁੱਬਣ ਤੋਂ ਪਹਿਲਾਂ ਕਰਨਾ ਸ਼ੁਭ ਮੰਨਿਆ ਜਾਂਦਾ ਹੈ।

ਹਵਨ ਵਾਲੀ ਜਗ੍ਹਾ ਸਾਫ਼-ਸੁਥਰੀ ਹੋਣੀ ਚਾਹੀਦੀ ਹੈ ਤੇ ਗੰਗਾਜਲ ਛਿੜਕ ਕੇ ਉਸ ਨੂੰ ਸ਼ੁੱਧ ਕਰਨ ਦੀ ਪਰੰਪਰਾ ਹੈ।

ਅਸਵੀਕਰਨ

ਇਸ ਲੇਖ ’ਚ ਦੱਸੇ ਗਏ ਉਪਾਅ, ਲਾਭ, ਸਲਾਹ ਤੇ ਕਥਨ ਕੇਵਲ ਆਮ ਜਾਣਕਾਰੀ ਲਈ ਹਨ। ਇਨ੍ਹਾਂ ਮਾਨਤਾਵਾਂ ਨੂੰ ਅੰਤਿਮ ਸੱਚ ਜਾਂ ਪੱਕਾ ਦਾਅਵਾ ਨਾ ਮੰਨਿਆ ਜਾਵੇ। ਇਹ ਜਾਣਕਾਰੀ ਵੱਖ-ਵੱਖ ਸਰੋਤਾਂ, ਜੋਤਿਸ਼ੀਆਂ, ਪੰਚਾਂਗਾਂ, ਪ੍ਰਵਚਨਾਂ, ਧਾਰਮਿਕ ਮਾਨਤਾਵਾਂ, ਧਰਮਗ੍ਰੰਥਾਂ ਤੇ ਲੋਕ-ਕਥਾਵਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕ ਆਪਣੇ ਵਿਵੇਕ ਦੀ ਵਰਤੋਂ ਕਰਨ।