ਇਸ ਮੂਲਾਂਕ ਦੇ ਲੋਕ ਨਹੀਂ ਬਣ ਪਾਉਂਦੇ ਕਦੇ ਚੰਗੇ ਬੌਸ, ਬੌਸ ਬਣਦਿਆਂ ਹੀ ਟੀਮ 'ਤੇ ਦਿਖਾਉਂਦੇ ਹਨ ਆਪਣਾ ਰੋਹ ਤੇ ਰਹਿੰਦੇ ਹਨ ਇਨਸਿਕਿਓਰ

ਧਰਮ ਡੈਸਕ, ਨਵੀਂ ਦਿੱਲੀ। ਨਿਊਮੋਲੋਜੀ (ਅੰਕ ਜੋਤਿਸ਼) ਦੇ ਅਨੁਸਾਰ, ਜਿਨ੍ਹਾਂ ਲੋਕਾਂ ਦਾ ਜਨਮ ਕਿਸੇ ਵੀ ਮਹੀਨੇ ਦੀ 3, 12, 21 ਜਾਂ 30 ਤਾਰੀਖ਼ ਨੂੰ ਹੁੰਦਾ ਹੈ, ਉਨ੍ਹਾਂ ਦਾ ਮੂਲਾਂਕ 3 ਮੰਨਿਆ ਜਾਂਦਾ ਹੈ। ਅੰਕ ਜੋਤਿਸ਼ ਵਿੱਚ ਇਸ ਅੰਕ ਦਾ ਸੰਬੰਧ ਬ੍ਰਹਸਪਤੀ ਯਾਨੀ ਗੁਰੂ ਗ੍ਰਹਿ ਨਾਲ ਮੰਨਿਆ ਗਿਆ ਹੈ। ਅਜਿਹੀ ਮਾਨਤਾ ਹੈ ਕਿ ਮੂਲਾਂਕ 3 ਵਾਲੇ ਲੋਕਾਂ ਵਿੱਚ ਗਿਆਨ, ਆਤਮਵਿਸ਼ਵਾਸ ਅਤੇ ਅਗਵਾਈ ਕਰਨ ਦੀ ਸਮਰੱਥਾ ਤਾਂ ਹੁੰਦੀ ਹੈ ਪਰ ਕਈ ਵਾਰ ਇਨ੍ਹਾਂ ਉੱਤੇ ਬ੍ਰਹਸਪਤੀ ਗ੍ਰਹਿ ਦੇ ਕੁਝ ਗੁਣ ਹਾਵੀ ਹੋ ਜਾਂਦੇ ਹਨ। ਇਹ ਲੋਕ ਖ਼ੁਦ ਨੂੰ ਸਭ ਤੋਂ ਵੱਡਾ ਗਿਆਨੀ ਮੰਨ ਬੈਠਦੇ ਹਨ ਅਤੇ ਇਸ ਗੱਲ ਦਾ ਇਨ੍ਹਾਂ ਨੂੰ ਹੰਕਾਰ ਹੋ ਜਾਂਦਾ ਹੈ ਕਿ ਇਨ੍ਹਾਂ ਨੂੰ ਸਭ ਕੁਝ ਆਉਂਦਾ ਹੈ। ਆਓ ਜਾਣਦੇ ਹਾਂ ਕਿ ਟੀਮ ਨਾਲ ਕਿਵੇਂ ਹੁੰਦੇ ਹਨ ਇਨ੍ਹਾਂ ਦੇ ਸੰਬੰਧ।

ਗਿਆਨ 'ਤੇ ਜ਼ਿਆਦਾ ਭਰੋਸਾ

ਮੂਲਾਂਕ 3 ਵਾਲੇ ਸਿਰਫ਼ ਗਿਆਨ ਦੀਆਂ ਗੱਲਾਂ ਕਰਦੇ ਹਨ। ਅਜਿਹੇ ਲੋਕ ਆਪਣੇ ਤਜ਼ਰਬੇ ਅਤੇ ਜਾਣਕਾਰੀ 'ਤੇ ਕਾਫ਼ੀ ਭਰੋਸਾ ਕਰਦੇ ਹਨ। ਇਹ ਗੁਣ ਕਈ ਵਾਰ ਉਨ੍ਹਾਂ ਲਈ ਚੁਣੌਤੀ ਵੀ ਬਣ ਸਕਦਾ ਹੈ। ਅਜਿਹਾ ਨਹੀਂ ਹੋ ਸਕਦਾ ਕਿ ਹਰ ਵਾਰ ਤੁਸੀਂ ਸਹੀ ਹੋਵੋ। ਕਈ ਵਾਰ ਤੁਹਾਡੀ ਜਾਣਕਾਰੀ ਗਲਤ ਵੀ ਹੋ ਸਕਦੀ ਹੈ।

ਅਜਿਹੇ ਵਿੱਚ ਟੀਮ ਦੀ ਵੀ ਸੁਣਨੀ ਚਾਹੀਦੀ ਹੈ। ਕੁਝ ਮਾਮਲਿਆਂ ਵਿੱਚ ਮੂਲਾਂਕ ਵਾਲਿਆਂ ਨੂੰ ਲੱਗਦਾ ਹੈ ਕਿ ਉਨ੍ਹਾਂ ਨੂੰ ਕਿਸੇ ਵਿਸ਼ੇ ਦੀ ਜਾਣਕਾਰੀ ਦੂਜਿਆਂ ਨਾਲੋਂ ਜ਼ਿਆਦਾ ਹੈ। ਇਸ ਕਾਰਨ ਉਹ ਟੀਮ ਦੇ ਨਵੇਂ ਵਿਚਾਰਾਂ ਨੂੰ ਤੁਰੰਤ ਸਵੀਕਾਰ ਨਹੀਂ ਕਰਦੇ। ਜੇਕਰ ਬੌਸ ਕਰਮਚਾਰੀਆਂ ਦੀ ਗੱਲ ਸੁਣਨ ਦੀ ਬਜਾਏ ਸਿਰਫ਼ ਆਪਣੀ ਰਾਏ ਨੂੰ ਸਹੀ ਮੰਨਣ ਲੱਗੇ ਤਾਂ ਟੀਮ ਵਿੱਚ ਅਸੰਤੋਸ਼ ਪੈਦਾ ਹੋ ਸਕਦਾ ਹੈ।

ਟੀਮ ਦੇ ਕਿਸੇ ਮੈਂਬਰ ਤੋਂ ਇਨਸਿਕਿਓਰਿਟੀ (ਅਸੁਰੱਖਿਆ)

ਮੂਲਾਂਕ 3 ਵਾਲੇ ਬੌਸ ਨੂੰ ਲੈ ਕੇ ਇੱਕ ਆਮ ਧਾਰਨਾ ਇਹ ਹੈ ਕਿ ਉਹ ਆਪਣੀ ਪਛਾਣ ਅਤੇ ਅਹੁਦੇ ਨੂੰ ਲੈ ਕੇ ਕਾਫ਼ੀ ਸਾਵਧਾਨ ਰਹਿੰਦੇ ਹਨ। ਜੇਕਰ ਟੀਮ ਵਿੱਚ ਕੋਈ ਕਰਮਚਾਰੀ ਲਗਾਤਾਰ ਵਧੀਆ ਪ੍ਰਦਰਸ਼ਨ ਕਰਦਾ ਹੈ, ਜ਼ਿਆਦਾ ਪ੍ਰਸ਼ੰਸਾ ਪਾਉਂਦਾ ਹੈ ਜਾਂ ਬੌਸ ਨਾਲੋਂ ਜ਼ਿਆਦਾ ਹਰਮਨਪਿਆਰਾ ਹੋ ਜਾਂਦਾ ਹੈ, ਤਾਂ ਕੁਝ ਸਥਿਤੀਆਂ ਵਿੱਚ ਬੌਸ ਨੂੰ ਉਸ ਵਿਅਕਤੀ ਤੋਂ ਅਸੁਰੱਖਿਆ ਮਹਿਸੂਸ ਹੋਣ ਲੱਗਦੀ ਹੈ। ਅਜਿਹੀ ਸਥਿਤੀ ’ਚ ਬੌਸ ਕਰਮਚਾਰੀਆਂ ਦੀਆਂ ਪ੍ਰਾਪਤੀਆਂ ਨੂੰ ਖੁੱਲ੍ਹ ਕੇ ਸਵੀਕਾਰ ਕਰਨ ਦੀ ਬਜਾਏ ਉਸ ਤੋਂ ਦੂਰੀ ਬਣਾਉਣ ਲੱਗਦਾ ਹੈ।

ਮੂਡ ’ਚ ਬਦਲਾਅ ਬਣ ਸਕਦਾ ਹੈ ਪਰੇਸ਼ਾਨੀ

ਮੂਲਾਂਕ 3 ਵਾਲੇ ਲੋਕ ਸੁਭਾਅ ਤੋਂ ਬਹੁਤ ਭਾਵੁਕ ਅਤੇ ਸੰਵੇਦਨਸ਼ੀਲ ਹੁੰਦੇ ਹਨ। ਇਸ ਲਈ ਇਨ੍ਹਾਂ ਦੇ ਮੂਡ ਵਿੱਚ ਬਦਲਾਅ ਹੁੰਦੇ ਰਹਿੰਦੇ ਹਨ। ਇੱਕ ਪਲ ਵਿੱਚ ਉਨ੍ਹਾਂ ਨੂੰ ਗੁੱਸਾ ਆ ਜਾਂਦਾ ਹੈ ਤਾਂ ਇੱਕ ਪਲ ਵਿੱਚ ਹੀ ਉਹ ਨਾਰਮਲ ਵੀ ਹੋ ਜਾਂਦੇ ਹਨ। ਅਜਿਹੇ ਵਿੱਚ ਜੇਕਰ ਮੂਲਾਂਕ 3 ਵਾਲੇ ਬੌਸ ਹੁੰਦੇ ਹਨ, ਤਾਂ ਉਨ੍ਹਾਂ ਦਾ ਵਿਵਹਾਰ ਕਦੇ ਬਹੁਤ ਦੋਸਤਾਨਾ ਅਤੇ ਕਦੇ ਅਚਾਨਕ ਸਖ਼ਤ ਹੋ ਜਾਂਦਾ ਹੈ, ਜਿਸ ਨਾਲ ਕਰਮਚਾਰੀਆਂ ਲਈ ਵੀ ਉਨ੍ਹਾਂ ਦਾ ਵਿਵਹਾਰ ਸਮਝਣਾ ਮੁਸ਼ਕਲ ਹੋ ਜਾਂਦਾ ਹੈ। ਇਸ ਲਈ ਅਜਿਹੇ ਬੌਸ ਲਈ ਭਾਵਨਾਵਾਂ ਨੂੰ ਕਾਬੂ ਵਿੱਚ ਰੱਖਣਾ ਅਤੇ ਫ਼ੈਸਲਿਆਂ ਵਿੱਚ ਨਿਰੰਤਰਤਾ ਬਣਾ ਕੇ ਰੱਖਣਾ ਫ਼ਾਇਦੇਮੰਦ ਹੁੰਦਾ ਹੈ।

ਸਿੱਧਾ ਬੋਲਣਾ ਪੈ ਸਕਦਾ ਹੈ ਭਾਰੀ

ਮੂਲਾਂਕ 3 ਦੇ ਲੋਕਾਂ ਲਈ ਇਹ ਵੀ ਕਿਹਾ ਜਾਂਦਾ ਹੈ ਕਿ ਉਹ ਆਪਣੀ ਗੱਲ ਸਿੱਧੇ ਅਤੇ ਸਪੱਸ਼ਟ ਤਰੀਕੇ ਨਾਲ ਰੱਖਦੇ ਹਨ। ਇਹ ਗੁਣ ਸਹੀ ਤਰੀਕੇ ਨਾਲ ਇਸਤੇਮਾਲ ਕੀਤਾ ਜਾਵੇ ਤਾਂ ਅਗਵਾਈ ਵਿੱਚ ਮਦਦਗਾਰ ਹੋ ਸਕਦਾ ਹੈ। ਪਰ ਜੇਕਰ ਗੱਲ ਬਹੁਤ ਕੌੜੇ ਜਾਂ ਸਖ਼ਤ ਅੰਦਾਜ਼ ਵਿੱਚ ਕਹੀ ਜਾਵੇ ਤਾਂ ਕਰਮਚਾਰੀ ਦਾ ਆਤਮਵਿਸ਼ਵਾਸ ਪ੍ਰਭਾਵਿਤ ਹੁੰਦਾ ਹੈ। ਬੌਸ ਲਈ ਜ਼ਰੂਰੀ ਹੈ ਕਿ ਉਹ ਗ਼ਲਤੀ ਦੱਸਦੇ ਸਮੇਂ ਵਿਅਕਤੀ ਨੂੰ ਨੀਚਾ ਦਿਖਾਉਣ ਦੀ ਬਜਾਏ ਸਮੱਸਿਆ ਅਤੇ ਉਸਦੇ ਹੱਲ 'ਤੇ ਗੱਲ ਕਰੇ।

ਮੂਲਾਂਕ 3 ਵਿੱਚ ਅਗਵਾਈ ਦੇ ਕਈ ਗੁਣ ਹੁੰਦੇ ਹਨ ਪਰ ਹੰਕਾਰ, ਅਸੁਰੱਖਿਆ, ਭਾਵਨਾਵਾਂ ਦੇ ਉਤਰਾਅ-ਚੜ੍ਹਾਅ ਅਤੇ ਸਖ਼ਤ ਗੱਲਬਾਤ ਵਰਗੀਆਂ ਸੁਭਾਅ ਦੀਆਂ ਚੁਣੌਤੀਆਂ ਉਨ੍ਹਾਂ ਨੂੰ ਇੱਕ ਚੰਗਾ ਬੌਸ ਬਣਨ ਤੋਂ ਰੋਕਦੀਆਂ ਹਨ। ਇਨ੍ਹਾਂ ਕਮੀਆਂ 'ਤੇ ਧਿਆਨ ਦੇ ਕੇ ਕੋਈ ਵੀ ਵਿਅਕਤੀ ਬਿਹਤਰ ਬੌਸ ਬਣ ਸਕਦਾ ਹੈ।

ਇਸ ਲਈ ਇੱਕ ਚੰਗਾ ਲੀਡਰ ਉਹੀ ਹੁੰਦਾ ਹੈ, ਜੋ ਖ਼ੁਦ ਅੱਗੇ ਵਧਣ ਦੇ ਨਾਲ-ਨਾਲ ਆਪਣੇ ਨਾਲ ਵਾਲਿਆਂ ਨੂੰ ਵੀ ਅੱਗੇ ਵਧਦਾ ਹੋਇਆ ਦੇਖ ਕੇ ਖ਼ੁਸ਼ ਹੁੰਦਾ ਹੈ।

(ਅਸਵੀਕਰਨ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਇਆ/ਲਾਭਾਂ/ਸਲਾਹ ਅਤੇ ਕਥਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਦੈਨਿਕ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦੇ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਆਖ਼ਰੀ ਸੱਚ ਨਾ ਮੰਨੋ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰੋ।)