ਕੀ ਤੁਹਾਡੀ ਜਨਮ ਤਾਰੀਖ਼ 'ਚ ਲੁਕੀ ਹੈ ਸਰਕਾਰੀ ਨੌਕਰੀ? ਜਾਣੋ ਕਿਹੜੇ ਮੁਲਾਂਕ ਵਾਲਿਆਂ 'ਤੇ ਮਿਹਰਬਾਨ ਹੁੰਦੇ ਹਨ ਗ੍ਰਹਿ

Posted By alisha

Publish Date: Mon, 14 Sep 2026 12:33 PM (IST)

Updated Date: Mon, 14 Sep 2026 12:40 PM (IST)

ਕੀ ਤੁਹਾਡੀ ਜਨਮ ਤਾਰੀਖ਼ 'ਚ ਲੁਕੀ ਹੈ ਸਰਕਾਰੀ ਨੌਕਰੀ? ਜਾਣੋ ਕਿਹੜੇ ਮੁਲਾਂਕ ਵਾਲਿਆਂ 'ਤੇ ਮਿਹਰਬਾਨ ਹੁੰਦੇ ਹਨ ਗ੍ਰਹਿ

ਧਰਮ ਡੈਸਕ, ਨਵੀਂ ਦਿੱਲੀ : ਚੰਗਾ ਕਰੀਅਰ ਕੌਣ ਨਹੀਂ ਬਣਾਉਣਾ ਚਾਹੁੰਦਾ ਪਰ ਕਈ ਵਾਰ ਤੁਹਾਡੀ ਮਿਹਨਤ ਤੋਂ ਬਾਅਦ ਵੀ ਤੁਸੀਂ ਉਸ ਮੁਕਾਮ ਤੱਕ ਨਹੀਂ ਪਹੁੰਚ ਪਾਉਂਦੇ ਜਿਸ ਨੂੰ ਹਾਸਲ ਕਰਨਾ ਚਾਹੁੰਦੇ ਹੋ।

ਕਈ ਵਾਰ ਇਸ ਦੀ ਵਜ੍ਹਾ ਤੁਹਾਡਾ ਮੁਲਾਂਕ (Mulank) ਅਤੇ ਉਸ ਦਾ ਸੁਆਮੀ ਗ੍ਰਹਿ ਹੋ ਸਕਦਾ ਹੈ। ਅੱਜ-ਕੱਲ੍ਹ ਦੀ ਭੱਜ-ਦੌੜ ਵਿੱਚ ਅਸੀਂ ਸਾਰੇ ਸਰਕਾਰੀ ਨੌਕਰੀ ਦੀ ਚਾਹਤ ਰੱਖਦੇ ਹਾਂ ਪਰ ਕਈ ਮੌਕੇ ਆਉਣ ਤੋਂ ਬਾਅਦ ਵੀ ਸਫ਼ਲ ਨਹੀਂ ਹੋ ਪਾਉਂਦੇ। ਉੱਥੇ ਹੀ ਕੁਝ ਅਜਿਹੇ ਮੁਲਾਂਕ ਦੇ ਲੋਕ ਵੀ ਹੁੰਦੇ ਹਨ ਜੋ ਜੇਕਰ ਸਰਕਾਰੀ ਨੌਕਰੀ ਲਈ ਜ਼ਿਆਦਾ ਮਿਹਨਤ ਵੀ ਨਾ ਕਰਨ ਤਾਂ ਵੀ ਉਨ੍ਹਾਂ ਨੂੰ ਸਫ਼ਲਤਾ ਮਿਲ ਸਕਦੀ ਹੈ।

ਇਸ ਸਫ਼ਲਤਾ ਦੇ ਪਿੱਛੇ ਤੁਹਾਡੇ ਮੁਲਾਂਕ ਦਾ ਸੁਆਮੀ ਗ੍ਰਹਿ ਜ਼ਿੰਮੇਵਾਰ ਹੁੰਦਾ ਹੈ। ਅੰਕ ਜੋਤਿਸ਼ (Numerology) ਅਨੁਸਾਰ ਕੁਝ ਵਿਸ਼ੇਸ਼ ਜਨਮ ਤਾਰੀਖਾਂ ਦੇ ਲੋਕਾਂ ਨੂੰ ਸਰਕਾਰੀ ਨੌਕਰੀ ਲਈ ਯਤਨ ਜ਼ਰੂਰ ਕਰਨਾ ਚਾਹੀਦਾ ਹੈ ਕਿਉਂਕਿ ਉਨ੍ਹਾਂ ਲਈ ਇਸ ਦੇ ਸਭ ਤੋਂ ਜ਼ਿਆਦਾ ਯੋਗ ਬਣਦੇ ਹਨ। ਆਓ ਜਾਣਦੇ ਹਾਂ ਉਨ੍ਹਾਂ ਬਾਰੇ ਇੱਥੇ ਵਿਸਥਾਰ ਨਾਲ -

ਮੁਲਾਂਕ-1

ਮੂਲਾਂਕ-1 ਦੇ ਲੋਕਾਂ ਵਿੱਚ ਜਨਮ ਤੋਂ ਹੀ ਲੀਡਰਸ਼ਿਪ ਕੁਆਲਿਟੀ ਹੁੰਦੀ ਹੈ। ਇਹ ਲੋਕ ਜੋ ਕੰਮ ਵੀ ਕਰਦੇ ਹਨ, ਉਸ ਵਿੱਚ ਜ਼ਰੂਰ ਸਫ਼ਲ ਹੁੰਦੇ ਹਨ। ਸੁਭਾਅ ਤੋਂ ਮਿਹਨਤੀ ਮੁਲਾਂਕ 1 ਦੇ ਲੋਕ ਆਪਣੀਆਂ ਸਮਰੱਥਾਵਾਂ ਦੇ ਦਮ 'ਤੇ ਵੱਡੀ ਤੋਂ ਵੱਡੀ ਪ੍ਰਾਪਤੀ ਵੀ ਤੁਰੰਤ ਹਾਸਲ ਕਰ ਲੈਂਦੇ ਹਨ। ਜਿਨ੍ਹਾਂ ਲੋਕਾਂ ਦਾ ਜਨਮ ਕਿਸੇ ਵੀ ਮਹੀਨੇ ਦੀ 01, 10, 19 ਜਾਂ 28 ਤਾਰੀਖ਼ ਨੂੰ ਹੋਇਆ ਹੈ, ਉਨ੍ਹਾਂ ਦਾ ਮੁਲਾਂਕ 1 ਮੰਨਿਆ ਜਾਂਦਾ ਹੈ ਅਤੇ ਇਸ ਮੂਲਾਂਕ ਦੇ ਲੋਕਾਂ 'ਤੇ ਸੂਰਜ ਦਾ ਪ੍ਰਭਾਵ ਹੁੰਦਾ ਹੈ।

ਸੂਰਜ ਦੇ ਪ੍ਰਭਾਵ ਦੇ ਕਾਰਨ ਹੀ ਇਹ ਲੋਕ ਬਹੁਤ ਜ਼ਿਆਦਾ ਊਰਜਾਵਾਨ ਹੁੰਦੇ ਹਨ ਅਤੇ ਆਪਣੇ ਕੰਮ ਵਿੱਚ ਮਾਹਰ ਹੁੰਦੇ ਹਨ। ਜੇਕਰ ਤੁਹਾਡੀ ਜਨਮ ਤਾਰੀਖ਼ ਵੀ ਇਨ੍ਹਾਂ ਵਿੱਚੋਂ ਕੋਈ ਹੈ ਅਤੇ ਤੁਹਾਡਾ ਮੁਲਾਂਕ 1 ਹੈ ਤਾਂ ਤੁਹਾਨੂੰ ਸਰਕਾਰੀ ਨੌਕਰੀ ਲਈ ਜ਼ਰੂਰ ਯਤਨ ਕਰਨਾ ਚਾਹੀਦਾ ਹੈ। ਆਪਣੀਆਂ ਸਮਰੱਥਾਵਾਂ ਅਤੇ ਮਿਹਨਤ ਦੇ ਬਲਬੂਤੇ ਤੁਸੀਂ ਬਹੁਤ ਜਲਦ ਕੋਈ ਉੱਚਾ ਅਹੁਦਾ ਹਾਸਲ ਕਰ ਸਕਦੇ ਹੋ।

ਮੁਲਾਂਕ-4

ਮੁਲਾਂਕ 4 ਦੇ ਲੋਕ ਕਈ ਵਿਸ਼ੇਸ਼ ਸਮਰੱਥਾਵਾਂ ਦੇ ਧਨੀ ਹੁੰਦੇ ਹਨ। ਜਿਨ੍ਹਾਂ ਲੋਕਾਂ ਦਾ ਜਨਮ ਕਿਸੇ ਵੀ ਮਹੀਨੇ ਦੀ 04, 13, 22 ਜਾਂ 31 ਤਾਰੀਖ਼ ਨੂੰ ਹੋਇਆ ਹੈ, ਉਨ੍ਹਾਂ ਦਾ ਮੁਲਾਂਕ 4 ਹੁੰਦਾ ਹੈ ਅਤੇ ਇਨ੍ਹਾਂ 'ਤੇ ਰਾਹੂ ਦਾ ਪ੍ਰਭਾਵ ਹੁੰਦਾ ਹੈ। ਜਿਸ ਦੀ ਵਜ੍ਹਾ ਨਾਲ ਇਹ ਲੋਕ ਦਿਮਾਗ਼ ਤੋਂ ਬਹੁਤ ਤੇਜ਼ ਹੁੰਦੇ ਹਨ ਅਤੇ ਆਪਣੇ ਤੇਜ਼ ਦਿਮਾਗ਼ ਦੀ ਵਜ੍ਹਾ ਨਾਲ ਜ਼ਿੰਦਗੀ ਵਿੱਚ ਸਫ਼ਲ ਹੋਣ ਦਾ ਹੁਨਰ ਰੱਖਦੇ ਹਨ। ਹਾਲਾਂਕਿ, ਇਨ੍ਹਾਂ ਲਈ ਇਹ ਵੀ ਕਿਹਾ ਜਾਂਦਾ ਹੈ ਕਿ ਇਹ ਲੋਕ ਬਹੁਤ ਜਲਦੀ ਟੀਚੇ (ਲਕਸ਼) ਤੋਂ ਭਟਕਦੇ ਵੀ ਹਨ।

ਜੇਕਰ ਇਨ੍ਹਾਂ ਲੋਕਾਂ ਨੂੰ ਸਹੀ ਮਾਰਗਦਰਸ਼ਨ ਮਿਲ ਜਾਵੇ ਤਾਂ ਇਹ ਸਰਕਾਰੀ ਨੌਕਰੀ ਵਿੱਚ ਵੱਡੇ ਤੋਂ ਵੱਡਾ ਅਹੁਦਾ ਹਾਸਲ ਕਰ ਸਕਦੇ ਹਨ। ਇਨ੍ਹਾਂ ਲੋਕਾਂ ਵਿੱਚ ਅਜਿਹਾ ਹੁਨਰ ਹੁੰਦਾ ਹੈ ਕਿ ਇਹ ਕਿਸੇ ਪ੍ਰਸ਼ਾਸਨਿਕ ਸੇਵਾ ਵਿੱਚ ਵੀ ਉੱਚੇ ਅਹੁਦੇ ਨੂੰ ਹਾਸਲ ਕਰ ਸਕਦੇ ਹਨ। ਮੁਲਾਂਕ 4 ਦੇ ਲੋਕਾਂ ਨੂੰ ਸਰਕਾਰੀ ਨੌਕਰੀ ਲਈ ਯਤਨ ਜ਼ਰੂਰ ਕਰਨਾ ਚਾਹੀਦਾ ਹੈ।

ਮੁਲਾਂਕ-8

ਮੁਲਾਂਕ 8 ਦੇ ਲੋਕਾਂ 'ਤੇ ਸ਼ਨੀਦੇਵ ਦਾ ਪ੍ਰਭਾਵ ਹੁੰਦਾ ਹੈ ਅਤੇ ਉਨ੍ਹਾਂ ਨੂੰ ਕਰਮ ਫਲਦਾਤਾ ਕਿਹਾ ਜਾਂਦਾ ਹੈ। ਜੇਕਰ ਇਹ ਲੋਕ ਕਿਸੇ ਵੀ ਟੀਚੇ ਲਈ ਮਿਹਨਤ ਕਰਦੇ ਹਨ ਤਾਂ ਉਸ ਵਿੱਚ ਜ਼ਰੂਰ ਸਫ਼ਲ ਹੁੰਦੇ ਹਨ ਫਿਰ ਚਾਹੇ ਉਹ ਸਰਕਾਰੀ ਨੌਕਰੀ ਹੀ ਕਿਉਂ ਨਾ ਹੋਵੇ। ਜਿਨ੍ਹਾਂ ਲੋਕਾਂ ਦਾ ਜਨਮ ਕਿਸੇ ਵੀ ਮਹੀਨੇ ਦੀ 08, 17 ਜਾਂ 26 ਤਾਰੀਖ਼ ਨੂੰ ਹੋਇਆ ਹੈ, ਉਨ੍ਹਾਂ ਦਾ ਮੂਲਾਂਕ 8 ਹੁੰਦਾ ਹੈ।

ਇਨ੍ਹਾਂ ਵਿੱਚ ਗਜ਼ਬ ਦੀ ਖਿੱਚ ਅਤੇ ਬੁੱਧੀਮਤਾ ਦਾ ਅਦਭੁਤ ਸੁਮੇਲ ਪਾਇਆ ਜਾਂਦਾ ਹੈ। ਮੁਲਾਂਕ 8 ਦੇ ਲੋਕ ਸ਼ਨੀ ਦੀ ਕਿਰਪਾ ਨਾਲ ਨਿਆਂ, ਪ੍ਰਸ਼ਾਸਨ ਅਤੇ ਤਕਨੀਕੀ ਸੇਵਾਵਾਂ ਵਿੱਚ ਲੰਬੇ ਸਮੇਂ ਤੱਕ ਸਥਿਰ ਰਹਿੰਦੇ ਹਨ ਅਤੇ ਸਰਕਾਰੀ ਅਹੁਦੇ ਵਿੱਚ ਜਿਸ ਟੀਚੇ ਨੂੰ ਵੀ ਹਾਸਲ ਕਰਨਾ ਚਾਹੁੰਦੇ ਹਨ, ਉਸ ਨੂੰ ਜ਼ਰੂਰ ਪ੍ਰਾਪਤ ਕਰ ਲੈਂਦੇ ਹਨ।

ਜੇਕਰ ਤੁਹਾਡਾ ਮੁਲਾਂਕ ਵੀ ਇਨ੍ਹਾਂ ਵਿੱਚੋਂ ਕੋਈ ਹੈ ਤਾਂ ਤੁਹਾਡੇ ਅੰਦਰ ਉਹ ਹੁਨਰ ਹੈ ਜੋ ਤੁਹਾਨੂੰ ਸਰਕਾਰੀ ਅਹੁਦਾ ਹਾਸਲ ਕਰਨ ਵਿੱਚ ਮਦਦ ਕਰ ਸਕਦਾ ਹੈ।

Disclaimer : ਇਸ ਖ਼ਬਰ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਕਥਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਇੱਥੇ ਇਸ ਲੇਖ/ਫ਼ੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਖਬਰ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ-ਗ੍ਰੰਥਾਂ/ਦੰਦ-ਕਥਾਵਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਤੋਂ ਬੇਨਤੀ ਹੈ ਕਿ ਖਬਰ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।