50 ਲੱਖ ਫ਼ਿਰੌਤੀ ਨਾ ਦੇਣ ’ਤੇ ਬਾਈਕ ਸਵਾਰਾਂ ਨੇ ਪੈਟਰੋਲ ਪੰਪ ’ਤੇ ਚਲਾਈਆਂ ਗੋਲੀਆਂ, ਘਟਨਾ ਸੀਸੀਟੀਵੀ ’ਚ ਕੈਦ

ਮੋਟਰਸਾਈਕਲ ’ਤੇ ਸਵਾਰ ਹੋ ਕੇ ਆਏ 3 ਅਣਪਛਾਤਿਆਂ ਨੇ ਨੇ ਪੈਟਰੋਲ ਪੰਪ ’ਤੇ ਅੰਨੇਵਾਹ 5 ਗੋਲੀਆਂ ਚਲਾਈਆਂ। ਇਨ੍ਹਾਂ ’ਚੋਂ ਇਕ ਗੋਲੀ ਪੰਪ ਦੀ ਨੋਜ਼ਲ ’ਤੇ ਲੱਗੀ, ਜਦੋਂ ਕਿ ਇਕ ਹੋਰ ਗੋਲੀ ਪੈਟਰੋਲ ਪੰਪ ’ਤੇ ਤੇਲ ਪੁਆਉਣ ਆਏ ਸਤਨਾਮ ਸਿੰਘ ਦੇ ਖੱਬੇ ਮੋਢੇ ਕੋਲੋਂ ਨਿਕਲ ਗਈ। ਬਾਕੀ 3 ਗੋਲੀਆਂ ਪੈਟਰੋਲ ਪੰਪ ਦੇ ਹਿੱਸਿਆਂ ’ਤੇ ਲੱਗੀਆਂ। ਗੋਲੀਬਾਰੀ ਦੀ ਇਸ ਘਟਨਾ ਕਾਰਨ ਇਲਾਕੇ ’ਚ ਦਹਿਸ਼ਤ ਦਾ ਮਾਹੌਲ ਪੈਦਾ ਹੋ ਗਿਆ ਹੈ। ਸੂਚਨਾ ਮਿਲਦਿਆਂ ਹੀ ਪੁਲਿਸ ਅਧਿਕਾਰੀ ਮੌਕੇ ’ਤੇ ਪਹੁੰਚੇ ਅਤੇ ਘਟਨਾ ਸਥਾਨ ਦਾ ਜਾਇਜ਼ਾ ਲੈ ਕੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ।