ਨੇਪਾਲ ’ਚ ਹੜ੍ਹ ਦਾ ਕਹਿਰ: ਤਰਨਤਾਰਨ ਦਾ ਸ਼ੇਰਾ ਤੇ ਉਸਦੇ ਰਿਸ਼ਤੇਦਾਰ ਲਾਪਤਾ, ਪੰਚਾਇਤ ਨੇ ਡਿਪਟੀ ਕਮਿਸ਼ਨਰ ਨੂੰ ਲਿਖਿਆ ਪੱਤਰ; ਪਰਿਵਾਰ ’ਚ ਬੇਚੈਨੀ ਦਾ ਆਲਮ

ਰਾਕੇਸ਼ ਨਈਅਰ, ਪੰਜਾਬੀ ਜਾਗਰਣ, ਚੋਹਲਾ ਸਾਹਿਬ। ਨੇਪਾਲ ’ਚ ਆਏ ਹੜ੍ਹ ਦੌਰਾਨ ਤਰਨਤਾਰਨ ਦੇ ਪਿੰਡ ਰੱਤੋਕੇ ਦਾ ਸ਼ਮਸ਼ੇਰ ਸਿੰਘ ਸੰਧੂ ਅਤੇ ਉਸਦੇ ਰਿਸ਼ਤੇਦਾਰ ਲਾਪਤਾ ਹਨ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਸ਼ਮਸ਼ੇਰ ਸਿੰਘ ਸੰਧੂ ਪੁੱਤਰ ਸਵਰਨ ਸਿੰਘ ਵਾਸੀ ਪੱਤੀ ਗਾੜੇਕੀ ਪਿੰਡ ਰੱਤੋਕੇ ਨੇਪਾਲ ’ਚ ਐਨਡਰਿਟਜ਼ ਕੰਪਨੀ ’ਚ ਤ੍ਰਿਸ਼ੂਲ ਅੱਪਰ ਪਾਵਰ ਹਾਊਸ ਪ੍ਰੌਜੇਕਟ ਵਿਚ ਕਰੇਨ ਆਪ੍ਰੇਟਰ ਦੇ ਤੌਰ ’ਤੇ ਨੌਕਰੀ ਕਰਦਾ ਹੈ। ਜਿਥੇ ਉਸਦਾ ਸਾਲਾ ਭੁਪਿਦੰਰ ਸਿੰਘ ਤੇ ਇਕ ਹੋਰ ਸਾਲੇ ਦਾ ਮੁੰਡਾ ਰਸ਼ਪਾਲ ਸਿੰਘ ਪੁੱਤਰ ਹਰਜਿੰਦਰ ਸਿੰਘ ਵੀ ਰਹਿੰਦਾ ਹੈ।