ਘਰੇਲੂ ਕਲੇਸ਼ ਨੇ ਲਿਆ ਖ਼ੂਨੀ ਰੂਪ, ਕਲਯੁਗੀ ਪੁੱਤ ਨੇ ਮਾਂ 'ਤੇ ਚਾਕੂ ਨਾਲ ਕੀਤਾ ਤਾਬੜਤੋੜ ਹਮਲਾ; ਮੌਕੇ 'ਤੇ ਹੀ ਹੋਈ ਦਰਦਨਾਕ ਮੌਤ

ਹਰਕਮਲਪ੍ਰੀਤ ਕੌਰ ਪੁੱਤਰੀ ਸੁਖਦੇਵ ਸਿੰਘ ਵਾਸੀ ਗਲੀ ਵਾਲੀਏ ਵਾਲੀ ਤਰਨਤਾਰਨ ਨੇ ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ਵਿਚ ਦੱਸਿਆ ਕਿ ਲੰਘੀ ਰਾਤ ਉਸ ਦਾ ਮਤਰੇਇਆ ਭਰਾ ਲਵਪ੍ਰੀਤ ਸਿੰਘ ਉਸ ਦੀ ਮਾਤਾ ਨਾਲ ਝਗੜਾ ਕਰਨ ਲੱਗ ਪਿਆ। ਝਗੜੇ ਤੋਂ ਡਰਦੀ ਉਸ ਦੀ ਮਾਤਾ ਘਰੋਂ ਬਾਹਰ ਗਲੀ ਵਿਚ ਚਲੀ ਗਈ ਤਾਂ ਉਹ ਵੀ ਛੁਰੀ ਲੈ ਕੇ ਪਿੱਛੇ ਗਲੀ ਵਿਚ ਚਲਾ ਗਿਆ। ਜਿਥੇ ਉਸ ਨੇ ਵੇਖਦੇ ਹੀ ਵੇਖਦੇ ਉਸ ਦੀ ਮਾਤਾ ਨੂੰ ਚਾਕੂ ਮਾਰ ਮਾਰ ਕੇ ਲਹੂ ਲੁਹਾਣ ਕਰ ਦਿੱਤਾ ਤੇ ਫਰਾਰ ਹੋ ਗਿਆ। ਉਹ ਤੁਰੰਤ ਆਪਣੀ ਮਾਤਾ ਨੂੰ ਸਿਵਲ ਹਸਪਤਾਲ ਤਰਨਤਾਰਨ ਲੈ ਕੇ ਗਏ, ਜਿਥੇ ਉਸਦੀ ਮੌਤ ਹੋ ਗਈ।