ਕਿਤਾਬਾਂ ਪੜ੍ਹਨ ਨਾਲ ਸੋਚਣ, ਸਮਝਣ ਤੇ ਯਾਦ ਸ਼ਕਤੀ ਦਾ ਵਿਕਾਸ ਹੁੰਦਾ ਹੈ : ਇੰਜ. ਮੋਰੋਂ

ਨਰਿੰਦਰ ਮਾਹੀ, ਪੰਜਾਬੀ ਜਾਗਰਣ, ਬੰਗਾ : ਵਿਵੇਕ ਵਿਕਾਸ ਲਹਿਰ ਪੰਜਾਬ ਮੁੱਖ ਦਫ਼ਤਰ ਬੰਗਾ ਵੱਲੋਂ ਨਿਰੰਤਰ ਪਾਠਕਾਂ ਤੱਕ ਮੁਫ਼ਤ ਕਿਤਾਬਾਂ ਪਹੁੰਚਾ ਰਹੀਆਂ ਹੈ। ਇਸ ਕਾਰਜ ਵਾਸਤੇ ਕੋਈ ਨਾ ਕੋਈ ਮੌਕਾ ਆਪ ਤਿਆਰ ਕਰ ਲਿਆ ਜਾਂਦਾ ਹੈ। ਇਸ ਤੋਂ ਬਿਨਾਂ ਸਾਂਝੇ ਸਮਾਗਮਾਂ ਦੀ ਵਰਤੋਂ ਵੀ ਕਰ ਲਈ ਜਾਂਦੀ ਹੈ, ਜਿਵੇਂ ਖੂਨ ਦੇਣ ਦੇ ਕੈਂਪ, ਪਰਿਵਾਰਕ ਖੁਸ਼ੀ, ਗ਼ਮੀ ਦੇ ਸਮਾਗਮ, ਜਥੇਬੰਦੀਆਂ ਦੇ ਧਰਨੇ ਅਤੇ ਚੋਣ ਵਰਗੇ ਮੌਕਿਆਂ ਨੂੰ ਵੀ ਕਿਤਾਬਾਂ ਵੰਡਣ ਲਈ ਵਰਤ ਲਿਆ ਜਾਂਦਾ ਹੈ। ਇਸ ਲੜੀ ਤਹਿਤ ਫੋਰਡ ਪੰਜਾਬ ਦੇ ਸਬ ਜੋਨ ਨਵਾਂਸ਼ਹਿਰ ਦੇ ਰਿਟਾਇਰਡ ਡਿਪਲੋਮਾ ਇੰਜੀਨੀਅਰਜ਼ ਦੇ ਅਹੁਦੇਦਾਰਾਂ ਦੀ ਚੋਣ ਮੌਕੇ ਅਜਲਾਸ ਵਿੱਚ ਆਏ ਸਾਰੇ ਮੈਂਬਰਾਂ ਅਤੇ ਅਹੁਦੇਦਾਰਾਂ ਨੂੰ ਵਿਵੇਕ ਵਿਕਾਸ ਲਹਿਰ ਪੰਜਾਬ ਵੱਲੋਂ ਕਿਤਾਬਾਂ ਵੰਡੀਆਂ ਗਈਆਂ। ਇਸ ਮੌਕੇ ਇੰਜ. ਜਸਵੀਰ ਸਿੰਘ ਮੋਰੋਂ ਨੇ ਕਿਹਾ ਕਿ ਕਿਤਾਬਾਂ ਪੜ੍ਹਨ ਨਾਲ ਸਾਡੀ ਸੋਚਣ, ਸਮਝਣ ਅਤੇ ਯਾਦ ਸ਼ਕਤੀ ਦਾ ਵਿਕਾਸ ਹੁੰਦਾ ਹੈ। ਨਵੇਂ ਸ਼ਬਦਾਂ ਦਾ ਗਿਆਨ ਹੁੰਦਾ ਹੈ, ਜਿਸ ਨਾਲ ਸਾਡੀ ਗੱਲਬਾਤ ਕਰਨ ਦੀ ਸ਼ੈਲੀ ਵਿਚ ਨਿਖਾਰ ਆਉਂਦਾ ਹੈ। ਕਿਤਾਬਾਂ ਮਨੁੱਖ ਦੇ ਅੰਦਰੋਂ ਅਗਿਆਨਤਾ ਦੇ ਹਨੇਰੇ ਨੂੰ ਦੂਰ ਕਰਕੇ ਗਿਆਨ ਦਾ ਚਾਨਣ ਫੈਲਾਉਂਦੀਆਂ ਹਨ। ਵਿਅਕਤੀ ਨੂੰ ਇੱਕ ਬੇਹਤਰ ਮਨੁੱਖ ਬਣਨ ਵਿਚ ਸਹਾਈ ਹੁੰਦੀਆਂ ਹਨ। ਇਸ ਮੌਕੇ ਸਟੇਟ ਬਾਡੀ ਫੋਰਡ ਪੰਜਾਬ ਦੇ ਵਾਇਸ ਪ੍ਰੈਜ਼ੀਡੈਂਟ ਇੰਜ. ਐੱਸਪੀ ਸ਼ਰਮਾ, ਇੰਜ. ਰਾਜੀਵ ਕੁਮਾਰ ਦੇਵਗਣ ਕਨਵੀਨਰ, ਇੰਜ: ਜਗਦੀਸ਼ ਲਾਲ ਮਾਹੀ, ਇੰਜ: ਮਨਜੀਤ ਸਿੰਘ ਸੈਣੀ, ਇੰਜ. ਅਰਜਨ ਦੇਵ ਕੋ-ਕਨਵੀਨਰ, ਇੰਜ. ਜੋਗਾ ਸਿੰਘ ਕੋ-ਕਨਵੀਨਰ, ਇੰਜ. ਬਲਵਿੰਦਰ ਕੁਮਾਰ ਜੁਆਇੰਟ ਫਾਈਨਾਂਸ ਸੈਕਟਰੀ, ਇੰਜ. ਰਾਮਜੀਤ ਸਿੰਘ ਜੁਆਇੰਟ ਫਾਈਨਾਂਸ ਸੈਕਟਰੀ, ਇੰਜ. ਅਮਰਜੀਤ ਸਿੰਘ ਸੈਣੀ ਚੀਫ ਅਡਵਾਈਜ਼ਰ, ਇੰਜ. ਜੈ ਪ੍ਰਕਾਸ਼ ਅਡਵਾਈਜ਼ਰ, ਇੰਜ. ਸਰਬਜੀਤ ਸਰੋਆ ਜੁਆਇੰਟ ਸੈਕਟਰੀ, ਇੰਜ. ਵਿਜੇ ਕੁਮਾਰ ਜੁਆਇੰਟ ਸੈਕਟਰੀ, ਇੰਜੀ: ਤੇਜ ਪਾਲ, ਇੰਜੀ: ਸਰੂਪ ਲਾਲ, ਇੰਜੀ: ਦਰਸ਼ਨ ਸਿੰਘ ਸਿੱਧੂ, ਇੰਜੀ: ਸੁਰਿੰਦਰ ਜੀਤ, ਇੰਜੀ: ਜਗਦੀਸ਼ ਸਿੰਘ ਆਦਿ ਹਾਜ਼ਰ ਰਹੇ। ਇੰਜ. ਜੋਗਾ ਸਿੰਘ ਕੋ-ਕਨਵੀਨਰ ਨੇ ਸੰਸਥਾ ਵੱਲੋਂ ਪਾਠਕਾਂ ਤੱਕ ਮੁਫ਼ਤ ਕਿਤਾਬਾਂ ਪਹੁੰਚਾਉਣ ਦੇ ਕਾਰਜ ਦੀ ਸ਼ਲਾਘਾ ਕੀਤੀ ਅਤੇ ਵਿਸ਼ੇਸ਼ ਤੌਰ ਤੇ ਆਏ ਹੋਏ ਸੂਬਾਈ ਆਗੂਆਂ, ਜੋਨ ਦੇ ਅਹੁਦੇਦਾਰਾਂ ਅਤੇ ਸਮੂਹ ਮੈਂਬਰਾਂ ਦਾ ਧੰਨਵਾਦ ਕੀਤਾ।