ਨਗਰ ਕੌਂਸਲ ਨਵਾਂਸ਼ਹਿਰ ਦੀ ਆਰਡੀਨਰੀ ਮੀਟਿੰਗ 28 ਨੂੰ

4.96 ਕਰੋੜ ਰੁਪਏ ਦੇ ਨਵਾਂਸ਼ਹਿਰ ਦੇ ਵਿਕਾਸ ਕਾਰਜ ਮਨਜ਼ੂਰੀ ਲਈ ਹੋਣਗੇ ਪੇਸ਼ ਸਟਾਫ਼ ਰਿਪੋਰਟਰ, ਪੰਜਾਬੀ ਜਾਗਰਣ, ਨਵਾਂਸ਼ਹਿਰ : ਨਗਰ ਕੌਂਸਲ ਨਵਾਂਸ਼ਹਿਰ ਦੀ ਆਰਡੀਨਰੀ ਮੀਟਿੰਗ ਮਿਤੀ 28 ਅਕਤੂਬਰ 2026 ਨੂੰ ਸਵੇਰੇ 10.30 ਵਜੇ ਦਫਤਰ ਨਗਰ ਕੌਂਸਲ ਵਿਖੇ ਰੱਖੀ ਗਈ ਹੈ। ਜਿਸ ਲਈ ਨਗਰ ਕੌਂਸਲ ਪ੍ਰਧਾਨ ਸੁਮਨ ਲਾਲ ਵੱਲੋਂ ਹਲਕਾ ਵਿਧਾਇਕ ਨਛੱਤਰ ਪਾਲ, ਸੀਨੀਅਰ ਵਾਈਸ ਪ੍ਰਧਾਨ, ਵਾਈਸ ਪ੍ਰਧਾਨ, ਸਮੂਹ ਕੌਂਸਲਰਾਂ ਨੂੰ ਏਜੰਡਾ ਭੇਜ ਕੇ ਸਾਰਿਆ ਨੂੰ ਸਮੇਂ ਸਿਰ ਹਾਜ਼ਰ ਹੋ ਦੀ ਅਪੀਲ ਕੀਤੀ ਗਈ ਹੈ। ਸੂਤਰਾਂ ਤੋਂ ਪ੍ਰਾਪਤ ਏਜੰਡੇ ਅਨੁਸਾਰ ਮੀਟਿੰਗ ਵਿਚ ਸੁਰਿੰਦਰ ਕੁਮਾਰ ਜੂਨੀਅਰ ਇੰਜੀਨੀਅਰ ਸਿਵਲ ਦੀ ਮਿਤੀ 30-9-2026 ਨੂੰ ਮੌਤ ਹੋ ਗਈ ਸੀ। ਉਨ੍ਹਾਂ ਨੂੰ ਸ਼ਰਧਾਂਜਲੀ ਦੇਣ ਲਈ 2 ਮਿੰਟ ਦਾ ਮੌਨ ਧਾਰਣ ਕੀਤਾ ਜਾਵੇਗਾ। ਇਸ ਉਪਰੰਤ 10 ਅਗਸਤ 2026 ਦੀ ਪਿਛਲੀ ਆਰਡੀਨਰੀ ਮੀਟਿੰਗ ਦੀ ਪੁਸ਼ਟੀ ਕੀਤੀ ਜਾਵੇਗੀ। ਇਸ ਉਪਰੰਤ ਬਲਵਿੰਦਰ ਕੁਮਾਰ ਕੌਂਸਲਰ ਵਾਰਡ ਨੰਬਰ 1 ਵੱਲੋਂ ਪੇਸ਼ ਮਤੇ ਅਨੁਸਾਰ ਸੋਲਿਡ ਵੇਸਟ ਮੈਨੇਜਮੈਂਟ ਲਈ ਸੈਨਟਰੀਲੈਂਡਵੀਲ ਲਾਈਟ ਸੀਐਂਡਡੀ ਵੇਸਟ ਲਈ ਜਮੀਨ ਦੀ ਖਰੀਦ ਕਰਨੀ ਹੈ। ਇਸ ਲਈ ਰੂਲਾ ਮੁਤਾਬਕ ਡੀਸੀ ਸਾਹਿਬ ਸਮੇਤ ਪ੍ਰਾਇਜ ਫਿਕਸੇਸਨ ਕਮੇਟੀ ਬਣਾਉਣ ਅਤੇ ਅਗਲੇਰੀ ਕਾਰਵਾਈ ਕੀਤੀ ਜਾਵੇ ਤਾਂ ਜੋ ਸੋਲਿਡ ਵੇਸਟ ਮੈਨੇਜਮੈਂਟ ਲਈ ਜਮੀਨ ਦੀ ਖਰੀਦ ਕੀਤੀ ਜਾ ਸਕੇ ਦਾ ਮਤਾ ਪੇਸ਼ ਕੀਤਾ ਜਾਵੇਗਾ। ਇਸੇ ਤਰ੍ਹਾਂ ਮਤਾ ਨੰਬਰ 3 ਵਿਚ ਨਗਰ ਕੌਂਸਲ ਦੇ ਫਾਇਰ ਬ੍ਰਿਗੇਡ ਤੇ ਆਉਟ ਸੋਰਸ ਏਜੰਸੀ ਰਾਹੀਂ ਕੰਮ ਕਰ ਰਹੇ ਕਰਮਚਾਰੀਆਂ 1 ਕੰਪਿਉਟਰ ਆਪਰੇਟਰ, 2 ਡਰਾਈਵਰ, 6 ਫਾਇਰ ਮੈਨਾਂ ਜਿਨਾਂ ਦੀ ਸਪਲਾਈ ਨਗਰ ਕੌਂਸਲ ਦੇ ਸਪਲਾਈ ਆਰਡਰ ਨੰਬਰ 13/20 ਮਿਤੀ 03/11/2025 ਰਾਹੀਂ ਇਕ ਸਾਲ ਲਈ ਜਾਰੀ ਕੀਤਾ ਗਿਆ ਸੀ। ਹੁਣ ਇਨ੍ਹਾਂ ਆਉਟਸੋਰਸ ਕਰਮਚਾਰੀਆ ਦੇ ਠੇਕੇ ਦੀ ਮੁਨਿਆਦ ਦਾ ਠੇਕਾ ਮਿਤੀ 30/11/2026 ਨੂੰ ਖਤਮ ਹੋ ਰਿਹਾ ਹੈ। ਇਸ ਲਈ ਹੁਣ ਇਹਨਾ ਉਕਤ ਆਊਟਸੋਰਸ ਕਰਮਚਾਰੀਆਂ ਦੇ ਮਿਤੀ 01/12/2026 ਤੋਂ 30/11/2027 ਤੱਕ ਦੀ ਸਪਲਾਈ ਜਾਰੀ ਰਖਣ ਲਈ ਵਾਧਾ ਕਰਨ ਹਾਉਸ ਵਿਚ ਪੇਸ਼ ਕੀਤਾ ਜਾਵੇਗਾ। ਮਤਾ ਨੰਬਰ 4 ਅਨੁਸਾਰ ਮਾਨਯੋਗ ਡਾਇਰੈਕਟਰ ਸਥਾਨਕ ਸਰਕਾਰ ਵਿਭਾਗ, ਪੰਜਾਬ, ਚੰਡੀਗੜ੍ਹ ਵੱਲੋਂ ਆਫਿਸ ਲੈਵਲ ਸਕਰੀਨਿੰਗ ਕਮੇਟੀ ਅਤੇ ਆਫਿਸ ਲੈਵਲ ਅਪੀਲਟ ਕਮੇਟੀ ਦਾ ਗਠਨ ਕਰਨ ਲਈ ਹਦਾਇਤਾਂ ਅਨੁਸਾਰ ਬਣਾਈ ਸਕਰੀਨਿੰਗ ਕਮੇਟੀ ਦਾ ਮਤਾ ਪੇਸ਼ ਕੀਤਾ ਜਾਵੇਗਾ। ਜਿਸ ਵਿਚ ਸਰਕਾਰ ਵੱਲੋਂ ਨੌਮੀਨੇਟ ਕੀਤੇ ਅਧਿਕਾਰੀਆਂ ਚ ਚੇਅਰਪਰਸਨ ਕਮ ਕਾਰਜ ਸਾਧਕ ਅਫਸਰ ਮਨੀਸ਼ ਕੁਮਾਰ, ਮਿਉਂਸਪਲ ਇੰਜੀਨੀਅਰ ਹਰਿੰਦਰ ਸਿੰਘ ਸੇਠੀ, ਸਹਾਇਕ ਮਿਉਸਪਲ ਇੰਜੀਨੀਅਰ ਹਰਪ੍ਰੀਤ ਸਿੰਘ, ਸੁਪਰਡੈਂਟ ਅਸ਼ੋਕ ਕੁਮਾਰ, ਲੇਖਾਕਾਰ ਜਸਵੰਤ ਰਾਏ, ਇੰਸਪੈਕਟਰ ਨਵੀਨ ਗੋਇਲ, ਜੂਨੀਅਰ ਇੰਜੀਨੀਅਰ ਤ੍ਰਿਪਤਪਾਲ ਸਿੰਘ, ਸੈਨੇਟਰੀ ਇੰਸਪੈਕਟਰ ਹਰਿੰਦਰ ਸਿੰਘ, ਸਬ ਫਾਇਰ ਅਫ਼ਸਰ ਅਜੈ ਗੋਇਲ ਦੀ ੋਚੋਣ ਕੀਤੀ ਗਈ ਹੈ। ਜਿਨਾਂ ਵੱਲੋਂ ਆਉਟਸੋਰਸ ਮੁਲਾਜ਼ਮਾਂ ਨਾਲ ਸਬੰਧਤ ਮਸਲਿਆਂ ਦੇ ਜਾਂਚ ਅਤੇ ਹੋਰਨਾਂ ਰਿਪੋਰਟਾਂ ਹਾਉਸ ਵਿਚ ਪੇਸ਼ ਕੀਤੀਆਂ ਜਾਣਗੀਆਂ। ਉਧਰ ਨਗਰ ਕੌਂਸਲ ਵੱਲੋਂ ਨਵਾਂਸ਼ਹਿਰ ਦੇ ਵਿਕਾਸ ਕਾਰਜਾਂ ਨੂੰ ਤੇਜ਼ ਕਰਨ ਲਈ ਇਸ ਮੀਟਿੰਗ ਵਿਚ ਕਰੀਬ 4.96 ਕਰੋੜ ਰੁਪਏ ਦੇ ਵਿਕਾਸ ਕਾਰਜਾਂ ਸਮੇਤ ਕੁੱਲ 20 ਪ੍ਰਸਤਾਵ ਪੇਸ਼ ਕੀਤੇ ਜਾ ਰਹੇ ਹਨ। ਇਸ ਵਿਚ 44.854 ਮਿਲੀਅਨ ਦੀ ਲਾਗਤ ਨਾਲ ਵੱਖ-ਵੱਖ ਵਾਰਡਾਂ ਵਿਚ 21 ਸੜਕਾਂ, ਗਲੀਆਂ ਅਤੇ ਪਾਰਕਾਂ ਦੀ ਉਸਾਰੀ ਜਾਂ ਮੁਰੰਮਤ ਸ਼ਾਮਲ ਹੈ। ਸਵੱਛ ਭਾਰਤ ਮਿਸ਼ਨ (ਸ਼ਹਿਰੀ 2.0) ਦੇ ਤਹਿਤ, ਸ਼ਹਿਰ ਵਿਚ ਸਫਾਈ ਬਣਾਈ ਰੱਖਣ ਲਈ ਚਾਰ ਵੱਖ-ਵੱਖ ਥਾਵਾਂ ਤੇ ਜਨਤਕ ਪਖਾਨਿਆਂ ਦੇ ਨਿਰਮਾਣ ਲਈ 4,823,960 ਦੀ ਰਕਮ ਦਾ ਮਤਾ ਪੇਸ਼ ਕੀਤਾ ਜਾਵੇਗਾ। ਇਸ ਤੋਂ ਬਾਅਦ, ਠੇਕੇ‘ਤੇ ਰੱਖੇ ਕਰਮਚਾਰੀਆਂ ਦੇ ਠੇਕਿਆਂ ਨੂੰ 30 ਨਵੰਬਰ, 2027 ਤੱਕ ਵਧਾਉਣ (ਜਿਸਦੀ ਸਾਲਾਨਾ ਲਾਗਤ 2.5 ਮਿਲੀਅਨ ਰੁਪਏ ਹੋਵੇਗੀ) ਅਤੇ ਅਸਥਾਈ ਸਫਾਈ ਕਰਮਚਾਰੀਆਂ ਨੂੰ ਨਿਯਮਤ ਕਰਨ ਸੰਬੰਧੀ ਕਮੇਟੀਆਂ ਦੀਆਂ ਰਿਪੋਰਟਾਂ‘ਤੇ ਚਰਚਾ ਕਰਨ ਤੋਂ ਬਾਅਦ ਫੈਸਲੇ ਲਏ ਜਾਣਗੇ। ਜ਼ਿਕਰਯੋਗ ਹੈ ਕਿ ਵਾਰਡ 1: ਮਾਨ ਸ਼ਟਰਿੰਗ ਭੰਡਾਰ (ਦੁਰਗਾਪੁਰ ਰੋਡ) ਤੋਂ ਮੁੱਖ ਗੜ੍ਹਸ਼ੰਕਰ ਰੋਡ ਤੱਕ ਇੱਟਾਂ ਨੂੰ ਆਪਸ ਵਿਚ ਜੋੜਨਾ, ਅਤੇ ਗੁਰੂ ਤੇਗ ਬਹਾਦਰ ਪਾਰਕ ਵਿੱਚ ਇੱਕ ਫੁੱਟਪਾਥ ਅਤੇ ਆਰਾਮ ਕਰਨ ਵਾਲੀ ਛੱਤਰੀ ਦੀ ਉਸਾਰੀ। ਵਾਰਡ 2: ਅਮਰ ਸਿੰਘ ਦੇ ਘਰ ਤੋਂ ਕੇਵਲ ਕ੍ਰਿਸ਼ਨ ਦੇ ਘਰ ਅਤੇ ਅਸ਼ੋਕ ਕੁਮਾਰ ਗਲੀ ਤੱਕ। ਵਾਰਡ 3: ਰਾਮ ਪ੍ਰਕਾਸ਼ ਦੇ ਘਰ ਤੋਂ ਵਿਰਾਟ ਬੇਕਰ ਦੀ ਦੁਕਾਨ ਤੱਕ, ਅਤੇ ਮੋਹਨ ਬੈਟਰੀ ਤੋਂ ਗੁਰਮੇਲ ਸਿੰਘ ਅਤੇ ਸ਼ਰਮਾ ਬੈਟਰੀ ਰਾਹੀਂ ਪ੍ਰਦੀਪ ਕੁਮਾਰ ਦੇ ਘਰ ਤੱਕ। ਵਾਰਡ 4: ਆਟਾ ਚੱਕੀ ਤੋਂ ਕਾਲਾ, ਚੁੰਨੀ ਲਾਲ ਅਤੇ ਵਿਜੇ ਕੁਮਾਰ ਗਲੀਆਂ ਤੱਕ। ਵਾਰਡ 5: ਹਰਗੋਬਿੰਦ ਨਗਰ ਵਿੱਚ ਗਲੀਆਂ ਨੰਬਰ 18-19 ਦੀ ਉਸਾਰੀ। ਵਾਰਡ 6: ਹਰਮੇਸ਼ ਸੁਮਨ ਵਕੀਲ, ਚੰਡੀਗੜ੍ਹ ਰੋਡ, ਗੁਲਜ਼ਾਰ ਰਾਮ ਸਟਰੀਟ, ਅਤੇ ਮਾਹੀ ਹਸਪਤਾਲ ਦੇ ਸਾਹਮਣੇ। ਵਾਰਡ 7: ਮਾਲਵਾ ਨਿਵਾਸ ਤੋਂ ਅਮਰੀਕਾ ਤੱਕ ਸਤਨਾਮ ਸਿੰਘ ਸਟਰੀਟ ਅਤੇ ਫਰੈਂਡਜ਼ ਕਲੋਨੀ ਦੀ ਉਸਾਰੀ। ਵਾਰਡ 8: ਫੂਜੀ ਤੋਂ ਨਿਰਮਲ ਸਟਰੀਟ ਅਤੇ ਹੋਰ ਜੁੜਨ ਵਾਲੀਆਂ ਸੜਕਾਂ। ਵਾਰਡ 9: ਤਰੁਣ ਢੀਂਗਰਾ ਅਤੇ ਵਿਸ਼ਵਕਰਮਾ ਮੰਦਿਰ ਸਟਰੀਟ। ਵਾਰਡ 10: ਪੰਜਾਬ ਕੱਪੜਾ ਸਟੋਰ, ਉਜਾਗਰ ਮਿੱਲ, ਅਤੇ ਰੇਲਵੇ ਰੂਟ ਦੇ ਨਾਲ ਰਾਜੂ ਸਟਰੀਟ। ਵਾਰਡ 11: ਬਾਬੇ ਦੀ ਚੱਕੀ ਤੋਂ ਲਾਲ ਚੌਕ, ਜੰਗੀ ਸਟਰੀਟ ਤੱਕ। ਵਾਰਡ 12: ਕਪੂਰ ਤੋਂ ਸੁਰਜੀਤ ਸਿੰਘ ਅਤੇ ਗੌਤਮ ਕਿਰਨਾ ਤੋਂ ਭੱਲਾ ਕਿਤਾਬਾਂ ਦੀ ਦੁਕਾਨ ਤੱਕ। ਵਾਰਡ 13 ਬੀਐਮਪੀਸੀ ਰੋਡ: ਵਿਜੇ ਵਰਮਾ ਕੱਪੜਾ ਸਟੋਰ ਤੋਂ ਭੋਜਨ ਅਤੇ ਪੀਣ ਵਾਲੇ ਪਦਾਰਥਾਂ ਦੀ ਦੁਕਾਨ ਤੱਕ ਇੱਕ ਗਲੀ ਦਾ ਨਿਰਮਾਣ। ਵਾਰਡ 14: ਵਾਲਮੀਕਿ ਧਰਮਸ਼ਾਲਾ ਅਤੇ ਰਮਨ ਦੀ ਦੁਕਾਨ, ਸੁਨੀਤਾ ਚੰਦਨ ਤੋਂ ਸੌਰਵ ਅਤੇ ਪ੍ਰੀਤੀ ਮਹੰਤ ਸਟਰੀਟ ਤੱਕ ਦਾ ਨਵੀਨੀਕਰਨ। ਵਾਰਡ 15: ਵਿਜੇ ਕੁਮਾਰ ਤੋਂ ਫਕਰਾ ਵਾਲੀ ਗਲੀ ਅਤੇ ਰਾਜੂ ਤੋਂ ਪੰਮੀ ਕ੍ਰਿਪਾ ਦੁਆਰ ਤੱਕ। ਵਾਰਡ 16: ਫੂਡ ਕਾਰਪੋਰੇਸ਼ਨ ਗੋਦਾਮ ਦੇ ਪਿਛਲੇ ਪਾਸੇ ਤੋਂ ਛਿੰਦੋ ਦੇ ਘਰ ਤੱਕ। ਵਾਰਡ 17: ਸੋਹਣ ਲਾਲ ਤੋਂ ਰਾਜੂ ਅਤੇ ਤਾਰੀ ਤੋਂ ਨਾਨਕ ਮੁਹੱਲਾ ਵਿੱਚ ਰਾਮਜੀ ਤੱਕ। ਵਾਰਡ 18: ਸ਼ਿੰਗਾਰਾ ਰਾਮ ਤੋਂ ਲਖਵੀਰ ਤੱਕ, ਅਤੇ ਅਮਨ ਤੋਂ ਬਲਬੀਰ ਸਿੰਘ ਤੱਕ। ਵਾਰਡ 19: ਭਾਰਤ ਹਸਪਤਾਲ ਤੋਂ ਜਸਵੰਤ ਤੱਕ ਅਤੇ ਰਾਜੂ ਤਲਵਾੜ ਤੋਂ ਰਾਜਵਿੰਦਰ ਸਿੰਘ ਦੀ ਗਲੀ ਤੱਕ ਉਸਾਰੀ ਦੇ ਕੰ ਕਰਵਾਏ ਜਾਣਗੇ।