ਦੀਕਸ਼ਾ ਦਿਵਸ ਸ਼ਰਧਾ ਨਾਲ ਮਨਾਇਆ

ਮੁਕੇਸ਼ ਬਿੱਟੂ, ਪੰਜਾਬੀ ਜਾਗਰਣ, ਨਵਾਂਸ਼ਹਿਰ ਐੱਸਐੱਸ ਜੈਨ ਸਭਾ ਨਵਾਂਸ਼ਹਿਰ ਦੇ ਸਾਬਕਾ ਜਨਰਲ ਸਕੱਤਰ ਰਤਨ ਕੁਮਾਰ ਜੈਨ ਨੇ ਦੱਸਿਆ ਕਿ ਉੱਤਰ ਭਾਰਤੀ ਪ੍ਰਚਾਰਕ ਮਹਾਸਾਧਵੀ ਸਰਿਤਾ ਦਾ 63ਵਾਂ ਦੀਕਸ਼ਾ ਦਿਵਸ ਅਤੇ ਸਾਧਵੀ ਉਦਿਤਾ ਦਾ 13ਵਾਂ ਦੀਖਿਆ ਦਿਵਸ ਬਹੁਤ ਸ਼ਰਧਾ ਨਾਲ ਮਨਾਇਆ। ਮਹਾਸਾਧਵੀ ਸ਼ੁਭਾ ਅਤੇ ਸਾਧਵੀ ਉਦਿਤਾ ਨੇ ਦੱਸਿਆ ਕਿ ਮਹਾਸਾਧਵੀ ਸਰਿਤਾ ਬਚਪਨ ਵਿਚ ਸੰਸਾਰਿਕ ਇੱਛਾਵਾਂ ਤੋਂ ਕਿਵੇਂ ਨਿਰਲੇਪ ਹੋ ਗਈ ਸੀ। ਉਨ੍ਹਾਂ ਨੇ 12 ਸਾਲ ਦੀ ਉਮਰ ਵਿਚ ਗੁਰੂਣੀ ਮਹਾਸਾਧਵੀ ਸ਼ਸ਼ੀਕਾਂਤ ਮਹਾਰਾਜ ਦੇ ਚਰਨਾਂ ਵਿਚ ਦੀਕਸ਼ਾ ਲਈ। ਮਹਾਸਾਧਵੀ ਦੀ ਪ੍ਰੇਰਨਾ ਨਾਲ, ਵੱਖ-ਵੱਖ ਸ਼ਹਿਰਾਂ ਵਿਚ ਜੈਨ ਲਾਇਬ੍ਰੇਰੀਆਂ, ਡਿਸਪੈਂਸਰੀਆਂ, ਹਸਪਤਾਲ, ਵਿੱਦਿਅਕ ਸੰਸਥਾਵਾਂ ਤੇ ਜੈਨ ਸਥਾਨਕ ਸਥਾਪਿਤ ਕੀਤੇ ਗਏ ਸਨ। ਮਹਾਸਾਧਵੀ ਸਰਿਤਾ ਨੇ ਆਪਣੀ ਸਿੱਖਿਆ ਦੀਕਸ਼ਾ ਪ੍ਰਾਪਤ ਕਰਨ ਤੋਂ ਬਾਅਦ ਹੀ ਸ਼ੁਰੂ ਕੀਤੀ ਅਤੇ ਡਬਲ ਐੱਮਏ ਤੇ ਪੀਐੱਚਡੀ ਕੀਤੀ।।ਉਹ ਇੱਕ ਬਹੁਤ ਹੀ ਵਿਦਵਾਨ ਸਾਧਵੀ ਹਨ। ਜਿਸਦੇ ਪ੍ਰਵਚਨ ਬਹੁਤ ਪ੍ਰਭਾਵਸ਼ਾਲੀ ਹਨ। ਆਚਾਰੀਆ ਸਮਰਾਟ ਡਾ. ਸ਼ਿਵ ਮੁਨੀ ਨੇ ਉਨ੍ਹਾਂ ਨੂੰ ਉੱਤਰ ਭਾਰਤੀ ਪ੍ਰਵਰਤਿਨੀ ਦੀ ਉਪਾਧੀ ਨਾਲ ਸਨਮਾਨਿਤ ਕੀਤਾ। ਸਾਧਵੀ ਉਚਿਤ ਨੇ ਵੀ ਛੋਟੀ ਉਮਰ ਵਿਚ ਦੀਕਸ਼ਾ ਪ੍ਰਾਪਤ ਕੀਤੀ ਤੇ ਉਹ 12 ਸਾਲ ਦੀ ਉਮਰ ਵਿਚ ਹੀ ਉਪਦੇਸ਼ ਦੇਣ ਵਿਚ ਬਹੁਤ ਮਾਹਰ ਹਨ। ਮਹਾਸਾਧਵੀ ਵੰਦਨਾ ਨੇ ਵੀ ਆਪਣੇ ਪ੍ਰਵਚਨ ਰਾਹੀਂ ਵਧਾਈ ਦਿੱਤੀ। ਮੌਜੂਦਾ ਮਹਾਸਾਧਵੀ ਮੰਜੂਸ਼ਾ ਅਤੇ ਸੁਮਨ ਨੇ ਵੀ ਆਪਣੇ ਪ੍ਰਵਚਨ ਅਤੇ ਭਜਨਾਂ ਰਾਹੀਂ ਗੁਰੂਨੀ ਜੀ ਨੂੰ ਦੀਕਸ਼ਾ ਦਿਵਸ ਦੀ ਵਧਾਈ ਦਿੱਤੀ। ਪ੍ਰਵਚਨ ਦੇ ਅੰਤ ਵਿਚ ਮੁਨੀਸ਼ ਜੈਨ, ਰਤਨ ਕੁਮਾਰ ਜੈਨ, ਤ੍ਰਿਪਤਾ ਜੈਨ, ਰੂਬੀ ਜੈਨ ਨੇ ਵਧਾਈ ਦਿੱਤੀ। ਇਸ ਮੌਕੇ ਰਜਨੀ ਜੈਨ, ਰੋਹਿਤ ਜੈਨ ਅਤੇ ਸਿੰਮੀ ਜੈਨ ਨੇ ਪ੍ਰਸ਼ਾਦ ਵੀ ਵੰਡਿਆ।