- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਨਸ਼ਾ ਤਸਕਰ ਦੀ 73.60 ਲੱਖ ਦੀ ਜਾਇਦਾਦ ਫ੍ਰੀਜ਼! ਪੁਲਿਸ ਨੇ ਕੱਸਿਆ ਸ਼ਿਕੰਜਾ, ਗੈਰ-ਕਾਨੂੰਨੀ ਕਮਾਈ ’ਤੇ ਵੱਡੀ ਕਾਰਵਾਈ
ਪੁਲਿਸ ਨੇ ਨਸ਼ਾ ਤਸਕਰੀ ਰਾਹੀਂ ਕਥਿਤ ਤੌਰ ’ਤੇ ਹਾਸਲ ਕੀਤੀ ਗਈ ਗੈਰ-ਕਾਨੂੰਨੀ ਆਮਦਨ ਨਾਲ ਬਣਾਈ ਜਾਇਦਾਦ ਨੂੰ ਫ੍ਰੀਜ਼ ਕਰ ਦਿੱਤਾ ਹੈ।
Posted By Paramjit Kaur
Publish Date: Sat, 03 Oct 2026 04:43 PM (IST)
Updated Date: Sat, 03 Oct 2026 04:47 PM (IST)
ਜਾਗਰਣ ਸੰਵਾਦਦਾਤਾ, ਮੋਗਾ : ਨਸ਼ਾ ਤਸਕਰੀ ਤੋਂ ਕਥਿਤ ਤੌਰ ’ਤੇ ਕਮਾਈ ਗਈ 73.60 ਲੱਖ ਰੁਪਏ ਦੀ ਜਾਇਦਾਦ ਖ਼ਿਲਾਫ਼ ਮੋਗਾ ਪੁਲਿਸ ਨੇ ਵੱਡੀ ਕਾਰਵਾਈ ਕੀਤੀ ਹੈ। ਪੁਲਿਸ ਨੇ ਨਸ਼ਾ ਤਸਕਰੀ ਰਾਹੀਂ ਕਥਿਤ ਤੌਰ ’ਤੇ ਹਾਸਲ ਕੀਤੀ ਗਈ ਗੈਰ-ਕਾਨੂੰਨੀ ਆਮਦਨ ਨਾਲ ਬਣਾਈ ਜਾਇਦਾਦ ਨੂੰ ਫ੍ਰੀਜ਼ ਕਰ ਦਿੱਤਾ ਹੈ।
ਇਹ ਜਾਇਦਾਦ ਮੋਗਾ ਦੇ ਗੁਰੂ ਰਾਮ ਦਾਸ ਨਗਰ ’ਚ ਸਥਿਤ ਹੈ ਤੇ ਦਲਜੀਤ ਸਿੰਘ ਉਰਫ਼ ਸਿਕੰਦਰ ਦੇ ਨਾਮ ’ਤੇ ਦਰਜ ਦੱਸੀ ਗਈ ਹੈ। ਪੁਲਿਸ ਵੱਲੋਂ ਕੀਤੀ ਗਈ ਵਿੱਤੀ ਜਾਂਚ ਦੇ ਆਧਾਰ ’ਤੇ ਜਾਇਦਾਦ ਨੂੰ ਫ੍ਰੀਜ਼ ਕਰਨ ਦਾ ਹੁਕਮ ਜਾਰੀ ਕੀਤਾ ਗਿਆ ਸੀ, ਜਿਸ ਨੂੰ ਸਮਰੱਥ ਅਥਾਰਟੀ ਨੇ ਵੀ ਮਨਜ਼ੂਰੀ ਦੇ ਦਿੱਤੀ ਹੈ।
ਪੁਲਿਸ ਮੁਤਾਬਕ ਇਹ ਕਾਰਵਾਈ ਐੱਸਐੱਸਪੀ ਮੋਗਾ ਸਰਤਾਜ ਸਿੰਘ ਚਾਹਲ ਦੇ ਦਿਸ਼ਾ-ਨਿਰਦੇਸ਼ਾਂ ’ਤੇ ਕੀਤੀ ਗਈ। ਇਸ ਕਾਰਵਾਈ ਨੂੰ ਐੱਸਪੀ (ਡੀ) ਅਜੈ ਰਾਜ ਸਿੰਘ, ਪੀਪੀਐੱਸ, ਡੀਐੱਸਪੀ ਸਿਟੀ ਗੁਰਪ੍ਰੀਤ ਸਿੰਘ ਤੇ ਥਾਣਾ ਸਿਟੀ-1 ਦੇ ਇੰਚਾਰਜ ਗੁਰਵਿੰਦਰ ਸਿੰਘ ਦੀ ਅਗਵਾਈ ਹੇਠ ਪੁਲਿਸ ਟੀਮ ਨੇ ਅੰਜਾਮ ਦਿੱਤਾ।
73.60 ਲੱਖ ਰੁਪਏ ਦਰਜ ਹੈ ਜਾਇਦਾਦ ਦੀ ਕੀਮਤ
ਵਿੱਤੀ ਜਾਂਚ ਦੌਰਾਨ ਦਲਜੀਤ ਸਿੰਘ ਉਰਫ਼ ਸਿਕੰਦਰ ਦੇ ਨਾਮ ’ਤੇ ਗੁਰੂ ਰਾਮ ਦਾਸ ਨਗਰ, ਮੋਗਾ ’ਚ ਦਰਜ ਜਾਇਦਾਦ ਸਾਹਮਣੇ ਆਈ। ਪੁਲਿਸ ਅਨੁਸਾਰ ਇਸ ਜਾਇਦਾਦ ਦੀ ਦਰਜ ਕੀਮਤ 73.60 ਲੱਖ ਰੁਪਏ ਹੈ। ਜਾਂਚ ’ਚ ਇਹ ਸਾਹਮਣੇ ਆਉਣ ਤੋਂ ਬਾਅਦ ਕਿ ਜਾਇਦਾਦ ਕਥਿਤ ਤੌਰ ’ਤੇ ਨਸ਼ਾ ਤਸਕਰੀ ਤੋਂ ਕਮਾਈ ਗਈ ਗੈਰ-ਕਾਨੂੰਨੀ ਆਮਦਨ ਨਾਲ ਹਾਸਲ ਕੀਤੀ ਗਈ ਸੀ, ਇਸ ਨੂੰ ਫ੍ਰੀਜ਼ ਕਰਨ ਦੀ ਕਾਰਵਾਈ ਕੀਤੀ ਗਈ।
ਪੁਲਿਸ ਨੇ ਦੱਸਿਆ ਕਿ ਜਾਇਦਾਦ ਸਬੰਧੀ ਜਾਰੀ ਰੋਕ ਦੇ ਹੁਕਮ ਨੂੰ ਸਮਰੱਥ ਅਥਾਰਟੀ ਤੇ ਐਡਮਿਨਿਸਟ੍ਰੇਟਰ, SAFEMA ਤੇ NDPSA, ਨਵੀਂ ਦਿੱਲੀ ਨੇ ਵੀ ਕਨਫਰਮ ਕਰ ਦਿੱਤਾ ਹੈ। ਹੁਕਮ ਮੁਤਾਬਕ ਸਮਰੱਥ ਅਥਾਰਟੀ ਦੀ ਪਹਿਲਾਂ ਮਨਜ਼ੂਰੀ ਤੋਂ ਬਿਨਾਂ ਇਸ ਜਾਇਦਾਦ ਨੂੰ ਵੇਚਣ, ਟਰਾਂਸਫਰ ਕਰਨ ਜਾਂ ਕਿਸੇ ਹੋਰ ਤਰੀਕੇ ਨਾਲ ਇਸ ਦਾ ਲੈਣ-ਦੇਣ ਕਰਨ ’ਤੇ ਰੋਕ ਰਹੇਗੀ।
ਨਸ਼ਾ ਤਸਕਰੀ ਨਾਲ ਜੁੜੀ ਗੈਰ-ਕਾਨੂੰਨੀ ਜਾਇਦਾਦ ’ਤੇ ਕਾਰਵਾਈ
ਮੋਗਾ ਪੁਲਿਸ ਵੱਲੋਂ ਨਸ਼ਾ ਤਸਕਰੀ ਦੇ ਮਾਮਲਿਆਂ ’ਚ ਮੁਲਜ਼ਮਾਂ ਦੀ ਗ੍ਰਿਫ਼ਤਾਰੀ ਦੇ ਨਾਲ-ਨਾਲ ਕਥਿਤ ਤੌਰ ’ਤੇ ਨਸ਼ੇ ਤੋਂ ਕਮਾਏ ਪੈਸੇ ਤੇ ਉਸ ਨਾਲ ਬਣਾਈਆਂ ਗਈਆਂ ਜਾਇਦਾਦਾਂ ਦੀ ਵਿੱਤੀ ਜਾਂਚ ’ਤੇ ਵੀ ਜ਼ੋਰ ਦਿੱਤਾ ਜਾ ਰਿਹਾ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਨਸ਼ਾ ਤਸਕਰੀ ਨਾਲ ਜੁੜੇ ਗੈਰ-ਕਾਨੂੰਨੀ ਪੈਸੇ ਤੇ ਉਸ ਨਾਲ ਹਾਸਲ ਕੀਤੀਆਂ ਜਾਇਦਾਦਾਂ ਦੀ ਪਛਾਣ ਕਰਕੇ ਕਾਨੂੰਨ ਮੁਤਾਬਕ ਕਾਰਵਾਈ ਲਗਾਤਾਰ ਜਾਰੀ ਰਹੇਗੀ।
ਪੁਲਿਸ ਅਧਿਕਾਰੀਆਂ ਮੁਤਾਬਕ ਇਸ ਤਰ੍ਹਾਂ ਦੀ ਕਾਰਵਾਈ ਦਾ ਉਦੇਸ਼ ਨਸ਼ਾ ਤਸਕਰੀ ਨਾਲ ਜੁੜੇ ਕਥਿਤ ਗੈਰ-ਕਾਨੂੰਨੀ ਆਰਥਿਕ ਨੈੱਟਵਰਕ ’ਤੇ ਰੋਕ ਲਗਾਉਣਾ ਤੇ ਗੈਰ-ਕਾਨੂੰਨੀ ਆਮਦਨ ਨਾਲ ਹਾਸਲ ਕੀਤੀਆਂ ਜਾਇਦਾਦਾਂ ਨੂੰ ਕਾਨੂੰਨ ਦੇ ਦਾਇਰੇ ’ਚ ਲਿਆਉਣਾ ਹੈ।