ਰੰਗਮੰਚ ਫ਼ਿਲਮ ਅਦਾਕਾਰੀ ਵਰਕਸ਼ਾਪ ਕੱਲ੍ਹ ਤੋਂ

ਮਨਪ੍ਰੀਤ ਸਿੰਘ ਮੱਲੇਆਣਾ, ਪੰਜਾਬੀ ਜਾਗਰਣ ਮੋਗਾ: ਇਸ ਸਾਲ ਅਲਾਇੰਸ ਕਲੱਬਜ਼ ਇੰਟਰਨੈਸ਼ਨਲ ਨਿਹਾਲ ਸਿੰਘ ਵਾਲਾ ਵੱਲੋਂ ਬੱਚਿਆਂ ਲਈ ਫਰੀ 7 ਦਿਨਾਂ ਰੰਗਮੰਚ ਫ਼ਿਲਮ ਅਦਾਕਾਰੀ ਵਰਕਸ਼ਾਪ 2026 ਲਗਾਈ ਜਾ ਰਹੀ ਹੈ। ਇਸ ਵਰਕਸ਼ਾਪ ਵਿਚ ਬੱਚਿਆਂ ਦੇ ਹੁਨਰ ਨੂੰ ਨਿਖਾਰਨ ਲਈ ਟਰੇਨਿੰਗ ਡਾਇਰੈਕਟਰ ਸੁਖਦੇਵ ਲੱਧੜ ਰੰਗਮੰਚ ਫ਼ਿਲਮ ਅਦਾਕਾਰ ਨਿਰਦੇਸ਼ਕ ਵੱਲੋਂ ਕਰਵਾਈ ਜਾਵੇਗੀ। ਇਹ ਉਪਰਾਲਾ ਹਰ ਸਾਲ ਡਾ. ਹਰਗੁਰਪ੍ਰਤਾਪ ਸਿੰਘ ਦੀਪ ਹਸਪਤਾਲ ਦੀ ਪ੍ਰੇਰਨਾ ਸਦਕਾ ਹੁੰਦਾ ਆ ਰਿਹਾ ਹੈ। ਇਸ ਵਰਕਸ਼ਾਪ ਵਿਚ ਪੂਰਨ ਸਹਿਯੋਗ ਐਲੀ ਡਾ. ਫ਼ਕੀਰ ਮੁਹੰਮਦ ਪ੍ਰਧਾਨ ਅਲਾਇੰਸ ਕਲੱਬਜ਼ ਇੰਟਰਨੈਸ਼ਨਲ, ਐਲੀ ਡਾ. ਸ਼ਿਵਦੇਵ ਸਿੰਘ ਅਲਾਇੰਸ ਕਲੱਬਜ਼ ਇੰਟਰਨੈਸ਼ਨਲ ਅਤੇ ਸਮੂਹ ਕਲੱਬ ਦਾ ਰਹੇਗਾ। ਇਹ ਵਰਕਸ਼ਾਪ 3 ਜੂਨ ਤੋਂ 9 ਜੂਨ ਤੱਕ ਸਵੇਰੇ 10 ਵਜੇ ਤੋਂ ਦੁਪਹਿਰ 1 ਵਜੇ ਤੱਕ ਦੀਪ ਹਸਪਤਾਲ ਬਰਨਾਲਾ ਰੋਡ ਨਿਹਾਲ ਸਿੰਘ ਵਾਲਾ ਵਿਖੇ ਲਗਾਈ ਜਾ ਰਹੀ ਹੈ। ਇਹ ਵਰਕਸ਼ਾਪ 20 ਸਾਲ ਤੱਕ ਦੇ ਬੱਚਿਆਂ ਲਈ ਬਿਲਕੁਲ ਮੁਫ਼ਤ ਹੈ। ਇਸ ਵਰਕਸ਼ਾਪ ਵਿਚ ਪਿਛਲੇ ਸਾਲਾਂ ਦੀ ਤਰ੍ਹਾਂ ਇਸ ਸਾਲ ਵੀ ਬੱਚੇ ਵਧ ਚੜਕੇ ਭਾਗ ਲੈਣ ਲਈ ਰਜਿਸਟ੍ਰੇਸ਼ਨ ਕਰਵਾ ਰਹੇ ਹਨ। ਟ੍ਰੇਨਿੰਗ ਦੌਰਾਨ ਬੱਚਿਆਂ ਨੂੰ ਕਲਾ ਦੀਆਂ ਬਰੀਕੀਆਂ ਤੋਂ ਜਾਣੂੰ ਕਰਵਾਉਣ ਲਈ ਵੱਖ-ਵੱਖ ਸੈਸ਼ਨ ਕਰਵਾਏ ਜਾਣਗੇ ਜਿੰਨ੍ਹਾਂ ਵਿਚ ਮੈਡੀਟੇਸਨ, ਅਦਾਕਾਰੀ, ਨਸਵਰ, ਸ਼ਰੀਰ ਆਵਾਜ਼ ਅਤੇ ਦਿਮਾਗ ਤੇ ਕੰਮ, ਰੰਗਮੰਚੀ ਖੇਡਾਂ, ਕਲਾ ਚ ਕਲਪਨਾ ਅਦਾਕਾਰੀ ’ਚ ਸੁਧਾਰ, ਫ਼ਿਲਮ ਪ੍ਰੀਖਣ ਅਤੇ ਜਾਣ-ਪਛਾਣ, ਐਕਟ ਤਿਆਰ ਕਰਨ ਦੀ ਵਿਧੀ, ਕਹਾਣੀ ਤਿਆਰ ਕਰਨ ਦੀ ਵਿਧੀ ਵਰਗੀਆਂ ਕਲਾ ਕਿਰਿਆਵਾਂ ਕਾਰਵਾਈਆ ਜਾਣਗੀਆਂ। ਜ਼ਿਕਰਯੋਗ ਹੈ ਕਿ ਪਿਛਲੇ ਸਾਲਾਂ ਵਿਚ ਇਨ੍ਹਾਂ ਵਰਕਸ਼ਾਪਜ਼ ਦਾ ਹਿੱਸਾ ਬਣੇ ਬੱਚਿਆਂ ਨੇ ਹੁਣ ਬਹੁਤ ਸਾਰੇ ਕਲਾ ਕਾਰਜਾਂ ਵਿਚ ਹਿੱਸਾ ਲਿਆ ਅਤੇ ਨਾਟਕ ਕਲਾ, ਲਘੂ ਫ਼ਿਲਮਾਂ, ਗੀਤਾਂ ਵਿਚ ਭਾਗ ਲਿਆ। ਇਹ ਜਾਣਕਾਰੀ ਦਿੰਦੇ ਹੋਏ ਵਰਕਸ਼ਾਪ ਡਾਇਰੈਕਟਰ ਸੁਖਦੇਵ ਲੱਧੜ ਨੇ ਦੱਸਿਆ ਕਿ ਅਜਿਹੇ ਉਪਰਾਲੇ ਵੱਧ-ਵੱਧ ਹਰ ਕਲਾ ਕਿਰਤੀ ਨੂੰ ਕਰਨੇ ਚਾਹੀਦੇ ਹਨ ਤਾਂ ਜ਼ੋ ਬੱਚਿਆਂ ਨੂੰ ਫ਼ੋਨ ਤੋਂ ਛੁਟਕਾਰਾ ਦਿਵਾਇਆ ਜਾ ਸਕੇ ਅਤੇ ਬੱਚਿਆਂ ਦਾ ਮਾਨਸਿਕ ਅਤੇ ਬੌਧਿਕ ਵਿਕਾਸ ਹੋਵੇ। ਛੁੱਟੀਆਂ ਵਿਚ ਬੱਚਿਆਂ ਲਈ ਅਜਿਹੇ ਵਰਕਸ਼ਾਪ ਕਾਰਜ ਬਹੁਤ ਮਹੱਤਵਪੂਰਨ ਸਾਬਿਤ ਹੁੰਦੇ ਹਨ। ਸੋ ਮਾਪੇ ਆਪਣੇ ਬੱਚਿਆਂ ਨੂੰ ਕਲਾ ਕਿਰਤਾਂ ਨਾਲ ਜੋੜਨ ਤਾਂ ਜੋ ਬੱਚੇ ਕਲਾ ਖੇਤਰ ਵਿਚ ਚੰਗੀ ਸਿੱਖਿਆ ਹਾਸਲ ਕਰਨ ਅਤੇ ਆਪਣੇ ਸ਼ੌਕ ਨੂੰ ਆਪਣਾ ਪ੍ਰੋਫੈਸ਼ਨ ਬਣਾਉਣ ਵੱਲ ਧਿਆਨ ਦੇਣ।