ਵੇਦਾਂਤਾ ਟਾਪ 100 ਸਰਬੋਤਮ ਕਾਰਜਸਥਾਨਾਂ ’ਚ ਸ਼ਾਮਲ

ਵੇਦਾਂਤਾ ਦੇ ਕਰਮਚਾਰੀ ਬਲ ’ਚ 23 ਫ਼ੀਸਦੀ ਔਰਤਾਂ ਲੱਗਭਗ 100 ਟ੍ਰਾਂਸਜੈਂਡਰ ਕਰਮਚਾਰੀ ਤੇ ਪਿਛਲੇ 5 ਸਾਲਾਂ ’ਚ ਈਐੱਸਓਪੀ ਰਾਹੀਂ ਕਰਮਚਾਰੀਆਂ ਲਈ ਲੱਗਭਗ 2,500 ਕਰੋੜ ਦੀ ਦੌਲਤ (ਵੈਲਥ) ਦਾ ਸਿਰਜਣ ਸਟਾਫ ਰਿਪੋਰਟਰ, ਪੰਜਾਬੀ ਜਾਗਰਣ, ਮਾਨਸਾ : ਦੁਨੀਆ ਦੀਆਂ ਅਗੇਤਰੀ ਕੁਦਰਤੀ ਸਰੋਤ, ਮਹੱਤਵਪੂਰਨ ਖਣਿਜ, ਊਰਜਾ ਅਤੇ ਤਕਨਾਲੋਜੀ ਕੰਪਨੀਆਂ ਵਿੱਚੋਂ ਇੱਕ ਵੇਦਾਂਤਾ ਗਰੁੱਪ ਨੂੰ ਗ੍ਰੇਟ ਪਲੇਸ ਟੂ ਵਰਕ ਇੰਡੀਆ ਵੱਲੋਂ ਭਾਰਤ ਦੇ ਟਾਪ 100 ਬੈਸਟ ਕੰਪਨੀਆਂ ਟੂ ਵਰਕ ਫ਼ੋਰ 2026 ਦੀ ਸੂਚੀ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਇਹ ਸਨਮਾਨ ਵੇਦਾਂਤਾ ਦੀ ਉਸ ਲਗਾਤਾਰ ਵਚਨਬੱਧਤਾ ਨੂੰ ਦਰਸਾਉਂਦਾ ਹੈ, ਜਿਸ ਤਹਿਤ ਕੰਪਨੀ ਭਰੋਸੇ, ਉੱਤਮ ਪ੍ਰਦਰਸ਼ਨ ਅਤੇ ਸਮਾਵੇਸ਼ਤਾ ’ਤੇ ਆਧਾਰਿਤ ਅਜਿਹਾ ਕਾਰਜਸਥਲ ਤਿਆਰ ਕਰ ਰਹੀ ਹੈ, ਜਿੱਥੇ ਕਰਮਚਾਰੀਆਂ ਨੂੰ ਅੱਗੇ ਵਧਣ, ਨਵੀਨਤਾ ਕਰਨ ਅਤੇ ਅਰਥਪੂਰਨ ਯੋਗਦਾਨ ਪਾਉਣ ਦੇ ਮੌਕੇ ਮਿਲਦੇ ਹਨ। ਪਿਛਲੇ ਪੰਜ ਸਾਲਾਂ ਦੌਰਾਨ ਵੇਦਾਂਤਾ ਨੇ ਆਪਣੇ ਵਿਸਤ੍ਰਿਤ ਈਐਸਓਪੀ ( ਇੰਪਲਾਏ ਸਟਾਕ ਆਪਸ਼ਨ ਪਲਾਨ ) ਪ੍ਰੋਗਰਾਮ ਰਾਹੀਂ ਕਰਮਚਾਰੀਆਂ ਲਈ ਲਗਭਗ 2,500 ਕਰੋੜ ਦੀ ਦੌਲਤ ਦਾ ਸਿਰਜਣ ਕੀਤਾ ਹੈ। ਇਸਦੇ ਨਾਲ ਹੀ ਕੰਪਨੀ ਨੇ ਭਾਰਤ ਦੇ ਨੌਜਵਾਨ ਅਤੇ ਲਗਾਤਾਰ ਹੋਰ ਵਿਭਿੰਨ ਬਣਦੇ ਕਰਮਚਾਰੀ ਬਲ ਦੀ ਸਥਾਪਨਾ ਵੀ ਕੀਤੀ ਹੈ। ਕੰਪਨੀ ਦੇ 40 ਫ਼ੀਸਦੀ ਕਰਮਚਾਰੀ 30 ਸਾਲ ਤੋਂ ਘੱਟ ਉਮਰ ਦੇ ਹਨ, ਕੁੱਲ੍ਹ ਕਰਮਚਾਰੀ ਬਲ ਵਿੱਚ 23 ਫ਼ੀਸਦੀ ਮਹਿਲਾਵਾਂ ਹਨ ਅਤੇ ਕੰਪਨੀ ਦੇ ਵੱਖ- ਵੱਖ ਕਾਰੋਬਾਰਾਂ ਵਿੱਚ ਲਗਭਗ 100 ਟ੍ਰਾਂਸਜੈਂਡਰ ਪੇਸ਼ੇਵਰ ਕੰਮ ਕਰ ਰਹੇ ਹਨ। ਇਹ ਉਦਯੋਗਿਕ ਖੇਤਰ ਵਿੱਚ ਕਰਮਚਾਰੀ ਸੰਰਚਨਾ ਵਿੱਚ ਆਏ ਇੱਕ ਮਹੱਤਵਪੂਰਨ ਬਦਲਾਅ ਨੂੰ ਦਰਸਾਉਂਦਾ ਹੈ। ਗ੍ਰੇਟ ਪਲੇਸ ਟੂ ਵਰਕ ਕਾਰਜਸਥਲ ਸੰਸਕ੍ਰਿਤੀ ( ਵਰਕਪਲੇਸ ਕਲਚਰ) ਦੇ ਖੇਤਰ ਵਿੱਚ ਇੱਕ ਵਿਸ਼ਵ ਪੱਧਰੀ ਸੰਸਥਾ ਹੈ, ਜੋ ਕਰਮਚਾਰੀਆਂ ਦੇ ਭਰੋਸੇ, ਕੰਮਕਾਜ ਦੇ ਅਨੁਭਵ ਅਤੇ ਮਨੁੱਖੀ ਸਰੋਤਾਂ ਦੇ ਆਧਾਰ ’ਤੇ ਕੰਪਨੀਆਂ ਦਾ ਮੁਲਾਂਕਣ ਕਰਦੀ ਹੈ। 1992 ਤੋਂ ਇਹ ਸੰਸਥਾ ਖੋਜ ਆਧਾਰਿਤ ਅਤੇ ਸਖ਼ਤ ਮੁਲਾਂਕਣ ਪ੍ਰਕਿਰਿਆ ਰਾਹੀਂ ਸੰਸਥਾਵਾਂ ਨੂੰ ਬਿਹਤਰ ਕਾਰਜਸਥਲ ਬਣਾਉਣ ਵਿੱਚ ਸਹਿਯੋਗ ਦੇ ਰਹੀ ਹੈ। ਹੁਣ ਤੱਕ ਇਹ ਦੁਨੀਆ ਭਰ ਦੇ 10 ਕਰੋੜ (100 ਮਿਲੀਅਨ) ਤੋਂ ਵੱਧ ਕਰਮਚਾਰੀਆਂ ਦਾ ਸਰਵੇ ਕਰ ਚੁੱਕੀ ਹੈ। ਇਸ ਪ੍ਰਾਪਤੀ ’ਤੇ ਆਪਣੀ ਪ੍ਰਤੀਕ੍ਰਿਆ ਦਿੰਦਿਆਂ ਨੇਹਾ ਸ਼ਰਮਾ ਸੀਐਚਆਰਓ, ਵੇਦਾਂਤਾ ਗਰੁੱਪ ਨੇ ਕਿਹਾ, ਇਹ ਸਨਮਾਨ ਇਸ ਗੱਲ ਦਾ ਸਬੂਤ ਹੈ ਕਿ ਅਸੀਂ ਭਵਿੱਖ ਲਈ ਵੇਦਾਂਤਾ ਦਾ ਨਿਰਮਾਣ ਕਿਸ ਸੋਚ ਨਾਲ ਕਰ ਰਹੇ ਹਾਂ, ਜਿੱਥੇ ਪ੍ਰਦਰਸ਼ਨ, ਸਮਾਵੇਸ਼ਤਾ ਅਤੇ ਮਾਲਕੀ ਦੀ ਭਾਵਨਾ ਇਕੱਠੇ ਅੱਗੇ ਵਧਦੇ ਹਨ। ਅਜਿਹੇ ਉਦਯੋਗ ਵਿੱਚ, ਜਿਸਨੂੰ ਰਵਾਇਤੀ ਤੌਰ ’ਤੇ ਕਾਫ਼ੀ ਕਠਿਨ ਮੰਨਿਆ ਜਾਂਦਾ ਹੈ, ਅਸੀਂ ਨੌਜਵਾਨ ਕਰਮਚਾਰੀ ਬਲ ਨੂੰ ਸਸ਼ਕਤ ਬਣਾਕੇ, ਮਹਿਲਾਵਾਂ ਅਤੇ ਹੋਰ ਘੱਟ ਪ੍ਰਤੀਨਿਧਿਤ ਸਮੂਹਾਂ ਲਈ ਮੌਕੇ ਵਧਾਕੇ ਅਤੇ ਕਰਮਚਾਰੀਆਂ ਨੂੰ ਸਿੱਧੇ ਤੌਰ ’ਤੇ ਮੁੱਲ ਸਿਰਜਣ ਵਿੱਚ ਭਾਗੀਦਾਰ ਬਣਾਕੇ ਕਾਰਜਸਥਲ ਦੀ ਨਵੀਂ ਪਰਿਭਾਸ਼ਾ ਲਿਖ ਰਹੇ ਹਾਂ। ਸਾਡਾ ਉਦੇਸ਼ ਸਿਰਫ਼ ਪ੍ਰਤਿਭਾਵਾਂ ਨੂੰ ਆਕਰਸ਼ਿਤ ਕਰਨਾ ਨਹੀਂ, ਸਗੋਂ ਅਜਿਹਾ ਵਾਤਾਵਰਣ ਬਣਾਉਣਾ ਹੈ ਜਿੱਥੇ ਲੋਕ ਕਾਰੋਬਾਰ ਦੇ ਨਾਲ ਅੱਗੇ ਵਧਣ, ਉਸਦੀ ਸਫਲਤਾ ਵਿੱਚ ਭਾਗੀਦਾਰ ਬਣਨ ਅਤੇ ਭਾਰਤ ਦੇ ਉਦਯੋਗਿਕ ਬਦਲਾਅ ਦੇ ਅਗਲੇ ਪੜਾਅ ਨੂੰ ਆਕਾਰ ਦੇਣ ਵਿੱਚ ਆਪਣੀ ਮਹੱਤਵਪੂਰਨ ਭੂਮਿਕਾ ਨਿਭਾਉਣ। ਵੇਦਾਂਤਾ ਦੇ ਵੱਖ-ਵੱਖ ਕਾਰੋਬਾਰ ਭਾਰਤ ਦੀ ਵਿਕਾਸ ਯਾਤਰਾ ਦਾ ਮਹੱਤਵਪੂਰਨ ਹਿੱਸਾ ਹਨ। ਕੰਪਨੀ ਧਾਤੂਆਂ, ਮਹੱਤਵਪੂਰਨ ਖਣਿਜਾਂ, ਊਰਜਾ ਅਤੇ ਤਕਨਾਲੋਜੀ ਵਰਗੇ ਉਨ੍ਹਾਂ ਖੇਤਰਾਂ ਵਿੱਚ ਕੰਮ ਕਰਦੀ ਹੈ, ਜੋ ਦੇਸ਼ ਦੇ ਭਵਿੱਖ ਲਈ ਬਹੁਤ ਮਹੱਤਵਪੂਰਨ ਹਨ। ਵੱਡੇ ਪੱਧਰ ਅਤੇ ਜਟਿਲ ਸੰਚਾਲਨਾਂ ਦੇ ਨਾਲ, ਵੇਦਾਂਤਾ ਆਪਣੇ ਕਰਮਚਾਰੀਆਂ ਨੂੰ ਤੇਜ਼ੀ ਨਾਲ ਵਿਕਾਸ ਕਰ ਰਹੇ ਉਨ੍ਹਾਂ ਕਾਰੋਬਾਰਾਂ ਦਾ ਹਿੱਸਾ ਬਣਨ ਦਾ ਮੌਕਾ ਦਿੰਦੀ ਹੈ, ਜੋ ਨੇੜਲੇ ਭਵਿੱਖ ਵਿੱਚ ਆਪਣੀ ਉਤਪਾਦਨ ਸਮਰੱਥਾ ਨੂੰ ਦੁੱਗਣਾ ਕਰਨ ਵੱਲ ਅੱਗੇ ਵੱਧ ਰਹੇ ਹਨ। ਇਸ ਨਾਲ ਕਰਮਚਾਰੀਆਂ ਨੂੰ ਤੇਜ਼ ਕਰੀਅਰ ਵਿਕਾਸ ਅਤੇ ਅੱਗੇ ਵਧਣ ਦੇ ਵਧੀਆ ਮੌਕੇ ਮਿਲਦੇ ਹਨ। ਵੇਦਾਂਤਾ ਵਿੱਚ ਕਰਮਚਾਰੀਆਂ ਨੂੰ ਵਿਭਿੰਨ ਅਤੇ ਚੁਣੌਤੀਪੂਰਨ ਕੰਮ ਕਰਨ, ਵੱਖ-ਵੱਖ ਕਾਰੋਬਾਰੀ ਖੇਤਰਾਂ ਵਿੱਚ ਤਜਰਬਾ ਹਾਸਲ ਕਰਨ ਅਤੇ ਅਸਲ ਸਮੱਸਿਆਵਾਂ ਦੇ ਹੱਲ ’ਤੇ ਕੰਮ ਕਰਨ ਦਾ ਮੌਕਾ ਮਿਲਦਾ ਹੈ। ਇਸੇ ਕਾਰਨ ਭਵਿੱਖ ਲਈ ਤਿਆਰ ਕਰੀਅਰ ਦੀ ਖੋਜ ਕਰ ਰਹੇ ਪੇਸ਼ੇਵਰਾਂ ਲਈ ਵੇਦਾਂਤਾ ਇੱਕ ਆਕਰਸ਼ਕ ਕਾਰਜਸਥਲ ਵਜੋਂ ਉਭਰ ਰਿਹਾ ਹੈ। ਜਿਵੇਂ-ਜਿਵੇਂ ਦੁਨੀਆ ਨੈੱਟ-ਜ਼ੀਰੋ ਭਵਿੱਖ ਵੱਲ ਵੱਧ ਰਹੀ ਹੈ ਅਤੇ ਉਦਯੋਗ ਤੇਜ਼ੀ ਨਾਲ ਬਦਲ ਰਹੇ ਹਨ, ਵੇਦਾਂਤਾ ਆਪਣੇ ਕਰਮਚਾਰੀਆਂ ਨੂੰ ਵਿਸ਼ਵ-ਪੱਧਰੀ ਪ੍ਰੋਜੈਕਟਾਂ ’ਤੇ ਕੰਮ ਕਰਨ, ਡੂੰਘੀ ਮੁਹਾਰਤ ਵਿਕਸਿਤ ਕਰਨ ਅਤੇ ਭਾਰਤ ਦੇ ਉਦਯੋਗਿਕ ਬਦਲਾਅ ਨੂੰ ਅੱਗੇ ਵਧਾਉਣ ਵਾਲੇ ਕਾਰੋਬਾਰਾਂ ਵਿੱਚ ਮਹੱਤਵਪੂਰਨ ਯੋਗਦਾਨ ਦੇਣ ਦਾ ਮੌਕਾ ਪ੍ਰਦਾਨ ਕਰਦਾ ਹੈ। ਵੇਦਾਂਤਾ ਦੇ ਵੱਡੇ ਪੱਧਰ ’ਤੇ ਚੱਲ ਰਹੇ ਸੰਚਾਲਨਾਂ ਦੀ ਮਜ਼ਬੂਤ ਨੀਂਹ ਨਵੀਨਤਾ ਅਤੇ ਤਕਨਾਲੋਜੀ ’ਤੇ ਆਧਾਰਿਤ ਹੈ। ਡਿਜ਼ਿਟਲ ਤਕਨਾਲੋਜੀ, ਆਟੋਮੇਸ਼ਨ, ਆਰਟੀਫ਼ੀਸ਼ਲ ਇੰਟੈਲੀਜੈਂਸ (ਏਆਈ) ਅਤੇ ਡਾਟਾ-ਆਧਾਰਿਤ ਹੱਲਾਂ ਦੀ ਵਰਤੋਂ ਕਰਦੇ ਹੋਏ ਕੰਪਨੀ ਹੋਰ ਪ੍ਰਭਾਵਸ਼ਾਲੀ, ਟਿਕਾਊ ਅਤੇ ਭਵਿੱਖ ਲਈ ਤਿਆਰ ਸੰਚਾਲਨ ਵਿਕਸਿਤ ਕਰ ਰਹੀ ਹੈ। ਇਸਦੇ ਨਤੀਜੇ ਵਜੋਂ ਕਰਮਚਾਰੀਆਂ ਨੂੰ ਅਜਿਹਾ ਕਾਰਜ ਵਾਤਾਵਰਣ ਮਿਲਦਾ ਹੈ, ਜਿੱਥੇ ਉਹ ਉਦਯੋਗ, ਤਕਨਾਲੋਜੀ ਅਤੇ ਨਵੀਨਤਾ ਦੇ ਮਿਲਾਪ ’ਤੇ ਕੰਮ ਕਰਦੇ ਹੋਏ ਜਟਿਲ ਚੁਣੌਤੀਆਂ ਦਾ ਹੱਲ ਕਰਦੇ ਹਨ ਅਤੇ ਲੰਬੇ ਸਮੇਂ ਤੱਕ ਪ੍ਰਭਾਵ ਪਾਉਣ ਵਾਲੇ ਬਦਲਾਅ ਵਿੱਚ ਯੋਗਦਾਨ ਪਾਉਂਦੇ ਹਨ। ਵੇਦਾਂਤਾ ਦੀ ਸਭ ਤੋਂ ਵੱਡੀ ਖ਼ਾਸੀਅਤ ਇਹ ਹੈ ਕਿ ਇਹ ਇੱਕ ਵਿਸ਼ਵ ਪੱਧਰੀ ਗਰੁੱਪ ਦੇ ਤਜ਼ਰਬੇ ਅਤੇ ਮਜ਼ਬੂਤੀ ਨੂੰ ਸਟਾਰਟਅਪ ਵਰਗੀ ਤੇਜ਼ੀ ਅਤੇ ਨਵੀਨਤਾ ਦੀ ਸੰਸਕ੍ਰਿਤੀ ਨਾਲ ਜੋੜਦਾ ਹੈ। ਇਹ ਵਿਲੱਖਣ ਮਿਲਾਪ ਕਰਮਚਾਰੀਆਂ ਨੂੰ ਜ਼ਿੰਮੇਵਾਰੀ ਸੰਭਾਲਣ, ਨਵੇਂ ਵਿਚਾਰਾਂ ’ਤੇ ਕੰਮ ਕਰਨ ਅਤੇ ਪ੍ਰਭਾਵਸ਼ਾਲੀ ਯੋਗਦਾਨ ਦੇਣ ਦਾ ਮੌਕਾ ਦਿੰਦਾ ਹੈ। ਨਾਲ ਹੀ ਉਹ ਉਨ੍ਹਾਂ ਕਾਰੋਬਾਰਾਂ ਦੇ ਨਾਲ ਵਿਕਸਿਤ ਹੁੰਦੇ ਹਨ, ਜੋ ਲਗਾਤਾਰ ਨਵੀਆਂ ਉੱਚਾਈਆਂ ਵੱਲ ਅੱਗੇ ਵੱਧ ਰਹੇ ਹਨ। ਵੇਦਾਂਤਾ ਨੇ ਕਾਰਪੋਰੇਟ ਭਾਰਤ ਦੇ ਸਭ ਤੋਂ ਵਿਸਤ੍ਰਿਤ ਅਤੇ ਸਮਾਵੇਸ਼ੀ ਈਐਸਓਪੀ (ਇੰਪਲਾਏ ਸਟਾਕ ਆਪਸ਼ਨ ਪਲਾਨ ਪ੍ਰੋਗਰਾਮਾਂ ਵਿੱਚੋਂ ਇੱਕ ਵਿਕਸਿਤ ਕੀਤਾ ਹੈ। ਇਸ ਤਹਿਤ ਐਂਟਰੀ ਲੇਵਲ ਕਰਮਚਾਰੀਆਂ ਤੋਂ ਲੈ ਕੇ ਸੀਨੀਅਰ ਲੀਡਰਸ਼ਿਪ ਤੱਕ ਹਰ ਕਿਸੇ ਨੂੰ ਕੰਪਨੀ ਵਿੱਚ ਮਾਲਕੀ ਦਾ ਮੌਕਾ ਦਿੱਤਾ ਜਾਂਦਾ ਹੈ। ਇਹ ਪਹਿਲ ਕਰਮਚਾਰੀਆਂ ਵਿੱਚ ਮਾਲਕੀ ਦੀ ਭਾਵਨਾ ਨੂੰ ਮਜ਼ਬੂਤ ਕਰਦੀ ਹੈ ਅਤੇ ਪੂਰ੍ਹੇ ਸੰਗਠਨ ਵਿੱਚ ਸਾਂਝੇ ਵਿਕਾਸ, ਮੁੱਲ ਸਿਰਜਣ ਅਤੇ ਉੱਤਮਤਾ ਦੀ ਸੰਸਕ੍ਰਿਤੀ ਨੂੰ ਉਤਸ਼ਾਹਿਤ ਕਰਦੀ ਹੈ। ਬਿਹਤਰ ਕਰੀਅਰ ਮੌਕਿਆਂ ਦੇ ਨਾਲ ਨਾਲ ਵੇਦਾਂਤਾ ਆਪਣੇ ਕਰਮਚਾਰੀਆਂ ਨੂੰ ਵਿਸ਼ਵ-ਪੱਧਰੀ ਏਕੀਕ੍ਰਿਤ ਟਾਊਨਸ਼ਿਪਾਂ ਰਾਹੀਂ ਬਿਹਤਰ ਜੀਵਨ-ਮਿਆਰ ਵੀ ਪ੍ਰਦਾਨ ਕਰਦਾ ਹੈ। ਇਨ੍ਹਾਂ ਟਾਊਨਸ਼ਿਪਾਂ ਵਿੱਚ ਉੱਚ ਗੁਣਵੱਤਾ ਵਾਲੀ ਰਿਹਾਇਸ਼, ਸਿਹਤ ਸੇਵਾਵਾਂ, ਸਿੱਖਿਆ, ਖੇਡ ਸਹੂਲਤਾਂ ਅਤੇ ਆਧੁਨਿਕ ਸਮੁਦਾਇਕ ਜੀਵਨ ਦੀਆਂ ਸਾਰੀਆਂ ਸੁਵਿਧਾਵਾਂ ਉਪਲਬਧ ਹਨ। ਵਿਭਿੰਨਤਾ, ਸਮਾਨ ਮੌਕੇ ਅਤੇ ਸਮਾਵੇਸ਼ਤਾ ( ਡਾਇਵਰਸਿਟੀ, ਐਕੁਇਟੀ ਐਂਡ ਇਨਕਲੁਜਨ) ਵੇਦਾਂਤਾ ਦੀ ਮਨੁੱਖੀ ਸਰੋਤ ਰਣਨੀਤੀ ਦਾ ਮੁੱਖ ਆਧਾਰ ਹਨ। ਕੰਪਨੀ ਮਾਤਰਤਵ ਅਵਕਾਸ ਤੋਂ ਬਾਅਦ ਸੁਵਿਧਾਜਨਕ ਰਿਟਰਨ ਟੂ ਵਰਕ ਪ੍ਰੋਗਰਾਮਾਂ ਰਾਹੀਂ ਔਰਤਾਂ ਨੂੰ ਆਪਣੇ ਕਰੀਅਰ ’ਚ ਦੁਬਾਰਾ ਆਸਾਨੀ ਨਾਲ ਵਾਪਸੀ ਕਰਨ ਵਿੱਚ ਸਹਿਯੋਗ ਦਿੰਦੀ ਹੈ। ਇਸ ਵਿੱਚ ਸਮਾਵੇਸ਼ੀ ਸ਼ਿਫਟਨੀਤੀਆਂ ਸ਼ਾਮਲ ਹਨ, ਜਿਨ੍ਹਾਂ ਤਹਿਤ ਮਜ਼ਬੂਤ ਸੁਰੱਖਿਆ ਪ੍ਰਬੰਧਾਂ ਦੇ ਨਾਲ ਮਹਿਲਾਵਾਂ ਨੂੰ ਵੱਖ-ਵੱਖ ਸੰਚਾਲਨਾਂ ਵਿੱਚ ਰਾਤਦੀਆਂ ਸ਼ਿਫਟਾਂ ਵਿੱਚ ਵੀ ਕੰਮ ਕਰਨ ਦਾ ਮੌਕਾ ਦਿੱਤਾ ਜਾਂਦਾ ਹੈ। ਗ੍ਰੇਟ ਪਲੇਸ ਟੂ ਵਰਕ ਵੱਲੋਂ ਮਿਲਿਆ ਇਹ ਸਨਮਾਨ ਵੇਦਾਂਤਾ ਦੇ ਇੱਕ ਉੱਚ ਪ੍ਰਦਰਸ਼ਨ ਕਰਨ ਵਾਲੇ ਅਤੇ ਕਰਮਚਾਰੀ-ਕੇਂਦਰਿਤ ਸੰਗਠਨ ਵਜੋਂ ਹੋ ਰਹੇ ਲਗਾਤਾਰ ਬਦਲਾਅ ਨੂੰ ਹੋਰ ਮਜ਼ਬੂਤ ਕਰਦਾ ਹੈ। ਵੇਦਾਂਤਾ ਨਾ ਸਿਰਫ਼ ਕਾਰੋਬਾਰੀ ਮੁੱਲ ਦਾ ਸਿਰਜਣ ਕਰ ਰਿਹਾ ਹੈ, ਸਗੋਂ ਸਮਾਵੇਸ਼ੀ ਵਿਕਾਸ,ਕਰਮਚਾਰੀਆਂ ਦੀ ਭਾਗੀਦਾਰੀ (ਮਾਲਕੀ) ਅਤੇ ਬਿਹਤਰ ਮਨੁੱਖੀ ਸਰੋਤ ਨੀਤੀਆਂ ਦੇ ਖੇਤਰ ਵਿੱਚ ਵੀ ਭਾਰਤ ਦੇ ਉਦਯੋਗਿਕ ਖੇਤਰ ਲਈ ਨਵੇਂ ਮਾਪਦੰਡ ਸਥਾਪਤ ਕਰ ਰਿਹਾ ਹੈ।