Mansa News : ਪਰਵਿੰਦਰ ਝੋਟਾ ਦੇ ਪਰਿਵਾਰ ਦੀ ਮਦਦ ਲਈ 48 ਘੰਟਿਆਂ ’ਚ ਇਕੱਠੇ ਹੋਏ ਇੱਕ ਕਰੋੜ ਰੁਪਏ, ਪਰਿਵਾਰ ਨੇ ਕੀਤੀ ਇਹ ਅਪੀਲ

ਜਾਗਰਣ ਸੰਵਾਦਾਤਾ, ਬਠਿੰਡਾ/ ਮਾਨਸਾ : ਪਰਵਿੰਦਰ ਸਿੰਘ ਝੋਟਾ ਦੇ ਪਰਿਵਾਰ ਦੀ ਸਹਾਇਤਾ ਦੇ ਲਈ ਆਨਲਾਈਨ ਚੰਦਾ ਅਭਿਆਨ ਹੁਣ ਬੰਦ ਹੋ ਗਿਆ। 48 ਘੰਟੇ ਤੋਂ ਵੀ ਘੱਟ ਸਮੇਂ ਵਿੱਚ ਇੱਕ ਕਰੋੜ ਰੁਪਏ ਤੋਂ ਜ਼ਿਆਦਾ ਦੀ ਰਾਸ਼ੀ ਜਮ੍ਹਾਂ ਹੋ ਚੁੱਕੀ ਸੀ। ਪਰਿਵਾਰ ਵੱਲੋਂ ਆਰਥਿਕ ਸਹਾਇਤਾ ਦੇ ਲਈ ਚੰਦਾ ਇਕੱਠਾ ਨਾ ਕਰਨ ਦੀ ਅਪੀਲ ਕਰਨ ਦੇ ਬਾਅਦ ਪ੍ਰਬੰਧਕਾਂ ਨੇ ਮੁਹਿੰਮ ਰੋਕ ਦਿੱਤਾ। ਆਸਟ੍ਰੇਲੀਆ ’ਚ ਰਹਿਣ ਵਾਲੇ ਪਿਪਲ ਸਿੰਘ ਰੰਧਾਵਾ ਨੇ 15 ਅਕਤੂਬਰ ਨੂੰ ਗੋਫੰਡਮੀ ਵੈਬਸਾਈਟ ’ਤੇ ਝੋਟਾ ਦੇ ਪਰਿਵਾਰ ਦੀ ਮਦਦ ਲਈ ਅਭਿਆਨ ਸ਼ੁਰੂ ਕੀਤਾ।

ਇਸ ਤਹਿਤ 1.60 ਲੱਖ ਰੁਪਏ ਆਸਟ੍ਰੇਲੀਆ ਡਾਲਰ ਜੁਟਾਉਣ ਦਾ ਮੰਤਵ ਰੱਖਿਆ ਗਿਆ ਸੀ। ਰਿਪੋਰਟ ਦੇ ਅਨੁਸਾਰ ਲੋਕਾਂ ਦੇ ਸਹਿਯੋਗ ਨਾਲ ਮਹਿਜ 47 ਘੰਟੇ ਵਿੱਚ ਕਰੀਬ 1.05 ਕਰੋੜ ਰੁਪਏ ਇਕੱਠੇ ਹੋਏ। ਰੰਧਾਵਾ ਮੁਤਾਬਕ ਪਲੇਟਫਾਰਮ ਵੱਲੋਂ ਫਿਲਹਾਲ ਲਾਭਪਾਤਰੀਆਂ ਨਾਲ ਸਬੰਧਤ ਜਾਣਕਾਰੀ ਦੀ ਪੁਸ਼ਟੀ ਕੀਤੀ ਜਾ ਰਹੀ ਹੈ। ਜ਼ਰੂਰੀ ਪ੍ਰਕਿਰਿਆ ਪੂਰੀ ਹੋਣ ਅਤੇ ਰਾਸ਼ੀ ਜਾਰੀ ਹੋਣ ਬਾਅਦ ਪਰਿਵਾਰ ਤੱਕ ਪਹੁੰਚਾਈ ਜਾਵੇਗੀ।

ਬ੍ਰਿਟੇਨ ’ਚ ਗੁਰਮੇਲ ਸਿੰਘ ਮੱਲੀ ਨੇ 14 ਅਕਤੂਬਰ ਨੂੰ ਸ੍ਰੀ ਗੁਰੂ ਸਿੰਘ ਸਭਾ ਸਾਊਥ ਹਾਲ ਵੱਲੋਂ ਆਰਥਿਕ ਸਹਾਇਤਾ ਜੁਟਾਉਣ ਦੀ ਅਪੀਲ ਕੀਤੀ ਸੀ। ਅਭਿਆਨ ਦਾ ਟੀਚਾ ਇੱਕ ਲੱਖ ਬ੍ਰਿਟਿਸ਼ ਪਾਊਂਡ ਇਕੱਤਰ ਕਰਨਾ ਸੀ। ਮੁਹਿੰਮ ਬੰਦ ਹੋਣ ਤੱਕ 2, 208 ਪਾਊਂਡ (2,79,252 ਰੁਪਏ) ਦੀ ਰਾਸ਼ੀ ਜਮ੍ਹਾਂ ਹੋ ਚੁੱਕੀ ਹੈ। ਮੱਲ੍ਹੀ ਨੇ ਕਿਹਾ ਕਿ ਪਰਿਵਾਰ ਦੀਆਂ ਭਾਵਨਾਵਾਂ ਅਤੇ ਉਨ੍ਹਾਂ ਦੀ ਇੱਛਾ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਅੱਗੇ ਕੋਈ ਦਾਨ ਸਵੀਕਾਰ ਨਹੀਂ ਕੀਤਾ ਜਾਵੇਗਾ। ਉਨ੍ਹਾਂ ਇਸ ਮੁਹਿੰਮ ’ਚ ਯੋਗਦਾਨ ਦੇਣ ਵਾਲਿਆਂ ਦਾ ਧੰਨਵਾਦ ਕਰਦੇ ਹੋਏ ਦੱਸਿਆ ਕਿ ਜਮ੍ਹਾਂ ਹੋਈ ਰਾਸ਼ੀ ਅਗਲੇ ਹਫ਼ਤੇ ਪਰਿਵਾਰਾਂ ਨੂੰ ਸੌਂਪ ਦਿੱਤੀ ਜਾਵੇਗੀ।

ਪਿਤਾ ਨੇ ਮੁਆਵਜ਼ੇ ਦਾ ਪ੍ਰਸਤਾਵ ਨਹੀਂ ਕੀਤਾ ਸਵੀਕਾਰ

ਪਰਵਿੰਦਰ ਸਿੰਘ ਝੋਟਾ ਦੇ ਪਿਤਾ ਭੀਮ ਸਿੰਘ ਨੇ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਹਰਜਿੰਦਰ ਸਿੰਘ ਧਾਮੀ ਵੱਲੋਂ ਦਿੱਤੇ ਗਏ ਆਰਥਿਕ ਸਹਾਇਤਾ ਦੇ ਪ੍ਰਸਤਾਵ ਨੂੰ ਵੀ ਸਵੀਕਾਰ ਨਹੀਂ ਕੀਤਾ। ਉਨ੍ਹਾਂ ਲੋਕਾਂ ਨੂੰ ਅਪੀਲ ਕੀਤੀ ਕਿ ਪਰਿਵਾਰ ਦੇ ਨਾਮ ’ਤੇ ਚਲਾਏ ਜਾ ਰਹੇ ਸਾਰੇ ਚੰਦਾ ਮੁਹਿੰਮ ਨੂੰ ਰੋਕ ਦਿੱਤਾ ਜਾਵੇ। ਝੋਟਾ ਪੰਜਾਬ ਵਿੱਚ ਨਸ਼ੇ ਦੇ ਖ਼ਿਲਾਫ਼ ਲਗਾਤਾਰ ਅਵਾਜ਼ ਉਠਾਉਂਦੇ ਰਹੇ ਸਨ। ਉਹ ਨੌਜਵਾਨਾਂ ਨੂੰ ਨਸ਼ੇ ਤੋਂ ਬਚਾਉਣ ਅਤੇ ਬੰਦ ਪਦਾਰਥਾਂ ਦੀ ਕਥਿੱਤ ਗੈਰ ਕਾਨੂੰਨੀ ਵਿਕਰੀ ਦੇ ਵਿਰੁੱਧ ਕਾਰਵਾਈ ਦੀ ਮੰਗ ਕਰਦੇ ਹਨ। ਪਰਵਿੰਦਰ ਸਿੰਘ ਦੇ ਕਤਲ ਬਾਅਦ ਪਰਿਵਾਰ ਦੀ ਸਹਾਇਤਾ ਦੇ ਲਈ ਸ਼ੁਰੂ ਹੋਈ ਮੁਹਿੰਮ ਨੂੰ ਵਿਦੇਸ਼ ਵਿੱਚ ਰਹਿਣ ਵਾਲ ਲੋਕਾਂ ਦਾ ਵੀ ਸਮੱਰਥਨ ਮਿਲਿਆ। ਹਾਲਾਂਕਿ, ਪਰਿਵਾਰ ਦੀ ਅਪੀਲ ਦੇ ਬਾਅਦ ਇਸ ਮੁਹਿੰਮ ਨੂੰ ਰੋਕਣ ਦਾ ਫ਼ੈਲਾ ਲਿਆ ਗਿਆ ਹੈ।