ਪਰਵਿੰਦਰ ਝੋਟਾ ਦੀ ਮਾਂ ਦੀ ਦਰਦ ਭਰੀ ਗੁਹਾਰ, 'ਜੇ ਸਮੇਂ ਸਿਰ ਸੁਣਵਾਈ ਹੁੰਦੀ, ਤਾਂ ਅੱਜ ਜਿਉਂਦਾ ਹੁੰਦਾ ਪੁੱਤ ਪਰਵਿੰਦਰ'

ਹਰਕ੍ਰਿਸ਼ਨ ਸ਼ਰਮਾ, ਪੰਜਾਬੀ ਜਾਗਰਣ, ਮਾਨਸਾ। ਪੁੱਤ ਪਰਵਿੰਦਰ ਦੀ ਸਮੇਂ ਸਿਰ ਪੁਲਿਸ ਅਤੇ ਪ੍ਰਸ਼ਾਸਨ ਨੇ ਗੱਲ ਸੁਣੀ ਹੁੰਦੀ, ਤਾਂ ਅੱਜ ਉਹ ਜਿਉਂਦਾ ਹੋਣਾ ਸੀ। ਉਹ ਕਹਿੰਦਾ ਸੀ ਇਨ੍ਹਾਂ ਨੇ ਤਾਂ ਝੂਠੇ ਕੇਸ ਮੇਰੇ ’ਤੇ ਬਣਾਉਣੇ ਹਨ ਅਤੇ ਨਸ਼ਿਆਂ ਦੇ ਖ਼ਿਲਾਫ਼ ਲੜਣਾ ਨਹੀਂ ਛੱਡਾਂਗਾ। ਹੁਣ ਰੱਖ ਲੈਣ ਪੁੱਤ ਦੀ ਲਾਸ਼ ਚਾਰ ਮਹੀਨੇ ਰੱਖ ਲੈਣ ਉਸ ਨੂੰ ਕੀ ਹੁੰਦਾ? ਜਦ ਉਹ ਘਰੋਂ ਗਿਆ ਸੀ, ਮੇਰਾ ਪੁੱਤ ਤਾਂ ਉਦੋਂ ਹੀ ਖ਼ਤਮ ਹੋ ਗਿਆ ਸੀ। ਹੁਣ ਮਿੱਟੀ ਨੂੰ ਰੱਖ ਕੇ ਕੀ ਕਰ ਲੈਣਗੇ।

ਇਨ੍ਹਾਂ ਦੀਆਂ ਵੀ ਇਸੇ ਤਰ੍ਹਾਂ ਲਾਸ਼ਾਂ ਰੁਲਣਗੀਆਂ। ਭਾਵੁਕ ਹੁੰਦਿਆਂ ਪਰਵਿੰਦਰ ਝੋਟੇ ਦੀ ਮਾਤਾ ਅਮਰਜੀਤ ਕੌਰ ਨੇ ਇਹ ਗੱਲਾਂ ਕਹੀਆਂ । ਉਨ੍ਹਾ ਕਿਹਾ ਕਿ ਅੱਠਵੀਂ-ਅੱਠਵੀਂ ਵਾਲੇ ਬੱਚਿਆਂ ਨੂੰ ਨਸ਼ੇ ਵੇਚੇ ਜਾਂਦੇ ਸਨ, ਜਿਹੜੇ ਪਹਿਲਾਂ ਇਸ ਨੇ ਫੜ੍ਹੇ। ਕੁੜੀਆਂ ਵੀ ਨਸ਼ੇ ਕਰਦੀਆਂ ਸਨ।