ਮੋਹਲੇਧਾਰ ਬਾਰਿਸ਼ ਨੇ ਵਧਾਈਆਂ ਕਿਸਾਨਾਂ ਦੀਆਂ ਮੁਸ਼ਕਲਾਂ: ਮੰਡੀਆਂ 'ਚ ਖੁੱਲ੍ਹੇ 'ਚ ਪਿਆ ਝੋਨਾ ਹੋਇਆ ਜਲਥਲ

ਅਨਾਜ ਮੰਡੀ ਕਲਾਨੌਰ ’ਚ ਪਿਛਲੇ ਪੰਜ ਦਿਨਾਂ ਤੋਂ ਝੋਨਾ ਵੇਚਣ ਲਈ ਆਏ ਕਿਸਾਨ ਬਲਜੀਤ ਸਿੰਘ, ਜਸਵੰਤ ਸਿੰਘ, ਬਲਵੰਤ ਸਿੰਘ, ਹਰਦੇਵ ਸਿੰਘ, ਸੁਖਦੇਵ ਸਿੰਘ ਨੇ ਦੱਸਿਆ ਕਿ ਜਿੱਥੇ ਪਿਛਲੇ ਦਿਨਾਂ ਤੋਂ ਮੰਡੀਆਂ ’ਚ ਝੋਨੇ ’ਚ ਨਵੀਂ ਹੋਣ ਕਾਰਨ ਮੰਡੀਆਂ ’ਚ ਝੋਨੇ ਦੀ ਖਰੀਦ ਨਾ ਮਾਤਰ ਹੋ ਰਹੀ ਸੀ, ਉਥੇ ਐਤਵਾਰ ਨੂੰ ਹੋਈ ਮੋਹਲੇਧਾਰ ਬਾਰਿਸ਼ ਕਾਰਨ, ਜਿੱਥੇ ਮੰਡੀਆਂ ’ਚ ਨੀਲੇ ਅਸਮਾਨ ਹੇਠਾਂ ਲੱਗੇ ਝੋਨੇ ਦੇ ਢੇਰ ਮੀਂਹ ਦੇ ਪਾਣੀ ਨਾਲ ਭਿੱਜ ਗਏ ਹਨ, ਉਥੇ ਮੀਂਹ ਦਾ ਪਾਣੀ ਝੋਨੇ ਦੇ ਖੇਤਾਂ ’ਚ ਖੜਾ ਹੋਣ ਕਾਰਨ ਝੋਨੇ ਦੀ ਕਟਾਈ ਪ੍ਰਭਾਵਿਤ ਹੋਵੇਗੀ।