- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਕਲਾਨੌਰ ਸਰਹੱਦ 'ਤੇ ਕਾਬੂ ਆਇਆ ਸ਼ੱਕੀ, ਪਾਕਿਸਤਾਨ ਵੱਲ ਵਧ ਰਿਹਾ ਸੀ ਨੌਜਵਾਨ; BSF ਦੀ ਸਖ਼ਤ ਪੁੱਛਗਿੱਛ ਜਾਰੀ
ਬੀਐਸਐਫ ਦੀ 27 ਬਟਾਲੀਅਨ ਦੀ ਬੀਓਪੀ ਬੋਹੜ ਵਡਾਲਾ ਦੇ ਜਵਾਨ ਜਦੋਂ ਐਤਵਾਰ ਦੀ ਰਾਤ ਨੂੰ ਸਰਹੱਦ ਤੇ ਪੂਰੀ ਤਰ੍ਹਾਂ ਚੌਕਸ ਸਨ ਤਾਂ ਇਸ ਦੌਰਾਨ ਡਿਊਟੀ ਤੇ ਤਾਇਨਾਤ ਸੰਤਰੀ ਨੇ ਇੱਕ ਅਣਪਛਾਤੇ ਵਿਅਕਤੀ ਨੂੰ ਕਾਬੂ ਕੀਤਾ ਹੈ।
Posted By alisha
Publish Date: Mon, 12 Oct 2026 10:36 AM (IST)
Updated Date: Mon, 12 Oct 2026 10:42 AM (IST)
ਮਹਿੰਦਰ ਸਿੰਘ ਅਰਲੀਭੰਨ, ਪੰਜਾਬੀ ਜਾਗਰਣ, ਕਲਾਨੌਰ : ਭਾਰਤ ਪਾਕਿਸਤਾਨ ਦੀ ਸਰਹੱਦ ਤੇ ਤਾਇਨਾਤ ਬੀਐਸਐਫ ਤੇ ਸੈਕਟਰ ਗੁਰਦਾਸਪੁਰ ਦੀ 27 ਬਟਾਲੀਅਨ ਦੇ ਜਵਾਨਾਂ ਵੱਲੋਂ ਸਰਹੱਦ ਨੇੜੇ ਪਾਕਿਸਤਾਨ ਵਾਲੇ ਪਾਸੇ ਨੂੰ ਜਾ ਰਹੇ ਇੱਕ ਸ਼ੱਕੀ ਵਿਅਕਤੀ ਨੂੰ ਕਾਬੂ ਕਰਨ ਵਿੱਚ ਸਫਲਤਾ ਹਾਸਲ ਕੀਤੀ ਹੈ।। ਪ੍ਰਾਪਤ ਜਾਣਕਾਰੀ ਅਨੁਸਾਰ ਬੀਐਸਐਫ ਦੀ 27 ਬਟਾਲੀਅਨ ਦੀ ਬੀਓਪੀ ਬੋਹੜ ਵਡਾਲਾ ਦੇ ਜਵਾਨ ਜਦੋਂ ਐਤਵਾਰ ਦੀ ਰਾਤ ਨੂੰ ਸਰਹੱਦ ਤੇ ਪੂਰੀ ਤਰ੍ਹਾਂ ਚੌਕਸ ਸਨ ਤਾਂ ਇਸ ਦੌਰਾਨ ਡਿਊਟੀ ਤੇ ਤਾਇਨਾਤ ਸੰਤਰੀ ਨੇ ਇੱਕ ਅਣਪਛਾਤੇ ਵਿਅਕਤੀ ਨੂੰ ਕਾਬੂ ਕੀਤਾ ਹੈ। ਜਾਣਕਾਰੀ ਮੁਤਾਬਕ ਉਕਤ ਵਿਅਕਤੀ ਭਾਰਤ ਵਾਲੇ ਪਾਸੇ ਤੋਂ ਭਾਰਤ ਪਾਕਿਸਤਾਨ ਦੀ ਸਰਹੱਦ ਤੇ ਲੱਗੀ ਕੰਡਿਆਲੀ ਤਾਰ ਵਾਲੇ ਪਾਸੇ ਨੂੰ ਜਾ ਰਿਹਾ ਸੀ।
ਸੂਤਰਾਂ ਅਨੁਸਾਰ ਫੜ੍ਹੇ ਵਿਅਕਤੀ ਸਹੀ ਤਰ੍ਹਾਂ ਜਵਾਬ ਨਹੀਂ ਦੇ ਰਿਹਾ ਸੀ ਅਤੇ ਮਾਨਸਿਕ ਤੌਰ 'ਤੇ ਅਸਥਿਰ ਜਾਪ ਰਿਹਾ ਸੀ। ਮੁੱਢਲੀ ਪੁੱਛਗਿੱਛ ਦੌਰਾਨ ਉਸ ਨੇ ਆਪਣਾ ਨਾਮ ਰਵੀ ਦੱਤਾ ਪੁੱਤਰ ਸਵਰਗੀ ਬੀਰੇਨ ਦੱਤਾ, ਮਾਤਾ ਸਵਰਗੀ ਸੁਰਬਾਲਾ, ਜ਼ਿਲ੍ਹਾ ਬਰਧਮਾਨ, ਪੱਛਮੀ ਬੰਗਾਲ ਦੱਸਿਆ ਹੈ। ਉਸ ਦੀ ਪਤਨੀ ਦਾ ਨਾਮ ਕਾਜਲ ਦੱਤਾ ਅਤੇ ਪੁੱਤਰ ਦਾ ਨਾਮ ਬਿੱਟੂ ਦੱਤਾ ਦੱਸਿਆ ਜਾ ਰਿਹਾ ਹੈ। BSF ਵੱਲੋਂ ਮੁੱਢਲੀ ਪੁੱਛਗਿੱਛ ਤੋਂ ਬਾਅਦ ਉਸ ਨੂੰ ਅਗਲੇਰੀ ਜਾਂਚ ਲਈ ਥਾਣਾ ਕਲਾਨੌਰ ਪੁਲਿਸ ਦੇ ਹਵਾਲੇ ਕਰ ਦਿੱਤਾ ਗਿਆ ਹੈ।