ਸਰਹੱਦ ਪਾਰੋਂ ਆਇਆ ਅਜ਼ਾਦੀ ਦਾ ਸੁਨੇਹਾ, ਕਲਾਨੌਰ ਦੇ ਸਰਹੱਦੀ ਪਿੰਡ 'ਚ ਮਿਲਿਆ ਪਾਕਿਸਤਾਨੀ ਝੰਡਾ ਤੇ 'ਦਿਲ ਦਿਲ ਪਾਕਿਸਤਾਨ' ਲਿਖੇ ਗੁਬਾਰੇ

ਇਸ ਮੌਕੇ ਰਮਨੀਕ ਸਿੰਘ, ਬਲਬੀਰ ਸਿੰਘ, ਆਕਾਸ਼ਦੀਪ ਸਿੰਘ, ਸੁਖਵਿੰਦਰ ਸਿੰਘ ਆਦਿ ਨੇ ਦੱਸਿਆ ਕਿ ਕਿ ਸਵੇਰੇ ਉਹਨਾਂ ਨੇ ਪਿੰਡ ਦੇ ਬਾਹਰ ਵਾਰ ਨਹਿਰੀ ਵਿਭਾਗ ਦੀ ਮਾਈਨਰ 'ਤੇ ਲੱਗੇ ਸਫ਼ੈਦੇ ਦੇ ਦਰਖਤਾਂ ਵਿੱਚ ਦਰਜਨਾਂ ਹਰੇ ਅਤੇ ਚਿੱਟੇ ਰੰਗ ਦੇ ਗੁਬਾਰਿਆਂ ਨਾਲ ਬੰਨਿਆ ਪਾਕਿਸਤਾਨੀ ਝੰਡੇ ਲਟਕਿਆ ਹੋਇਆ ਵੇਖਿਆ। ਇਨਾਂ ਗੁਬਾਰਿਆਂ ਅਤੇ ਚਾਰ ਤੋਂ ਪੰਜ ਫੁੱਟ ਦੇ ਕਰੀਬ ਪਾਕਿਸਤਾਨੀ ਝੰਡੇ ਸਬੰਧੀ ਪੁਲਿਸ ਥਾਣਾ ਕਲਾਨੌਰ ਨੂੰ ਸੂਚਨਾ ਮਿਲਣ 'ਤੇ ਪੁਲਿਸ ਕਰਮਚਾਰੀ ਮੌਕੇ 'ਤੇ ਪਹੁੰਚਣ ਤੋਂ ਇਲਾਵਾ ਮਾਰਕੀਟ ਕਮੇਟੀ ਦੇ ਕਰਮਚਾਰੀ ਅਤੇ ਪਿੰਡ ਦੇ ਸਰਪੰਚ ਵੀ ਮੌਕੇ 'ਤੇ ਪਹੁੰਚੇ। ਪੁਲਿਸ ਨੇ ਸਫੈਦੇ ਦੇ ਦਰਖਤ 'ਤੇ ਲਟਕੇ ਪਾਕਿਸਤਾਨੀ ਝੰਡੇ ਅਤੇ ਗੁਬਾਰਿਆਂ ਨੂੰ ਲਾ ਕੇ ਆਪਣੇ ਕਬਜ਼ੇ ਵਿੱਚ ਲਿਆ। ਪਾਕਿਸਤਾਨੀ ਗੁਬਾਰਿਆਂ 'ਤੇ 'ਦਿਲ ਦਿਲ ਪਾਕਿਸਤਾਨ' ਲਿਖਿਆ ਹੋਇਆ ਸੀ।