ਸਵਾਮੀ ਵਿਵੇਕਾਨੰਦ ਜੈਅੰਤੀ ਤੇ ਸਵਦੇਸ਼ੀ ਪੰਦਰਵਾੜਾ ਮਨਾਇਆ

ਕੇਵਲ ਆਹੂਜਾ, ਪੰਜਾਬੀ ਜਾਗਰਣ, ਮਖੂ : ਸਰਵਹਿੱਤਕਾਰੀ ਵਿੱਦਿਆ ਮੰਦਰ ਹਾਈ ਸਕੂਲ ਮਖੂ ਵਿਖੇ ਸਵਾਮੀ ਵਿਵੇਕਾਨੰਦ ਜਯੰਤੀ ਅਤੇ ਸਵਦੇਸ਼ੀ ਪਖਵਾੜਾ ਮਨਾਇਆ ਗਿਆ। ਸਕੂਲ ਦੇ ਅਧਿਆਪਕਾ ਸਪਨਾ ਦੁਆਰਾ ਬੱਚਿਆਂ ਨੂੰ ਸੁਆਮੀ ਵਿਵੇਕਾਨੰਦ ਬਾਰੇ ਅਤੇ ਅਧਿਆਪਕਾਂ ਜਸਮੀਤ ਕੌਰ ਵੱਲੋਂ ਸਵਦੇਸ਼ੀ ਬਾਰੇ ਦੱਸਿਆ ਗਿਆ। ਬੱਚਿਆਂ ਵੱਲੋਂ ਸਵਾਮੀ ਵਿਵੇਕਾਨੰਦ ਅਤੇ ਸਵਦੇਸ਼ੀ ਸਬੰਧੀ ਕਵਿਤਾਵਾਂ ਅਤੇ ਭਾਸ਼ਣ ਪੇਸ਼ ਕੀਤੇ ਗਏ ਅਤੇ ਸਲੋਗਨ ਪ੍ਰਤਿਯੋਗਿਤਾ ਵੀ ਕਰਵਾਈ ਗਈ। ਸਵਦੇਸ਼ੀ ਦੇ ਸਬੰਧ ਵਿੱਚ ਬੱਚਿਆਂ ਦੀ ਦੌੜ ਲਗਵਾਈ ਗਈ ਅਤੇ ਰੈਲੀ ਕੱਢੀ ਗਈ। ਅੰਤ ਵਿੱਚ ਸਕੂਲ ਦੇ ਅਧਿਆਪਕ ਅਤੇ ਬੱਚਿਆਂ ਵੱਲੋਂ ਆਪਣਾ ਦੇਸ਼ ਆਪਣੀ ਸ਼ਾਨ, ਸਵਦੇਸ਼ੀ ਹੈ ਅਸਲੀ ਪਹਿਚਾਣ ਦੇ ਪ੍ਰਣ ਲਏ ਗਏ ਕਿ ਸਵਦੇਸ਼ੀ ਵਸਤੂਆਂ ਨੂੰ ਅਪਣਾਉਣਗੇ। ਇਸ ਸਕੂਲ ਦੇ ਪ੍ਰਿੰਸੀਪਲ ਅਮਨਦੀਪ ਕੌਰ, ਸਮੂਹ ਸਟਾਫ਼ ਅਤੇ ਬੱਚੇ ਸ਼ਾਮਲ ਰਹੇ।