ਫ਼ਤਹਿਗੜ੍ਹ ਸਾਹਿਬ ਨੇੜੇ ਭਿਆਨਕ ਸੜਕ ਹਾਦਸਾ : ਹਾਈਵੇਅ 'ਤੇ ਕਾਰ ਦਾ ਟਾਇਰ ਬਦਲ ਰਹੇ ਦੋ ਨੌਜਵਾਨਾਂ ਦੀ ਟਰੱਕ ਦੀ ਟੱਕਰ ਨਾਲ ਮੌਤ

ਪੱਤਰ ਪ੍ਰੇਰਕ, ਪੰਜਾਬੀ ਜਾਗਰਣ, ਫਤਹਿਗੜ੍ਹ ਸਾਹਿਬ : ਇੱਥੇ ਵਾਪਰੇ ਇਕ ਹਾਦਸੇ ਵਿੱਚ ਦੋ ਵਿਅਕਤੀਆਂ ਦੀ ਮੌਤ ਹੋ ਗਈ । ਸੰਜੀਵ ਕੁਮਾਰ ਵਾਸੀ ਪਿੰਡ ਬਰੇਟ ਜਿਲ੍ਹਾ ਕੈਥਲ ਹਰਿਆਣਾ ਦੇ ਬਿਆਨਾਂ ਦੇ ਮੂਲੇਪੁਰ ਪੁਲਿਸ ਨੇ ਇਕ ਟਰੱਕ ਦੇ ਅਣਪਛਾਤੇ ਚਾਲਕ ਖਿਲਾਫ ਕੇਸ ਦਰਜ ਕੀਤਾ ਹੈ।

ਸੰਜੀਵ ਕੁਮਾਰ ਨੇ ਦੱਸਿਆ ਕਿ ਨੈਸ਼ਨਲ ਹਾਈਵੇ ਤੇ ਮੈਕਡੀ ਜਿਉਣਪੁਰਾ ਨੇੜੇ ਵਿਖੇ ਉਨ੍ਹਾਂ ਦੀ ਕਾਰ ਦਾ ਪੈਂਚਰ ਹੋ ਗਿਆ ਤਾਂ ਉਹ ਅਤੇ ਉਨ੍ਹਾਂ ਦਾ ਭਤੀਜਾ ਕਾਰਤਿਕ ਭਾਰਦਵਾਜ, ਉਸਦਾ ਦੋਸਤ ਰਜਤ ਪੁੱਤਰ ਸ਼ਾਮ ਲਾਲ, ਹਰਸ਼ ਸ਼ਰਮਾ ਪੁੱਤਰ ਅਨਿਲ ਸਰਮਾ ਟਾਇਰ ਨੁੰ ਪੈਂਚਰ ਲਗਾ ਰਹੇ ਸੀ, ਪਿੱਛੋ ਰਾਜਪੁਰਾ ਅੰਬਾਲਾ ਸਾਇਡ ਤੋਂ ਇੱਕ ਨਾ ਮਾਲੂਮ ਟਰੱਕ ਡਰਾਈਵਰ ਨੇ ਆਪਣਾ ਟਰੱਕ ਤੇਜ ਰਫਤਾਰੀ ਤੇ ਅਣਗਿਹਲੀ ਨਾਲ ਚਲਾ ਕੇ ਉਨ੍ਹਾਂ ਵਿੱਚ ਟੱਕਰ ਮਾਰੀ ਜਿਸ ਨਾਲ ਕਾਰਤਿਕ ਭਾਰਦਵਾਜ ਅਤੇ ਰਜਤ ਦੀ ਮੌਕਾ ਪਰ ਮੌਤ ਹੋ ਗਈ। ਹਰਸ਼ ਸਰਮਾ ਗੰਭੀਰ ਜ਼ਖ਼ਮੀ ਹੋ ਗਿਆ, ਜੋ ਜੇਰੇ ਇਲਾਜ ਹਸਪਤਾਲ ਦਾਖਲ ਹੈ।

ਹਾਦਸੇ ਵਿੱਚ ਸੰਜੀਵ ਕੁਮਾਰ ਦਾ ਬਚਾਅ ਹੋ ਗਿਆ। ਮੁੱਦਈ ਨੇ ਦੱਸਿਆ ਕਿ ਇਸ ਹਾਦਸੇ ਵਿਚ ਉਸ ਦਾ ਬਚਾਅ ਬੜੀ ਮੁਸ਼ਕਲ ਨਾਲ ਹੋਇਆ ਹੈ। ਇਸ ਮਾਮਲੇ ਵਿਚ ਅਗਲੀ ਕਾਨੂੰਨੀ ਕਾਰਵਾਈ ਦੀ ਜ਼ਿਮੇਵਾਰੀ ਸਹਾਇਕ ਥਾਣੇਦਾਰ ਰੁਪਿੰਦਰ ਸਿੰਘ ਸੌਂਪੀ ਗਈ ਹੈ।