ਡਾ. ਮਨੋਹਰ ਖ਼ਿਲਾਫ਼ ਬਿਆਨ ਪਿਆ ਭਾਰੀ, ਮਹਿਲਾ ਕਾਂਗਰਸੀ ਆਗੂ ਨੂੰ ਭੇਜਿਆ ਕਾਨੂੰਨੀ ਨੋਟਿਸ

ਖਮਾਣੋਂ : ਪਿਛਲੇ ਦਿਨੀ ਕਾਂਗਰਸ ਪਾਰਟੀ ਦੇ ਸੀਨੀਅਰ ਕਾਂਗਰਸੀ ਆਗੂ ਅਤੇ ਇੰਟਕ (ਫੈਡਰੇਸ਼ਨ) ਪੰਜਾਬ ਸੂਬਾ ਪ੍ਰਧਾਨ ਡਾ ਮਨੋਹਰ ਸਿੰਘ ਬਾਰੇ ਬੇਬੁਨਿਆਦ ਬਿਆਨਬਾਜ਼ੀ ਕਰਨ ਵਾਲੀ ਇਕ ਮਹਿਲਾ ਕਾਂਗਰਸੀ ਨੂੰ ਕਾਨੂੰਨੀ ਨੋਟਿਸ ਭੇਜ ਕੇ ਉਨ੍ਹਾਂ ਤੋਂ ਜਵਾਬ ਮੰਗਿਆ ਗਿਆ ਹੈ। ਫਤਿਹਗੜ੍ਹ ਸਾਹਿਬ ਦੇ ਸੀਨੀਅਰ ਵਕੀਲ ਨਰਿੰਦਰ ਸਿੰਘ ਤੂਰ ਅਤੇ ਤਨੁ ਚੋਪੜਾ ਵੱਲੋਂ ਭੇਜੇ ਗਏ ਇਸ ਨੋਟਿਸ ਵਿੱਚ ਕਿਹਾ ਗਿਆ ਹੈ ਕਿ ਮਹਿਲਾ ਕਾਂਗਰਸੀ ਵੱਲੋਂ ਡਾ ਮਨੋਹਰ ਸਿੰਘ ਬਾਰੇ ਪ੍ਰਿੰਟ ਮੀਡੀਆ ਰਾਹੀਂ ਕੀਤੀ ਗਈ ਬਿਆਨਬਾਜ਼ੀ ਬਿਲਕੁਲ ਬੇਤੁਕੀ ਤੱਥਾਂ ਤੋਂ ਉਲਟ ਹੈ ਅਤੇ ਇਸ ਨਾਲ ਕਿੱਤੇ ਵਜੋਂ ਇੱਕ ਕੁਆਲੀਫਾਈਡ ਡਾਕਟਰ, ਸਮਾਜ ਸੇਵੀ ਅਤੇ ਕਾਂਗਰਸ ਪਾਰਟੀ ਤੇ ਇਲਾਕੇ ਵਿੱਚ ਇਕ ਵਿਸ਼ੇਸ਼ ਰੁਤਬਾ ਰੱਖਣ ਵਾਲੇ ਵਿਅਕਤੀ ਡਾ ਮਨੋਹਰ ਸਿੰਘ ਦੀ ਸ਼ਵੀ ਨੂੰ ਢਾਅ ਲਗਾਈ ਗਈ ਹੈ ਅਤੇ ਆਮ ਲੋਕਾਂ ਦੇ ਮੰਨਾ ਵਿੱਚ ਇਹ ਗੱਲ ਪਾਈ ਗਈ ਹੈ ਕਿ ਡਾ ਮਨੋਹਰ ਸਿੰਘ ਕਾਂਗਰਸ ਪਾਰਟੀ ਦੇ ਮੈਂਬਰ ਹੀ ਨਹੀਂ ਹਨ ਅਤੇ ਨਾ ਹੀ ਉਨ੍ਹਾਂ ਦਾ ਕਾਂਗਰਸ ਪਾਰਟੀ ਨਾਲ ਕੋਈ ਲੈਣਾ ਦੇਣਾ ਹੈ।