ਭਾਜਪਾ ਆਗੂ ਗੁਰਮੇਲ ਪੰਜੋਲਾ ਅਕਾਲੀ ਦਲ ’ਚ ਸ਼ਾਮਲ

ਪੰਜਾਬੀ ਜਾਗਰਣ ਰਿਪੋਰਟਰ, ਫਤਹਿਗੜ੍ਹ ਸਾਹਿਬ : ਪਿੰਡ ਪੰਜੋਲਾ ਵਿਖੇ ਵਿਧਾਨ ਸਭਾ ਹਲਕਾ ਫਤਹਿਗੜ੍ਹ ਸਾਹਿਬ ਤੋਂ ਅਕਾਲੀ ਦਲ ਦੇ ਉਮੀਦਵਾਰ ਬਲਜੀਤ ਸਿੰਘ ਭੁੱਟਾ ਦੀ ਅਗਵਾਈ ਹੇਠ ਭਾਜਪਾ ਆਗੂ ਗੁਰਮੇਲ ਸਿੰਘ ਪੰਜੋਲਾ ਸਾਥੀਆਂ ਸਮੇਤ ਭਾਰਤੀ ਜਨਤਾ ਪਾਰਟੀ ਛੱਡ ਕੇ ਸ਼੍ਰੋਮਣੀ ਅਕਾਲੀ ਦਲ ਦਾ ’ਚ ਸ਼ਾਮਲ ਹੋ ਗਏ। ਹਲਕਾ ਇੰਚਾਰਜ ਬਲਜੀਤ ਸਿੰਘ ਭੁੱਟਾ ਨੇ ਗੁਰਮੇਲ ਸਿੰਘ ਪੰਜੋਲਾ ਨੂੰ ਪਾਰਟੀ ’ਚ ਸ਼ਾਮਲ ਕਰਦਿਆਂ ਸਨਮਾਨਿਤ ਕੀਤਾ ਅਤੇ ਕਿਹਾ ਕਿ ਉਹ ਇੱਕ ਮਿਹਨਤੀ ਅਤੇ ਇਮਾਨਦਾਰ ਸ਼ਖ਼ਸੀਅਤ ਹਨ, ਜਿਨ੍ਹਾਂ ਦੇ ਆਉਣ ਨਾਲ ਪਾਰਟੀ ਨੂੰ ਇਲਾਕੇ ’ਚ ਹੋਰ ਬਲ ਮਿਲੇਗਾ। ਬਲਜੀਤ ਸਿੰਘ ਭੁੱਟਾ ਨੇ ਆਖਿਆ ਕਿ ਹਲਕੇ ਅੰਦਰ ਅਕਾਲੀ ਦਲ ਨੂੰ ਮਿਲ ਰਹੇ ਭਰਵੇਂ ਹੁੰਗਾਰੇ ਤੋਂ ਸਪਸ਼ਟ ਹੈ ਕਿ ਲੋਕ ਆਉਂਦੀਆਂ ਵਿਧਾਨ ਸਭਾ ਚੋਣਾਂ ’ਚ ਅਕਾਲੀ ਦਲ ਦਾ ਡਟ ਕੇ ਸਾਥ ਦੇਣਗੇ। ਉਨ੍ਹਾਂ ਕਿਹਾ ਕਿ ਪਾਰਟੀ ਦੀਆਂ ਨੀਤੀਆਂ ਹਮੇਸ਼ਾ ਲੋਕ ਪੱਖੀ ਰਹੀਆਂ ਹਨ, ਜਿਸ ਕਾਰਨ ਲੋਕ ਮੁੜ ਅਕਾਲੀ ਦਲ ਨਾਲ ਜੁੜ ਰਹੇ ਹਨ। ਉਨ੍ਹਾਂ ਆਮ ਆਦਮੀ ਪਾਰਟੀ ’ਤੇ ਨਿਸ਼ਾਨਾ ਸਾਧਦਿਆਂ ਕਿਹਾ ਕਿ ਲੋਕ ਝੂਠੇ ਲਾਰਿਆਂ ਤੋਂ ਅੱਕ ਚੁੱਕੇ ਹਨ ਅਤੇ ਚੋਣਾਂ ’ਚ ਇਸ ਦਾ ਜਵਾਬ ਦੇਣਗੇ। ਇਸ ਮੌਕੇ ਸੀਨੀਅਰ ਅਕਾਲੀ ਆਗੂ ਤੇ ਸਾਬਕਾ ਸਰਪੰਚ ਤੇਜਾ ਸਿੰਘ ਪੰਜੋਲਾ, ਹਰਕੇਵਲ ਸਿੰਘ ਸੈਫਲਪੁਰ, ਯੂਥ ਪ੍ਰਧਾਨ ਰੋਬਿਨ ਖਰੌੜ ਨਲੀਨਾ, ਸਰਕਲ ਪ੍ਰਧਾਨ ਸੁੱਖਦੀਪ ਸਿੰਘ ਬਹਿਲੋਲਪੁਰ, ਸੀਨੀਅਰ ਆਗੂ ਜਸਵੀਰ ਸਿੰਘ ਸੋਢੀ ਰਾਮਦਾਸ ਨਗਰ, ਕੁਲਦੀਪ ਸਿੰਘ ਸੈਫਲਪੁਰ, ਮੇਜਰ ਸਿੰਘ ਪੰਜੋਲਾ, ਭਗਤ ਸਿੰਘ ਪੰਜੋਲਾ, ਹਰਵਿੰਦਰ ਸਿੰਘ ਪੰਜੋਲਾ, ਸਤਪਾਲ ਸਿੰਘ ਪੰਜੋਲਾ, ਲਵਪ੍ਰੀਤ ਨਲੀਨਾ ਕਲਾਂ, ਰਣਧੀਰ ਸਿੰਘ ਪੰਜੋਲਾ, ਬਲਜੀਤ ਸਿੰਘ ਪੰਜੋਲਾ, ਅਵਤਾਰ ਸਿੰਘ ਪੰਜੋਲਾ, ਨਿਰਮਲ ਸਿੰਘ ਪੰਜੋਲਾ ਅਤੇ ਅਮਨਦੀਪ ਸਿੰਘ ਪੰਜੋਲਾ ਆਦਿ ਹਾਜ਼ਰ ਸਨ।