ਭਾਰਤ ਵਿਕਾਸ ਪ੍ਰੀਸ਼ਦ ਵੱਲੋਂ ‘ਭਾਰਤ ਕੋ ਜਾਨੋ’ ਕੁਇਜ਼ ਮੁਕਾਬਲਾ ਕਰਵਾਇਆ

ਗਰਗ, ਪੰਜਾਬੀ ਜਾਗਰਣ, ਅਮਲੋਹ : ਭਾਰਤ ਵਿਕਾਸ ਪ੍ਰੀਸ਼ਦ ਸ਼ਾਖਾ ਅਮਲੋਹ ਵੱਲੋਂ ‘ਭਾਰਤ ਕੋ ਜਾਨੋ’ ਕੁਇਜ਼ ਮੁਕਾਬਲਾ ਕਰਵਾਇਆ ਗਿਆ। ਸਮਾਗਮ ਦੀ ਸ਼ੁਰੂਆਤ ਐਡਵੋਕੇਟ ਮਯੰਕ ਸ਼ਰਮਾ ਵੱਲੋਂ ਜੋਤੀ ਪ੍ਰਚੰਡ ਕਰਨ ਅਤੇ ਵੰਦੇ ਮਾਤਰਮ ਦੇ ਗਾਇਨ ਨਾਲ ਹੋਈ। ਇਸ ਮੁਕਾਬਲੇ ’ਚ ਅਮਲੋਹ ਪਬਲਿਕ ਸਕੂਲ, ਮਹਾਂ ਰਿਸ਼ੀ ਮੇਹੀ ਪਬਲਿਕ ਸਕੂਲ, ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ (ਲੜਕੀਆਂ), ਸੰਤ ਫ਼ਰੀਦ ਸਕੂਲ, ਸਕੂਲ ਆਫ਼ ਐਮੀਨੈਂਸ ਅਤੇ ਸਰਕਾਰੀ ਮਿਡਲ ਸਕੂਲ ਸੋਂਟੀ ਦੇ ਵਿਦਿਆਰਥੀਆਂ ਨੇ ਭਾਗ ਲਿਆ। ਸੀਨੀਅਰ ਵਰਗ ਦੇ ਮੁਕਾਬਲੇ ’ਚ ਅਮਲੋਹ ਪਬਲਿਕ ਸਕੂਲ ਦੇ ਪ੍ਰਭਜੋਤ ਸਿੰਘ ਅਤੇ ਪ੍ਰਿਆ ਸ਼ਰਮਾ ਨੇ ਪਹਿਲਾ, ਸਕੂਲ ਆਫ਼ ਐਮੀਨੈਂਸ ਦੇ ਸਕਸ਼ਮ ਸ਼ਰਮਾ ਤੇ ਕਸ਼ਿਸ਼ ਰਾਣੀ ਨੇ ਦੂਜਾ ਜਦਕਿ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ (ਲੜਕੀਆਂ) ਦੀ ਗਗਨਦੀਪ ਕੌਰ ਤੇ ਅੰਸ਼ੂ ਕੁਮਾਰੀ ਨੇ ਤੀਜਾ ਸਥਾਨ ਹਾਸਲ ਕੀਤਾ। ਪਹਿਲੇ ਸਥਾਨ ’ਤੇ ਰਹਿਣ ਵਾਲੀਆਂ ਟੀਮਾਂ 22 ਨਵੰਬਰ ਨੂੰ ਹੋਣ ਵਾਲੇ ਸੂਬਾ ਪੱਧਰੀ ਮੁਕਾਬਲੇ ’ਚ ਹਿੱਸਾ ਲੈਣਗੀਆਂ। ਜੂਨੀਅਰ ਵਰਗ ’ਚ ਅਮਲੋਹ ਪਬਲਿਕ ਸਕੂਲ ਦੇ ਰਾਜਬੀਰ ਸਿੰਘ ਤੇ ਚੇਤਨ ਬੰਸਲ ਪਹਿਲੇ ਸਥਾਨ ’ਤੇ ਰਹੇ। ਬੱਸੀ ਪਠਾਣਾਂ ਤੋਂ ਮਨੋਜ ਭੰਡਾਰੀ ਨੇ ਪ੍ਰੋਗਰਾਮ ਨੂੰ ਸਫ਼ਲ ਬਣਾਉਣ ’ਚ ਵਿਸ਼ੇਸ਼ ਸਹਿਯੋਗ ਦਿੱਤਾ। ਇਸ ਮੌਕੇ ਪ੍ਰਧਾਨ ਬ੍ਰਿਜ ਭੂਸ਼ਨ ਗਰਗ, ਕੈਸ਼ੀਅਰ ਸ਼ਮੀਰ ਮੁਹੰਮਦ, ਚਰਨਜੀਤ ਅਬਰੋਲ, ਜਸਵੰਤ ਸਿੰਘ ਗੋਲਡ, ਅਨਿਲ ਗੋਇਲ, ਸ਼ਿਵ ਗਰਗ, ਅਸ਼ੋਕ ਮਿੱਤਲ, ਬਲਜਿੰਦਰ ਰਾਜਪੂਤ, ਦਰਸ਼ਨ ਸਿੰਘ ਬੱਬੀ, ਦੀਪਕ ਗੋਇਲ, ਡਾ. ਰਾਮ ਸਰੂਪ, ਰਾਜ ਵਰਮਾ, ਯੋਗੇਸ਼ ਬਾਂਸਲ, ਰਾਜੀਵ ਵਰਮਾ ਹੈਪੀ, ਮਨੋਜ ਖੁੱਲਰ, ਕਰਮਜੀਤ ਬੌਬੀ ਗਲਾਸ, ਡਾ. ਅਸ਼ੋਕ ਗੋਇਲ, ਭੂਸ਼ਨ ਸ਼ਰਮਾ ਅਤੇ ਗੁਰਪਾਲ ਬੌਬੀ ਮੌਜੂਦ ਸਨ।