- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਸੁਖਨਾ ਝੀਲ 'ਚ ਵਧਿਆ ਪਾਣੀ ਦਾ ਪੱਧਰ: ਕੈਚਮੈਂਟ ਏਰੀਆ 'ਚੋਂ ਆ ਰਿਹਾ ਭਾਰੀ ਪਾਣੀ, ਪ੍ਰਸ਼ਾਸਨ ਅਲਰਟ
ਸ਼ਹਿਰ ਵਿਚ ਹਾਲਾਂਕਿ ਬਰਸਾਤ ਘੱਟ ਹੋ ਰਹੀ ਹੈ, ਪਰ ਸ਼ਿਵਾਲਿਕ ਪਹਾੜੀਆਂ ਵਿਚ ਸਥਿਤ ਸੁਖਨਾ ਕੈਚਮੈਂਟ ਖੇਤਰ ਵਿਚ ਲਗਾਤਾਰ ਮੀਂਹ ਪੈ ਰਿਹਾ ਹੈ। ਇਸ ਬਰਸਾਤ ਦਾ ਪਾਣੀ ਸੁਖਨਾ ਝੀਲ ਵਿਚ ਪਹੁੰਚ ਰਿਹਾ ਹੈ। ਇਸੇ ਕਾਰਨ ਝੀਲ ਦਾ ਪਾਣੀ ਦਾ ਪੱਧਰ ਤੇਜ਼ੀ ਨਾਲ ਵੱਧ ਰਿਹਾ ਹੈ। ਹੁਣ ਸੁਖਨਾ ਝੀਲ ਦਾ ਪਾਣੀ ਦਾ ਪੱਧਰ 1160 ਫੁੱਟ ਤੱਕ ਪਹੁੰਚ ਗਿਆ ਹੈ। ਜੇ ਬਰਸਾਤ ਦਾ ਇਹ ਦੌਰ ਜਾਰੀ ਰਿਹਾ, ਤਾਂ ਇਹ ਛੇਤੀ ਹੀ 1163 ਫੁੱਟ ਤੱਕ ਵੀ ਪਹੁੰਚ ਸਕਦਾ ਹੈ। ਇਸ ਤੋਂ ਬਾਅਦ ਝੀਲ ਦੇ ਫਲੱਡ ਗੇਟ ਖੋਲਣ ਦੀ ਲੋੜ ਪੈ ਸਕਦੀ ਹੈ।
Posted By Sunita
Publish Date: Fri, 24 Jul 2026 11:25 AM (IST)
Updated Date: Fri, 24 Jul 2026 11:28 AM (IST)
ਜਾਗਰਣ ਸੰਵਾਦਦਾਤਾ, ਚੰਡੀਗੜ੍ਹ : ਸ਼ਹਿਰ ਵਿਚ ਹਾਲਾਂਕਿ ਬਰਸਾਤ ਘੱਟ ਹੋ ਰਹੀ ਹੈ, ਪਰ ਸ਼ਿਵਾਲਿਕ ਪਹਾੜੀਆਂ ਵਿਚ ਸਥਿਤ ਸੁਖਨਾ ਕੈਚਮੈਂਟ ਖੇਤਰ ਵਿਚ ਲਗਾਤਾਰ ਮੀਂਹ ਪੈ ਰਿਹਾ ਹੈ। ਇਸ ਬਰਸਾਤ ਦਾ ਪਾਣੀ ਸੁਖਨਾ ਝੀਲ ਵਿਚ ਪਹੁੰਚ ਰਿਹਾ ਹੈ। ਇਸੇ ਕਾਰਨ ਝੀਲ ਦਾ ਪਾਣੀ ਦਾ ਪੱਧਰ ਤੇਜ਼ੀ ਨਾਲ ਵੱਧ ਰਿਹਾ ਹੈ। ਹੁਣ ਸੁਖਨਾ ਝੀਲ ਦਾ ਪਾਣੀ ਦਾ ਪੱਧਰ 1160 ਫੁੱਟ ਤੱਕ ਪਹੁੰਚ ਗਿਆ ਹੈ। ਜੇ ਬਰਸਾਤ ਦਾ ਇਹ ਦੌਰ ਜਾਰੀ ਰਿਹਾ, ਤਾਂ ਇਹ ਛੇਤੀ ਹੀ 1163 ਫੁੱਟ ਤੱਕ ਵੀ ਪਹੁੰਚ ਸਕਦਾ ਹੈ। ਇਸ ਤੋਂ ਬਾਅਦ ਝੀਲ ਦੇ ਫਲੱਡ ਗੇਟ ਖੋਲਣ ਦੀ ਲੋੜ ਪੈ ਸਕਦੀ ਹੈ।
ਇਸ ਸਮੇਂ ਪ੍ਰਸ਼ਾਸਨ ਦੇ ਇੰਜੀਨੀਅਰਿੰਗ ਵਿਭਾਗ ਦੀ ਟੀਮ ਸੁਖਨਾ ਦੇ ਪਾਣੀ ਦੇ ਪੱਧਰ ਦੀ 24 ਘੰਟੇ ਨਿਗਰਾਨੀ ਕਰ ਰਹੀ ਹੈ। ਝੀਲ ਦੇ ਪਾਣੀ ਦਾ ਪੱਧਰ ਵੱਧਣ ਦੇ ਬਾਅਦ ਯੂਟੀ ਪ੍ਰਸ਼ਾਸਨ ਪਹਿਲਾਂ ਹੀ ਅਲਰਟ 'ਤੇ ਹੈ। ਇਸ ਦੇ ਨਾਲ ਹੀ ਪੰਚਕੂਲਾ ਅਤੇ ਮੁਹਾਲੀ ਪ੍ਰਸ਼ਾਸਨ ਨਾਲ ਲਗਾਤਾਰ ਸੰਪਰਕ ਬਣਾਇਆ ਜਾ ਰਿਹਾ ਹੈ। ਫਲਡ ਗੇਟ ਖੋਲਣ ਤੋਂ ਪਹਿਲਾਂ ਪੰਚਕੂਲਾ ਅਤੇ ਮੁਹਾਲੀ ਪ੍ਰਸ਼ਾਸਨ ਨੂੰ ਜਾਣਕਾਰੀ ਦਿੱਤੀ ਜਾਵੇਗੀ, ਤਾਂ ਜੋ ਸੁਖਨਾ ਚੋ ਵਿਚ ਪਾਣੀ ਛੱਡਣ ਨਾਲ ਪੰਚਕੂਲਾ ਅਤੇ ਮੁਹਾਲੀ ਖੇਤਰ ਵਿਚ ਕੋਈ ਸਮੱਸਿਆ ਨਾ ਪੈਦਾ ਹੋਵੇ। ਪ੍ਰਸ਼ਾਸਨ ਨੇ ਸੁਖਨਾ ਚੋਅ ਦੇ ਆਸ-ਪਾਸ ਦੇ ਲੋਕਾਂ ਨੂੰ ਦੂਰ ਰਹਿਣ ਦੀ ਹਿਦਾਇਤ ਪਹਿਲਾਂ ਹੀ ਦੇ ਦਿੱਤੀ ਹੈ, ਖਾਸ ਕਰਕੇ ਬਾਪੂਧਾਮ ਅਤੇ ਕਿਸ਼ਨਗੜ੍ਹ ਵਰਗੇ ਆਬਾਦੀ ਖੇਤਰਾਂ ਲਈ।
ਕਈ ਵਾਰੀ ਖੋਲ੍ਣੇ ਪੈਣਗੇ ਫਲਡ ਗੇਟ
ਖਤਰੇ ਦੇ ਨਿਸ਼ਾਨ ਤੱਕ ਪਾਣੀ ਪਹੁੰਚਦੇ ਹੀ ਫਲਡ ਗੇਟ ਖੋਲਣੇ ਪੈ ਸਕਦੇ ਹਨ। ਪਰ ਇਨ੍ਹਾਂ ਨੂੰ ਬਹੁਤ ਜ਼ਿਆਦਾ ਨਹੀਂ ਖੋਲਿਆ ਜਾਵੇਗਾ। ਥੋੜ੍ਹਾ-ਥੋੜ੍ਹਾ ਪਾਣੀ ਛੱਡਿਆ ਜਾਵੇਗਾ, ਤਾਂ ਜੋ ਆਬਾਦੀ ਖੇਤਰ ਵਿਚ ਕੋਈ ਪਰੇਸ਼ਾਨੀ ਨਾ ਹੋਵੇ। ਹਾਲਾਂਕਿ ਕਈ ਵਾਰੀ ਫਲਡ ਗੇਟ ਖੋਲਣੇ ਪੈ ਸਕਦੇ ਹਨ। ਪਿਛਲੇ ਸਾਲ ਵੀ ਕਈ ਵਾਰੀ ਅਜਿਹਾ ਕੀਤਾ ਗਿਆ ਸੀ।