ਨੌਜਵਾਨ ਲੀਡਰਸ਼ਿਪ ਲਈ ਬੰਦ ਹੋ ਜਾਣਗੇ ਰਾਹ, ਸੀਟਾਂ ਫ਼੍ਰੀਜ਼ ਕਰਨ ਦੇ ਮੁੱਦੇ 'ਤੇ ਡਾ. ਚੀਮਾ ਦਾ ਵੱਡਾ ਬਿਆਨ

ਡਾ. ਚੀਮਾ ਨੇ ਕਿਹਾ ਕਿ ਅਜਿਹੇ ਹਾਲਾਤ ਵਿਚ ਸਮੱਸਿਆ ਦਾ ਹੱਲ ਸੀਟਾਂ ਨੂੰ ਜਿਉਂ ਦਾ ਤਿਉਂ ਰੱਖਣ ਵਿਚ ਜਾਂ ਆਬਾਦੀ ’ਤੇ ਸਫਲਤਾਪੂਰਵਕ ਕੰਟਰੋਲ ਕਰਨ ਵਾਲੇ ਰਾਜਾਂ ਨੂੰ ਸਜ਼ਾ ਦੇ ਕੇ ਕੱਢਣਾ ਨਹੀਂ ਹੈ ਬਲਕਿ ਲੋਕ ਸਭਾ ਵਿਚ ਸਾਰੇ ਰਾਜਾਂ ਨੂੰ ਸੀਟਾਂ ਵਿਚ ਇਕ ਸਮਾਨ 50 ਫੀਸਦੀ ਵਾਧਾ ਮਿਲਣਾ ਚਾਹੀਦਾ ਹੈ ਅਤੇ ਇਸ ਵਾਸਤੇ ਸਾਰੇ ਰਾਜਾਂ ਵਿਚ ਸੀਟਾਂ ਦੇ 50 ਫੀਸਦੀ ਵਾਧੇ ਵਾਸਤੇ ਹੱਦਬੰਦੀ ਕਰਨੀ ਲਾਜ਼ਮੀ ਹੈ। ਉਹਨਾਂ ਕਿਹਾ ਕਿ ਇਸ ਨਾਲ ਜਿਥੇ ਜਨਤਕ ਪ੍ਰਤੀਨਿਧਤਾ ਵਧੇਗੀ, ਆਬਾਦੀ ਵਿਚ ਵਾਧੇ ਦੇ ਹਿਸਾਬ ਨਾਲ ਪ੍ਰਤੀਨਿਧਤਾ ਹੋਵੇਗੀ, ਨੌਜਵਾਨ ਆਗੂਆਂ ਵਾਸਤੇ ਵਧੇਰੇ ਮੌਕੇ ਪੈਦਾ ਹੋਣਗੇ, ਉਥੇ ਹੀ ਭਾਰਤ ਦਾ ਸੰਘੀ ਸੰਤੁਲਨ ਬਣਿਆ ਰਹੇਗਾ ਤੇ ਇਸਦੀ ਰਾਖੀ ਹੋਵੇਗੀ।