ਤੇਜ਼ ਰਫ਼ਤਾਰ ਕਾਰ ਦਾ ਕਹਿਰ: ਬੇਕਾਬੂ ਹੋ ਕੇ 3 ਵਾਹਨਾਂ ਨੂੰ ਮਾਰੀ ਜ਼ਬਰਦਸਤ ਟੱਕਰ, ਮੌਕੇ 'ਤੇ ਮਚੀ ਅਫ਼ਰਾ-ਤਫ਼ਰੀ!

ਚਸ਼ਮਦੀਦਾਂ ਅਨੁਸਾਰ ਸ਼ਿਮਲਾ ਵੱਲੋਂ ਤੇਜ਼ ਰਫ਼ਤਾਰ ’ਚ ਆ ਰਹੀ ਇਕ ਕਾਰ ਨੇ ਸਭ ਤੋਂ ਪਹਿਲਾਂ ਮੋਰਨੀ ਤੋਂ ਪੰਚਕੂਲਾ ਡਿਊਟੀ 'ਤੇ ਜਾ ਰਹੇ ਪੰਡਿਤ ਜਗਤ ਰਾਮ ਦੀ ਕਾਰ ਨੂੰ ਜ਼ੋਰਦਾਰ ਟੱਕਰ ਮਾਰੀ। ਟੱਕਰ ਇੰਨੀ ਜਬਰਦਸਤ ਸੀ ਕਿ ਕਾਰ ਦੇ ਏਅਰਬੈਗ ਖੁੱਲ੍ਹ ਗਏ ਤੇ ਵਾਹਨ ਨੁਕਸਾਨਿਆ ਗਿਆ। ਇਸ ਤੋਂ ਬਾਅਦ ਬੇਕਾਬੂ ਕਾਰ ਡਿਵਾਈਡਰ ਪਾਰ ਕ ਰਕੇ ਦੂਜੀ ਲੇਨ ’ਚ ਪਹੁੰਚ ਗਈ ਤੇ ਪੰਚਕੂਲਾ ਤੋਂ ਕਰਮਚਾਰੀਆਂ ਨੂੰ ਲੈ ਕੇ ਨਾਲਾਗੜ੍ਹ ਜਾ ਰਹੇ ਟੈਂਪੂ ਟ੍ਰੈਵਲਰ ਨੂੰ ਟੱਕਰ ਮਾਰ ਦਿੱਤੀ। ਇਸ ਦੌਰਾਨ ਇਕ ਬਾਈਕ ਸਵਾਰ ਵੀ ਲਪੇਟ ’ਚ ਆ ਗਿਆ। ਟੱਕਰ ਲੱਗਣ ਤੋਂ ਬਾਅਦ ਉਸ ਦੀ ਬਾਈਕ ਟੈਂਪੂ ਟ੍ਰੈਵਲਰ ਦੇ ਹੇਠਾਂ ਜਾ ਫਸੀ, ਜਿਸ ਨਾਲ ਉਹ ਗੰਭੀਰ ਰੂਪ ’ਚ ਜ਼ਖਮੀ ਹੋ ਗਿਆ। ਮੌਕੇ ’ਤੇ ਮੌਜੂਦ ਲੋਕਾਂ ਨੇ ਤੁਰੰਤ ਉਸ ਨੂੰ ਬਾਹਰ ਕੱਢ ਕੇ ਹਸਪਤਾਲ ਪਹੁੰਚਾਇਆ।