ਪੰਜਾਬ ਵਾਲਿਓ ਦੇਣਾ ਜ਼ਰਾ ਧਿਆਨ ! 15 ਅਗਸਤ ’ਤੇ ਕੁਝ ਸੜਕਾਂ ਰਹਿਣਗੀਆਂ ਬੰਦ, ਕਈ ਥਾਵਾਂ ’ਤੇ ਟ੍ਰੈਫਿਕ ਹੋਵੇਗਾ ਡਾਇਵਰਟ

ਸਟਾਫ਼ ਰਿਪੋਰਟਰ, ਪੰਜਾਬੀ ਜਾਗਰਣ, ਚੰਡੀਗੜ੍ਹ : ਆਜ਼ਾਦੀ ਦਿਵਸ ’ਤੇ ਸੈਕਟਰ-17 ਸਥਿਤ ਪਰੇਡ ਗਰਾਊਂਡ ਵਿੱਚ ਹੋਣ ਵਾਲੇ ਸਮਾਗਮ ਨੂੰ ਦੇਖਦੇ ਹੋਏ ਪੁਲਿਸ ਨੇ 15 ਅਗਸਤ ਨੂੰ ਸਵੇਰੇ 6:30 ਵਜੇ ਤੋਂ ਟ੍ਰੈਫਿਕ ਵਿਵਸਥਾ ਵਿੱਚ ਬਦਲਾਅ ਕੀਤਾ ਹੈ। ਪਰੇਡ ਗਰਾਊਂਡ ਦੇ ਆਸ-ਪਾਸ ਕਈ ਸੜਕ ਮਾਰਗ ਸਮਾਗਮ ਸਮਾਪਤ ਹੋਣ ਤੱਕ ਆਮ ਵਾਹਨਾਂ ਲਈ ਬੰਦ ਜਾਂ ਡਾਇਵਰਟ ਰਹਿਣਗੇ। ਸਿਰਫ਼ ਐਮਰਜੈਂਸੀ ਵਾਹਨਾਂ ਨੂੰ ਲੋੜ ਅਨੁਸਾਰ ਆਵਾਜਾਈ ਦੀ ਇਜਾਜ਼ਤ ਹੋਵੇਗੀ।

ਸਮਾਗਮ ਤੋਂ ਬਾਅਦ ਟ੍ਰੈਫਿਕ ਨੂੰ ਕੰਟਰੋਲ ਕਰਨ ਲਈ ਸਵੇਰੇ 10:45 ਤੋਂ 11:30 ਵਜੇ ਤੱਕ ਆਈਐੱਸਬੀਟੀ ਸੈਕਟਰ-17 ਚੌਕ ਵੱਲ ਜਾਣ ਵਾਲੀ ਆਵਾਜਾਈ ਨੂੰ ਡਾਇਵਰਟ ਕੀਤਾ ਜਾਵੇਗਾ। 17/18 ਲਾਈਟ ਪੁਆਇੰਟ, ਅਰੋਮਾ ਲਾਈਟ ਪੁਆਇੰਟ, ਸੈਕਟਰ-18/19/20/21 ਚੌਕ ਅਤੇ ਕ੍ਰਿਕਟ ਸਟੇਡੀਅਮ ਚੌਕ ਤੋਂ ਆਉਣ ਵਾਲੇ ਵਾਹਨਾਂ ਨੂੰ ਹੋਰ ਰਸਤਿਆਂ ’ਤੇ ਭੇਜਿਆ ਜਾਵੇਗਾ। ਹਾਲਾਂਕਿ, ਬੱਸਾਂ ਨੂੰ ਚੱਲਣ ਦੀ ਇਜਾਜ਼ਤ ਹੋਵੇਗੀ।

ਇਨ੍ਹਾਂ ਰਸਤਿਆਂ ’ਤੇ ਰਹੇਗੀ ਪਾਬੰਦੀ

ਸੈਕਟਰ-16-17-22-23 ਰਾਊਂਡਅਬਾਊਟ ਤੋਂ ਉਦੈ ਪਥ ’ਤੇ ਗੁਰਦਿਆਲ ਸਿੰਘ ਪੈਟਰੋਲ ਪੰਪ, ਸੈਕਟਰ-22ਏ ਤੱਕ ਦਾ ਮਾਰਗ ਬੰਦ ਜਾਂ ਡਾਇਵਰਟ ਰਹੇਗਾ।

ਸੈਕਟਰ-22ਏ ਮਾਰਕੀਟ ਵਿੱਚ ਆਮ ਪਾਰਕਿੰਗ ਬੰਦ

ਸਵੇਰੇ 6:30 ਵਜੇ ਤੋਂ ਸਮਾਗਮ ਖਤਮ ਹੋਣ ਤੱਕ ਸੈਕਟਰ-22ਏ ਮਾਰਕੀਟ ਦੀਆਂ ਦੁਕਾਨਾਂ ਦੇ ਸਾਹਮਣੇ ਵਾਲੇ ਪਾਰਕਿੰਗ ਖੇਤਰ ਵਿੱਚ ਆਮ ਵਾਹਨਾਂ ਦੀ ਪਾਰਕਿੰਗ ਨਹੀਂ ਹੋਵੇਗੀ।

ਇਨ੍ਹਾਂ ਪਾਰਕਿੰਗ ਸਥਾਨਾਂ ਦੀ ਕਰੋ ਵਰਤੋਂ

ਆਮ ਲੋਕਾਂ ਲਈ ਚਾਰ ਪਾਰਕਿੰਗ ਸਥਾਨ ਉਪਲਬਧ ਰਹਿਣਗੇ। ਇਨ੍ਹਾਂ ਵਿੱਚ ਸੈਕਟਰ-22ਬੀ ਪਾਰਕਿੰਗ, ਸੈਕਟਰ-17 ਦਾ ਸਰਕਸ ਗਰਾਊਂਡ, ਨੀਲਮ ਸਿਨੇਮਾ ਦੇ ਨਾਲ ਵਾਲੀ ਪਾਰਕਿੰਗ ਅਤੇ ਸੈਕਟਰ-17 ਦੀ ਮਲਟੀ-ਸਟੋਰੀ ਪਾਰਕਿੰਗ ਸ਼ਾਮਲ ਹਨ।

ਬੱਸਾਂ ਦਾ ਵੀ ਬਦਲੇਗਾ ਰੂਟ

ਆਈਐੱਸਬੀਟੀ ਸੈਕਟਰ-17 ਵੱਲ ਆਉਣ ਵਾਲੀਆਂ ਬੱਸਾਂ ਨੂੰ ਕਿਸਾਨ ਭਵਨ ਚੌਕ ਅਤੇ ਪਿਕਾਡਿਲੀ ਚੌਕ ਤੋਂ ਹਿਮਾਲਿਆ ਮਾਰਗ ਰਾਹੀਂ ਆਈਐੱਸਬੀਟੀ ਚੌਕ ਵੱਲ ਡਾਇਵਰਟ ਕੀਤਾ ਜਾਵੇਗਾ।

ਲੋਕ ਭਵਨਾਂ ਦੇ ਆਸ-ਪਾਸ ਬਦਲੇਗਾ ਟ੍ਰੈਫਿਕ ਪਲਾਨ, ਦੁਪਹਿਰ 3 ਵਜੇ ਤੋਂ ਡਾਇਵਰਜ਼ਨ

ਪੰਜਾਬ ਅਤੇ ਹਰਿਆਣਾ ਲੋਕ ਭਵਨ ਵਿੱਚ ਹੋਣ ਵਾਲੇ ‘ਐਟ ਹੋਮ’ ਸਮਾਗਮ ਨੂੰ ਦੇਖਦੇ ਹੋਏ ਪੁਲਿਸ ਨੇ 15 ਅਗਸਤ ਨੂੰ ਦੁਪਹਿਰ 3 ਵਜੇ ਤੋਂ ਟ੍ਰੈਫਿਕ ਵਿਵਸਥਾ ਵਿੱਚ ਬਦਲਾਅ ਕੀਤਾ ਹੈ। ਲੋਕ ਭਵਨਾਂ ਦੇ ਆਸ-ਪਾਸ ਦੇ ਮਾਰਗਾਂ ’ਤੇ ਸਿਰਫ਼ ਐਮਰਜੈਂਸੀ ਵਾਹਨਾਂ ਨੂੰ ਲੋੜ ਅਨੁਸਾਰ ਆਵਾਜਾਈ ਦੀ ਇਜਾਜ਼ਤ ਹੋਵੇਗੀ।

ਪੁਲਿਸ ਅਨੁਸਾਰ ਸੈਕਟਰ-5/6/7/8 ਰਾਊਂਡਅਬਾਊਟ ਤੋਂ ਵਿਗਿਆਨ ਪਥ ਅਤੇ ਸੁਖਨਾ ਪਥ ਦੇ ਟੀ-ਪੁਆਇੰਟ ਤੱਕ ਅਤੇ ਚੰਡੀਗੜ੍ਹ ਗੋਲਫ ਕਲੱਬ ਦੇ ਨੇੜੇ ਵਾਲੇ ਮਾਰਗ ’ਤੇ ਦੁਪਹਿਰ 3 ਵਜੇ ਤੋਂ ਸਮਾਗਮ ਖਤਮ ਹੋਣ ਤੱਕ ਆਮ ਆਵਾਜਾਈ ’ਤੇ ਪਾਬੰਦੀ ਰਹੇਗੀ ਜਾਂ ਟ੍ਰੈਫਿਕ ਨੂੰ ਡਾਇਵਰਟ ਕੀਤਾ ਜਾਵੇਗਾ।