'ਰਾਹੁਲ ਗਾਂਧੀ ਦੇ ਸਿਪਾਹੀ ਸੜਕਾਂ 'ਤੇ ਉਤਰੇ', CJP ਦੇ ਸਮਰਥਨ 'ਚ ਵੜਿੰਗ ਨੇ ਕਿਹਾ- ਆਵਾਜ਼ ਨਹੀਂ ਰੁਕੇਗੀ

No matter how many police forces you deploy, Modiji, you cannot silence the voice of India! Rahul Gandhi’s warriors are out on the streets, standing up for democracy and demanding accountability. The message is clear the people will not stop raising their voices until Gyanesh Kumar resigns! लोकतंत्र की आवाज़ को न पुलिस रोक सकती है, न सत्ता का अहंकार दबा सकता है। #VoteChori

— Amarinder Singh Raja Warring (@RajaBrar_INC) October 12, 2026

ਵੜਿੰਗ ਨੇ ਭਾਜਪਾ 'ਤੇ ਵਿੰਨ੍ਹਿਆ ਨਿਸ਼ਾਨਾ

ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨੇ X 'ਤੇ ਲਿਖਿਆ ਹੈ ਕਿ ਲੋਕਤੰਤਰ ਦੀ ਆਵਾਜ਼ ਨੂੰ ਨਾ ਪੁਲਿਸ ਰੋਕ ਸਕਦੀ ਹੈ ਅਤੇ ਨਾ ਹੀ ਸੱਤਾ ਦਾ ਹੰਕਾਰ ਦਬਾ ਸਕਦਾ ਹੈ। ਅਜਿਹੇ ਵਿੱਚ ਉਨ੍ਹਾਂ ਦਾ ਇਸ਼ਾਰਾ ਸਾਫ਼ ਹੈ ਕਿ ਉਹ ਵੀ ਇਸ ਪ੍ਰਦਰਸ਼ਨ ਦਾ ਹਿੱਸਾ ਬਣ ਕੇ CJP ਦਾ ਸਮਰਥਨ ਕਰਨਗੇ।

ਖ਼ੁਦ ਨੂੰ ਦੱਸਿਆ ਰਾਹੁਲ ਗਾਂਧੀ ਦਾ ਸਿਪਾਹੀ

ਵੜਿੰਗ ਨੇ ਕਿਹਾ ਕਿ ਰਾਹੁਲ ਗਾਂਧੀ ਦੇ ਸਿਪਾਹੀ ਸੜਕਾਂ 'ਤੇ ਉਤਰ ਆਏ ਹਨ, ਲੋਕਤੰਤਰ ਲਈ ਖੜ੍ਹੇ ਹਨ ਅਤੇ ਜਵਾਬਦੇਹੀ ਦੀ ਮੰਗ ਕਰ ਰਹੇ ਹਨ। ਸੁਨੇਹਾ ਸਾਫ਼ ਹੈ - ਜਦੋਂ ਤੱਕ ਗਿਆਨੇਸ਼ ਕੁਮਾਰ ਅਸਤੀਫ਼ਾ ਨਹੀਂ ਦਿੰਦੇ, ਉਦੋਂ ਤੱਕ ਲੋਕ ਆਪਣੀ ਆਵਾਜ਼ ਉਠਾਉਣਾ ਬੰਦ ਨਹੀਂ ਕਰਨਗੇ।

ਲੋਕਤੰਤਰ ਲਈ ਹੋਵੇਗਾ ਮਾਰਚ

ਰਾਜਾ ਵੜਿੰਗ ਨੇ ਇੱਕ ਹੋਰ ਪੋਸਟ ਸੋਸ਼ਲ ਮੀਡੀਆ 'ਤੇ ਪਾਈ ਹੈ ਜਿਸ ’ਚ ਉਨ੍ਹਾਂ ਨੇ ਲਿਖਿਆ ਹੈ 'ਮਾਰਚ ਫ਼ਾਰ ਲੋਕਤੰਤਰ' ਅਤੇ 'ਮਾਰਚ ਫ਼ਾਰ ਡੈਮੋਕ੍ਰੇਸੀ'। ਉਨ੍ਹਾਂ ਦੀ ਇਸ ਪੋਸਟ ਤੋਂ ਸਾਫ਼ ਜ਼ਾਹਿਰ ਹੈ ਕਿ ਹੁਣ ਕਾਂਗਰਸ CJP ਦੇ ਸਮਰਥਨ 'ਚ ਉਤਰ ਕੇ ਭਾਜਪਾ ਨੂੰ ਘੇਰਨ ਦੀ ਪੂਰੀ ਤਿਆਰੀ ਕਰ ਚੁੱਕੀ ਹੈ।

March for Democracy. March for Justice. #ChaloDilli https://t.co/1GQetlPOAY

— Rahul Gandhi (@RahulGandhi) October 12, 2026

ਪ੍ਰਦਰਸ਼ਨ ਤੋਂ ਪਹਿਲਾਂ ਹੀ ਹਿਰਾਸਤ 'ਚ ਲਏ ਗਏ CJP ਨੇਤਾ

ਦੱਸ ਦੇਈਏ ਕਿ SIR ਮਾਮਲੇ ਵਿੱਚ ਗਿਆਨੇਸ਼ ਕੁਮਾਰ ਦੇ ਅਸਤੀਫ਼ੇ ਦੀ ਮੰਗ ਕਰ ਰਹੀ ਕਾਕਰੋਚ ਜਨਤਾ ਪਾਰਟੀ ਨੇ 10 ਅਕਤੂਬਰ ਨੂੰ ਦਿੱਲੀ ਦੇ ਜੰਤਰ-ਮੰਤਰ 'ਤੇ ਪ੍ਰਦਰਸ਼ਨ ਦਾ ਐਲਾਨ ਕੀਤਾ ਸੀ। ਪਰ ਦਿੱਲੀ ਪੁਲਿਸ ਨੇ ਮੁਸਤੈਦੀ ਦਿਖਾਉਂਦੇ ਹੋਏ ਪ੍ਰਦਰਸ਼ਨ ਹੋਣ ਤੋਂ ਪਹਿਲਾਂ ਹੀ CJP ਦੇ ਸਾਰੇ ਵੱਡੇ ਨੇਤਾਵਾਂ ਨੂੰ ਹਿਰਾਸਤ ਵਿੱਚ ਲੈ ਲਿਆ।

ਕਿਸੇ ਨੂੰ ਜਹਾਜ਼ ਦੇ ਅੰਦਰੋਂ ਡਿਟੇਨ ਕੀਤਾ ਗਿਆ ਤਾਂ ਕਿਸੇ ਨੂੰ ਘਰੋਂ ਜਾ ਕੇ ਚੁੱਕਿਆ ਗਿਆ ਪਰ ਅੰਦੋਲਨ ਨੂੰ ਅੱਗੇ ਵਧਣ ਨਹੀਂ ਦਿੱਤਾ ਗਿਆ। ਅਜਿਹੇ ਵਿੱਚ ਸਿਆਸੀ ਪਾਰਟੀਆਂ ਨੇ ਭਾਜਪਾ ਨੂੰ ਘੇਰਿਆ ਹੈ ਅਤੇ ਦਿੱਲੀ ਪੁਲਿਸ ਦੇ ਇਸ ਕਦਮ ਦੀ ਨਿੰਦਾ ਵੀ ਕੀਤੀ ਹੈ।