- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਹੁਣ ਸਿਰਫ਼ ਕੰਟੈਂਟ ਨਹੀਂ, ਕਾਰੋਬਾਰ ਤੇ ਪਛਾਣ ਦੀ ਵੀ ਹੋਵੇਗੀ ਗੱਲ, 31 ਜੁਲਾਈ ਤੋਂ ਚੰਡੀਗੜ੍ਹ 'ਚ ਜਾਗਰਣ ਕ੍ਰਿਏਟਰਜ਼ ਲੈਂਸ ਸਮਿਟ-ਐਂਡ-ਐਵਾਰਡਜ਼
ਦੇਸ਼ ਦੀ ਤੇਜ਼ੀ ਨਾਲ ਉਭਰ ਰਹੀ ਕ੍ਰਿਏਟਰ ਇਕਾਨਮੀ ਦਾ ਵੱਡਾ ਕੇਂਦਰ ਅਗਲੇ ਹਫ਼ਤੇ ਚੰਡੀਗੜ੍ਹ ਬਣੇਗਾ। 31 ਜੁਲਾਈ ਅਤੇ 1 ਅਗਸਤ ਨੂੰ ਦਿ ਲਲਿਤ ਹੋਟਲ ਵਿਖੇ ਹੋਣ ਵਾਲੇ ਦੈਨਿਕ ਜਾਗਰਣ ਕ੍ਰਿਏਟਰਜ਼ ਲੈਂਸ ਸਮਿਟ ਐਂਡ ਐਵਾਰਡਜ਼ (ਸੀਐਲਐੱਸ) 2026-ਸੀਜ਼ਨ 2 ਵਿੱਚ ਦੇਸ਼ ਦੇ ਪ੍ਰਮੁੱਖ ਕੰਟੈਂਟ ਕ੍ਰਿਏਟਰ, ਸਟਾਰਟਅਪ ਸੰਸਥਾਪਕ, ਮੀਡੀਆ ਮਾਹਿਰ, ਤਕਨੀਕੀ ਵਿਸ਼ੇਸ਼ਗਿਆਨ, ਨਿਵੇਸ਼ਕ, ਮਾਰਕੀਟਿੰਗ ਲੀਡਰ ਅਤੇ ਨੀਤੀ ਨਿਰਮਾਤਾ ਇਕ ਮੰਚ 'ਤੇ ਇਕੱਠੇ ਹੋਣਗੇ।
Posted By Anuradha Bains
Publish Date: Tue, 28 Jul 2026 08:19 AM (IST)
Updated Date: Tue, 28 Jul 2026 08:22 AM (IST)
ਸਟੇਟ ਬਿਊਰੋ, ਪੰਜਾਬੀ ਜਾਗਰਣ, ਚੰਡੀਗੜ੍ਹ। ਦੇਸ਼ ਦੀ ਤੇਜ਼ੀ ਨਾਲ ਉਭਰ ਰਹੀ ਕ੍ਰਿਏਟਰ ਇਕਾਨਮੀ ਦਾ ਵੱਡਾ ਕੇਂਦਰ ਅਗਲੇ ਹਫ਼ਤੇ ਚੰਡੀਗੜ੍ਹ ਬਣੇਗਾ। 31 ਜੁਲਾਈ ਅਤੇ 1 ਅਗਸਤ ਨੂੰ ਦਿ ਲਲਿਤ ਹੋਟਲ ਵਿਖੇ ਹੋਣ ਵਾਲੇ ਦੈਨਿਕ ਜਾਗਰਣ ਕ੍ਰਿਏਟਰਜ਼ ਲੈਂਸ ਸਮਿਟ ਐਂਡ ਐਵਾਰਡਜ਼ (ਸੀਐਲਐੱਸ) 2026-ਸੀਜ਼ਨ 2 ਵਿੱਚ ਦੇਸ਼ ਦੇ ਪ੍ਰਮੁੱਖ ਕੰਟੈਂਟ ਕ੍ਰਿਏਟਰ, ਸਟਾਰਟਅਪ ਸੰਸਥਾਪਕ, ਮੀਡੀਆ ਮਾਹਿਰ, ਤਕਨੀਕੀ ਵਿਸ਼ੇਸ਼ਗਿਆਨ, ਨਿਵੇਸ਼ਕ, ਮਾਰਕੀਟਿੰਗ ਲੀਡਰ ਅਤੇ ਨੀਤੀ ਨਿਰਮਾਤਾ ਇਕ ਮੰਚ 'ਤੇ ਇਕੱਠੇ ਹੋਣਗੇ।
ਪਹਿਲੇ ਐਡੀਸ਼ਨ ਦੀ ਸਫ਼ਲਤਾ ਤੋਂ ਬਾਅਦ ਹੋ ਰਹੇ ਇਸ ਦੋ-ਰੋਜ਼ਾ ਸਮਾਗਮ ਦਾ ਕੇਂਦਰ ਸਿਰਫ਼ ਕੰਟੈਂਟ ਸਿਰਜਣਾ ਨਹੀਂ, ਸਗੋਂ ਕ੍ਰਿਏਟਰਾਂ ਦੀ ਉਦਯੋਗਪਤੀ, ਅਧਿਆਪਕ, ਕਹਾਣੀਕਾਰ, ਮਨੋਰੰਜਨਕਰਤਾ ਅਤੇ ਕਮਿਊਨਿਟੀ ਲੀਡਰ ਵਜੋਂ ਬਦਲ ਰਹੀ ਭੂਮਿਕਾ ਵੀ ਹੋਵੇਗੀ। ਇਸੇ ਲਈ ਇਸ ਵਾਰ ਸਮਿਟ ਦਾ ਥੀਮ 'ਕੰਟੈਂਟ, ਕਮਿਊਨਿਟੀ ਅਤੇ ਕਾਮਰਸ' ਰੱਖਿਆ ਗਿਆ ਹੈ।
ਸਮਿਟ ਦੌਰਾਨ ਮੁੱਖ ਭਾਸ਼ਣ, ਪੈਨਲ ਚਰਚਾਵਾਂ, ਫਾਇਰਸਾਈਡ ਗੱਲਬਾਤ, ਮਾਸਟਰ ਕਲਾਸਾਂ, ਨੈੱਟਵਰਕਿੰਗ ਸੈਸ਼ਨ ਅਤੇ ਜਾਗਰਣ ਕ੍ਰਿਏਟਰਜ਼ ਲੈਂਸ ਐਵਾਰਡਜ਼ 2026 ਕਰਵਾਏ ਜਾਣਗੇ। ਇਹ ਮੰਚ ਕ੍ਰਿਏਟਰਾਂ, ਬ੍ਰਾਂਡਾਂ, ਸਟਾਰਟਅਪਾਂ, ਏਜੰਸੀਆਂ ਅਤੇ ਉਦਯੋਗ ਜਗਤ ਨੂੰ ਵਿਚਾਰਾਂ ਦੀ ਸਾਂਝ, ਭਾਈਵਾਲੀ ਅਤੇ ਨਵੇਂ ਮੌਕਿਆਂ ਦੀ ਭਾਲ ਦਾ ਮੌਕਾ ਦੇਵੇਗਾ।
ਦੋ ਦਿਨਾਂ ਤੱਕ ਚੱਲਣ ਵਾਲੇ ਸਮਾਗਮ ਵਿੱਚ ਭਾਰਤ ਦੀ ਕ੍ਰਿਏਟਰ ਇਕਾਨਮੀ, ਆਰਟੀਫ਼ਿਸ਼ੀਅਲ ਇੰਟੈਲੀਜੈਂਸ ਆਧਾਰਿਤ ਕੰਟੈਂਟ ਸਿਰਜਣਾ, ਪਰਸਨਲ ਬ੍ਰਾਂਡਿੰਗ, ਕ੍ਰਿਏਟਰ ਉਦਯੋਗਪਤੀ, ਖੇਤਰੀ ਭਾਸ਼ਾਵਾਂ ਦੀ ਤਾਕਤ, ਕ੍ਰਿਏਟਰ-ਬ੍ਰਾਂਡ ਭਾਈਵਾਲੀ, ਮਹਿਲਾ ਅਗਵਾਈ ਵਾਲੇ ਕਾਰੋਬਾਰ, ਡੀ2ਸੀ ਬਿਜ਼ਨਸ, ਸੋਸ਼ਲ ਕਾਮਰਸ ਅਤੇ ਡਿਜ਼ੀਟਲ ਨਵੀਨਤਾ ਵਰਗੇ ਵਿਸ਼ਿਆਂ 'ਤੇ ਮੰਥਨ ਹੋਵੇਗਾ।
ਇਸ ਤੋਂ ਇਲਾਵਾ ਉਦਯੋਗ ਦੇ ਮਾਹਿਰਾਂ ਵੱਲੋਂ ਮਾਸਟਰ ਕਲਾਸਾਂ ਰਾਹੀਂ ਸਫ਼ਲ ਅਤੇ ਟਿਕਾਊ ਕ੍ਰਿਏਟਰ ਕਾਰੋਬਾਰ ਖੜ੍ਹਾ ਕਰਨ, ਰਚਨਾਤਮਕ ਸੋਚ ਵਿਕਸਿਤ ਕਰਨ, ਡਿਜ਼ੀਟਲ ਪਛਾਣ ਮਜ਼ਬੂਤ ਕਰਨ ਅਤੇ ਨਵੇਂ ਮੌਕਿਆਂ ਦਾ ਲਾਭ ਲੈਣ ਦੇ ਵਿਹਾਰਕ ਤਰੀਕੇ ਵੀ ਸਾਂਝੇ ਕੀਤੇ ਜਾਣਗੇ।
ਸਮਿਟ ਦਾ ਮੁੱਖ ਆਕਰਸ਼ਣ ਜਾਗਰਣ ਕ੍ਰਿਏਟਰਜ਼ ਲੈਂਸ ਐਵਾਰਡਜ਼ 2026 ਹੋਣਗੇ, ਜਿਨ੍ਹਾਂ ਰਾਹੀਂ ਕੰਟੈਂਟ ਸਿਰਜਣਾ, ਸਟੋਰੀਟੈਲਿੰਗ, ਉਦਯੋਗਪਤੀ, ਸਮਾਜਿਕ ਪ੍ਰਭਾਵ ਅਤੇ ਕਮਿਊਨਿਟੀ ਨਿਰਮਾਣ ਵਿੱਚ ਸ਼ਾਨਦਾਰ ਯੋਗਦਾਨ ਪਾਉਣ ਵਾਲੇ ਕ੍ਰਿਏਟਰਾਂ ਅਤੇ ਨਵੀਨਤਾਕਾਰਾਂ ਨੂੰ ਸਨਮਾਨਿਤ ਕੀਤਾ ਜਾਵੇਗਾ।
ਦੈਨਿਕ ਜਾਗਰਣ ਦੇ ਮੁੱਖ ਮਹਾਂਪ੍ਰਬੰਧਕ ਮੋਹਿੰਦਰ ਕੁਮਾਰ ਨੇ ਕਿਹਾ ਕਿ ਭਾਰਤ ਦੀ ਕ੍ਰਿਏਟਰ ਇਕਾਨਮੀ ਇੱਕ ਨਵੇਂ ਦੌਰ ਵਿੱਚ ਦਾਖ਼ਲ ਹੋ ਚੁੱਕੀ ਹੈ, ਜਿੱਥੇ ਕ੍ਰਿਏਟਰ ਸਿਰਫ਼ ਇਨਫਲੂਐਂਸਰ ਨਹੀਂ, ਸਗੋਂ ਨਵੀਨਤਾ, ਕਾਰੋਬਾਰ ਅਤੇ ਸਮਾਜਿਕ ਬਦਲਾਅ ਦੀ ਨਵੀਂ ਤਾਕਤ ਵਜੋਂ ਉਭਰ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਦੇਸ਼ ਦੇ ਪ੍ਰਮੁੱਖ ਕ੍ਰਿਏਟਰਾਂ, ਫ਼ਿਲਮਕਾਰਾਂ, ਕਲਾਕਾਰਾਂ, ਸਟਾਰਟਅਪ ਸੰਸਥਾਪਕਾਂ, ਮਾਰਕੀਟਿੰਗ ਮਾਹਿਰਾਂ, ਤਕਨੀਕੀ ਆਗੂਆਂ, ਮੀਡੀਆ ਪੇਸ਼ੇਵਰਾਂ ਅਤੇ ਨੀਤੀ ਨਿਰਮਾਤਾਵਾਂ ਦੀ ਮੌਜੂਦਗੀ ਇਸ ਸਮਾਗਮ ਨੂੰ ਭਾਰਤ ਦੀ ਕ੍ਰਿਏਟਰ ਇਕਾਨਮੀ ਦੇ ਸਭ ਤੋਂ ਮਹੱਤਵਪੂਰਨ ਆਯੋਜਨਾਂ ਵਿੱਚ ਸ਼ਾਮਲ ਕਰੇਗੀ।