ਵੱਡਾ ਫੈਸਲਾ : ਅਧਿਆਪਕਾ ਨੇ ਪੈਨਸ਼ਨ ਲਈ ਲਗਾਤਾਰ 32 ਸਾਲ ਲੜੀ ਅਦਾਲਤੀ ਲੜਾਈ, ਹਾਈ ਕੋਰਟ ਨੇ ਸੁਣਾਇਆ ਹੱਕ 'ਚ ਫੈਸਲਾ

ਜਸਟਿਸ ਹਰਕੇਸ਼ ਮਨੂਜਾ ਨੇ ਸੁਰੇਖਾ ਕੁਮਾਰੀ ਦੀ ਸਾਲ 1994 ਤੋਂ ਅਦਾਲਤ 'ਚ ਲੰਬਿਤ ਨਿਯਮਿਤ ਦੂਜੀ ਅਪੀਲ ਨੂੰ ਮਨਜ਼ੂਰ ਕਰਦਿਆਂ ਇਹ ਫ਼ੈਸਲਾ ਸੁਣਾਇਆ। ਅਦਾਲਤ ਨੇ ਉਨ੍ਹਾਂ ਦੀ ਮੁੱਢਲੀ ਨਿਯੁਕਤੀ ਦੀ ਤਾਰੀਖ ਤੋਂ ਸੇਵਾ ਦੀ ਗਣਨਾ ਕਰਦਿਆਂ ਸੀਨੀਆਰਤਾ, ਤਨਖ਼ਾਹ ਦੀ ਮੁੜ ਨਿਰਧਾਰਤਾ ਅਤੇ ਪੈਨਸ਼ਨ ਸਬੰਧੀ ਲਾਭ ਦੇਣ ਦੇ ਨਿਰਦੇਸ਼ ਦਿੱਤੇ। ਅਦਾਲਤ ਨੇ ਹੇਠਲੀ ਅਪੀਲੀ ਅਦਾਲਤ ਦੇ ਫ਼ੈਸਲੇ ਨੂੰ ਰੱਦ ਕਰਦਿਆਂ ਸਾਰੇ ਲਾਭ ਸੱਤ ਫ਼ੀਸਦੀ ਸਾਲਾਨਾ ਵਿਆਜ ਸਮੇਤ ਦੇਣ ਦਾ ਹੁਕਮ ਦਿੱਤਾ। ਇਹ ਭੁਗਤਾਨ ਹੁਕਮ ਪ੍ਰਾਪਤ ਹੋਣ ਦੇ ਦੋ ਮਹੀਨਿਆਂ ਦੇ ਅੰਦਰ ਕਰਨਾ ਹੋਵੇਗਾ। ਹਾਲਾਂਕਿ, ਕੋਰਟ ਨੇ ਕਿਹਾ ਕਿ ਜਿਸ ਸਮੇਂ ਦੌਰਾਨ ਉਹ ਡਿਊਟੀ ਤੋਂ ਗੈਰਹਾਜ਼ਰ ਰਹੀ, ਉਸ ਮਿਆਦ ਦੀ ਤਨਖ਼ਾਹ ਦੇ ਬਕਾਏ ਦਾ ਭੁਗਤਾਨ ਨਹੀਂ ਕੀਤਾ ਜਾਵੇਗਾ।