ਲੋਕ ਹਿੱਤ ਮਿਸ਼ਨ ਦੀ ਵੱਡੀ ਅਪੀਲ: ਬੀਬੀ ਖਾਲੜਾ ਨੂੰ ਖਰੜ ਹਲਕੇ ਤੋਂ ਚੋਣ ਲੜਨ ਦਾ ਦਿੱਤਾ ਸੱਦਾ, ਖਰੜ ਦੇ ਵੋਟਰ ਬੀਬੀ ਨੂੰ ਜਿਤਾ ਕੇ ਭੇਜਣਗੇ ਵਿਧਾਨ ਸਭਾ

ਸ਼੍ਰੀ ਗਣੇਸ਼, ਪੰਜਾਬੀ ਜਾਗਰਣ, ਮਾਜਰੀ। ਲੋਕ ਹਿੱਤ ਮਿਸ਼ਨ ਬੀਕੇਯੂ ਪੰਜਾਬ ਨੇ ਐਲਾਨ ਕੀਤਾ ਹੈ ਕਿ ਬੀਬੀ ਖਾਲੜਾ ਜੇਕਰ ਪੰਥਕ ਜਥੇਬੰਦੀਆਂ ਵੱਲੋਂ ਹਲਕਾ ਖਰੜ ਤੋਂ ਚੋਣ ਲੜਨਾ ਚਾਹੁੰਣ ਤਾਂ ਉਹ ਸਾਰੇ ਦਾਅਵੇ ਛੱਡ ਕੇ ਉਨ੍ਹਾਂ ਦੀ ਜਿੱਤ ਲਈ ਦਿਨ-ਰਾਤ ਕਾਫ਼ਲੇ ਬਣਾ ਕੇ ਚੱਲਣਗੇ।

ਇਸ ਸਬੰਧੀ ਮਿਸ਼ਨ ਆਗੂ ਸੁਖਦੇਵ ਸਿੰਘ ਸੁੱਖਾ ਕੰਸਾਲਾ, ਗੁਰਮੀਤ ਸਿੰਘ ਸ਼ਾਂਟੂ, ਰਵਿੰਦਰ ਸਿੰਘ ਬਜੀਦਪੁਰ, ਭਗਤ ਸਿੰਘ ਭਗਤ ਮਾਜਰਾ, ਮਨਦੀਪ ਸਿੰਘ ਖਿਜ਼ਰਾਬਾਦ ਅਤੇ ਗੁਰਸ਼ਰਨ ਸਿੰਘ ਨੱਗਲ ਨੇ ਕਿਹਾ ਕਿ ਭਾਈ ਜਸਵੰਤ ਸਿੰਘ ਖਾਲੜਾ ਨਾਲ ਹੋਏ ਅਨਿਆਂ ਅਤੇ ਸ਼ਹੀਦੀ ਦੇ ਇਨਸਾਫ਼ ਲਈ ਫ਼ਿਲਮ ਸਤਲੁਜ ਨਾਲ ਸਿੱਖਾਂ ਅਤੇ ਮਨੁੱਖੀ ਅਧਿਕਾਰਾਂ ਦੇ ਹਾਮੀ ਲੋਕਾਂ 'ਚ ਮੁੜ ਲਹਿਰ ਖੜ੍ਹੀ ਹੋਈ ਹੈ।