ਪੈਨਸ਼ਨ 'ਤੇ ਹਾਈ ਕੋਰਟ ਦਾ ਇਤਿਹਾਸਕ ਫੈਸਲਾ: ਨਿਯਮਾਂ ਦਾ ਹਵਾਲਾ ਦੇ ਕੇ ਨਹੀਂ ਖੋਹੇ ਜਾ ਸਕਦੇ ਮੁਲਾਜ਼ਮਾਂ ਦੇ ਹੱਕ

ਮਾਮਲੇ ਦੇ ਅਨੁਸਾਰ, ਲੁਧਿਆਣਾ ਦੇ ਰਹਿਣ ਵਾਲੇ ਹਰਦਿਆਲ ਸਿੰਘ ਨੇ 31 ਅਗਸਤ 1953 ਤੋਂ 30 ਸਤੰਬਰ 1957 ਤੱਕ ਜ਼ਿਲ੍ਹਾ ਬੋਰਡ ਦੇ ਸਕੂਲਾਂ 'ਚ ਸੇਵਾ ਨਿਭਾਈ ਸੀ। 1 ਅਕਤੂਬਰ 1957 ਨੂੰ ਇਨ੍ਹਾਂ ਸਕੂਲਾਂ ਦਾ ਪੰਜਾਬ ਸਰਕਾਰ 'ਚ ਰਲੇਵਾਂ ਹੋਣ ਤੋਂ ਬਾਅਦ ਉਹ ਸਰਕਾਰੀ ਕਰਮਚਾਰੀ ਬਣ ਗਏ। 30 ਜੂਨ 1986 ਨੂੰ ਸਰਕਾਰੀ ਹਾਈ ਸਕੂਲ, ਧਰਮਪੁਰਾ ਤੋਂ ਹੈੱਡਮਾਸਟਰ ਦੇ ਅਹੁਦੇ ਤੋਂ ਸੇਵਾਮੁਕਤ ਹੋਣ 'ਤੇ, ਉਨ੍ਹਾਂ ਦੇ ਸੇਵਾਮੁਕਤੀ ਲਾਭ ਨਿਰਧਾਰਤ ਕਰਦੇ ਸਮੇਂ ਜ਼ਿਲ੍ਹਾ ਬੋਰਡ ਦੀ ਸੇਵਾ ਮਿਆਦ ਨੂੰ ਨਹੀਂ ਜੋੜਿਆ ਗਿਆ। ਇਸ ਕਾਰਨ ਉਨ੍ਹਾਂ ਨੂੰ ਪੈਨਸ਼ਨ, ਗ੍ਰੈਚੁਟੀ, ਛੁੱਟੀ ਦੀ ਨਕਦੀ, ਜਨਰਲ ਪ੍ਰੋਵੀਡੈਂਟ ਫੰਡ, ਹੈੱਡਮਾਸਟਰ ਗ੍ਰੇਡ ਦੇ ਲਾਭ ਅਤੇ ਹੋਰ ਸੇਵਾਮੁਕਤੀ ਲਾਭਾਂ ਦਾ ਪੂਰਾ ਭੁਗਤਾਨ ਨਹੀਂ ਮਿਲਿਆ।