ਕਾਂਗਰਸ ਦਾ ਅੰਦਰੂਨੀ ਕਲੇਸ਼: ਗੁੱਟਬਾਜ਼ੀ ਹੇਠਲੇ ਪੱਧਰ ਤੇ, ਕੀ ਕਿਸੇ ਵੱਡੇ ਲੀਡਰ ਦੀ ਹੋਵੇਗੀ ਬਲੀ, ਆਪਸੀ ਫੁੱਟ ਨੇ ਪਹੁੰਚਾਈ ਹਾਈਕਮਾਂਡ ਨੂੰ ਚਿੰਤਾ ’ਚ

ਹੈਰਾਨੀ ਦੀ ਗੱਲ ਹੈ ਇਹ ਸਭ ਕੁਝ ਪੰਜਾਬ ਕਾਂਗਰਸ ਦੇ ਮਾਮਲਿਆਂ ਦੇ ਇੰਚਾਰਜ ਭੂਪੇਸ਼ ਬਘੇਲ ਦੀ ਮੌਜੂਦਗੀ ਵਿਚ ਹੋਇਆ। ਬਘੇਲ ਦੇ ਸਾਹਮਣੇ ਵਰਕਰਾਂ ਨੇ ਅਨੁਸ਼ਾਸਨ ਦੀਆਂ ਸਾਰੀਆਂ ਹੱਦਾਂ ਪਾਰ ਕਰ ਦਿੱਤੀਆ। ਪਟਿਆਲਾ ਅਤੇ ਸੰਗਰੂਰ ਦੀਆਂ ਘਟਨਾਵਾਂ ਤੋਂ ਇਹ ਸਾਫ਼ ਝਲਕਦਾ ਹੈ ਕਿ ਪਾਰਟੀ ਦੇ ਅੰਦਰ ਧੜੇਬੰਦੀ ਕਿਸ ਕਦਰ ਹਾਵੀ ਹੋ ਚੁੱਕੀ ਹੈ। ਵਰਕਰਾਂ ਦਾ ਦੋਸ਼ ਹੈ ਕਿ ਸਥਾਨਕ ਪੱਧਰ 'ਤੇ ਉਨ੍ਹਾਂ ਦੀ ਸੁਣਵਾਈ ਨਹੀਂ ਹੋ ਰਹੀ ਅਤੇ ਪਾਰਟੀ ਵਿਚ ਸਿਰਫ਼ ਖ਼ਾਸ ਧੜਿਆਂ ਨੂੰ ਹੀ ਤਰਜੀਹ ਦਿੱਤੀ ਜਾ ਰਹੀ ਹੈ। ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨੇ ਵਰਕਰਾਂ ਨੂੰ ਸ਼ਾਂਤ ਕਰਨ ਦਾ ਯਤਨ ਵੀ ਕੀਤਾ ਪਰ ਵਰਕਰ ਵਿਰੋਧ ਕਰਦੇ ਰਹੇ।