ਚੰਡੀਗੜ੍ਹ ਤੋਂ ਸ਼ਾਰਜਾਹ-ਅਬੂ ਧਾਬੀ ਦਾ ਸਫ਼ਰ ਹੋਵੇਗਾ ਆਸਾਨ, 3 ਸਾਲ ਬਾਅਦ ਮੁੜ ਸ਼ੁਰੂ ਹੋਣਗੀਆਂ ਉਡਾਣਾਂ; ਜਾਣੋ ਪੂਰਾ ਸ਼ਡਿਊਲ

ਸ਼ਡਿਊਲ ਮੁਤਾਬਕ, ਚੰਡੀਗੜ੍ਹ ਤੋਂ ਦੁਪਹਿਰ 1:50 ਵਜੇ ਉਡਾਣ ਰਵਾਨਾ ਹੋ ਕੇ ਸ਼ਾਰਜਾਹ ਦੇ ਸਥਾਨਕ ਸਮੇਂ ਅਨੁਸਾਰ ਸ਼ਾਮ 4:50 ਵਜੇ ਪਹੁੰਚੇਗੀ। ਵਾਪਸੀ ’ਚ ਸ਼ਾਰਜਾਹ ਤੋਂ ਸ਼ਾਮ 5:50 ਵਜੇ ਉਡਾਣ ਭਰ ਕੇ ਰਾਤ 11:05 ਵਜੇ ਚੰਡੀਗੜ੍ਹ ਪਹੁੰਚੇਗੀ। ਇਸ ਰੂਟ ’ਤੇ ਫਲੈਕਸੀ ਕਿਰਾਏ ਦੇ ਆਧਾਰ ’ਤੇ ਟਿਕਟ ਦੀ ਕੀਮਤ ਲਗਭਗ 23,169 ਰੁਪਏ ਦੱਸੀ ਗਈ ਹੈ। ਉੱਥੇ ਹੀ, ਦੂਜੀ ਉਡਾਣ ਚੰਡੀਗੜ੍ਹ ਤੋਂ ਸਵੇਰੇ 11:59 ਵਜੇ ਰਵਾਨਾ ਹੋ ਕੇ ਅਬੂ ਧਾਬੀ ਦੇ ਸਥਾਨਕ ਸਮੇਂ ਅਨੁਸਾਰ ਦੁਪਹਿਰ 3 ਵਜੇ ਪਹੁੰਚੇਗੀ। ਵਾਪਸੀ ’ਚ ਅਬੂ ਧਾਬੀ ਤੋਂ ਸਵੇਰੇ 4:30 ਵਜੇ ਉਡਾਣ ਭਰ ਕੇ ਸਵੇਰੇ 9:40 ਵਜੇ ਚੰਡੀਗੜ੍ਹ ਪਹੁੰਚੇਗੀ। ਇਸ ਰੂਟ ’ਤੇ ਫਲੈਕਸੀ ਕਿਰਾਏ ਦੇ ਆਧਾਰ ’ਤੇ ਟਿਕਟ ਦੀ ਕੀਮਤ ਲਗਭਗ 21,150 ਰੁਪਏ ਦੱਸੀ ਗਈ ਹੈ।