- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਚੰਡੀਗੜ੍ਹ ਰੇਲਵੇ ਸਟੇਸ਼ਨ ’ਤੇ ਪਲੇਟਫਾਰਮ 1-2 ਅੱਜ ਤੋਂ ਬੰਦ, ਸ਼ਤਾਬਦੀ ਐਕਸਪ੍ਰੈੱਸ ਤੇ ਵੰਦੇ ਭਾਰਤ ਨੂੰ ਕੀਤਾ ਗਿਆ ਡਾਇਵਰਟ
ਚੰਡੀਗੜ੍ਹ ਰੇਲਵੇ ਸਟੇਸ਼ਨ ਦੇ ਪੁਨਰਵਿਕਾਸ ਕੰਮ ਕਾਰਨ 4 ਤੋਂ 15 ਅਕਤੂਬਰ ਤੱਕ ਪਲੇਟਫਾਰਮ 1 ਤੇ 2 ਬੰਦ ਰਹਿਣਗੇ। ਇਸ ਕਾਰਨ ਵੰਦੇ ਭਾਰਤ ਤੇ ਸ਼ਤਾਬਦੀ ਐਕਸਪ੍ਰੈੱਸ ਸਮੇਤ ਕਈ ਟਰੇਨਾਂ ਨੂੰ ਹੋਰ ਪਲੇਟਫਾਰਮਾਂ ’ਤੇ ਡਾਇਵਰਟ ਕੀਤਾ ਜਾਵੇਗਾ।
Posted By Paramjit Kaur
Publish Date: Sat, 03 Oct 2026 04:21 PM (IST)
Updated Date: Sat, 03 Oct 2026 04:23 PM (IST)
ਜਾਗਰਣ ਸੰਵਾਦਦਾਤਾ, ਚੰਡੀਗੜ੍ਹ : ਚੰਡੀਗੜ੍ਹ ਰੇਲਵੇ ਸਟੇਸ਼ਨ ਦੇ ਪੁਨਰਵਿਕਾਸ ਕੰਮ ਕਾਰਨ ਸ਼ੁੱਕਰਵਾਰ ਤੋਂ ਪਲੇਟਫਾਰਮ ਨੰਬਰ 1 ਤੇ 2 ਬੰਦ ਹੋ ਜਾਣਗੇ। ਦੋਵੇਂ ਪਲੇਟਫਾਰਮ 4 ਤੋਂ 15 ਅਕਤੂਬਰ ਤੱਕ ਬੰਦ ਰਹਿਣਗੇ। ਇਸ ਦੌਰਾਨ ਇੱਥੇ ਆਉਣ ਵਾਲੀਆਂ ਵੰਦੇ ਭਾਰਤ ਤੇ ਸ਼ਤਾਬਦੀ ਐਕਸਪ੍ਰੈੱਸ ਸਮੇਤ ਹੋਰ ਟਰੇਨਾਂ ਨੂੰ ਦੂਜੇ ਪਲੇਟਫਾਰਮਾਂ ’ਤੇ ਸ਼ਿਫਟ ਕੀਤਾ ਜਾਵੇਗਾ।
ਯਾਤਰੀਆਂ ਨੂੰ ਟਰੇਨ ਫੜਨ ਤੋਂ ਪਹਿਲਾਂ ਪਲੇਟਫਾਰਮ ਦੀ ਜਾਣਕਾਰੀ ਜ਼ਰੂਰ ਚੈੱਕ ਕਰਨ ਦੀ ਸਲਾਹ ਦਿੱਤੀ ਗਈ ਹੈ। ਆਰਐਲਡੀਏ ਵੱਲੋਂ ਸਟੇਸ਼ਨ ਦੇ ਅਪਗ੍ਰੇਡੇਸ਼ਨ ਲਈ ਪੜਾਅਵਾਰ ਤਰੀਕੇ ਨਾਲ ਪਾਵਰ ਤੇ ਟ੍ਰੈਫਿਕ ਬਲਾਕ ਲਏ ਜਾ ਰਹੇ ਹਨ। 10 ਤੋਂ 21 ਸਤੰਬਰ ਤੱਕ ਪਲੇਟਫਾਰਮ 5 ਤੇ 6 ਬੰਦ ਕੀਤੇ ਗਏ ਸਨ।
ਇਸ ਤੋਂ ਬਾਅਦ 22 ਸਤੰਬਰ ਤੋਂ 3 ਅਕਤੂਬਰ ਤੱਕ ਪਲੇਟਫਾਰਮ 3 ਤੇ 4 ’ਤੇ ਕੰਮ ਚੱਲਿਆ। ਹੁਣ 4 ਤੋਂ 15 ਅਕਤੂਬਰ ਤੱਕ ਪਲੇਟਫਾਰਮ 1 ਤੇ 2 ’ਤੇ ਟੀਐਫਸੀ-ਓਐਚਈ ਬਲਾਕ ਲੈ ਕੇ ਬੈਲੈਂਸ ਗਰਡਰ ਦੀ ਇਰੇਕਸ਼ਨ/ਲਾਂਚਿੰਗ ਤੇ ਮੌਜੂਦਾ ਐਫਓਬੀ ਦੇ ਗਰਡਰ ਹਟਾਉਣ ਦਾ ਕੰਮ ਕੀਤਾ ਜਾਵੇਗਾ।
ਇਸ ਦੌਰਾਨ ਪਲੇਟਫਾਰਮ 3, 4, 5 ਤੇ 6 ਤੋਂ ਟਰੇਨਾਂ ਦਾ ਸੰਚਾਲਨ ਕੀਤਾ ਜਾਵੇਗਾ। ਰੇਲਵੇ ਮੁਤਾਬਕ ਬਲਾਕ ਕਾਰਨ ਕੁਝ ਟਰੇਨਾਂ ਦੇ ਪਲੇਟਫਾਰਮ ਬਦਲੇ ਜਾਣਗੇ, ਜਦਕਿ ਕੁਝ ਟਰੇਨਾਂ ਰੱਦ ਜਾਂ ਸ਼ਾਰਟ ਟਰਮੀਨੇਟ ਰਹਿਣਗੀਆਂ।
12 ਟਰੇਨਾਂ ਪਹਿਲਾਂ ਹੀ ਕੀਤੀਆਂ ਜਾ ਚੁੱਕੀਆਂ ਰੱਦ
ਬਲਾਕ ਕਾਰਨ 14331/14332, 54532/54531, 14541/14542, 14630/14629, 74646/74991, 74992/74645 ਸਮੇਤ 12 ਟਰੇਨਾਂ ਨੂੰ 10 ਸਤੰਬਰ ਤੋਂ 15 ਅਕਤੂਬਰ ਵਿਚਕਾਰ ਵੱਖ-ਵੱਖ ਮਿਆਦ ਲਈ ਰੱਦ ਕੀਤਾ ਗਿਆ ਹੈ। ਸਿਰਫ਼ ਇਨ੍ਹਾਂ ਰੱਦ ਟਰੇਨਾਂ ਦੇ 442 ਫੇਰੇ ਪ੍ਰਭਾਵਿਤ ਹੋਣ ਕਾਰਨ ਰੋਜ਼ਾਨਾ ਸਫ਼ਰ ਕਰਨ ਵਾਲੇ ਯਾਤਰੀਆਂ ਨੂੰ ਬਦਲਵੀਂ ਟਰੇਨਾਂ ਦੀ ਭਾਲ ਕਰਨੀ ਪਵੇਗੀ।
ਕੁਝ ਟਰੇਨਾਂ ਚੰਡੀਗੜ੍ਹ ਪਹੁੰਚਣ ਤੋਂ ਪਹਿਲਾਂ ਹੀ ਹੋਣਗੀਆਂ ਖ਼ਤਮ
15063/15064 (ਆਰਐਮਆਰ-ਸੀਡੀਜੀ) ਦੀਆਂ ਕੁਝ ਯਾਤਰਾਵਾਂ ਅੰਬਾਲਾ ’ਚ ਹੀ ਖ਼ਤਮ/ਸ਼ੁਰੂ ਹੋਣਗੀਆਂ। ਇਸੇ ਤਰ੍ਹਾਂ 12983/12984 (ਏਆਈਆਈ-ਸੀਡੀਜੀ) ਤੇ 20989/20990 (ਯੂਡੀਜੈੱਡ-ਸੀਡੀਜੀ) ਦੇ ਨਿਰਧਾਰਤ ਰੂਟ ਵਿੱਚ ਵੀ ਬਦਲਾਅ ਕੀਤਾ ਗਿਆ ਹੈ। ਇਨ੍ਹਾਂ ਟਰੇਨਾਂ ਦੇ ਕੁਝ ਫੇਰੇ ਚੰਡੀਗੜ੍ਹ ਤੱਕ ਨਾ ਜਾ ਕੇ ਅੰਬਾਲਾ ’ਚ ਹੀ ਖ਼ਤਮ ਹੋਣਗੇ।