ਪ੍ਰਾਪਰਟੀ ਟੈਕਸ ਦਾਇਰ ਕਰਨ ਵਾਲਿਆਂ ਨੂੰ ਵੱਡਾ ਝਟਕਾ: ਅੱਜ ਤੋਂ ਲੱਗੇਗੀ 25% ਪੈਨਲਟੀ ਅਤੇ 12% ਵਿਆਜ
ਪ੍ਰਾਪਰਟੀ ਟੈਕਸ ਜਮ੍ਹਾਂ ਨਾ ਕਰਨ ਵਾਲਿਆਂ ਨਾਲ ਨਗਰ ਨਿਗਮ ਹੁਣ ਸਖਤੀ ਨਾਲ ਨਜਿੱਠੇਗਾ। ਅੱਜ ਤੋਂ ਅਜਿਹੇ ਟੈਕਸ ਦੇਣ ਵਾਲਿਆਂ ਤੋਂ 25 ਫ਼ੀਸਦੀ ਪੈਨਲਟੀ ਅਤੇ 12 ਫ਼ੀਸਦੀ ਵਿਆਜ ਵੀ ਵਸੂਲ ਕੀਤਾ ਜਾਵੇਗਾ। ਇਸ ਤੋਂ ਇਲਾਵਾ ਪਹਿਲੀ ਅਪ੍ਰੈਲ ਤੋਂ 31 ਮਈ ਤੱਕ ਜੋ 20 ਫ਼ੀਸਦੀ ਟੈਕਸ ਛੋਟ ਦਾ ਲਾਭ ਮਿਲ ਰਿਹਾ ਸੀ, ਉਹ ਵੀ ਹੁਣ ਨਹੀਂ ਮਿਲੇਗਾ। ਇਸ ਛੋਟ ਦੌਰਾਨ ਨਗਰ ਨਿਗਮ ਨੇ ਲਗਪਗ 50 ਕਰੋੜ ਰੁਪਏ ਦਾ ਪ੍ਰਾਪਰਟੀ ਟੈਕਸ ਇਕੱਠਾ ਕੀਤਾ ਹੈ।
Posted By Anuradha Bains
Publish Date: Mon, 01 Jun 2026 12:24 PM (IST)
Updated Date: Mon, 01 Jun 2026 12:28 PM (IST)
ਜਾ.ਸ., ਚੰਡੀਗੜ੍ਹ। ਪ੍ਰਾਪਰਟੀ ਟੈਕਸ ਜਮ੍ਹਾਂ ਨਾ ਕਰਨ ਵਾਲਿਆਂ ਨਾਲ ਨਗਰ ਨਿਗਮ ਹੁਣ ਸਖਤੀ ਨਾਲ ਨਜਿੱਠੇਗਾ। ਅੱਜ ਤੋਂ ਅਜਿਹੇ ਟੈਕਸ ਦੇਣ ਵਾਲਿਆਂ ਤੋਂ 25 ਫ਼ੀਸਦੀ ਪੈਨਲਟੀ ਅਤੇ 12 ਫ਼ੀਸਦੀ ਵਿਆਜ ਵੀ ਵਸੂਲ ਕੀਤਾ ਜਾਵੇਗਾ। ਇਸ ਤੋਂ ਇਲਾਵਾ ਪਹਿਲੀ ਅਪ੍ਰੈਲ ਤੋਂ 31 ਮਈ ਤੱਕ ਜੋ 20 ਫ਼ੀਸਦੀ ਟੈਕਸ ਛੋਟ ਦਾ ਲਾਭ ਮਿਲ ਰਿਹਾ ਸੀ, ਉਹ ਵੀ ਹੁਣ ਨਹੀਂ ਮਿਲੇਗਾ। ਇਸ ਛੋਟ ਦੌਰਾਨ ਨਗਰ ਨਿਗਮ ਨੇ ਲਗਪਗ 50 ਕਰੋੜ ਰੁਪਏ ਦਾ ਪ੍ਰਾਪਰਟੀ ਟੈਕਸ ਇਕੱਠਾ ਕੀਤਾ ਹੈ।
ਐਤਵਾਰ ਨੂੰ ਛੁੱਟੀ ਦੇ ਦਿਨ ਵੀ ਬਹੁਤ ਸਾਰੇ ਟੈਕਸ ਦੇਣ ਵਾਲੇ ਛੋਟ ਦਾ ਫਾਇਦਾ ਉਠਾਉਣ ਲਈ ਆਪਣੇ ਟੈਕਸ ਜਮ੍ਹਾਂ ਕਰਨ ਸੰਪਰਕ ਕੇਂਦਰਾਂ ਅਤੇ ਨਿਗਮ ਦਫਤਰਾਂ ਵਿਚ ਪਹੁੰਚੇ। ਹਾਲਾਂਕਿ ਹਾਲੇ ਵੀ ਕਈ ਹਜ਼ਾਰ ਪ੍ਰਾਪਰਟੀ ਟੈਕਸ ਦੇਣ ਵਾਲੇ ਹਨ, ਜਿਨ੍ਹਾਂ ਨੇ ਆਪਣਾ ਟੈਕਸ ਜਮ੍ਹਾਂ ਨਹੀਂ ਕੀਤਾ। ਪਹਿਲੀ ਅਪ੍ਰੈਲ ਤੋਂ 31 ਮਈ ਤੱਕ ਨਿਗਮ ਨੇ ਰਿਹਾਇਸ਼ੀ ਪ੍ਰਾਪਰਟੀ ਟੈਕਸ ਦੇਣ ਵਾਲਿਆਂ ਨੂੰ 20 ਫ਼ੀਸਦੀ ਅਤੇ ਵਪਾਰਕਾਂ ਨੂੰ 10 ਫ਼ੀਸਦੀ ਦੀ ਛੋਟ ਦਿੱਤੀ ਸੀ।
ਇਸ ਛੋਟ ਦਾ ਫਾਇਦਾ ਲਗਪਗ 65 ਹਜ਼ਾਰ ਪ੍ਰਾਪਰਟੀ ਟੈਕਸ ਦੇਣ ਵਾਲਿਆਂ ਨੇ ਉਠਾਇਆ ਅਤੇ ਆਪਣਾ ਪ੍ਰਾਪਰਟੀ ਟੈਕਸ ਜਮ੍ਹਾਂ ਕਰਵਾਇਆ।
90 ਕਰੋੜ ਦਾ ਟੀਚਾ, ਹਾਲੇ ਵੀ ਇਸ ਤੋਂ ਦੂਰ
ਨਿਗਮ ਨੇ ਪਿਛਲੇ ਸਾਲ 87.91 ਕਰੋੜ ਰੁਪਏ ਦਾ ਟੈਕਸ ਇਕੱਠਾ ਕੀਤਾ ਸੀ। ਇਸ ਵਿਚ ਪੀਜੀਆਈ, ਪੀਯੂ, ਰੇਲਵੇ ਵਰਗੇ ਸੰਸਥਾਨਾਂ ਤੋਂ ਪਿਛਲੇ ਸਾਲਾਂ ਦਾ ਬਕਾਇਆ ਵੀ ਸ਼ਾਮਲ ਸੀ। ਇਸ ਵਿੱਤੀ ਸਾਲ ਵਿਚ ਨਿਗਮ ਨੇ ਪ੍ਰਾਪਰਟੀ ਟੈਕਸ ਤੋਂ 90 ਕਰੋੜ ਰੁਪਏ ਇਕੱਠੇ ਕਰਨ ਦਾ ਟੀਚਾ ਰੱਖਿਆ ਹੈ। ਹਾਲਾਂਕਿ ਇਸ ਅੰਕੜੇ ਤੋਂ ਨਿਗਮ ਕਾਫੀ ਦੂਰ ਹੈ। ਇਸ ਵਾਰ ਖੇਤਰ ਵੀ ਪਿਛਲੇ ਸਾਲ ਦੀ ਤਰ੍ਹਾਂ ਨਹੀਂ ਆ ਰਿਹਾ।
ਇਸ ਤਰ੍ਹਾਂ ਟੀਚਾ ਪ੍ਰਾਪਤ ਕਰਨਾ ਵੱਡੀ ਚੁਣੌਤੀ ਰਹੇਗਾ। ਅਪ੍ਰੈਲ ਤੋਂ ਮਈ ਤੱਕ ਦੇ ਤਿੰਨ ਮਹੀਨਿਆਂ ਦੇ ਛੋਟ ਵਾਲੇ ਸਮੇਂ ਵਿਚ ਨਿਗਮ ਨੇ 50 ਕਰੋੜ ਇਕੱਠੇ ਕਰ ਲਏ ਹਨ। ਨਿਗਮ ਦੇ ਅਧਿਕਾਰੀਆਂ ਨੂੰ ਉਮੀਦ ਹੈ ਕਿ ਇਸ ਵਾਰ ਰਿਕਾਰਡ ਪ੍ਰਾਪਰਟੀ ਟੈਕਸ ਜਮ੍ਹਾਂ ਹੋਵੇਗਾ। ਪ੍ਰਾਪਰਟੀ ਟੈਕਸ ਨਿਗਮ ਲਈ ਮਾਲੀਆ ਦਾ ਮੁੱਖ ਸਰੋਤ ਹੈ।
1.20 ਲੱਖ ਮਾਲਕਾਂ ਨੂੰ ਜਾਰੀ ਕੀਤੀ ਸੂਚਨਾ
ਨਗਰ ਨਿਗਮ ਨੇ ਪ੍ਰਾਪਰਟੀ ਟੈਕਸ ਜਮ੍ਹਾਂ ਕਰਨ ਲਈ ਲਗਪਗ 1.20 ਲੱਖ ਜਾਇਦਾਦ ਮਾਲਕਾਂ ਨੂੰ ਸੂਚਨਾ ਜਾਰੀ ਕੀਤੀ ਸੀ। ਨਿਗਮ ਦੇ ਕੁੱਲ 1.42 ਲੱਖ ਕਰਦਾਤਾ ਹਨ। ਇਨ੍ਹਾਂ ਵਿਚ 1.12 ਲੱਖ ਰਿਹਾਇਸ਼ੀ ਅਤੇ ਲਗਪਗ 30 ਹਜ਼ਾਰ ਵਪਾਰਕ ਕਰਦਾਤਾ ਸ਼ਾਮਲ ਹਨ।
ਡਿਫਾਲਟਰਾਂ ਦੀ ਜਾਇਦਾਦ ਅਟੈਚ ਹੋਵੇਗੀ
ਨਗਰ ਨਿਗਮ ਨੇ ਪਿਛਲੇ ਸਾਲ ਪ੍ਰਾਪਰਟੀ ਟੈਕਸ ਨੂੰ ਲੈ ਕੇ ਕਾਫੀ ਸਖਤੀ ਵਰਤੀ ਸੀ। ਪਾਣੀ ਦੇ ਕੁਨੈਕਸ਼ਨ ਕੱਟਣ ਅਤੇ ਜਾਇਦਾਦ ਅਟੈਚ ਕਰਨ ਵਰਗੀਆਂ ਕਾਰਵਾਈਆਂ ਇਸ ਵਿਚ ਸ਼ਾਮਲ ਸਨ। ਇਸ ਵਾਰ ਵੀ ਨਿਗਮ ਅਜਿਹੇ ਸਖਤ ਕਦਮ ਡਿਫਾਲਟਰਾਂ ਖ਼ਿਲਾਫ਼ ਉਠਾਏਗਾ। ਇਹ ਕਾਰਵਾਈ ਫੇਜ਼ ਵਾਈਜ਼ ਹੋਵੇਗੀ। ਪਹਿਲਾਂ 50 ਹਜ਼ਾਰ ਰੁਪਏ ਤੋਂ ਵੱਧ ਦੇ ਟੈਕਸ ਡਿਫਾਲਟਰਾਂ ਨੂੰ ਕਾਰਵਾਈ ਦੀਆਂ ਸੂਚਨਾਵਾਂ ਭੇਜੀਆਂ ਜਾਣਗੀਆਂ। ਇਸ ਤੋਂ ਬਾਅਦ 30 ਹਜ਼ਾਰ ਅਤੇ ਫਿਰ 20 ਹਜ਼ਾਰ ਤੋਂ ਵੱਧ ਦੇ ਟੈਕਸ ਡਿਫਾਲਟਰਾਂ ’ਤੇ ਕਾਰਵਾਈ ਹੋਵੇਗੀ।