- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਚੰਡੀਗੜ੍ਹ ’ਚ SD ਕਾਲਜ ਦੇ ਬਾਹਰ ਹੋਣੀ ਸੀ ਹਥਿਆਰਾਂ ਦੀ ਡੀਲ, ਕਾਲੇ ਸ਼ੀਸ਼ੇ ਲੱਗੀ ਐਂਡੇਵਰ ਕਾਰ ’ਚ ਸਪਲਾਇਰ ਦਬੋਚਿਆ
ਉਸ ਕੋਲੋਂ ਆਸਟਰੀਆ ਦੀ ਬਣੀ 9 ਐੱਮ.ਐੱਮ. ਪਿਸਤੌਲ ਬਰਾਮਦ ਹੋਈ, ਜਿਸ ਦਾ ਉਹ ਲਾਇਸੈਂਸ ਨਹੀਂ ਦਿਖਾ ਸਕਿਆ। ਪੁਲਿਸ ਜਾਂਚ ’ਚ ਸਾਹਮਣੇ ਆਇਆ ਹੈ ਕਿ ਅਰਮਾਨ ਕਿਸੇ ਨੂੰ ਪਿਸਤੌਲ ਵੇਚਣ ਲਈ ਕਾਲਜ ਦੇ ਬਾਹਰ ਪਹੁੰਚਿਆ ਸੀ। ਮੋਬਾਈਲ ਦੀ ਚੈਟ ਤੋਂ ਪੁਲਿਸ ਨੂੰ ਢਾਈ ਲੱਖ ਰੁਪਏ ’ਚ ਡੀਲ ਹੋਣ ਦਾ ਪਤਾ ਲੱਗਾ ਹੈ।
Posted By Anuradha Bains
Publish Date: Thu, 13 Aug 2026 01:02 PM (IST)
Updated Date: Thu, 13 Aug 2026 01:05 PM (IST)
ਜਾਗਰਣ ਸੰਵਾਦਦਾਤਾ, ਚੰਡੀਗੜ੍ਹ। ਸੈਕਟਰ-32 ਸਥਿਤ ਐਸ.ਡੀ. ਕਾਲਜ ਦੇ ਬਾਹਰ ਹਥਿਆਰਾਂ ਦੀ ਡੀਲ ਹੋਣੀ ਸੀ, ਜਿਸ ਨੂੰ ਪੁਲਿਸ ਨੇ ਚੌਕਸੀ ਵਰਤਦਿਆਂ ਨਾਕਾਮ ਕਰ ਦਿੱਤਾ। ਕਾਲੇ ਸ਼ੀਸ਼ੇ ਲੱਗੀ ਐਂਡੇਵਰ ਕਾਰ ’ਚ ਘੁੰਮ ਰਹੇ ਸਪਲਾਇਰ ਨੂੰ ਪੁਲਿਸ ਨੇ ਫੜ ਲਿਆ, ਜਿਸ ਦੀ ਪਛਾਣ ਫ਼ਰੀਦਕੋਟ ਨਿਵਾਸੀ ਅਰਮਾਨ ਪ੍ਰੀਤ ਸਿੰਘ ਵਜੋਂ ਹੋਈ ਹੈ।
ਉਸ ਕੋਲੋਂ ਆਸਟਰੀਆ ਦੀ ਬਣੀ 9 ਐੱਮ.ਐੱਮ. ਪਿਸਤੌਲ ਬਰਾਮਦ ਹੋਈ, ਜਿਸ ਦਾ ਉਹ ਲਾਇਸੈਂਸ ਨਹੀਂ ਦਿਖਾ ਸਕਿਆ। ਪੁਲਿਸ ਜਾਂਚ ’ਚ ਸਾਹਮਣੇ ਆਇਆ ਹੈ ਕਿ ਅਰਮਾਨ ਕਿਸੇ ਨੂੰ ਪਿਸਤੌਲ ਵੇਚਣ ਲਈ ਕਾਲਜ ਦੇ ਬਾਹਰ ਪਹੁੰਚਿਆ ਸੀ। ਮੋਬਾਈਲ ਦੀ ਚੈਟ ਤੋਂ ਪੁਲਿਸ ਨੂੰ ਢਾਈ ਲੱਖ ਰੁਪਏ ’ਚ ਡੀਲ ਹੋਣ ਦਾ ਪਤਾ ਲੱਗਾ ਹੈ।
ਅਰਮਾਨ ਸਾਲ 2024 ਵਿੱਚ ਐੱਸ.ਡੀ. ਕਾਲਜ ਤੋਂ ਆਪਣੀ ਪੜ੍ਹਾਈ ਪੂਰੀ ਕਰ ਚੁੱਕਾ ਹੈ। ਸੈਕਟਰ-34 ਥਾਣਾ ਇੰਚਾਰਜ ਸ਼ਾਦੀਲਾਲ ਦੀ ਨਿਗਰਾਨੀ ਹੇਠ ਪੁਲਿਸ ਟੀਮ ਰਾਤ ਕਰੀਬ 8:30 ਵਜੇ ਸੈਕਟਰ-32ਡੀ ਮਾਰਕੀਟ ’ਚ ਗਸ਼ਤ ਕਰ ਰਹੀ ਸੀ। ਸੂਚਨਾ ਮਿਲੀ ਕਿ ਇੱਕ ਨੌਜਵਾਨ ਪੰਜਾਬ ਨੰਬਰ ਦੀ ਐਂਡੇਵਰ ਕਾਰ ’ਚ ਸਵਾਰ ਹੋ ਕੇ ਸੈਕਟਰ-32ਸੀ ਸਥਿਤ ਐੱਸ.ਡੀ. ਕਾਲਜ ਦੇ ਬਾਹਰ ਚੱਕਰ ਕੱਟ ਰਿਹਾ ਹੈ।
ਕਾਰ ਦੇ ਸ਼ੀਸ਼ੇ ਵੀ ਕਾਲੇ ਦੱਸੇ ਗਏ ਸਨ। ਸੂਚਨਾ ਮਿਲਦਿਆਂ ਹੀ ਪੁਲਿਸ ਟੀਮ ਕਾਲਜ ਦੇ ਬਾਹਰ ਪਹੁੰਚ ਗਈ। ਪੁਲਿਸ ਨੂੰ ਦੇਖਦਿਆਂ ਹੀ ਚਾਲਕ ਨੇ ਕਾਰ ਪਿੱਛੇ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਕਾਰ ਬੰਦ ਹੋ ਗਈ। ਇਸ ਤੋਂ ਬਾਅਦ ਦੋਸ਼ੀ ਕਾਰ ਛੱਡ ਕੇ ਭੱਜਣ ਲੱਗਾ, ਜਿਸ ਨੂੰ ਪੁਲਿਸ ਨੇ ਦਬੋਚ ਲਿਆ। ਤਲਾਸ਼ੀ ਦੌਰਾਨ ਉਸ ਦੇ ਕੱਪੜਿਆਂ ’ਚੋਂ ਪਿਸਤੌਲ ਬਰਾਮਦ ਹੋਈ।
ਮੋਬਾਈਲ ਚੈਟ ਨੇ ਖੋਲ੍ਹੇ ਹਥਿਆਰਾਂ ਦੇ ਸੌਦੇ ਦੇ ਭੇਦ
ਪੁਲਿਸ ਨੇ ਦੋਸ਼ੀ ਦਾ ਮੋਬਾਈਲ ਖੰਗਾਲਿਆ ਤਾਂ ਉਸ ’ਚ ਹਥਿਆਰਾਂ ਦੀ ਖਰੀਦੋ-ਫਰੋਖਤ ਨਾਲ ਸਬੰਧਤ ਚੈਟ ਮਿਲੀ। ਦੋਸ਼ੀ ਦੀ ਸਪਲਾਇਰ ਅਤੇ ਖਰੀਦਦਾਰ ਨਾਲ ਗੱਲਬਾਤ ਚੱਲ ਰਹੀ ਸੀ ਅਤੇ ਉਹ ਕਰੀਬ ਢਾਈ ਲੱਖ ਰੁਪਏ ਵਿੱਚ ਪਿਸਤੌਲ ਵੇਚਣ ਲਈ ਪਹੁੰਚਿਆ ਸੀ। ਪੁਲਿਸ ਹੁਣ ਉਸ ਵਿਅਕਤੀ ਦੀ ਭਾਲ ਕਰ ਰਹੀ ਹੈ ਜਿਸ ਕੋਲੋਂ ਦੋਸ਼ੀ ਹਥਿਆਰ ਲੈ ਕੇ ਆਇਆ ਸੀ ਅਤੇ ਜਿਸ ਨੂੰ ਪਿਸਤੌਲ ਦਿੱਤੀ ਜਾਣੀ ਸੀ। ਟੀਮਾਂ ਪੰਜਾਬ ਰਵਾਨਾ ਹੋ ਗਈਆਂ ਹਨ।