ਏਮਜ਼ ਮੁਹਾਲੀ 'ਚ ਨਵੀਂ ਤਕਨਾਲੋਜੀ ਦਾ ਇਨਕਲਾਬ, EBUS ਤੇ ਥੋਰਾਕੋਸਕੋਪੀ ਨਾਲ ਫੇਫੜਿਆਂ ਦੇ ਕੈਂਸਰ ਤੇ ਟੀਬੀ ਦੀ ਪਛਾਣ ਹੋਵੇਗੀ ਬੇਹੱਦ ਆਸਾਨ;15 ਮਿੰਟਾਂ 'ਚ ਮਿਲੇਗੀ ਰਿਪੋਰਟ!

ਡਾ. ਅੰਬੇਡਕਰ ਸਟੇਟ ਇੰਸਟੀਚਿਊਟ ਆਫ਼ ਮੈਡੀਕਲ ਸਾਇੰਸਿਜ਼ (ਏਮਜ਼ ਹਸਪਤਾਲ) ਫੇਜ਼-6 ਵਿਚ ਹੁਣ ਫੇਫੜਿਆਂ ਦੇ ਕੈਂਸਰ ਅਤੇ ਟੀਬੀ ਦੇ ਲੱਛਣਾਂ ਦੀ ਆਸਾਨੀ ਨਾਲ ਪਛਾਣ ਹੋਵੇਗੀ। ਇੱਥੇ ਇਹ ਜਾਂਚ ਪ੍ਰਕਿਰਿਆ ਈਬੀਯੂਐੱਸ ਅਤੇ ਥੋਰਾਕੋਸਕੋਪੀ ਸਿਸਟਮ ਨਾਲ ਹੋਵੇਗੀ ਅਤੇ ਮਰੀਜ਼ ਦੀ ਫੋਟੋ ਕਲਿੱਕ ਕਰਨ ਮਗਰੋਂ ਮਹਿਜ਼ 15 ਤੋਂ 20 ਮਿੰਟ ’ਚ ਕੈਂਸਰ ਤੇ ਟੀਬੀ ਦੇ ਲੱਛਣਾਂ ਬਾਰੇ ਪਤਾ ਲੱਗ ਜਾਵੇਗਾ। ਮੁਹਾਲੀ ਪੰਜਾਬ ਦਾ ਪਹਿਲਾ ਸ਼ਹਿਰ ਹੋਵੇਗਾ, ਜਿੱਥੇ ਇਨ੍ਹਾਂ ਘਾਤਕ ਬਿਮਾਰੀਆਂ ਬਾਰੇ ਪਹਿਲੇ ਸਟੇਜ ’ਤੇ ਹੀ ਪਤਾ ਚੱਲ ਸਕੇਗਾ। ਇਸ ਵਿਧੀ ਲਈ ਮੈਡੀਕਲ ਸਟਾਫ਼ ਵੀ ਵੱਖਰਾ ਹੋਵੇਗਾ। ਹੁਣ ਸਿਰਫ਼ ਪੀਜੀਆਈ ਵਿਚ ਹੀ ਇਹ ਸੁਵਿਧਾ ਹੈ।